龍門金閣海鮮酒家

呢間粵菜館真係可以話係滄海遺珠，價錢合理，而且出品質素高，但係又好少人會講，今晚真係食得好開心。最有驚喜嘅菜式，就係佢哋嘅小炒王，炒得少油又夠乾身，銀魚仔芋頭絲脆卜卜，雖然百幾蚊一碟，但係個size真係超勁大。桂花炒魚肚有一啲舊式粵菜，用上大量嘅芽菜但係又唔會濕納納，事關芽菜最麻煩嘅地方就係一邊煮一邊會出水，所以控制水份係好緊要，呢個餸炒得好靚。我自己非常欣賞佢哋嘅太爺雞，出面好多太爺雞記煙熏味都唔夠，呢度做到恰到好處，入面啲骨都有煙熏味嗰下勁，煙燻得來啲肉又夠嫩滑，師傅功力非常勁。個前菜幾特別，花生雲耳同埋鹹菜都好食，最後仲送咗個甜品，應該係薑汁撞奶、不過未「鯨」得好，味道都OK嘅。…查看更多

碟頭大，人少想叫多個餸都驚食唔晒🤣一行10人，預訂皇牌：杏汁豬肺湯，杏汁味濃，遺憾的是湯料中豬肺只有寥寥幾片炒乳鴿崧（$98隻配生菜）頭、翼炸香，配酒一流必吃的生炒糯米飯，雖然預訂，但係都漏單，追左3次先至有得食不需要預訂小菜：必吃冰鎮咕嚕肉小炒王，色香味全，但蝦乾、魚乾比以前少左好多、砵仔焗魚腸、抵食南澳龍蝦加$50加伊底、椒鹽九肚魚。最鍾意佢地送的甜品：薑汁燉雙皮奶埋單$4366，好抵食。…查看更多

幾年無見姨媽姨丈，姨丈話請食飯，梗係介紹姨丈鐘意食既砵仔焗魚腸啦。果邊無呢啲中菜食。呢間之前老公有食過，甘啱姨媽姨丈住對面酒店，天時地利人和，掂！呢間係老店飯店，廚師手藝老到。碟碟都甘好食，係食到最後先上個魚腸，就有啲飽同膩。杏汁白肺湯，處理嗰個肺要好多功夫，不斷泵水清洗乾淨，杏汁味好濃！好飲！冰🧊鎮咕嚕肉好脆！啲糖漿凍咗會變得更加脆口。好好味，但吖仔問點解無菠蘿同青椒🤭魚標豬潤煲: 比較鍾意一係爽一係沙潤既，呢個唔夠爽又唔夠沙，個魚標撘夠。雞油豆苗: 好味😋菜心炒牛肉: 呢個我仔成碟清曬。煙燻太爺雞: 隻雞好有煙燻味，岩岩好，滑雞花鱔煲: 我唔食，但其他人話好好味，條鱔電纜甘粗，成煲食曬！雞蛋焗魚腸: 無腥味，胡椒味重。豉油王炒麵:好味，再乾身啲就好啦！薑汁撞奶:用日本3.6牛奶撞出嚟，有薑味，但係冇薑嗰種辣味，好滑好好食！飽到嘔都要食埋，所以話甜品係有另一個胃😂埋單約3600。姨丈請客實際唔知幾錢。9大1小，差唔多啦👀係啲老人家話貴，都唔知而家啲米幾貴😎同去靚啲既酒樓包一圍甘上下。應該平過姨丈美國唐人街食中餐掛。…查看更多

