龍鳳店 (已結業)

剛做婚紗fitting見很夜了仍未食飯，便揸車來這間慣常來的店食蛇羹。我們要了2個一人餐，不作他選。蛇羹: 帶藥材味而濃。有好多蛇肉夾上木耳等，很好食。任食脆脆: honey's favourite。食完"中式薯片"又再往鄰桌那罐添食，真可惡，食脆脆多過蛇! 不過，脆脆都不差，但我食蛇羹只會伴5-6片脆脆。蛇湯: my favourite。中學時代在觀塘食過蛇湯後便愛上了。很喜歡它清湯味濃帶藥材的感覺，感覺很溫暖，很熱，要除衫了... 蛇汁雞飯: 其實不太明白如何蛇汁? 不過，個飯很大碗，雞亦浸得滑又係好香既。不過我次次食完蛇湯及蛇羹已飽了，只好帶走雞飯設家。

十二月下旬秋風起後三蛇肥，食指動也，遇上冷雨寒潮，會想到一碗健脾活血的蛇羹，源於嶺南的飲食文化，蛇作龍、雞作鳳，是夜造訪龍鳳爭豔的龍鳳店，一嚐平民味道的龍鳳菜。只叫了$75的蛇汁雞及蛇羹餐，蛇湯底沒蛇王芬那麼甜，蛇肉雖粗卻是愈嚼愈覺有甜美，是以秘方另作處理再放湯吧，很不錯，是碗性價比合理的蛇羹。更多龍與鳳故事分享＠http://foodxfile.blogspot.com/2010/01/blog-post_03.html#more

21-11-2009記得 10 幾年前福佬村道有間「蛇王東」, 門口一籠二籠新鮮蛇「sssssss 聲四起」, 細個時次次路過都好驚, 更唔明點解會有人食蛇, 但而家就梗係無嘢啦. 是日天氣好似又凍返, 就落嚟試試驚了好多年的蛇羹. 叫了碗大的 (好似 $36), 份量就同上環嗰間的 (http://www.openrice.com/restaurant/commentdetail.htm?commentid=2044172) 差不多. 湯底屬「稀」質地, 似「湯」多過「羹」, 飲落帶藥材及陳皮味, 少少甘多多濃甜, 正 蛇肉好多, 粗如我 d 手指 , 配上冬菇, 木耳及薑絲, 咬口十足, 幾好食喎 檯上亦供應薄脆及檸檬葉任落, 是日只落了薄脆, 不過薄而唔多夠脆, 感覺亦唔太新鮮, 可以不試.環境光鮮企理, 口操鄉音的伙計阿叔們亦幾友善, 奇怪點解食客小貓兩三隻?放低 $36 離開, 雖然我還是喜歡上環 (見上文) 及灣仔 (http://www.openrice.com/restaurant/commentdetail.htm?commentid=2044172) 的蛇羹

仔仔想食蛇羹, 上網搜尋發現九龍城的龍鳳店得到不少好的評價, 今晚就出發去食了 套餐A 包括了龜湯一碗, 蛇羹一碗同蛇汁雞飯一碗, 兩個人食一個餐已經很足夠, 因為第一: 碗雞飯幾大碗, 已經有碗半飯的份量, 第二: 蛇羹都係可以飽肚的食物呢 首先碗龜湯, 味道好好, 飲完個肚好暖, 唯一一樣唔好係好似殘忍少少 不過碗湯無龜的肉, 所以殘忍的感覺無咁強烈, 但味道係好好; 之後到個蛇羹, 蛇柳的份量很多, 而且仲好新鮮, 肉有彈性, 而且加入了雲耳等材料煲, 自己再加薄脆同菊花食, 都好好味; 最後係個雞飯, 雖然食唔出有蛇汁味, 但係雞肉比起好多燒腊店的白切雞更好食, 加上夠大碗, 成個套餐都好有水準! 秋風起, 三蛇肥, 不知到其他蛇類產品好唔好, 但係相信應該都唔會太差的了

仔仔想食蛇羹, 上網搜尋發現九龍城的龍鳳店得到不少好的評價, 今晚就出發去食了 套餐A 包括了龜湯一碗, 蛇羹一碗同蛇汁雞飯一碗, 兩個人食一個餐已經很足夠, 因為第一: 碗雞飯幾大碗, 已經有碗半飯的份量, 第二: 蛇羹都係可以飽肚的食物呢 首先碗龜湯, 味道好好, 飲完個肚好暖, 唯一一樣唔好係好似殘忍少少 不過碗湯無龜的肉, 所以殘忍的感覺無咁強烈, 但味道係好好; 之後到個蛇羹, 蛇柳的份量很多, 而且仲好新鮮, 肉有彈性, 而且加入了雲耳等材料煲, 自己再加薄脆同菊花食, 都好好味; 最後係個雞飯, 雖然食唔出有蛇汁味, 但係雞肉比起好多燒腊店的白切雞更好食, 加上夠大碗, 成個套餐都好有水準! 秋風起, 三蛇肥, 不知到其他蛇類產品好唔好, 但係相信應該都唔會太差的了

