龍門樓 - 志蓮素齋

營業中

休息中

去鑽石山大多只去荷里活廣場食飯行下街, 真的是一次也沒有去過南蓮園池和志蓮靜苑看到很多人都會去志蓮素齋飯就一早打電話去BOOK假日食午餐其實他們逢週末都有下午茶時段, 每位都是$120-150, 都係食圍餐的假日的中午飯當然會比平日/下午茶時段貴少少先講一下南蓮園池, 其實係地鐵站行過去不算很遠而且亦有指示, 很清楚, 而餐廳是位於南蓮園池幾乎盡頭坦白講, 一行入去就好像迷宮一樣, 全部都是草木同大型石頭而更令我出奇的是假日原來這裡也聚集了很多外傭的確, 這裡的環境確是很美, 簡直不覺得自己係香港的市區言歸正傳, 餐廳對我第一次去來說, 真的算很僻, 入園後一直去右方向行如果看到一條瀑布, 就行對了, 因為餐廳地下層可以觀望到瀑布景餐廳是有3層 (地下, 一樓和二樓) 我們吃第二輪午膳 1:30pm店員叫了我們上二樓雅座, 有樓梯/LIFT 到二樓整體室內的座位都好寬敞, 我們一行4人點了四人套餐 ($998 免加一)茶分面就是普洱, 我想應該無其他選擇, 不過可以解一下齋菜的膩好多齋菜都是第一次吃, 感覺很特別和有新鮮感而且每道菜都好好食, 整體非常滿意, 因為下午3點/3點半 (不

忙裏偷閑，今日有兩小時午餐，於是即刻飛車嚟到志蓮淨苑食素菜今次食咗一個豐富嘅一人餐再加多一窩松茸砂窩粥，份量絕對足夠二人食！而每位消費依然係$120 一位午餐，所以絕對夠！其實價錢都係其次，因為佢哋主要都係捐助苑內，呢個世外桃源嘅地方，令你心曠神怡！每一道菜都悉心去做，其中最喜愛迷你青瓜花，非常爽口，成日都好想搵吓邊度有得買黎自己煮而第一次試千絲黃油卷拼酥炸海苔卷，不太油膩，並且非常香口！至於松茸砂鍋粥，我每一次嚟到都一定會叫，因為粥軟綿綿又滑，仲有好重松茸嘅味道，消滯而且可以令身體暖笠笠！時間許可我一定會嚟呢度食素菜！

我公司附近正藉係志蓮淨苑....所以當我感到壓力嘅時候....我自己都會走過來行吓因為呢度有好大個花園又有一個大魚池...當你行得攰攰地嘅時候就可以去志蓮素齋食餐飯首先我叫咗個紅菜頭沙律呢個沙律凍冰冰好啱夏天食再嚟叫咗個富貴包外面係鮮竹...裏面係一粒粒嘅蔬菜粒冬菇粒食落去煙煙銀銀都幾好味而且今日買單仲有九折添其實佢都會有一啲套餐推介不過我覺得冇以前咁抵食....所以都係散叫好因為以前一個一人套餐$150已經有五個餸但係依家一人餐$150可能只有兩至三個餸所以都係散叫好

今天週六不用上班，因為想去参觀志蓮静苑，所以顺道去嘗試一下這裡的素菜。可能疫情影响，今天客人很少，我们2人點了一個午餐和一個蒸飯餐，份量一般，但味道不錯。點心是南瓜角和春卷，竹笙素羹，丹松菇炒瓜，則耳鲜竹蒸飯，白粥，海苔湯，2人份量刚刚好，埋单$255，論環境，服務，味道，性價比都比坊間的假素菜店好得多。

越來越多年輕鍾意食齋，想搵個環境安靜舒適嘅地方享用製作精緻嘅齋菜，我會推薦志蓮素齋 - 龍門樓。龍門樓位於南蓮園池東北角，非常清幽寧靜，係令繁忙嘅都市人可以遠離煩囂嘅好地方。我地四個女仔叫左七道餸菜，有賣相好繽紛嘅五福拼盤、黃耳金粉羹、酥炸春卷、碧玉如意角、石菌豆腐煲、石菌炒飯、松露忌廉燴手擀麵。五福拼盤嘅紅菜頭沙律同紫甘藍醋粉皮顏色好特別，作為帶酸味嘅頭盤佢地非常開胃。呢款湯羹非常好味，唔會太咸太傑。炸春卷可以揀兩隻味，我地揀左海苔同芝士，芝士卷好香芝士味。最推薦係呢個松露忌廉燴手擀麵，麵汁夠juicy，松露味好香，麵又有咬口，似中式意粉。服務員又有禮貌，整體用餐經歷好滿意，食物又好食，過時過節我準備會再帶Daddy Mummy試下。