今次為慶祝前輩生日，我嚟到尖沙咀龍門金閣海鮮酒家，呢間中菜館唔大間，但網試推介既菜式，一試之下真係好好食，有用心整，唔係浪得虛名杏汁豬肺湯 🍲呢碗湯真係好正！杏汁香味十足，湯底清澈，味道鮮美，豬肺又滑又嫩，飲完真係暖心。每一口都有杏汁嘅甘甜，完全中和咗豬肺嘅濃郁，絕對值得推介！冰鎮咕嚕肉 🍖呢道菜真係特別，外面炸得金黃香脆，裡面卻保持住肉嘅鮮嫩。冰鎮做法令咕嚕肉口感獨特，冷熱交融，酸甜醬汁好好味，食完一口想再食多一口！雞蛋焗魚腸 🐟呢道菜真係好吸引，魚腸焗得啱啱好，入口即化，搭配雞蛋嘅滑溜，味道真係相得益彰。海鮮嘅鮮味加埋蛋香，食到真係令人懷念。蝦多士 🍤呢個蝦多士就係經典！外脆內軟，蝦肉嘅鮮甜同多士嘅香脆簡直完美結合，每一口都充滿海味，真係食完仲想再叫多一盤！生炒糯米飯 🍚呢碗生炒糯米飯炒得好好，粒粒分明，口感Q彈，加埋各種配料，真係好豐富！特別係臘味同香菇，味道真係好正，完全唔會令人失望。甜品：薑撞奶 🍮餐後附送！最後嘅甜品薑撞奶真係一絕！唔係普通生果唔係紅豆沙咁簡單！薑汁香氣撲鼻，配上滑滑嘅奶，甜而不膩，完美收尾，食完真係心情好好價錢與份量 💰雖然價錢唔算平，但樣樣菜都大大碟，份量足到你唔使擔心！每道菜都係用心做出嚟，無論係材料定係烹調，真係值得呢個價。份量、功夫同價錢完全成正比，食得安心又滿足！總括來講，龍門金閣海鮮酒家唔單只係味道出色，服務都好到冇得輸，環境又舒服，真係好適合家庭聚會或者同朋友一齊食飯。下次再來，我一定要試其他菜式！🎉…查看更多

諗住試吓揾間舊式酒家，去到門口有啲想改地點，最終都入去，果然有驚喜！已脫殼嘅避風塘瀨尿蝦，好味！冰鎮咕嚕肉，來暖外脆，好味！金銀蛋菠菜，菜好嫩！雞蛋焗魚腸，好香口！…查看更多

喜歡到中式餐館慶生，因為大夥可圍坐一枱高談闊論，好不高興。餐館有兩層，地面那層就是傳統中餐館的佈置，而上層比較樸實近乎一點裝飾也沒有，但亦較清靜。小炒皇咸香味鮮，當中的小海味份量十足，炸脆了的小魚乾與蝦乾比韭菜還要多，芋頭絲也十分香脆，與餐牌上的相片如出一轍。一字骨的肥瘦比例恰好，一點也不柴，帶軟骨的一字骨更是非常脆口，黑醋的甜酸風味去膩增香，令人回味。柚皮味道苦澀，顏色像是塵封了許久令人提不起胃口，最終過半都是給遺棄掉。酸菜石斑魚算是今晚的大菜，一整尾石斑魚放在大盤子裡很有氣勢，魚湯真材實料，酸菜開胃消滯，魚片鮮美嫩滑，斑頭也被朋友去皮拆骨，完美幹掉。米粉煎得香脆不油膩，蝦球感覺是雪藏貨色，但鮮味仍是可以的。燉奶是一如既往的好吃，奶香微甜，份量剛好。…查看更多

成班朋友好耐冇見，搵個地方食好啲係正常嘅，人多圓枱一定係方便啲，所以中式食肆都是離不開。🥢依家出面好多地方食嘢都有限時👉👈， 一大班人想食完嘢吹下水其實唔係咁容易。都唔知係邊個朋友仔介紹，呢間好多年前食過，好耐冇去原來水準亦都keep得好唔錯，有啲古舊菜式(竟然有金錢雞同雞蛋焗魚腸👍)，雖然我唔食，但佢哋都食得津津有味。當然舊式中菜坐得會比較迫，但係夥記好熱情，呢個係地道香港人情味。推介嘅喺冰鎮咕嚕肉，真係成盤冰🧊畀你浸住啲肉 🤣，入口冰凍香脆，隔離台兩個鬼佬一人叫一盤笑鬼死我哋😆😆😆這間特色菜會貴少少嘅，推介：杏汁白肺湯 (當日已售罄😭 建議各位訂枱時要預訂)煙燻太爺雞雞湯脆米浸石斑花甲蒸水蛋成個過程嘢啲好食，朋友好耐冇見氣氛好又唔怕嘈🤪，冇限時冇黑面，夥記相當友善，唔怪得當日全場爆滿！…查看更多

