龍華火焰正宗烤魚海鮮火鍋專門店 (已結業)

其實小妹都經常去土瓜灣！❤️因為土瓜灣算係一個美食天堂！🤤周圍都係美食！🤤你想食咩都有！🤤今日就俾一位對食冇乜要求嘅朋友推介呢間龍華烤魚！🐟去到鋪頭樓下！平時經過真係唔起眼！👁上到去鋪頭裝修比較舊！👀心諗，會唔會係伏黎呢？！👀🤔上到去主打烤魚！🐟其他都有邊爐！不過如果烤魚同酸菜魚，我會較喜愛一盤盤嘅酸菜魚！🐟🤤加上我呢個朋友我對佢冇咩信心！😆所以諗住食完就算！😌之後烤魚黎到，夾一舊純粹試下之際，之後我再繼續夾，差不多成條食晒！🐟🤤🤩原來我低估左間鋪！😖條魚真係超滑！🐟👍🏼好好食！👍🏼😋淨係食條魚已經抵曬！🐟😋個火鍋湯底醬汁都好出色！👍🏼😋叫其他配菜之後打邊爐所有食物都超入味！😋👍🏼就係因為烤魚個配料真係足料！👍🏼成個烤魚同他配菜全部清晒！🤤😋🤩經過今次之後，我以後都唔可以以貌取舖！😂🤣推介推介！👍🏼🐟#龍華火焰正宗烤魚海鮮火鍋專門店

今天和舊同事聚會，相約在大家熟悉的地方，這間餐廳的材料出名新鮮丶湯底也是骨頭炮製出來的，火鍋就一定要有肥油啦，這𥚃啲肥牛出名新鮮又厚肉，所以每次都叫雙份，真的可以滿足喜歡牛肉的你，而配菜也好多選擇，最重是地方夠大小姐x，連包房也夠大，可以座下10多位成年人，還有酒水也算是便宜的，所以我們大聚會也是來這裡的。

最近迷上烤魚，朋友就推介左呢間樓上店，果然一定要試！好好味😋由於得三個人食嘅關係，叫嘅食物唔算多，但每一款都好好食。率先推介我至愛魚鍋烤魚做得有水準，啖啖肉唔在講，份量超足，而且魚質嫩滑，大愛❤️由於唔太食得辣既原固，湯底微辣，調得剛好，正合心意。⚠️不過，特別注意，如果唔喜歡青既朋友，記得預先講定走青，如果唔係會有大量芫荽係魚鍋上🤦🏻‍♀️酥炸魷魚鬚配酒一流，而且睇得出用心製作，薄薄一層炸漿，大大條魷魚亦唔會覺得厚粉感覺，爽脆彈牙👍🏻大推！招牌雞翼，用蜜汁煎封。正！醉鮑魚醉蝦，香濃花雕酒味，又一用心製作秘製螄蛤，本人第一次食。。俾佢嚇親，入面血淋淋，不過食落又幾好食，而且聽講對女士好有益。

星期日，一班國內朋友拜訪，最適合大家一聚就是去打邊爐。叫咗一條象拔蚌 800 蚊，8個人分，食落鮮甜爽口，師傅好刀功。我比較喜歡花雕雞湯底，花雕味好香，今次叫了全只，鷄肉嫩滑。一邊食，一邊聞到香濃藥材味，放一堆豆卜進去，豆卜吸了藥材湯底，更好味！手打流心芝士墨丸同牛丸好新鮮，吃下去，包心芝士好香滑，不過要小心燙口。最後要值得推介是他們的肥牛拼盤，質量不錯，無羶味，好新鮮，牛柳粒熟久也不會太韌，雪花牛好好滑口。

朋友介紹雞煲半價 ，所以去試 再加兩個白飯。點知出到櫃枱埋單先話我知九月開始最低消費$288 。一句唔好意思就算。侍應早d講我叫多幾樣都冇問題。提都冇提 ，加埋呢度之前d評語 好難唔令人覺得係故意咯。冇下次。

