龍騰茶餐廳 (已結業)

番夜班半夜收工 ，經過屋企附近間茶餐廳，就入去試下。見到仲有24小時供應碟頭飯，就叫左呢個洋蔥汁豬扒煎午餐肉飯。午餐肉煎得幾好味，個豬扒都唔錯，唔會太乾，個汁都好味，正。半夜4點幾係長沙灣仲食到正常既飯已經好滿足，哈哈，(因為長沙灣d野都唔多好食。)

睇完午夜場，要番屋企附近食個宵夜。。。路過呢間茶記望到24小時營業喎，就試下啦！都成02:30 am，見仲有小菜可以叫喎咁就叫左個支竹斑腩煲，連白飯，連中湯d班腩脆得黎唔算好油，好有口感，入味，d支竹都好入味！仲有d豆豉汁送飯，正，個餐都幾好味，有埋中湯飲，滋潤下半夜都食到呢d算唔錯啦，價錢都唔太貴！推介

多聞好吃的生炸脾在日月星、時新雖尚未有機會一試但聽說長沙灣有兩間店亦有出色的生炸脾喜歡油脾的我今天來到便決定試試多年未嚐的炸脾炸脾，重點在生炸而不是翻炸或先滷再炸這其中一間的茶記不出名甚麼，就是生炸脾有保證外賣炸脾打算邊行邊吃我還是喜歡把這些當作街頭小食(雖然常吃得很"論盡")炸脾($15; 外賣+$1)一看便知不是乾炸而是生炸！(我從送餐口位看進去剛好看見師傳們正拿起一頭已全脫毛的生雞打算斬、不知是否我下單後即斬的那隻呢"應該不是喇"哈)熱辣燙手的溫度讓人急不及待要送進口皮薄而酥脆、皮下脂肪不多肉厚嫰而多汁、全無雪味雖然吃起嘴角必沾油但吃下去卻不覺油膩因為肉質嫰又juicy，所以反有多吃一隻也不熱氣的感覺當然並不至於要回頭翻兜多隻龍騰的生炸脾，是出色的。原本外賣是用發泡膠盒的但因我說是打算拿著即食的可是他們並不是小食店、沒有那些紙袋新鮮炸好的雞脾亦太熱不能就這樣放在會熱溶的膠袋中炸脾的師傳出來替我找來數張牛油紙包著、再放入袋包並著我小心燙手應該是這時正值下午才能享受這種細心的服務吧?!(笑)我只是外賣、阿姐的態度也沒甚麼特別不過這位師傳人比較好就是真的

一個風簫簫的晚上, 當然係食煲仔飯的時機, 來這間茶記因為同友人B來過食午餐-不過不失這晚想吃一點熱騰騰的東西,於是乎選擇了雙雞煲仔飯, 田雞/滑雞, 等了差不多20分鐘聞到飯焦味, 叫老闆去睇睇, 再煮多了5分鐘拿出來了, 出奇地食到尾又唔覺個底好多焦, 兩種雞肉都剛剛熟, 好滑溜下, 調味唔狩重手啱我地口味, 個鼓油少甜配合到滑雞肉,重有兩粒冬菇送添, 最難得的是價錢只係$48 雖然是9點多人客唔多, 可能同這區是住宅區有關,

無心下search 到一個食評家讚呢間嘢嘅'生炸'雞肶, 就算地方唔太就腳都決心嚟試下。長沙灣天悅廣場出口, 找了個熟呢頭嘅friend帶路, 好快便到。來到約7:45, 星期五理應好多人dinner, 但仍然有好多位, 個心有D擔心。叫了一隻炸雞肶 ($15蚊), 一個薑蔥魚腩煲仔飯($38蚊), 加凍0茶兩杯。知道煲仔飯—定要等好耐, 點知生炸雞肶都要等上15至20分鐘...雞肶先嚟, 個樣好得, 因為要share食, 所以要用刀叉。一切落去...嘩!D汁'必'哂出嚟, 個皮又脆卜卜, 點埋茄汁, 絕配。事實真係好好味, 雞肉幼滑, 絕無雪藏味, D汁好juicy。煲仔飯上檯, 侍應都有提待三分鐘後才打開落鼓油 (當然其他服務態度都好—般啦 )。魚腩煲好蝦人整, 不過呢道都算不過不失。魚嘅份量唔少, 亦食得出新鮮, 可能唔係上等貨 (唉!小姐, 人地收你三十幾蚊渣 ), D肉少少散, 有飯焦, 又鍾意佢地D豉油, 唔太咸, 落多D都得。整體呢個煲飯都ok。上回講到呢間嘢無乜人, 但我地食食下突然發現full house wo (9點啦)....原來長沙灣D街坊喜歡夜D食飯。仲有,

星期六要返半Day，執埋手尾收工已是兩點後鐘，便相約朋友食下午茶，然後打波。食Tea其實又不一定要到酒店，茶餐廳也可。看見有炸脾拼春卷，喜歡香口東西的我毫不猶豫地點了。等了好一會，雞脾熱騰騰的上來，賣相很似樣。雞脾皮脆肉嫩，富肉汁，唔會炸到乾柴柴，相信是生炸的。道理跟生炒糯米飯一樣，現在已愈來愈多地方不會做的。至於春卷，也是香脆熱辣，不太油膩，收貨。另外的雞絲炒公仔麵，出來時仍是鑊氣十足，雞絲雖然是預期中的沒味道，卻總算嫩口，加埋香口的公仔麵，都可以了。吃完，又過了大半天。星期六要返工，感覺始終不爽。

