118
23
9
| 餐廳: | 龍門客棧 (麗豪酒店) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
電話號碼
21321153
開飯介紹
以傳統手藝烹調上海菜，餐廳裝修配以木製雕刻屏風、石砌牆身及炭 地磚，甚有古道小店味道
繼續閱讀
特色
適合大夥人
附加資料
無肉餐單詳情: 每天供應少量素食菜式
營業時間
今日營業
11:00 - 15:00
18:00 - 23:00
星期一至五
12:00 - 15:00
18:00 - 23:00
星期六至日
11:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
優惠
| 餐廳: | 龍門客棧 (麗豪酒店) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
今日帶住個小朋友同兩個老人家搵嘢食，個小朋友唔係好鍾意食中餐，不過為咗就老人家就揀咗呢度。餐廳入面嘅裝修真係好中式。我哋坐低先叫咗幾個小食，全部都好唔錯。👍🏼我初初以為小朋友一定唔鍾意食鎮江餚肉，可能因為凍凍地又酸酸地，出乎意料之外，佢竟然食咗一嚿仲話好食𠻹😂。我自己覺得餚肉嘅酸度同口感都啱啱好，好似食緊酸酸哋嘅果凍咁，好開胃。😋我哋叫咗滬醬鴨舌，我唔敢話俾個小朋友知鴨舌係乜嘢😅，不過真係估唔到佢夾完又夾。😂我都幾鍾意今晚呢碟鴨舌，望落去好深色，不過一啲都唔咸😋，一啖一條原來已經食咗好多。😅個小朋友一向對蝦麻麻地，今日嘅油爆鮮蝦竟然成隻食哂！😋我初初見到個餸名以為啲𧎚殼係炸到脆哂嗰啲。點知原來唔係嘅。啲蝦殼雖然係腍嘅但係好入味😋，我仲將成個蝦殼食埋落肚，當然冇食個𧎚頭啦。😂我哋個個都鍾意食海蜇，所以叫咗蔥油海蜇頭，口感爽、味道都可以，只係麻油味重咗啲。我哋本身想叫蟹粉小籠包，不過佢哋剩係有正常小籠包。入面好多汁，要小心夾，穿咗就嘥晒啲精華啦。每次食上海菜都會叫雞絲粉皮，呢度啲份量比較少，但係勝在麻醬好滑，唔會食到「䊢」住個口。輪到我嘅至愛鍋貼，都算唔錯，肉嫩多汁，😋不過我個人比較喜歡個皮煎香啲。而且四隻鍋貼未計加一都要$117，如果唔係我哋有會員優惠，我覺得唔抵食。😊今日呢碟炒膳糊味道好好，特別係如果你鍾意葱蒜，但係個小朋友剩係食咗少少，好似唔係好識欣賞。🤣砂鍋菜膽餛飩雞（半隻）係今餐嘅主角，我哋鍾意有肉、有菜、有餛飩又有湯。菜唔會太腍，啱啱好，雞肉滑而且仲好有味，完全唔似平時啲湯渣咁樣，餛飩就皮滑餡靚，啲湯雖然肥咗啲但係真心好味。重點：都幾大煲㗎！😋😋😋👍🏼👍🏼最後當然唔少得甜品啦😊，經典香蕉高力豆沙但係面頭唔係白糖霜而係黃糖，夠特別。👍🏼另外兩個贈送嘅甜品就真係一般，紫色嗰個顏色有啲嚇人，好彩味道都算OK。今餐整體都算唔錯，主食砂鍋菜膽餛飩雞最突出，如果唔怕蒜味重，金銀炒鱔糊值得試。小食嘅滬醬鴨舌、油爆鮮蝦同鎮江餚肉都值得推介。晚飯嗰日有暴雨警告，餐廳職員話好多人取消咗訂位，所以嗰晚真係比較清靜。裝修方面都係中國風，就連枱上面個𨍭盤都係。呢間都算係坐得舒服而嘢食都幾OK，人均差唔多三百，認真唔平算，係高級上海菜餐廳。😊
繼續閱讀
第一次食上海菜點心放題沙田麗豪酒店 龍門客棧午市去到 唔算好多人服務都唔錯 每位二百幾蚊比一般上海菜 清淡一啲款式都算多 有點心 小炒同甜品小炒份量都好夠環境黑紅色 靜靜地都唔錯
繼續閱讀
今日試吓新嘢, 上海菜放題初初到無咩人，跟住都越嚟越多各位置坐得幾舒服菜熱辣辣，抵讚蔥油餅好食小籠包又大又多汁甜品nice炒飯炒麵太饱無試仲有送海參同湯味道唔錯值得一試既放題
繼續閱讀
Openrice上面見到有沙田上海菜嘅放題優惠，雖然要早一日book，但係原來即日都可以用正價（$258，未包加一同埋茶錢）嚟享受呢個套餐。晚市放題豐富，有點心、涼伴小食、湯羹、小炒、滬江主食。且食物都係兩人份。Menu上面每位奉送沙參玉竹燉水鴨，原條撈汁海參。餐廳仲要喺麗豪酒店裏面，環境寬敞清靜。我哋大部份嗌嘅嘢都好好食，特別係甜品有驚喜。服務人員都幾好，唯有唔夠人手。總體嚟講都會推介呢個放題套餐。
繼續閱讀
第一次黎呢度食飯，員工們態度都好友善，加分！環境方面，地方幾大幾舒適，適合一家大小聚會食物方面都好平均屋企人都大讚小籠包同片皮鴨好食😋其他嘢都唔錯同分量都好足推介！
繼續閱讀