影片
以上資料只供參考, 請與餐廳確認詳情
食評 (45)
服務真係滿分！ 唔催促唔趕住趕住咁！ 有禮貌。叫左象拔蚌刺身 、 炸蝦丸（米粉面炸）、蒸左條肥美公主斑、蟶子！1枝青島大樽兩個人海鮮$ 14xx、 加工費、外賣盒連樽醬汁、膠袋比埋我地，上菜切埋魚！臨尾仲送芒果🥭…… 成餐1911…. 我覺得好好味！30年冇去以後得閒成日去。（特色海鮮要打電話搵海鮮檔阿太預訂，今日想食鱔同多寶魚，原來要提早預訂） 但即刻整返條斑食下，乜都補返哂！滿載而歸！拍車唔逼有停車場🅿️，一開門就去食，完全舒舒服服
繼續閱讀
🔍 龍騰海鮮酒樓📍 鯉魚門海傍道中1-2號地舖📝 ★★★☆☆ 👍有人請食飯，去左鯉魚門食痛風餐。價錢偏貴，不過唔洗我比錢。【 象拔蚌刺身 】刺身唔夠凍，應該係一早片好哂擺係度。【 原隻燒鵝皇 】 幾肥美，好Juicy【 蒜茸粉絲蒸扇貝 】有啲唔熟，應該係因為疊住黎蒸出事。【 上湯焗龍蝦伊麵 】正，其實龍蝦定伊麵先係主角？【 豉椒炒蟶子皇 】雖然炒到甩哂殼，但炒得幾惹味，好食！【 油焗奄仔蟹 】 入面全是蟹膏，如果有人幫我剝殼就好【 蒜茸粉絲蒸貴妃蚌 】 貴妃蚌有沙，都係扇貝好食啲。【 揚州炒飯 】 最驚喜🍳炒飯比海鮮出色金黃炒飯🤩粒粒分明完！
繼續閱讀
呢間餐廳通常每逢大時大節，都會同親戚過嚟食飯。水準次次都保持得非常好，海鮮非常之新鮮生猛，海鮮調味全部都非常滿意。今次母親節大餐一行4人叫咗上湯龍蝦伊麵，酥炸生蠔，椒鹽瀨尿蝦，白灼蝦，蒜蓉粉絲蒸扇貝，豉椒炒蟶子。最鍾意係佢嘅上湯龍蝦伊麵，龍蝦非常新鮮彈牙，大大嚿啖啖肉！酥炸生蠔炸到熱辣辣，好juicy！點埋個篋汁真係一流！豉椒炒蟶子真係好正！好有火候，脹卜卜聖子啖啖肉好新鮮。呢間酒家要行得入啲先至會到，我諗喺入邊食嘅通常都係熟客，總之真係大推！！啲人成日話鯉魚門啲酒家呃遊客，但呢間真係老實唔會呃秤或者換貨俾你！
繼續閱讀
三年冇得出去食飯，終於今年公司團年飯可以拉大隊去鯉魚門食海鮮🦞老細book咗龍騰，係一間比較舊式嘅海鮮酒家，室內環境撲實不華，第一印象已經覺得老實唔劏客。墨魚刺身，生鮮爽口，墨魚鬚比較硬所以再加工椒鹽炒，炒過即刻變得爽口（唔記得映相）。牛油蒜蓉焗蝦，極度香口但又唔覺熱氣，連蝦殼蝦頭都食埋。上湯焗龍蝦煎米粉底，每人半隻龍蝦用刀叉食好爽，但估唔到主角係煎米粉，大家爭住encore。一魚兩味：炒球和炆頭腩，炒球食到塊魚皮啖啖骨膠原，個炆頭腩同平時出邊酒樓唔同，炸過再炆，所以有外脆內軟嘅效果，讚👍酥炸生蠔，同事點名要食，炸漿薄身，蠔有蠔味，可以連食3隻都唔覺漏。薑蔥鮑魚煲，一開蓋香噴噴，不過食落味道冇想像中入味，又或者已經食到好飽食慾開始下降。另外叫咗上湯浸菜心和招牌生炒骨，唔記得映相。甜品有脆麻花同木瓜，人均大約$600連海鮮，大滿足🥰
繼續閱讀
今年生日朋友同我去鯉魚門食海鮮 其他人介紹龍騰海鮮酒家 我哋去試吓食 服務態度超好啲海鮮超新鮮 好好食 豉椒蟶子有蟶子本身汁味 無俾豉椒搶走鮮味 蟹裏面好多膏 蒸鮑魚好彈牙好好食😋
繼續閱讀
您可能會有興趣的...