影片
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
今日黎到葵芳 朋友們話落雨天要飲手搖😗 知道新都會廣場有間台灣嘅手搖 龜記茗茶 出名健康茶底 一於去試試佢😌 睇睇餐牌 醇茶、鮮調茶、古早味、醇奶茶、鮮奶茶、鮮蜂蜜 好多選擇呀😍 諗左好一陣終於落單😆 柳丁翡翠叫左一分糖 新鮮嘅橙汁 加埋綠茶 依家呢啲濕漉漉嘅天氣飲 真係好fresh😌 三十三茶王奶茶果然係龜記推薦 烏龍茶底 茶味好香 叫左一分糖 茶味會淡少少 叫返少冰中和返😬 碎銀普洱珍珠鮮奶茶好少飲到手搖係有普洱茶葉 味道幾特別 唔係平時飲茶咁濃味同苦澀 佢係淡淡嘅普洱茶香 用上新鮮鮮奶 叫左無糖 珍珠少少甜 煙靭有咬口 加埋味道啱啱好😋 紅柚翡翠一分糖 滿滿嘅紅柚肉 配上清新綠茶 酸酸甜甜 越飲越開胃 大推😍 甘蔗四季春叫左一分糖 輕輕甘蔗嘅甜味 又唔會蓋過四季春嘅茶味 第一次試用甘蔗代替糖 又幾好味😬 整體來講 呢間 龜記茗茶 飲品種類眾多 店員服務態度好 見到佢仲有冬日暖飲 等冬天嘅時候一定要嚟試吓😌
繼續閱讀
作為於葵涌區工作的社蓄，最期待就係放飯時間，食完午餐後同事提議買杯茶飲，於是一行五人去到新都會廣場「龜記銘茶」。今次我們點了五杯飲品，全靠五杯飲品支持我們繼續返辦公室工作。 首先我點左旺梨四季春，見係新產品未試過，作為中女同事我揀左5分糖和3分冰，果然無揀錯，十分清新可口，飲得出茶的清香與菠蘿的甜味，作為剛食飽中和一下油膩的飯後飲品十分推介。另一個中女同事落單花沬烏龍奶茶，跟從店員的推薦揀左5分糖以上，這樣能更好突出茶味，果然，茶香濃郁，搭配奶香，同事幾啖已經飲左半杯。 年青同事選擇了全糖全冰極品鮮奶茶，濃厚的奶香同茶味完美融合，口感順滑，見到同事飲得十分滿足。而柳丁翡翠去冰1分糖，清新的橙香，甜度淡淡感覺健康好多，十分清爽。最後，紅柚翡翠的微苦和清甜形成平衡，今次大家都對揀選飲品十分滿意。雖然唔係第一次買龜記，但大家都覺得佢選擇夠晒多! 另外，店員友善態度都值得一讚，落單店員會友善問糖度冰度，會按每款飲品的特點建議合適的甜度，例如奶茶不宜要低於5分糖等，讓顧客獲得最佳的飲用體驗。即使我們叫五杯飲品，但落單後製作員工動作十分迅速，完美趕得及食完午餐買好飲品準時回到工作崗位，為下午的工作注入了新的活力。
繼續閱讀
葵芳新都會廣場呢間嘢飲舖 hashtag搞到我忍唔住衝入去！試咗三杯 真係有驚喜啊🍵✨ 1️⃣蜂蜜花沬烏龍第一啖飲落去——哇！蜂蜜嘅甜同烏龍茶嘅清香撞到正💥 花沬綿密到好似飲緊雲朵☁️ 甜度啱啱好 唔會fake咗茶味 飲完成個喉嚨涼浸浸 夏天飲真係爽到震！2️⃣ 花沬烏龍奶茶奶茶怪尖叫！👻 茶底超濃郁 花沬仲要係「duang duang」咁彈牙 飲落去似奶茶+奶蓋嘅私生仔 但係！建議叫少甜 因為本身花沬已經帶少少甜味 飲完成個嘴係香嘅 抵讚！3️⃣ 碎銀普洱茶名就夠哂玄（仲以為真係有銀碎飲🤣）普洱味濃到痺 帶啲陳皮香 飲落去個口感居然有啲「沙沙哋」好過癮！食完油膩嘢飲真係解膩神器
繼續閱讀
龜記開左係葵芳新都會！收工同一班同事一齊去買黎飲放鬆下！我地叫左蘋果紅萱加蘆薈（一分糖）👍🏻👍🏻👍🏻，淡淡嘅蘋果香味，加咗蘆薈令口感更加有層次，飲落去爽口又清新。蘆薈夠晒甜但又唔會搶咗果味嘅天然香氣。旺梨四季春（一分糖）👍🏻👍🏻，梨味幾清甜自然，四季春嘅茶底濃郁，令整體飲品更加平衡。一分糖將茶味同果香結合得幾好，唔會太甜膩，但可能對鍾意濃味嘅人嚟講會覺得梨味唔夠突出。紅柚翡翠（一分糖）👍🏻👍🏻，有紅柚肉粒！清香同微微嘅酸甜味，翡翠茶底清新解渴。一分糖嘅甜度令紅柚嘅果香更加顯眼，但茶味相對地冇咁強。整體輕盈爽口，適合鍾意飲果茶又唔鍾意太甜嘅朋友。三十三茶王珍珠奶茶（三分糖）👍🏻茶味濃郁，奶香同茶底平衡得唔錯，加咗珍珠令口感更加豐富。三分糖啱啱好，唔會太甜亦唔會太淡，適合鍾意茶味重啲嘅人。不過，如果鍾意甜奶茶嘅人可能會想加返啲甜度。蜂蜜花沫烏龍蜂蜜🍯👍🏻👍🏻一款香氣比較突出嘅飲品，烏龍茶底帶有少少焙香，配埋蜂蜜嘅天然甜味，整體感覺柔和又唔膩。呢杯飲品啱啱好可以突出烏龍嘅茶香同埋蜂蜜嘅濃郁。比未飲過既大家參考下
繼續閱讀
今天下午， 我去到葵芳興芳路223號新都會廣場2樓266號舖龜記茗茶（葵芳） 外賣， 一次叫了五杯凍飲。 回家後，每一杯慢慢品嚐。凍蜂蜜四季春$30凍翡翠綠茶$23凍甘蔗四季春$32凍紅柚翡翠$39.0凍柳丁翡翠$36.0每一款飲品不僅美味，服務也相當周到，讓人感受到賓至如歸的溫暖。
繼續閱讀
您可能會有興趣的...