56
7
10
餐廳: 龍璽酒家
資訊:
出街都想食得健康啲? 梗係揀「有營食肆」啦!
認住「有營食肆」標誌,點選餐牌上貼有 標誌的「有營菜式」。
港鐵九龍站 C1/ D1 出口, 港鐵柯士甸站 D1 出口 繼續閱讀
電話號碼
25689886
開飯介紹
天天驚喜菜弍,沙巴特別海鲜(忘不了,巴丁鱼,丁加蘭),亞拉斯加蟹, 場地設記者招待會活動,中式自助餐 繼續閱讀
獎項殊榮
美食之最大賞 (2014)
營業時間
今日營業
11:30-14:30
18:00-23:00
星期一至日
11:30-14:30
18:00-23:00
付款方式
Visa Master 現金 銀聯
其他資料
酒精飲品
自帶酒水 詳細介紹
泊車 詳細介紹
加一服務費
招牌菜
玉液干撈翅 生拆海蝦泡飯 招牌叉燒 靚炖湯
食評 (77)
上太空飲茶... 焦點食評
等級4 2017-05-22
3782 瀏覽
今日心情特佳, 約了友人上太空飲茶, 你無聽錯, 相比起一般酒樓的層數, 這兒....的確係太空, 位於100樓..., 咁樣樣..., 100層樓就當中絕對有水份, 香港發展商起樓, 逢4、13、14、24、34...., 有時連 7字都無埋...., 100樓..., 分分鐘可能只係80樓左右, 但80樓, 對我而言, 都係好Q高. 同層有四間食肆, 全都水淨鵝飛, 咁貴價既午餐, 無幾多人會天天食啩....衰鬼...., 一路行一路講電話, 不自覺走咗上 天龍軒的酒店樓層, 最終要搵人用鎖匙開部"笠"比我落翻嚟... (其實, 是可以坐翻電梯落地下, 再由另一部電梯上, 但咁樣......, 無錯! 係我懶....), 一入龍璽門口, 轉左, 有一行Bar檯, 另一面就是大酒櫃, 大量高級貨呀, 龍璽的食物定價, 比天龍軒低二、三十巴先, 但餐酒價就相差無幾, 大概八百蚊一枝至過萬都有, 酒水用嚟掠客就梗架啦, 重使你教咩...大廳, 一眼見晒, 約12張檯, 窗口位只有五、六張..., 但就係咁好彩, 竟然有窗口位, 好開心...., 要感激侍應姐姐幫忙! 貼住窗口兩個座位, 當然要先讓比女士..., 但坐出一個位, 反而不是背著窗口, 可以一邊食, 一邊望向港島景色, 更開揚, 食得更舒暢啦..., 無海景..?? 我食唔落飯囉...!由高處望各向地面, 的確氣勢磅礡, 想刺激一點, 就要企得貼近窗位, 再少少斜身按著玻璃窗, 向下望, 幻想向下跌, 又驚又興奮的感覺..., 好變態.... 所謂高級酒家, 點心不需多, 夠精美就夠了吧...., 平均六、七十元一客, 相比於一般地面酒店內的酒家貴了10%左右, 也算合理. 炒粉麵飯, 平均二百幾蚊一客, 也都尚算可以, 記得荃灣的熊貓酒店, 炒飯也要二百, 但對外景觀全是高樓大廈, 這裡多付三、四十, 可以上到太空, 算抵啦.....沙巴水晶海蝦餃 $65, 香港既酒樓, 真係創意無限...., 沙巴出產的海蝦是否有名, 這點不太清楚, 但"水晶海蝦"這個名字, 就真係第一次聽..., 養開魚的人, 都一定知甚麼是"水晶蝦", 但好似唔係用嚟食個喎..., 有少少一頭霧水. 一籠四件, 每件貼有少許金箔, 金箔是甚麼味道?? sorry..., 黃金咁高價既嘢, 我通常買嚟帶,  無食開..., 也食唔出係咩嘢味..., 無論如何, 加咗少少... 大概3mm 份量既金箔, 這籠蝦餃, 可以收多你30%價錢, 絕對係小本多賺的生意, 但又咁樣樣...., 五年前係跑馬地譽滿坊既蝦餃, 已經賣90蚊一籠, 重要係得兩隻, 即係45蚊一隻蝦餃, 呢到一百樓高重有無敵海景, 都只係65蚊一籠, 簡直就係超值啦...,  至於件沙巴蝦餃的味道如何??? 