1仔便當 (已結業)

買個外賣炒飯罰企15分鐘，眼見後面啲人都拎晒，全程我無行開過，我張單號碼後面過左廿個號碼都見拎晒仲未有我份，個員工勁唔耐煩甘話炒緊牙，我問下有無漏單姐，態度其差，唔會再幫襯

九龍灣附近食個快lunch，呢間真係快得來又幾平！要食緊係食最受歡迎的幾款食物，每款都係$60樓下，真係窮人恩物～見到都有d 人來快食。點餐後都好快上菜，趕時間都唔怕。1️⃣ 馬來炒貴刁（$56 ）- 咖哩味幾重同香口惹味，同炒得幾乾身。2️⃣ 鮮茄焗豬扒飯（$58）- 好夠蕃茄味，啖啖juicy蕃茄香，豬肉淋香3️⃣ 麻辣手撕雞飯（$58）都真係好夠辣！如果附近返工，的確係唔錯嘅快食之選，餐廳內有高枱可以坐低食。

落雨濕濕冇街去，一於約朋友仔返屋企食飯啦。幾個小朋友，我哋叫咗啲到會。ONE’S BENTO有各款套餐，多人少人都可以order。Menu選擇好多，派對小食同埋煎炸食物最吸引！！！小朋友最鍾意。我哋食咗椒鹽豬扒炒公仔面、炸唐揚雞塊同埋蟹肉薯餅，每一款食物都份量十足㗎。椒鹽豬扒炒公仔麵味道濃郁，公仔麵爽口，椒鹽豬扒都幾鬆軟，唔係炸到乾爭爭嘅豬扒。炸唐揚雞塊味道唔錯，點茄汁或者沙律醬都好食。蟹肉薯餅一定要即刻食，新鮮熱辣辣好味。下次多啲人嗌多啲其他款式試吓。

SETA 約3-5人 自選3款 $488SETB 約5-8人 自選5款 ＄788SETC 約8-12人 自選9款 ＄1288 SETD 約12-18人 自選12款 $1988套餐A-D均奉送：芒果布甸🍮但佢無送到比我🥲‼️不過送左個咖喱角🥹Set A $488👉🏻瑞士汁炒牛肉河粉 河粉軟嫩有嚼勁，口感細膩，與嫩滑的牛肉完美搭配。瑞士汁的酸甜口味與牛肉的鮮香相得益彰，讓人吃了回味無窮。整道菜色澤鮮艷，看起來十分誘人，是一道令人食慾大開的菜式。👉🏻日式蟹子沙律 清爽可口的新鮮疏果搭配沙律醬和蟹子，口感豐富，讓人食指大動。而沙律醬汁的酸甜味道與蟹子的鮮味相得益彰，讓整道菜色香味更加突出。👉🏻椒鹽雞軟骨 外酥內嫩、口感香脆。裹上了椒鹽混合的調味粉的外層，炸至金黃酥脆，咬下去爽脆可口。而內裡的雞軟骨則保有軟嫩的口感，讓人感覺十分想吃。椒鹽調味的鹹香味更讓人食慾大開，是一道美味可口的小吃，讓人吃了難以忘懷。👉🏻咖喱角口感酥脆、香氣四溢，讓人垂涎欲滴。內餡有少量咖喱蔬菜和肉類的混合物，不過有些太油膩。

今天lunch去1仔買左個福建炒飯，送餐湯。個餐湯係紅蘿蔔青蘿蔔湯，個湯只要足料都幾甜。至於個福建炒飯，首先叫得炒飯一定是炒飯底，點知係白飯。芡汁唔夠味，餸就一般。性價比好低，唔會返叫。

物價高漲，想平平哋但又坐得舒服，今天去了這間餐廳食下午茶。下午茶的款式選擇都算多，有豉椒排骨飯、雪菜肉絲炒米、椒鹽豬扒炒公仔麵，竟然連歐陸式扒餐也有，可以選牛扒、雞扒、又有吉列豬扒和魚柳，還可以配薯條或雜果沙律，真是林林總總，非常多款。我叫了瑞士汁炒牛河，非常有鑊氣。雖然只是$40，但份量也不少。河粉炒得爽不會過冧。牛肉調味甚佳，加上少少瑞士汁，不會太乾，有地道茶餐廳的風味😀朋友叫了馬來炒貴刁，很多材料，芽菜勁多，好友馬來西亞菜的特色。雖然下午茶餐只是$40但已包了飲品。咖啡味香濃，奶茶又滑，實在是一個又便宜又美味的下午茶餐！