朋友囡囡請客叨光享用美食，雖然囡囡做東，張羅的仍然是母親大人。燉湯真材實料，湯味濃郁，貴精不貴多，每位僅此一碗。必須5星的避風塘瀨尿蝦肉，從未吃過已去殼的瀨尿蝦，蝦肉肥大結實，入口甘香，頂級的殘廢享受。炒蟶子火候恰好，鮮甜爽口，但珠玉在前；煎米粉也是煎得恰到好處，可惜不堪時間折磨，不消一會便不再香脆。朋友大多講求健康，平日難得一嚐。可幸今次大家都贊成點雞蛋焗魚腸，一於拋開顧慮。魚腸混入大量魚肝，柔潤軟滑，一點魚腥也沒有，確是值得保留的手工菜。一字骨外貌不怎麼討好，卻美味可口。一字骨炸得很透，肉質鬆軟之餘，醋味與甜味也平衡得宜，是肉類菜式的上佳選擇。魚肚份量很多，吸滿湯汁的魚肚與荳苗同吃，感覺十分養颜。朋友十分好客，吃得快要撐破肚皮之時，還多點一份糯米飯。糯米飯蓋滿炸過的蛋絲，是有點肥膩，但令蛋香更為突出。燉奶雖是免費，但出品絕不馬虎，香甜軟滑，份量剛好。…查看更多

十幾年前的舊同事各散東西，剛巧有倆位從外地回港想吃傳統粤菜，所以選了這間老店。地方比較逼，坐得唔舒服，但服務唔錯。同事提早預訂了:香酥荔蓉鴨太爺雞-半隻冰鎮咕嚕肉避風塘瀨尿蝦豉椒炒聖子皇蒜蓉中蝦蒸糯米飯籠仔梅菜蒸菜心不過當日冇聖子，冇得試。啖啖肉的瀨尿蝦第一次試。蝦肉有鮮味，但用炸蒜炒一定會奪走鮮味。味道唔錯，但浪費了海鮮的鮮味有點可惜。雞一般，沒有驚喜。冰鎮咕嚕肉平時食得多，這個外層夠脆口，酸甜適中，幾好味!我平日唔多喜歡吃焗魚腸，但這個幾香，冇腥味，我幾喜歡。多士不會吃到一口油，但整體冇驚喜。菜心入唔到梅菜味，菜本身也唔夠新鮮，不推介。糯米飯比蝦更好味，推介。炒得夠乾，味道唔錯，推介。炒飯炒不到粒粒分開。鴨在底上面加了宇蓉再炸香，第一件好味，第二件開始油膩了。甜品是送的。我從未試過咁有誠意的免費甜品，通常都是紅豆沙，所以有誠意感覺特別好味。…查看更多

同學生日想坐埋倾下詭食中菜係好選擇，今日訂左龍門金閣大家都覺得好食又抵食，预订菜式包括濃湯館煲翅，冰川咕噜肉，清蒸沙巴石班，大圣子，茶燻太爺鸡柚子扒豆苗，生炒糯米飯，送甜品。姜汁撞奶非常好味。…查看更多