想起想食蛇羹或者雞，我就會想起黎到，今晚8點黎到，一如以往，人唔多，得兩三檯，坐低叫左半隻蛇汁雞，一碟生炒骨，一小窩蛇羹(有6-7碗份量，好抵食)。見餐牌多左D套餐同野食，下次黎可以叫套餐。食物一如以往唔錯，係個生炒骨無咁脆，差少少，其它都好味，蛇羹料足又唔太傑，下次黎食煲仔飯。一間價錢唔貴，食物唔差既食店，唔知點解真係人流唔多，希望佢繼續生存到啦，唔係想食蛇羹又少個好地方去。

九龍城賣蛇的, 找到了龍鳳店, 在這裡查食友的評語, 見到 openrice 的"元老" gourmet kc 寫了一篇不錯的評語, 於是決定今晚去食點知去到首先係嚇了一跳 因為八點鐘居然沒有客人, 個心不禁寒一寒, 難道唔好食? 無理由吖, gourmet kc兄的食評係好權威的呀既然都來了, 便叫了一碗蛇鯁及一碗蛇汁雞飯食, 蛇鯁好足料, 蛇柳又多, 肉又鮮, 蛇肉有彈性, 熱辣辣的端上桌, 自己再加菊花, 薄脆食, 完全係美食一碗!雞飯都係熱辣辣, 幾件雞件唔係雪雞, 係冰鮮的, 雖然唔係絕頂好食, 但係都ok吖, 何以如此質素的食物會拍烏英?唔明, 但係我覺得好食, 就在此撩一筆, 大家有興趣去印證印證

尋晚落大雨, 一個人在九龍城搵食, 見龍鳳店無人 (可能打風, 條街都唔多人), 就入去食碗蛇更充飢去呢度的蛇更, 兩個字 "好味!", 蛇肉夠多, 仲好有咬頭, 用菊花辦, 薄脆撈嚟食, 真係一流, 配料好足, 食落唔會覺得只係得"更", 鍾意蛇更唔會太杰, 太杰通常因為落得多粟粉之類, 我好憎呢種做法, 不過龍鳳店的蛇更就係較流質的湯, 用足料煲令到佢好食, 抵讚咁好食, 但係唔知點解無咩客..

十月十二‧晴可能你會問「咳你仲食蛇？」，我通常會答「我就係食左蛇至咳！」。秋風起，話咁快又到吃蛇的季節，來這裡吃碗細蛇羹。這裡的蛇羹，料不算很多，但看真一點，好像所有在內的都是蛇肉，是雞絲或肉絲都好像是沒有的，幾奇怪。蛇湯底幾甜，也帶點藥材味，亦嚐到果皮的味道，芡不算推得厚，也算合意；內有冬菇絲、筍絲、木耳絲等等，雖然切得頗大條，口感上是不錯。加上薄脆及檸檬葉絲，也算是及格的蛇羹。至少堂堂九龍城也難有另一個選擇，在這一區也好像是只此一家。26蚊一碗小的，一試無妨。

在某個天氣仍然寒冷的周日晚上, 食一個2人餐蛇羹不杰, 好有果皮味, 蛇肉好大條龜湯很甜, 有回甘蛇湯很濃, 但與龜湯相比明顯失色滑雞煲仔飯的飯焦好靚, 但雞略少, 還有很多骨油菜, 無選擇的生菜, 好行貨食物加價錢加服務, 都笑得出既

得番十度，於是去食蛇暖暖肚．．我叫既係一個套餐，包括左一碗蛇羹,一碗蛇湯,同埋一碗蛇汁雞飯！個蛇羹比較杰，我估落左栗粉之類，不過味道唔係差，至於個蛇湯熱辣辣，飲完個身真係好暖，正！蛇汁雞飯只是一碗普通的雞飯，食不出有蛇汁味，可能其實蛇汁本身係無味掛？？但係味道都唔係差！

凍到抽根根!得十一度..入店內即刻叫碗蛇羹食先..味道..正!蛇羹,所以蛇肉一定份量唔可以少,呢點他做到了!而且火喉十足!加左果皮煮,味道更好!這次是第一次小弟用相機影食物

我們一家四口到這店食晚餐,因為天氣真係好凍呢!首先媽媽來一副百花蛇膽,見師父把蛇膽混在燒酒,我就唔敢食了,媽媽仲叫我一定要試吓,聽說很補身的!我和妹妹都是吃一些比較正常的食物吧!煲仔雞飯香噴噴,飯焦都算好,因為唔會太燶,薑片發揮了香味的作用!蛇羹好好吃,蛇肉很多落足料,無欺場!味道好!仲有個蛇湯,但藥材味很重,我就唔係好接受,但見亞爸飲得津津有味,應該味道唔差!問他,他話係!好似唔夠食,再加碗蛇汁雞飯,雞肉大大件,好抵食呢!食完,幾滿足咁返屋企!

龍者,蛇也!鳳者,鷄也!即係蛇同鷄既食店!是夜,叫了個$55既套餐,有蛇汁鷄飯一大碗,蛇湯,同蛇羹一碗!蛇汁鷄飯,鷄件大大件,問心,唯一8缺點係雞皮脂肪太厚!但係份量十足,唔差!蛇湯熱辣辣,飲左成身暖哂,好!蛇羹味道真係唔錯,加埋菊花同薄脆仲好食!天氣凍,呢度食野係一個好選擇!

今日去食Lunch一碗雞飯HK$28.00 一碗湯HK$34Pay 100 找回HK$33 我問點解,老板話我碗雞飯再加薑蓉要加HK$5,