13
2
2
電話號碼
27179886
開飯介紹
龍門海鮮酒家始於1967年,有四十多年歷史,是鯉魚門區內歷史最悠久的海鮮酒家之一。酒家以粵式海鮮而馳名,招牌名菜包括芝士焗龍蝦,花鵰蛋白蒸蟹,豉油皇煎蝦及椒鹽賴尿蝦等等。 繼續閱讀
營業時間
今日營業
12:00 - 23:00
星期一至日
12:00 - 23:00
付款方式
Visa Master 現金 AE 銀聯
其他資料
酒精飲品
泊車 詳細介紹
電話訂座
加一服務費
招牌菜
芝士焗龍蝦 椒鹽瀨尿蝦皇 酥炸生蠔 辣酒煮花螺
食評 (19)
在香港食海鮮除了西貢,布袋澳和三聖邨之外,仲有鯉魚門。今次揀左龍門酒家。 叫咗個四人海鮮套餐,套餐計落有十度菜。首先嚟到有好手臂咁大隻嘅椒鹽瀨尿蝦,師傅把它一開三。我哋總共有四個人佢畀咗兩隻,蝦肉好彈牙而且個椒鹽味好香!跟住豉椒炒蜆,蜆肉大大隻每一隻入面都好厚肉冇沙,每一隻都開口! 靚!再來蒜蓉粉絲蒸扇貝,扇貝嘅肉好飽滿而且好軟熟面頭嗰粉絲再加少少豉油蒜蓉好香口。 之後一班兩味,啲肉好香好新鮮,條魚唔會腥,一味係炸起,另一款炒時蔬。自己怕食班腩會有腥味,但佢仲啖啖肉。龍蝦伊麵,半隻龍蝦有一隻手掌咁大,淨食龍蝦肉都飽哂,又啖啖肉鮮味。油鹽焗奄仔蟹,一上檯膏爆滿,半隻斬開上檯淨見膏,食落好鮮味。可惜之後上的辣酒煮東風螺就爭少少好似得個辣味。食到黎呢度都開始有啲飽左…上湯菜心,可以清一清口腔頭先食咗咁多味餸嘅濃味。魚湯加埋花甲,豆腐和菜吸收左精華,每一口好濃嘅好鮮味,但記住要趁熱飲,一凍腥左唔好味。最後瑤柱蛋白炒飯 !呢個超好食! 炒得好乾身而且好有蛋白香!! 飽到肚脹脹都要食番啖!!飯後生果每人一份半隻木瓜半隻芒果好大份 真係食到個肚投降,食唔哂打包回家。後記: 酒家的待應換碟純熟迅速,唔駛食到成檯殼都勁快埋黎。上菜速度一碟接一接,想停一停手都無咩可能😂 繼續閱讀
(以上食評乃用戶個人意見 , 並不代表OpenRice之觀點。)
等級1 2020-06-06
731 瀏覽
有生以來食過最貴的海鮮酒家,這間是專做遊客生意的,極少本地人食,食了5斤龍客兩食,4斤老虎班兩食,油鹽焗奄仔蟹,蒜蓉粉絲蒸貴紀蚌,辣酒煮花螺,陳皮蒸鮑魚,味道不過不失,但鹽焗蟹是蒸熟了先焗,完全沒有油香味,餐廳環境乾淨,坐位舒適,8人埋單$7900,人均消費$1000,不會再來 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-13
435 瀏覽
海鮮呀😍😍食海鮮除左西貢鯉魚門都係吾錯既選擇😀客人可買鐘意既海鮮再交由舖頭加工處理🦐🐚🦑🐟🐙🐠🦞🐡🦀海鮮好新鮮 只係簡單煮法都好鮮甜食飽飽仲有新鮮甜爆既生果送🍇🥭 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-30
675 瀏覽
