龍蝦寶寶 (已結業) 查看

放工經過中環街市附近，又想食個輕食，見下午茶餐去到6:30pm仲有時間，就入去坐低左，目測店內除我之外得一檯客。木造裝修同檯椅令整體環境很明亮，卡位細細地都好舒適。店內播放著pop music，唔知人多會唔會覺得吵呢？原來下午茶都唔平，本住試新野心態就叫左個C餐：通粉配龍蝦湯，蔥花叉燒炒日本滑蛋，牛油多士，咖啡或茶。湯底好香龍蝦味，通粉都煮得夠淋，叉燒滑蛋好滑，牛油多士略嫌太細份了。檸茶正正常常。埋單$48唔駛加一。

想食豪氣d 既午餐，可以考慮下去食龍蝦寶寶。以賣龍蝦湯底同啖啖龍蝦做賣點的烏冬，以前龍蝦寶寶係中環商場仔入面唔起眼的小店，搬左鋪後裝修靚左好多，亦換左用平版點菜 (雖然係一d 都唔方便，還好店員夠耐性），但難得龍蝦湯烏冬無加價，都係一百蚊到一碗，質素都維持到。雖然我覺得半隻龍蝦仔係細件左少少，不過加埋蛋同其他配料，其實都夠飽架，每次我都會飲埋d 湯底，夠晒濃郁好味道，香甜龍蝦湯味。鋪頭仲有其他選擇，朋友試過凍食烏冬，不過味道就麻麻啦，所以都係揀龍蝦烏冬最好啦

月尾, 岩岩出糧, 梗係要同"豪"一下啦想試左呢間龍蝦寶寶好耐的了... 成日搭車都經過但每次望一望個menu 都覺得好貴, 有d 卻步今日就比個藉口自己試下佢啦!!!!!睇佢個傳單, 話外賣自取有9折喎~~ 咁梗係自己拎啦, 反正咁近公司, 行下郁下都好丫預早十分鐘落電話過去order, 之後就斯斯然行落去pick up了叫左個泡飯, 都有隻龍蝦仔0係入面0既....而個湯都有少少龍蝦味, 不過...真係完全唔值呢個價囉

首次試寫食評中午與朋友二人去食飯。朋友點了芝士龍蝦濃湯烏冬 $128 及 烏梅山楂茶 $12；而我點了 龍蝦喇沙 $108 及 薑汁甘草薏米水 $12(由於本人係喇沙迷 基本上餐牌有喇沙都不會揀其他 )喇沙上枱 當然要試啖湯....確實有龍蝦味 但只是有龍蝦味的湯 卻缺少喇沙湯底的椰香 惹味 及 濃稠 重點是: 湯不夠熱!!!! 有點失望...再望到那綣縮的龍蝦肉 太熟了...果然好韌韌韌呀⋯⋯朋友點的芝士龍蝦的質感也是如此 再多點失望...總括而言，$108碗龍蝦喇沙實在不值 唯獨有驚喜的卻是兩杯熱飲都很出色 不甜且嚐到該材料的味道

聽聞中環tea time多寶藏，有誰又會想到食tea食龍蝦？首次來到龍蝦寶寶，店面裝潢東洋風感覺濃，點餐後上餐也快，這個豪華tea set包了一碗龍蝦湯通粉，炒蛋碗原隻（半隻）龍蝦，及一杯飲品。龍蝦湯通粉非常美味，湯汁濃郁，絕非味精龍蝦罐頭湯的味道，鮮味之餘，店家更考慮周全，加了兩條菜飲食均衡。龍蝦味道雖較淡，但彈牙十足，炒蛋炒得較散，但香，伴碟磨菇也不錯。整體十分滿足。如以$100+吃個tea感到有壓力，還是可以試試較便宜的set：龍蝦湯通粉，叉燒炒蛋，包及飲品，僅需$40多元，價錢實惠而美味。

午市第一次幫趁呢間小店，来得早所以人不算多，座位有D逼，不過中環都係甘架啦。。。整體環境都算整齊乾淨。。。滿心歡喜叫左龍蝦泡飯，見幅圖有大大隻龍蝦鉗，比menu内其他烏冬喇沙貴一大截，盛謂168蚊碗。來到勁失望，沒龍蝦鉗不特止，龍蝦只有小小五粒，也沒很多其他餸，湯底亦無龍蝦味，整體感覺被砍，一D都唔值。食完仲要唔多飽，超失望。。。最好食系只蜜汁雞翼，48蚊4只。呢個價錢系附近可以好好食又夠飽，小店認真要檢討檢討