哽... 同利苑差唔多, 皮做得夠彈力, 蝦仁呢....., 都係唔太有蝦味...., 都話同利苑差唔多囉.....黑松露素粉果 $60 (3件), 一眼就見到, 皮晶瑩剔透啦, 內裡餡料也整整齊齊, 好精神, 入口..., 講明係黑松露, 梗係有黑松露味啦, 你問"黑松露真定假????", 點會係假??? 一樽樽既黑松露醬, 兩間大型超市都有得賣, 得閒去睇下, please!蜜餞叉燒包 $68 (4件), 從外表而言, 一望就知道係屋村酒樓貨色, 期望當堂降了幾個價位, 咬一啖..., 又升翻高些少, 有"稻香"既水準啦..., 但稻香既叉燒包, 好似賣廿蚊一籠, 好似係.... 鮑魚燒賣 $70 (4件), 有金箔既蝦餃, 收六十五蚊, 而... 只有四件的豬肉燒賣, 收得你幾多錢吖!?? 賣唔到高價, 想吓辦法....,  加一塊小鮑片, 雖然只有2cm, 但當堂矜貴咗幾級以上, 味道??? 我保證: 一定有燒賣味!! 有無鮑魚味...??? 梗有, 當我知道係鮑魚之後, 飽魚味道更濃!! 哈哈哈...芥末咸水角 $60 (4件), 餐牌上寫的是"芥末咸水角", 而找數時看單據, 是寫"珍珠咸水角"...., 上檯時, 掛住與友人吹水, 講緊公司八啩事, 太興奮..., 我真係唔太記得味道了, 但隱約回想, 應該係無芥辣味的..., 但我又記得好夠熱, 外皮也算脆中有煙韌, 算滿意了.金鵲歸巢 $80 (4件), 其實即係"芋角", 但在芋角頂端, 放了一隻鵪鶉蛋, 友人見到, 即時晒手兼拎頭, 佢話..怕膽固醇超標..., 我同佢講, 鵪鶉蛋黃咁細, 你剛才食既蝦餃、鮑魚、還有炸過既點心, 膽固醇都唔少喎...., 不過, 人就係咁喇, 鍾意食既嘢, 就會話: "間中食一次無所謂", 唔鍾要食既, 就會話: "無益, 一次都唔食..." 激死...香蒜一口牛 $98, 看餐牌, 以為是炸香蒜和沒有醬汁的牛柳粒, 上檯時, 發現是用麵根豆腐伴炒, 加入了醬汁, 另外還有一圓錐形網狀裝飾, 這個圓錐形網狀裝飾, 咬一口, 好韌, 都唔知係嘜嚟....??? , 九十八蚊一碟, 有七粒牛肉, 貴??? 一點也不貴...!! 相隔不足三天, 在樓上"天龍軒", 一味"甜椒豆豉和牛粒", 都係有七粒牛肉, 牛肉粒大小與這間差不多, 單價是$648, 這間是只是$98.... 係味好抵呢...????  哈哈哈...客家佬鹹魚炒飯 $220, 侍應分前, 忘記了先拍照, 分得每人一細碗, So..., 高級酒家, 算係咁上下..., 水準中等以上, 飯身粒粒分明, 而且完好無爛角, 材料切得大小適中, 不似有些酒樓, 肉粒瓜菜又大又小, 口感不佳, 但就欠缺一份大鑊氣, 以炒飯來說, 天龍軒和龍璽的出品, 都比不上沒有海景的"海景軒".落單要了各款兩份的 "新彊棗皇糕" ($15) 和 "椰香桂花糕"  ($15), 掛住吹水, 又漏拍了其中一份"椰香桂花糕", 無所謂啦..., 兩款都與我無緣...我對"糕"無興趣, 要了一碗蛋白杏仁茶 ($45), 水準與屋企附近間"芝麻綠豆甜品店"差不多, 少甜, 尚算滑溜, 唯欠了一點香...., 平均一位$300 的午餐,有百三蚊係高層海景嘅成本,淨低百七蚊係食物,算中規中矩吧 .... 繼續閱讀
(以上食評乃用戶個人意見 , 並不代表OpenRice之觀點。)
等級4 2016-12-02
5649 瀏覽