第一次係OpenRice 寫食評 就獻左比1仔便當😂 雖然之前喺WhatsApp同埋社交平台都有讚過，但1仔便當嘅服務同食物質素真係好值得我喺OpenRice寫一篇食評去大讚👍🏼其實幫襯過1仔便當好多次，無論係到會定係盆菜，1仔便當次次都唔會令我失望，食過嘅親戚朋友都會大讚👍🏼年初一已同親戚試過招牌盆菜同海味盆菜，食完之後一直想搵機會encore，今日情人節，又凍凍地，又唔比出街食飯慶祝，最好最方便就係叫個盆菜返屋企慢慢嘆😋今日order咗4-6人招牌盆菜（$668）先講食物質素，盆菜攞到返屋企仲係暖，每樣材料都非常新鮮，食得出絕對係即日整，唔係賣隔夜料。我哋一攞到返屋企就即刻翻熱食。大花菇真係好大舊，食完一舊都飽飽地，又夠「淋」同入味👍🏼鍾意食肉嘅，一定要食脆皮豬手同埋扣肉，真係好食到痴左線！扣肉超「淋」超入味，仲要超大舊，再搭埋入面嘅梅菜，真係可以送一碗飯。（知道食盆菜好飽，但真心建議煲定飯嚟送扣肉😂）豬手啲皮加熱完都仲係脆，豬手又勁足料，真係成隻上，仲有條骨可以比飲酒嘅爸爸慢慢「選」，食完真係勁開心勁滿足！今次令我有驚喜嘅係潮洲大魚旦，一盆足足有6粒，每粒都大過乒乓波，最緊要係真

好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗🤗新年又點可以唔食返個盤菜呢～ 朋友揀咗呢間試下！因為送貨要加$160，我哋有抵得諗嘅朋友去咗自取！🍴招牌盤菜 4-6人（$688）呢個盤菜我覺得係6人分量嘅，有D餸係6件！有16款嘢食！1️⃣古法炆扣肉，呢個非常入味，半肥瘦厚切大大片，肉質鬆化，油香味十足！2️⃣蠔汁鴨掌6隻，鴨掌煮得軟硬適中，入味呀！3️⃣ 旺氣髮菜，呢個一睇相就知份量足，真係唔使要雪雪生髮水啦😂4️⃣秘製豬皮，勁大片又好厚，仲要超多，佢個秘製汁同一般嘅盤菜豬皮好唔同，好爽口彈牙5️⃣名爐燒鴨，勁大排！ 6️⃣長洲大魚旦6粒，彈牙又大大粒！7️⃣貴妃雞，重點係一D都唔嚡！8️⃣脆皮咸豬手，呢款係盤菜中比較少見，雖然個皮已經唔脆（咁我哋下晝攞夜晚食），但係佢真係堅德國咸豬手味wor！9️⃣蠔皇大花菇6隻，夠軟夠入味！🔟清甜蘿蔔，入味又冇根！1️⃣1️⃣南乳支竹，呢個就唔夠南乳味嘅～1️⃣2️⃣肉汁蓮藕，略為少少太大舊1️⃣3️⃣原粒柱脯6粒，雖然放響面我哋又擺咗成個下畫又整唔熱佢，硬咗少少，但真心每人一粒大大粒… 係開心嘅～1️⃣4️⃣高湯旺菜，正常1️⃣5️⃣酥炸芋頭，呢個都係太大舊，我冇食到1️⃣6️⃣西蘭花朋友話佢去攞時先啱啱整好熱辣辣嘅，雖然