公眾假全家去食大餐，食完再去睇煙花位置唔起眼，近嘉諾撒聖瑪利學校，旁邊多為小店起酒家入面屬小型，比較似私房菜好多菜式要預先訂購👨🏻‍🍳等廚房做好準備▶️ 冰鎮咕嚕肉 ($162)一擺上台已經好矚目，真係成筒冰咁上😂一嚿嚿咕嚕肉被冰埋藏咕嚕肉相對大粒，外皮超級香脆，第一次食到呢個口感！入面嘅豬肉半肥瘦，完全唔韌，炸皮唔太厚甜酸醬較黏杰，冰融化咗都唔會溝淡味道▶️ 避風堂瀨尿蝦肉 ($398)每條瀨尿蝦都好巨型，已經起晒殼，啱晒懶人上面嘅麵包糠脆卜卜、配上炒香嘅乾蔥好惹味指天椒少少辣🌶️唔食辣嘅撥走就冇事蝦肉彈牙😋▶️ 龍門小炒王 ($156)第一次見咁嘅做法，入面混合咗大蝦乾、韭黃、銀魚乾、芋條全部炸到脆卜卜香口但乾身，好似啲西式風乾蔬果零食咁蝦乾鹹鹹香香，用嚟撈白飯好啱▶️ 上湯花甲浸菜苗 ($188)望落比較清淡嘅一道餸菜苗係白菜仔，咬落清脆🥬另外仲有芹菜、薑絲、紅蘿蔔絲、金針菇花甲味道新鮮，不過唔算鮮甜整體呢度餸比較一般，冇其他咁出色▶️ 上湯澳洲龍蝦伊麵 ($880)好耐冇見過咁巨型嘅龍蝦 (亦都好耐冇食過龍蝦😂)就咁睇已經見到啖啖肉🦞肉比起龍蝦殼還要多龍蝦口感爽彈，帶有少少海水味伊麵做得唔錯，質感彈牙，唔會一pat pat淋晒斷晒用上湯而唔係芝士底嘅好處係唔會蓋過龍蝦本身味道，同埋冇咁heavy▶️ 上湯中蝦脆米飯 ($328)好特別嘅一道餸，絕對唔係一般炒飯中間係脆米，旁邊係上湯配蝦球脆米本身口感似米通，炒入雞蛋令佢冇咁單調🥚上面更帶有肉鬆絲上湯似芡汁，加入咗青蔥粒香口啲冇沾上湯嘅脆米口感雖脆但較硬，沾上上湯後變返好似正常米飯🍚大家可按個人喜好選擇食法 (自己較鍾意後者)旁邊嘅蝦球唔輸蝕，每一粒爽口彈牙🦐食厭咗炒飯可以試呢個(感覺上冇炒飯咁油膩添)，推介！▶️ 薑蔥霸王雞半隻 ($198)上面嘅薑蔥多得驚人😂完美醃蓋雞，非常惹味雞肉肉質幾嫩滑🐔不過唔算厚肉個人覺得呢個唔算好食，可以叫其他餸▶️ 銀山砵酒桶蠔煲 ($248)每隻蠔都巨型size，用錫紙包住冇事呢個因為唔太好蠔🙈不過屋企人讚好食▶️ 薑汁燉奶最後送甜品，有夠誠意，唔係常見嘅綠豆/ 紅豆沙擺上台嘅時候見到燉奶「動L動L」😗仲係暖暖地嘅薑汁味道幾出，同時奶味香濃🥛口感幼滑又有啲creamy，覺得佢有少少似creme brulee，同時有啲水汪汪不過食到尾真係幾飽 (我哋仲要自備咗蛋糕甜品)-一間隱世看似平庸但十分高質嘅海鮮酒家，每一道餸都精心炮製❤️夠晒鑊氣起市區食到新鮮又好食嘅海鮮甚為罕有特別推介冰鎮咕嚕肉、脆米飯，瀨尿蝦、小炒王、龍蝦都好出色 (即係大部份餸都掂)環境唔錯，細細地但坐得唔擠迫，冇一般酒樓咁嘈服務好，侍應好幫得手，見隻碟多殼會主動幫你換碟上菜唔會等好耐，即使係都係慢工出細貨☺️價錢當然貴啲，估計大概$400/人，但以海鮮大餐來講好值👍🏻採用嘅都係真材實料靚料(順帶一提，呢度免開瓶費同切餅費👻)快啲save低下次同屋企人食大餐嚟試吓啦，包保唔失望，仲好驚喜！…查看更多