終於有機會幫襯呢間店啦!因為我好鐘意食龍蝦,所以一直都想試呢間,由於之前佢搬鋪,所以無得幫襯姐,新店店舖開揚,好易搵到。我地入去個時下午茶時段,唔算人多,食得輕鬆!落餐用I-PAD落,好快就有得食唔使餓親!但都唔算平架....我地點左2個餐,碗仔翅好足料又夠味,龍蝦通心粉嘅湯好濃,一D都唔稀!腸粉好食到龍蝦味,怪唔知咁多人推介啦仲有無限嘅蝦籽俾大家添蛋味好濃,好似係用日本蛋架!大家可以試特飲,我個日係飲薑汁意米水,薑味勁重勁正而且,店員好有禮貌,令到用餐更加愉快

餐牌上幾乎整個menu都是龍蝦的大演變，有粉麵有小食，但大部分都價值不菲！一行三人都被"龍蝦喇沙"這四字深深吸引，反正一場來到，一於豁出去試試這喇沙有什麼本事收這個價錢！喇沙湯底有傳統的配料，有幾片吸滿喇沙湯的豆卜甚為吸引，由於本人最喜歡吸湯豆卜，故珍而重之地享用，炒香的椒乾令喇沙湯底更惹味！說到龍蝦有兩大件，龍蝦肥大肉厚很新鮮！米粉每條都沾滿濃湯，整體來說喇沙味道濃郁可以一試，唯價錢實在太高，還是偶然任性一次好了！

放飯行過這間店看見有我最愛的龍蝦、當時接近兩點、見有下午茶餐就一於試吓！點了一個在餐牌上屬於中價的茶餐、價值為$88、包括龍蝦碗仔翅、龍蝦腸粉、一杯難熱飲；龍蝦碗仔翅：有兩件好似手指甲咁大隻龍蝦肉、龍蝦味道可以啦、碗仔翅就真係唔知食緊乜嘢啊！龍蝦腸粉：可能我期望太高、出到嚟見到係𤐄腸粉+龍蝦肉碎（見圖）+龍蝦汁有點失望；平心而論、煎腸粉嘅技術可以、尚算香口、配上龍蝦汁尚算美味但以＄88的價錢來講、龍蝦肉真係少得可憐、加埋都唔夠一隻龍蝦鉗的肉

朋友帶我去食嘅龍蝦寶寶其實仲有食咗另外一個包但我唔記得咗影好似係蝦🤔anyway前排人氣爆燈嘅龍蝦包其實味道真係唔錯 但1直都無食過 所以其實唔知道佢係凍定熱 第一下食落去係凍嘅有少少突然對我朋友黎講 但個人中2食凍嘢当然無問題 雖然係貴咗啲 都有好多龍蝦喺度

隊長係好鍾意食龍蝦，知道有間專食龍蝦小食既舖頭，但次次唔係無開檔，就係裝修，一直都食唔到，隊目行過見到搬左新舖，一於就擇日去食。一睇見個menu⋯⋯$128個龍蝦早餐！？嘩！唔知有幾多中環人會朝早食個甘富貴既早餐呢？不過呢個係all day breakfast，全日都有得食，我地就無食勒，因為隊目好想食龍蝦碗仔翅⋯⋯但賣晒，得番濃湯烏冬同叻沙，唔食辣，唯有揀烏冬。我地揀左一個普通濃湯烏冬，一個芝士濃湯烏冬，檯面既蔥、乾蒜、蝦子都係任加的，試一啖乜都未加既龍蝦湯，都幾濃龍蝦味，不過加番少少蝦子吊下味會再好d，至於半隻龍蝦，好似有芝士香口d，不過龍蝦肉好嫩，$128碗麵，比半隻龍蝦，仲要有甘既水準，我覺得值囉。我地再叫埋龍蝦腸粉同炸龍蝦雲吞，相對上龍蝦腸粉會好d，不過龍蝦肉就明顯唔夠碗麵既甘靚，鞋口的，不過佢切到細細粒，撈埋唔係特別滑既腸粉一齊食都可以的。至於個炸雲吞，粒龍蝦肉奇細，應該得腸粉果d龍下肉甘細粒，似食錦鹵雲吞多d。雖然有點貴，不過如果食果碗龍蝦烏冬係值既，起碼抵食過百幾蚊既龍蝦包先～

去過幾次食下午茶（少人d, 也平d)。龍蝦碗仔翅配飯多種配料，店員會細心解釋各種食法。接受是龍蝦泡飯，湯底非常好。龍蝦鉗下午茶時段有飲品送，中午和晚上就不知了。凍檸蜜