雞煲好入味，食材亦都十分之豐富，用餐環境十分之好，服務態度10分好，分量十足，啲雞嘅份量都好多另外佢哋嘅其他食材都係整得好出色同好新鮮另外就係佢啲芝士牛丸整得唔錯只要放喺個雞煲度煮個兩三分鐘就已經食得。

［所謂半價優惠 因為待應講錯優惠，而要俾原價！餐廳沒有正面處理 ］因為今晚既不愉快經歷，我一定唔會再黎亦唔推介大家黎！一坐低，待應就話 魚煲、雞煲半價。我地話食魚，佢就問要邊款魚，魽魚定桂花魚？我地就揀左桂花魚。跟住佢就話幫我地落左魚先，其他野再寫紙落單。當我地寫緊紙既時候，有另一個男待應過黎問叫左煲未？ 我就指住menu個桂花魚煲答：我叫左呢個，半價呀嘛？（由於menu上冇寫同餐廳都冇寫有半價優惠，所以我就問多次double confirm) 個待應答 係，而家做緊半價。我地除左魚煲外，仲有叫其它野食。點知埋單時發現魚煲冇半價，我地問個收銀，佢就話得魽魚做緊半價，桂花魚冇。仲話有寫出黎， 但張野係A4紙手寫貼係廚房位，完全留意唔到。我地同佢講d待應冇同我地講桂花魚冇半價，而我地仲有問多一位待應，都係就咁答有半價，完全係誤導人。 佢只係重覆講我地冇做緊桂花魚優惠，唔好意思，可能係溝通問題。最後都照收我地原價。 個魽魚原價$258，桂花魚$298；如果桂花魚冇半價，其實我地係會揀半價魽魚$129囉平咁多！個問題點都係出係待應講錯/冇講清楚個優惠而誤導左人，我認為間餐廳既處理同回應都係不負

他們專門吃烤魚和雞煲的，還有他們的象拔蚌和肥牛也是招牌，這裏可以有卡坐，坐也挺舒適，每次我和家人來都會點他們的招牌菜式，其他小吃也不錯👍🏽，關門時間也很晚的，可以先電話預約和訂要的海鮮！

環境整潔，店員熱情款待，飯後送凍小甜陳皮紅豆沙，有三間VIP房設最低消費，大房有私人露台，好地方，方便開party唔怕嘈親其他人,雞煲我地要BB辣味，非常惹味，港式川味，下次要再嚟試埋魚窩及其他小菜，眼見其他客人點胡椒蟹、睇見都流口水，我地還點了鴨舌及炸墨丸，味道不錯，我喜歡食川菜、雞煲等……試過很多間大中細檔口，呢間整體我認為有8分，啱我又唔鐘意返大陸，但又唔想幫襯喺香港開嘅【似是而非】的川菜店，又唔想用滑膩嘅杯碟及行油立立嘅磁磚地板，所以呢店舖嘅整體環境及食物都啱我，雖然唔係五星級的好，但三四星都無問題，另外店員還介紹可來貨加工及預訂你想食嘅額外餸

花膠冬瓜瑤柱鍋 賣相極之吸引 原片冬瓜中間包住花膠 半隻雞 草菰 瑤柱 金華火腿 等等才料 在等水滾其間 已相當期待😋 水一滾大家已不停飲湯 讚口不絕 差點忘了其實我地係打邊爐 哈～ 湯底鮮甜 湯料豐富 打邊爐一流 入秋必選 👍

今晚突然口痕想食雞煲，稻x雞煲無做，唯有搵下附近有咩雞煲店試下啦。行過見到樓上開左新雞煲，一於去踩場！先黎叫個雞煲，屋企人唔太食得辣，辣度揀左bb辣上到枱已經聽到喳喳聲，聽到心郁郁嘴郁郁喇！食落口感好嫩，又夠香，正呀！食完雞煲變火鍋，一齊圍爐。肥牛好新鮮，韮菜餃超超正！密密食，食到捧住個肚走呀！ 屋企人都話可以encore 喎，哈哈。見到人地叫左刺身，又係好新鮮咁，下次一於叫齊親戚朋友去拆大餐，哈哈哈！