番完崇拜後，和朋友們來到這女嚟一個quick lunch。自己要了一個煎蛋煙肉漢堡扒飯。煎蛋半生熟，撈飯食一流。煙肉就先煎過出了油，有點脆脆的； 與漢堡扒一起伴洋荵汁食，典型的港式快餐食法。蘋果小姐則要了一個炸雞脾沙律。這個雞脾是５人中最遲來的。原因？因為這個雞脾是生炸的。生炸雞脾皮脆而薄身，皮肉中間的肥膏已經因為生炸而消失大半。雞脾肉則滑得很。這個雞脾沙律，高水準。來這裡，一定要叫炸雞脾~

自已都好鐘意食野...不嬲都唔會點浪費食物, 可惜今日唔得啦...叫左個早餐...5香肉丁餐肉粒公仔面- 唔係出前一丁既面都係咁冇味...所以冇expect過好味...普普通通....火腿omelet (難食)- 火腿壞壞地, d 旦有其他味...呢d只會係炒完第2樣野冇洗就煎我個omelet既後果.奶茶 (難飲)- 有酸味.... 奶茶未試過飲小過一半..... 今次第一次....一句講哂....好難食...唔會再去...

本來果度成條街，D野食又平又大碟又好食，次次放工放好夜都會去呢度食！點之....今晚公老2個人食飯，食左80蚊，食完我拎左張100蚊夾埋張單拎出去門口比錢，個女人接左我張100蚊，我叫佢寫張單比我，咁個女人寫完，小姐未比錢，我話 "比左你LOR"佢 "你未比WOR"我話 "你夾左係櫃通入面"佢 "無比呀"之後老闆行出泥問咩事，個收銀堅持無收，我話咁你對數咪得LOR~我等你！之後個老闆仲好笑佢叫我補多30蚊算數~我話~食80蚊~比左100蚊~仲要我補多30蚊！我成日來食，次次都唔係呢個女人收錢，(我指住另一個女人)，平時佢收錢架~我唔係第一次來食架~之後個老闆話 "咁我都唔知算攪"我話 "報警啦~你又未找$~你又話未收$"收銀果個反而一句野都唔再講~最後個老闆找番錢比我不過印象已經完成 -100分

今日我同同學傾完project已經10點幾,一心諗住大班人去松記食糖水既,但晚飯都未食就食甜野好似唔係幾好,諗起松記隔離有間茶餐廳,咁就諗住食d野傾下計再食松記啦咁一大班人出去,梗有人行先,有人行後架啦,我同1個女仔係最先到步既,一到門口我有電話打黎,由於係講正經野,我馬上停左起度想專心講完個電話啦一開口講左2句野姐,呢間茶餐廳就有個惡型惡相既女人探頭出黎,指住我話我擋住佢個餐牌,阻住佢做生意,態度超差當時夜晚11點幾,人地松記d客多到排晒出鋪頭外面,龍騰茶餐廳裡面1個客都冇,外面亦唔見有人有意慾想入去或者睇餐牌,你使唔使咁惡呀?客氣d對人,周圍松記d客咁多,對你印象好d,你都有著數丫...而且我地一班人(9個)就係諗住黎你地度食野既,只係人未到齊姐...比佢咁樣鬧一鬧,我地2個等齊晒其他人之後,決定唔幫襯佢,過對面街食麥當奴好過!!呢個時候個女人又起度手指指話我地運吉,真係估唔到佢可以衰到咁...我地入唔入去係我地既選擇同自由,係你d態度差到人地未入門口已經想走自己倒自己米!睇佢咁樣應該係老闆娘黎,咁著緊佢盤生意,擋一擋個餐牌都怕少左個客食飯,但自己就咁樣對d客...

深水步長沙灣當然有唔少排曬長龍既地方啦但對於我呢D番左10鐘頭工既人番到屋企附近只求填滿個肚呢個時間普通一間茶餐廳已經可以滿足我就試一試呢間係我樓下既入到去晚市都大把位坐叫左個焗茄雞絲意同埋雞飯雞絲意就真係平平無奇雞絲有同冇應該冇咩分別可以接受不過我覺得呢個水準就貴左D啦......D雞都幾滑茶餐廳來講絕對可以收貨但求E肚既可以一試!

首先想講o既係,呢間舖前身係<永佳茶餐廳>據舊員工透露,係因要cut人,所以改埋名~講返正題,我住呢度附近,所以成日黎~但因cut人改名後~樣樣都變哂啦!!以前~~服務:以前d員工好好架~好風趣,會同我地講下笑架~食物&價錢:雖然係茶餐廳,但d食物都ok的~間隔:間舖唔會坐得好唔舒服,都闊<落>的~~~~~~~~~~~~~~~~~~~~~~~~~~~~~~~~~~~~~~~~~~~~~~而家~~服務:差到不得了,嗌極都唔理人,掛住睇電視,咁都不特止,個肥肥(洗碗阿姐)成日無啦啦坐我地張檯(卡位)睇電視+同店員吹水,好熟咩~坐埋黎~我介意呀!!仲有,日間個金毛後生仔d頭髮好長,嬲嬲休休~唔多衛生,同埋,人地食緊野o既時候,佢地就用d好刺鼻的消毒水拖地~好臭!!食物&價錢:細碗左好多好多,而又貴左~好唔抵食間隔:細左好多好多,好迫呀~><其實都係同一個老闆,不過換人+改名,差好鬼多~我以前至少一日兩餐都o係度食架~而家??唔會啦!!