韓式豬脾飯,五十幾蚊,超級多肉,多到你估唔到! 飯量都好多,多到食剩左dd. 仲有個湯,唔同日子有唔同湯,仲有好多湯渣可以食埋,個湯清甜, 真係好抵食!如果叫焗飯既就要耐d啦, 有日試左個龍蝦汁三文魚帶子焗飯, 得好少三文魚, 帶子影都唔見…第日一定唔會再叫焗飯!其實佢都有好多檯,可以堂食, 第1 日黎都有幾個坐係度食緊, 第二次就一個都無. 不過佢呢間主要做外賣多, 有時姐姐係到睇電話出單,應該係幫緊經online填form既客人落單, 要等下. 雖然我即場叫都只係5-10分鐘就有得拎, 但如果你係趕時間/唔想浪費時間既, 先係office落單,隔一陣黎拎, 唔使等都幾好.

裝修左之後唔知係唔係轉左人手，飯盒份量少左好多。飯餸比例唔make sense，飯就正常份量，啲餸就得嗰少少，牛扒豬扒薄到誇張，普通一間茶餐廳同一個價錢都抵食過依個。味道方面唔差，正正常常，但份量方面真係伏左啲。

在疫情下新開的良心茶餐廳💛是位於紅磡的1仔冰室新開的分店，主要服務九龍灣商業區的上班族。因為防疫關係未能提供堂食，而且掛著便當的牌頭🍱相信對自家外賣出品相當有信心。 .餐牌中包羅萬有📘由鑊氣炒粉麵飯到焗飯天使麵都有，如果有選擇困難症的人來到肯定會徘徊良久，今次我決定簡簡單單試下最有特色鑊氣的選擇🔥 .🍝XO乾炒雞扒公仔麵 $52 7.5/10XO醬源自香港，是最有名的特色醬料之一👍加上炒公仔麵這種煮法更添風味，雞扒煎得夠乾身，XO醬有效掩蓋了冰鮮雞的雪味😋不過鑊氣和油量都成正比。配料令炒麵多了爽脆的口感，份量頗大，足夠吃飽有餘。

黃店 舖入面嘅人都勁好人！！！Lunch hour黎食野 第一次食 杯野飲唔岩味會即刻換過杯新嘅🥺 食手撕雞飯 想加啲汁 佢又會加啲啲雞🤤🤤🤤店員勁care 我地食飯嘅環境同質素 舖頭入面仲有好多黃色產品可以買 真係令到我一向嫌麻煩唔打食評嘅我 都要係度打番兩句 支持下佢地😆💛💛💛💛💛

一個史上最熱的五月已成絕響，到六月中旬的這個中午，還是33度，沒辦法，只好買外賣 ...1仔冰室不是第一次光顧，它無論是炒粉麵，甚至簡單的叉燒蛋飯，都做得很棒。但要中暑了，熱到根本沒有食慾，怎麼辦？嚇然發現1仔店內的菜單上，原來除沙律外是還有其他凍食，簡直像在沙漠中找到綠洲！這個蕎麥冷麵，配蟹肉蟹子沙律及兩隻溫泉蛋，纖維及營養兩全其美，而那冷麵汁，用一個闊口小杯盛著，方便夾上一小口麵，放進小杯中沾冷麵汁 ... 連外賣也照顧得這麼周全，無得頂。

今日中午叫左北海道太子炒飯，成大盒飯有少量炒蛋白，三粒雪藏蝦（明明圖片係有五隻蝦）仲有菜芯碎，盒飯冇味，可能冇落鹽，似食白飯，去茶餐廳食楊州炒飯好過，以後都唔食喇...超級難食

📍#九龍灣 #黃店 #打工仔的日常 #午餐食咩好 🧐菠蘿生炒骨@紅米飯 🍚 算幾好食✔️仲可以網上落單 去到就可以攞 🔥重點係唔使等📍： 九龍灣大渣哥對面 （涼茶鋪隔離）📍#九龍灣 #黃店 #打工仔的日常 #午餐食咩好 🧐菠蘿生炒骨@紅米飯 🍚 算幾好食✔️仲可以網上落單 去到就可以攞 🔥重點係唔使等📍： 九龍灣大渣哥對面 （涼茶鋪隔離）🔥🔥🔥🔥🔥🔥🔥🔥🔥📍🔥📍🔥🔥🔥🔥🔥🔥🔥🔥🔥