朋友知我鐘意食烤魚鍋，最近介紹呢間樓上烤魚店，叫我去試下，話係誠意推介喎。見地方唔遠，就去試試。黎到只可以用驚喜兩個字後形容！驚歎係呢區都竟然有呢種水準。本來對樓上鋪食肆不抱期望，但朋友落足嘴頭話唔會失望，先黎試下。烤魚做得相當出色，份量夠又嫩滑，個汁唔係死辣，有層次。對上一次食到高質烤魚已經係兩年前。我唔太鐘意打邊爐，驚熱氣。所以淨係食完烤魚就算，但見到附近好多枱都食完轉邊爐烚下烚下。另外仲試左炒蟹，膏多肉鮮，唔會太濃味搶晒啲蟹甜，炒得夠獲氣，值得一讚。 叫左個刺身魚，夠新鮮又爽甜。無論熱食冷盤都一樣出色，價錢唔貴，值得支持下

今年生日飯老公話搞搞新意思，出去食。哈哈，咁就盲摸摸摸左上去龍華食雞煲。新開裝修唔錯喎，幾寬敞，又唔會太煙。食物夠新鮮，雞煲夠晒滋味叫bb辣，個個都食到lamlam脷！食完加湯做邊爐湯底，嘩！啲肥牛正到停唔到口呀！見啲邊爐料咁得，仲特別叫左啲刺身類，上到枱一樣咁新鮮，象拔蚌極鮮甜！今餐個個都有讚無彈，老公認晒叻話係佢提議出街搵食先食到咁正喎正地方正野食正服務，有機會要再幫襯見到隔離枱食烤魚，望到流晒口水，個個都話要再黎試下烤魚喎，今次真係食雞煲食出事啦，哈哈！

我由佢哋上水舖，食到嚟土瓜灣舖。 只因為佢哋細心， 記得每個客戶嘅要求！我係一個超級鍾意食«魚鍋»的人， 辣度方面 未必間間可以做到我要求 ，但係 佢地細心聽我講之後，調配到剛剛好的辣度，令到我食得十分高興，佢哋做事堅認真。仲有一個非常非常出色嘅«九菜餃»，大大隻，脹卜卜 ， 又新鮮 ，仲要係我睇住老闆自己親手包。 一定唔係出面攞貨返嚟。唔好以為火鍋店出品嘅小菜未必好食，佢地 都有番咁上下。 «南乳雞翼 »肉質好滑及 juicy ， 唔會太鹹 ，外皮非常香脆， 控制時間非常好。有一次介紹朋友帶埋個仔ㄧ齊去，小朋友話想食窩筍， 但係如果用辣魚鍋煮窩筍， 唔啱小朋友食 。 佢哋即刻叫廚房煮咗一碟«清炒萵筍 »， 好驚喜 ， 好味到連小朋友都豎起手指公 。餐廳選擇方面除咗食物品質好，仲要服務好 ，食得夠舒服。

難得出土瓜灣接媽媽放工，一於係果度搵食！本身就係個邊爐迷，因為可以一次食到好多唔同食材。上黎openrice search下附近有咩火鍋推介，見到呢間新開鋪頭，決定試試佢。一入到去無果種煙霧瀰漫嘅感覺，通風系統相當唔錯！服務周到，每個工作人員都非常好態度，印象分已經加左唔少。黎到食物果part,睇過食評話呢度嘅烤魚同雞煲係必食推介，媽媽唔食得辣，烤魚有分辣同唔辣，今次試下烤魚先！上到枱，已經忍唔住口開餐，連奄尖嘅媽媽都話唔錯呢！ 夠晒入味，又唔會柴口，鍾意食魚嘅我簡直食到停唔到口呀！牛魔媽媽order左啲牛，另外仲嗌左特色黑墨魚滑...打邊爐最緊要就係食材新鮮，湯底足料，唔重味精。龍華係呢2方面確有一手價錢好合理 2人食,4xx。同出面啲邊爐放題差唔多，性價比高幾班食到忘形，醒起要影相果陣已經食到杯盤狼藉好快有下次，已經約緊朋友再食過，到時影相再跟進希望水準維持到，繼續有好去處