鯉魚門與海鮮掛鈎,是晚一班好友便組了一個吃海鮮吃到飽的「飯局」!超過半世紀的龍門海鮮酒家始創於1967年,是區內歷史最悠久的海鮮酒家之一;亦是當晚的聚腳地。友人一早已在相熟的海鮮檔(棠記海產)訂了好料,交予菜館後便可按喜好作出不同風味的烹煮。訂了共九款海鮮,包括:海中蝦、大貴妃蚌、南非鮑魚、刀貝、野生紅瓜子班、特大瀨尿蝦皇、特大蟶子皇、本地青龍蝦及爆膏奄仔蟹,光看菜單巳令人超級期待!當中有幾味特別出色,就和大家分享一二吧!1)海中蝦~個頭不少,肉甜而脆,看到蝦頭那黃澄澄的一坨膏嗎?特別的甘、特別的香;雖只每人平均兩隻,但少吃多滋味,且好吃陸續有來呢。2)野生紅瓜子斑(飛機貨)~正牌野生貨,阿廚控火功夫了得;兩斤多的size在他手上全無失手,肉質細緻嫩滑、魚味濃郁甜美,實非養魚可比,正到無倫啊喂!起箸前友人已跟大伙建議了一個「吃的方程式」,切不要從慣常的中間劏肚、淋魚汁起步,得先從魚的外側着手;繼而向中心進發,這樣既能避免汁料把魚肉一下子淥得過熟及過鹹;也能減慢熱度的流失,一試果然在理。一魚兩吃,末了將白飯混和魚汁,滋味超讚,真是識飲識食的好家伙!3)椒鹽特大瀨尿蝦皇~首次吃與筷子長度相若的瀬尿蝦,稱皇絕對當之無愧!先前幾道海上鮮均以清蒸烹煮,這味以椒鹽方法烹調,既保留了肉的鮮味,又添加了鹹香的口感,成品緊緻彈滑;大大啖吃下去;好味又豪邁!4)豉汁蒸特大蟶子皇~這個欲斷難斷、枝節甚多的皇者真的有夠誇張!超大隻的蟶子皇肉厚肥嫩、味鮮爽,配惹味的豉蒜;吃得實在太爽!5)本地青龍蝦 配煎米粉~搞手是懂吃之人,並不是一味的外國月亮特別圓,波士頓、澳洲又怎及本地青龍?其殼薄肉厚,爽彈鮮甜!而size也不宜太大, 這次的大約九兩左右一隻,入口韌彈,龍蝦的甜鮮在齒篷間滲出,難怪咁受老饕們追捧了!這道菜精彩之處遠不止此,另上的米粉煎至金黃香脆,蘸了上湯濃汁吃真是超滋味,我便忍不住連吃了三件之多!最後以清淡的上湯青菜作收結。本以為就此完結,原來還有另一驚喜;友人一早預留了6個新鮮木瓜作飯後果;是真正的樹上熟貨色,細心的她還與相熟的店家打點,講明是當晚吃的;所以是生熟度剛好。外形小巧、飽滿多汁,肉甘甜香滑,直情有食雪糕的感覺,連對木瓜興趣一般的我也回味不已!PS:特、特、特感謝好友的勞心勞力;貼心安排,吃得各人當晚也嘴角上揚呢!龍門海鮮酒家地址: 鯉魚門海傍道西20號地下電話: 27179886 繼續閱讀
(以上食評乃用戶個人意見 , 並不代表OpenRice之觀點。)
等級2 2019-07-22
848 瀏覽
一行六人到鯉魚門給閨蜜過生日,海鮮飯店眾多,最後選了龍門海鮮酒家。當晚下層大廳給某公司包下來辦活動了,我們被安排到樓上的小包間,正好給我們提供了獨立的空間,適合我們一個吵吵鬧鬧的機會,不用怕打擾到隔壁。在對面的海鮮檔買了六種海鮮到龍門加工。包括:-象拔蚌刺身:我本身不怎麼吃刺身 而朋友們都表示鮮甜 很快就把一大盤刺身KO了籠仔蒸蝦: 蝦非常新鮮 配豉油吃一流蒜蓉粉絲蒸扇貝:扇貝很大隻 粉絲很入味清蒸海斑:忘記了是哪一種斑 蒸的時間剛剛好 不會過熟避風塘炒龍蝦:我最喜愛的一味菜 炒得很入味 鹽焗重皮蟹:蟹膏超正 第二個推薦嘅菜最後餐廳送了飯後甜品,一人一碟木瓜拼芒果,水果也很新鮮,一啲都唔馬虎 繼續閱讀
(以上食評乃用戶個人意見 , 並不代表OpenRice之觀點。)