藉著假期，到處走走，老公提議去志蓮淨院行吓，順道食齋。志蓮淨院與南蓮園池相連，景色優美，有圖為證。齋菜館位於南蓮園池，午飯有套餐及單點，本來我地想叫套餐，點知已賣晒。最後選了石菌豆腐煲（$125）丶 白靈扒時蔬（$ 95）及香煎蘿蔔糕（$40）。這裡有一特色，就是免收茶芥。雖然茶是免費，卻很香醇。👏🏻👏🏻👏🏻蘿蔔糕因為是齋，沒有加入蝦米和臘腸，但因有紅蘿蔔及不同的菇，更能感覺到白蘿蔔的清甜，好味！😋😋😋石菌豆腐煲一望已很吸引，尤其是喜歡吃豆腐的。炸豆腐外皮很薄，豆腐很滑溜，石菌很香，加埋紅椒丶芫茜及其漿汁，好味兼十分之好送飯。👍🏻👍🏻🙏🏻最后上檯的是白靈扒時蔬，這個菜望落ok，食落認真麻麻。首先西蘭花太硬，白靈菰味道略淡，加上汁太少，食落好似生𡁻西蘭花咁。不合格！👎🏻👎🏻👎🏻 雖然如此，整體來說，我仍俾它好評，因頭兩項好食。最後，七月份有意外驚喜，就是全單九折。

今年的父親節（21/6）我們到志蓮素齋吃午餐。很久沒有到此用餐。 已忘記上一次來用餐的經驗了。餐廳用餐區在瀑布後面。 看到水流下來，感覺應該會較涼快。這裡有最低消費每人$120。 沒有加一服務收費。 也沒有茶芥費用。這是香煎蘿蔔糕（3件），$40。因為接待處有告示牌寫著不可拍照。 我便以為不能拍食物照片。 看到別人在拍照，便向店員查問清楚。 店員說可以拍自己範圍的東西。蘿蔔糕的味道頗濃郁。 材料也多。金菇菜苗餃，$40。菜苗口感軟滑。 餃子皮口感也不錯。松露百合露筍餃，$45。這餃子皮比較糊口。 松露的味道香。石菌砂窩粥，$75。這粥我們一致認為很好吃。 以腐竹和腰果熬煮。 我們還以為是蛋白。 因為煮得糊爛的腐竹有點像蛋白。 吃起來的口感也像。 粥有一定程度的稠厚度。石菌是第一次吃。 煮粥後口感依然爽滑。整個粥的味道濃郁。虎奶菌蒸飯，$72。虎奶菌也是第一次吃。 但與石菌比較，這虎奶菌比較遜色。 口感是有一點爽滑。石菌豆腐煲，$125。略炸過的豆腐口感嫩滑。 底下有娃娃菜。 醬汁的味道很好。招牌陳皮紅豆沙，$68。紅豆沙甜味不太多。 我們三人點了一碗來分享。最後送上志蓮淨苑內的燦爛小花

今日與家人出開鑽石山，諗起鑽石山附近就係志蓮淨苑，之前聽人講果度啲齋幾好味，於是決定試吓，大約七點鐘去到，見店內也幾多人，在無訂位的情況下，好彩仲有位俾我們，隔多一會，見之後入嚟啲人已開始要等位，一坐低，服務員已遞上熱茶，由於我們係三個人，一開始＂立＂眼見啲餐係四人起，所以無睇，睇散叫，但到落單時，個服務員見我有叫燉湯(散叫$120一位）於是好窩心咁同我講，如果你叫燉湯，不如叫餐會抵好多，一睇，原來餐也有二位份量咁叫，個服務員仲話，都好多人叫二人餐但三個人食也夠，成件事覺得好窩心老實，唔會為賺錢而唔提客人其實可以這樣叫，最後叫了套餐A，二人份量係$480，另外加了白飯、腰果桃膠露及薑汁黑糖千層糕，食物整體來說幾好味，不䶢，唔會有過多芡汁，清清地，其中一個前菜胡麻鮮茄涼皮，D涼皮係粉紅色，幾特別，不過覺得佢個甜品比較貴，要$60 一碗腰果桃膠露，份量比較少🙈但唔甜，適合老人家食，整體來說，幾好，環境優雅、服務幾好，食物也幾好，重點不用加一👍🏻不過真係叫套餐抵過散叫，散叫老實講係貴的🙈

疫情期間，唔知邊啲舖頭有開，邊啲唔開，所以最好打咗電話先，其實今日難得好天氣，又想放鬆吓心情，可以行一下好多羅漢松樹的南蓮園池，又可以吸吓新鮮空氣所以決定來到食齋，呢間都係我其中一間必食之選今次揀咗二人精選套餐，雖然佢有每日為限定消費額，其實都值得，因為唔收10%服務費，而且全數撥南蓮園池，所以絕對值得來消費！其中迷你青瓜仔係最喜愛的一個小菜，新鮮清涼爽口，出面好難搵到呢個菜式另外，其實我蘿蔔麻麻哋，但係佢地嘅胡椒蘿蔔，做得相當入味，不太林也不太硬！而且胡椒少辣，配合腐竹一流非常醒胃！整體菜式我倆十分滿意