老公訂了30/9晚一家十口做節。電話訂枱時餐廳叫老公預留名菜，可確保當天能提供。於是老公訂了「叫化雞」「蟶子」「蠟味糯米飯」「瀬尿蝦」「燉湯」。到達時見到枱面有張單(下午五點幾出的）有齊曬d餸。點知冇幾耐，有位待應同我哋講話廚房睇錯order 寫咗炸子雞，叫我哋接受炸子雞。家人決定不要炸子雞，改叫了豬手。之後等了很久啲餸都未上，我出去門口看看我哋張單。見到佢將糯米飯劃走咗，我追問佢哋話已經上咗。但其實根本就未上。之後嗰碟聖子，佢哋話已經冇晒貨。但那時剛好我老公見到廚房炒咗碟聖子出嚟俾其他枱。追問之下，佢哋話竟然我哋根本就冇留到聖子。我check返張單，佢哋改咗張單6:00出，張單冇聖子。我懷疑佢哋把叫化雞和聖子俾咗啲熟客。出去找經理，冇人。只有傳菜員。無奈。之前老公同朋友去過一次，又係同樣理由冇叫化雞。請問你信唔信？…查看更多

食物有質素的中菜館～選擇呢度食飯因為想帶酒飲，知道佢免收開瓶費。有提供冰桶。預訂杏汁汁豬肺湯和太爺雞。杏汁燉豬肺：係好飲嘅，不過都幾貴，一盅湯就4個人每人一碗。$388 4碗，一碗$100 都真係幾貴。太爺雞，好香煙燻味，好滑$250 半隻…..即係一隻雞就要$500，好似貴過酒店中菜廳。不過可能係招牌菜，所以名貴啲。炸大腸冇影低唔記得幾錢，應該都係百幾蚊。幾好食，冇豬so味。雲勝炒鮮尤 $178正正常常冇咩特別，冇蝦醬提供。彩蛋涼瓜青 $148即係金銀蛋涼瓜，第一次食金銀蛋煮涼瓜涼瓜都幾爽口，同金銀蛋配合估唔到又幾夾。中式嘅小菜館，裝修唔算靚，食物有水準，訂價進取。不限時，唔迫。（喜歡看我忠實食評請俾❤️，同埋追蹤我看更多更新。）總括來說：喜歡帶酒飲嘅朋友，又想慢慢坐下，唔介意食物貴少少，都算係一個好嘅選擇。…查看更多

呀姨話佢試過呢間龍門金閣，佢食既全部菜都好出色，有晚想食小菜就建議朋友不如黎呢間試下事關本人係路痴既關係，朋友叫左幾道菜，第一味黎到我打左個凸小炒王，我都係第一次見今大埋頭既小炒王小炒王應有既鑊氣食唔到只係食到炸物，搵條九菜花都難基本上成碟都係炸芋頭😑食左兩啖成碟都無再食過😪咕嚕肉，呢個其實幾好食個咕嚕肉炸粉咕厚岩岩好，咬落都有肉汁🤤甜酸既味道調得岩岩好焗魚腸，因為我都無幾何食呢道菜所以比唔到意見，食落唔腥既都又無咩好想再食既感覺🤭到大蝦上湯伊面，一黎到個賣相都扣左佢20分都唔知想點，食落牛油味勁重 伊面又煮耐左伊面勁林，又咸，蝦又係冰鮮野，一個字 差到最一樣花甲，呢個算係成晚最好食既野花甲新鮮鮮甜，湯底都做得唔錯👍🏿可能係選錯送定個既大廚放左假🤷🏻‍♀️佢呢個價位，我有大把更好既選擇…查看更多