好耐冇食過齋菜了，今日既然行到 鑽石山廣場對面的志蓮淨苑， 這裏交通方便 入到志蓮淨苑裏面，令人有種洗滌心靈感覺，有種令人放下嘅感覺。 來到這裡當然要試下的齋菜啦， 通常齋菜都比較油膩嘅但係這間沒有這個感覺，味道亦都相當唔錯，菜式亦都比較有特色。下午的時候有個特價套餐，相當便宜抵食。 套餐裏頭有個 特色就係青瓜苗， 連兩歲的小朋友也愛不釋手， 食到津津有味。非常之野味的香蒲茴香豆腐菌煲，另一個翡翠百福袋，還有香菌炆燒伊麵。 這幾度菜非常出色， 大大改變我對素食的感覺。

今日外甥孫生日，一齊去九龍鑽石山，志蓮淨苑食素齋， 六個大人一個小朋友，叫個四人餐，再加兩個素齋，沒想到素齋這樣好食，一個四位餐好豐富，四位餐菜式，有涼菜，胡麻鮮茄涼皮，香麻羊肚耳青瓜苗，主菜，黃耳金粉羹，香蒲茴香豆腐座頭菇煲，香酥脆奶卷拼酥炸花菜菌，翡翠百福袋， 胡椒繡球浸勝瓜，松菌炆燒伊麵，仲有水果，這個四位餐，只是$88O，沒有想過素菜都這樣多款式，沒有想到份量足夠五至六人都夠食，又有糕點甜品送，落單前還加兩個素齋，食到飽住個肚出門口，真的沒有想過一個食肉獸的人，食素齋菜都話食到好飽好飽。

我與朋友第一次到志蓮淨院參觀，環境清幽舒服，素齋也意想不到的高水準，種類繁多但我選了2人套餐，每位不需加一各$240。頭盤香麻羊肚耳青瓜苗非常驚喜，味道青青的卻很開胃，首次嘗試青瓜苗，沒有普通的草青味。黃耳金粉羹味道出奇好味，用料十足，有別一般只有茨汁沒有靈魂的難吃羮。胡椒繡球浸白玉很特別，有點像胡椒豬肚湯，白色的繡球相信是菇類，爽爽的很好吃。餐廳裝修比我想像中精致，顧客可一邊進餐，一邊隔著玻璃欣賞瀑布流水躍動，仿如置身仙境般別有一番風味。

今天友人約了於志蓮素齋午膳，帶着口罩坐地鐵到鑽石山站，一路呼吸不暢直至進入南園南蓮園池一刻，感覺空氣清新。沿路兩旁的松樹令人舒服，經過榕樹間再走幾步便見到龍門樓前面的瀑布，園內遊人不多，添加寧靜感覺，未吃齋菜已經滿足了心靈的健康。中午食客也很多。每次到志蓮素齋用膳，食物清淡亦不乏美味。今天賣相特別吸引我的是炸素鵝配檸檬醬吃，松脆不油，檸檬醬清淡味不會過濃，好吃。豆腐雜菌菜煲，豆腐外皮嚼口，內裏軟滑非常，芡汁調校得恰好。另外素菜炒飯，粒粒米飯吃來爽口。薑汁西蘭花，健康清爽。素菜包及素菜餃，饀料足做得夠水準。甜品有火龍果蜜瓜士多啤梨倂盤，還有軟滑薑味濃的薑汁糕。今天吃得健康又愉快，亦忘記把美食拍下。

之前從來冇寫過食評，但今次令我不得不分享，希望大家去食小心D其實我好幾年前已經食過呢間，印象中食物味道唔錯，所以今次奶奶生日提議黎呢度食下齋菜。當我點餐時，部長就極力sell我叫個2人套餐，但我哋當時係有4大2細佢仲話好抵呀，個燉湯好靚(散叫好似$120)，個餐兩盅湯，話可以比隻碗我地share(講到感覺好似好大碗咁)，佢仲叫我唔洗叫其他食物住，睇吓之後唔夠先再加，正常2人套餐點夠6個人食??!! 但佢推銷手法令到我哋覺得個餐好似好夠食咁。點知食物嚟到，個portion細到我哋O唒咀，我諗就算兩個人都未必夠食我地懷疑個部長想水咗我哋食咗個貴夾唔飽又可以出餐快嘅餐本來食完如果好食，我地可以再order其他，不過大家食完都唔想叫，因為味道極之普通，係個炒飯叫做好啲啲，完全唔值個價最後6百幾賣單，但全部人餓住走，返屋企要再食第二餐。 最嬲係賣單時個部長仲要笑住咁問我夠唔夠食，真係滴晒汗，咁都問得出口!!!!! 只可以話佢既說話技巧十分勁

晚餐用饍時間只有1小時15分鐘，不論長幼每位最低消費為港幣150元，小童身高1米起需計算最低消費。到了限定用餐時間，我們連追加單都吃清光，只待壽飽便完成用饍。當時一位四眼女部長要求我們「食快啲」，我們即異口同聲表示仍有壽飽未到，如何快啲完成用餐？該女部長表示「已催促上菜、你哋冷靜啲先」，態度非常惡劣！！該女部長未有了解餸菜是否已到齊，便催促客人加快用饍，我們講出事實後，表示已催促，這是什麼處事手法？！服務十分差劣！！食物方面，味道、賣相一般，亦感受不到食材特別新鮮及用心烹調。