分享一下早前我們一行13人，來「龍門金閣」吃海鮮的滋味體驗。這間相對老牌海鮮店，相信很多朋友都有聽過，各項海鮮都十分新鮮，地點也就腳，同枱的食友們覺得來這裡「一登龍門」，好過山長水遠入西貢或鯉魚門吃「遊客生意」海鮮呢。先上「杏汁燉豬肺湯」呈奶白色的湯，杏汁香氣撲鼻，屬每枱必點之物：湯料非常足料，除了豬肺、南北杏外，還有瘦肉、雞腳、雞件、陳皮等。湯頭濃稠，杏香超濃，幼滑鮮味，豬肺亦處理得非常乾淨，沒有怪味，燉得軟綿綿，光是喝那道心機就已值回票價：「沙律蝦多士」原隻急凍虎蝦，釀在方包上，與方包一同炸至金黃，入口鬆脆不油：此菜的技巧是油溫的控制，因為蝦和麵包的生熟程度所需要時間不同，炸時要蝦的一邊放底，先炸至半熟，再反轉炸，這樣麵包才不會太燶，做到入口又脆蝦又爽口。另外最緊要是索乾麵包上的油，吃起上來才沒肥膩感，這幾方面它都有做到了。所以古語有云，麵包唔怕買多，隔夜的都可以造成美食！「避風塘瀨尿蝦肉」用避風塘炒蟹的做法炮製已去殼的瀨尿蝦肉，鑊氣滿分：香透的黃金炸蒜粒，極惹味，重點還有那份啖啖肉，完全不用怕會被瀨尿蝦殼會拮親嘴同手：這點得到大家一致讚賞，原來不少食友怕吃瀨尿蝦，都是因為怕剝殼！「懷舊富貴雞」上盤時時似用麵包皮覆蓋着焗成的菜，有點像「乞兒雞」，侍應會在席前將它卜開。裏面是用牛油紙把雞隻包住再用鹽生焗而成，看完「開光」儀式後，侍應就會將雞拿回去斬件再奉客：用此所謂懷舊方法烹調，能將雞的肉汁鎖住，原汁原味：雞醃得鹹香入味，肉嫩，皮焦的部份，反而那些雞皮最搶手，你可以想像是在吃一隻更熱辣辣及油潤惹味的鹽焗雞：「冰川咕嚕肉」一大兜用冰鎮著，冰白色一片，有點超乎我想像，吸引了大家的眼球注意：廚師先煮好咕嚕肉，造法刻意減少醋的份量，主要用菠蘿汁及茄汁去帶動酸味，用新鮮腩肉上粉炸成，之後放入冰裏面，有別於一般的「掛汁」咕嚕肉：吃這菜一定要快手，否則冰塊會溶掉，食落先是冰涼脆皮，之後就是調味甜酸度適中的咕嚕肉。它堅做到外脆內軟，有賣相亦有內涵，來到值得一試。「蒜蓉粉絲蒸元貝」每人一隻。如果是吃新鮮海鮮，我一向喜歡輕巧的調味，不想浪費好食材：今次廚師有刻意收細金銀蒜蓉的味道，有同枱食友會覺得比較淡，我反而有撥開蒜蓉去食大大粒的元貝，加少許碟底的甜豉油吊味已足夠，正正可以品嚐中式煮法的元貝鮮味：「豉汁炒蟶子皇」上枱時有 wow 的效果！每隻蟶子有成隻手掌咁長，用 「大抽」嚟形容最傳神：炒得夠鑊氣，肉質依然爽嫩肥美，完全不韌，豉椒的製法夠惹味，廚師應記一功。「上湯澳洲龍蝦伊麵」成隻重三斤半，一大盤是多麼的令人歡樂！據之前報道，香港是亞洲人均海鮮消耗量第二高的地區，全球排行第八，平均每名香港人每年消耗65.5公斤海鮮，是全球人平均食用量的3倍多，其中龍蝦更是許多人的至愛！龍蝦之中特別是澳洲龍蝦，味道及價錢在龍蝦界都是數一數二。我一向喜歡澳龍的肉質爽口和鮮甜，肉身肥厚，不是一般波士頓龍蝦可比。這隻游水活龍經烹調後，前兩者都做得以保持，而且我喜歡它的上湯不會太濃稠，令口感不會因而煞風景：「酸菜煮鮮石斑」有別於一般「四川式」酸菜魚，它是原條石斑魚切片後，似家庭式的滾湯做法：味道不辣，而且也沒有激酸，能保留游水石斑的甜味，吃得出魚肉新鮮度極高：用微酸來吊味，啖湯汁很有驚喜：最後甜品有溫暖的「燉蛋白」總結，是晚食物水準甚高，吃得捧住個肚回家，共13人賣單 $8,600，除開我覺得是物有所值，好過大時大節俾幾舊水吃一些不對胃口的自助餐或大菜。服務始終是舊式店舖，侍應們都是一些阿姐阿叔等等，整體親切誠懇，不能說得上五星級完美，卻就很有本土風味和情懷。其實吃飯如做人，都是要用真誠才能做到我的座右銘「明德格物」，分辨好與壞，不論你是否有吃過這頓飯，相信這句說話也同樣受用。…查看更多