臨近十二月又是海外親友回港高峰期,姨姨和表弟也遠道由美返港探望外婆,我一盡地主之誼,帶他們到香港近年著名的地標101 Sky dining飲中茶,既可鳥瞰維港景緻,又可品嚐中式廣東點心,同時滿足遊客視覺和味覺兩種要求。由於他們的時間表很遲才定,我也是三天前才訂座,窗邊座位只能排至後備的第三位了,最後我們被安排的位置算是比較近窗,但只有其中一個座位能稍稍看到維港景色,還好啦。當然,這位置我就讓給了姨姨。面對窗外的港和日麗藍天白雲、居高臨下的維多利亞港、酒樓高貴而不俗氣的氣派,大家都感到心曠神怡,姨姨顯得很興𡚒,不停地忙著拍照傳送給身在美國的女兒們開心share一番,就是我的表妹們,說道她們嚷著下次要回港一定要再帶她們來,然後又拉著大家一起拍照。難得她滿足地拍完第一輪照片,襯各人往洗手間的時間,我終於可以點菜了,要了香片和普洱 ($28/午市茶位),普洱不錯,入口很醇,然後選了冰燒三層肉和幾款點心。餐具擺設也很別緻。首先來的,是以清雅的中式瓷器端來的 冰燒三層肉 ($130)  ,賣相工整,皮脆香口,三層肉層次分明。再來是點心。以金泊點綴的沙巴海蝦餃 ($65) 貴氣非凡,皮薄餡靚,白裡透點紅,口感彈牙鮮甜,蝦肉味濃。荔芋燒賣皇 ($70) 的鮑片很吸睛,平時因為怕吃到滿口肥豬肉反胃而不吃燒賣,今次也嚐了一件,肉餡富肉汁但沒有感到吃到肥豬肉,好吃。(推介沾點辣椒油,龍璽的辣椒油很讚。)芥末石蠔春卷  ($65) 的皮比較硬,中間那小小的一點石蠔蠔味很濃,大約像金蠔的味道,但不太感覺到芥末的味道。立方荔芋盒 ($60) 賣相做成梨子的形狀,炸得輕身酥脆不油膩,芋茸香甜軟滑,裡面有半隻蝦,媽媽最愛荔芋角,這個吃得她滿心歡喜,推介!吃完點心,再點了一個獲獎的生拆海蝦貴妃泡飯 ($180),橙紅的蝦湯很鮮甜,金黃的米通飯焦味很香,和新鮮的白飯混在一吃,有多層次口感,加上足料的海蝦肉和芫茜香,啖啖鮮甜味美,份量足有六碗呢。其實已經很飽了,但仍慣例點一些飯後甜品,要了一客椰香桂花糕 ($15),是由清甜的桂花啫喱和椰汁糕層層交叠而成,別緻漂亮,層次分明。新疆棗皇糕 ($15)我沒試,因為已吃不下了。侍應見我們吃甜點了,便隨即送上紙巾和牙纖,殷勤體貼。離開時還把我們送到升降機才離去,姨姨感受到服務貼心週到,非常滿意。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-10-11
74 瀏覽
The view is spectacular. One floor above the sky100 viewing deck. The service was terrible worse than local dim sum places. Come here for the view not for food/service. Since we made a reservation the waiters kept rushing us and serving the food very fast and rushed us to leave. The waiter was so rushed she pushed me to serve the dish and did not apologise. The shrimp dumpling was average.My favourite dish the charcoal golden egg custard buns. Wagyu beef buns were also another hit dish but does not do justice for the price. Abalone Siu Mai, I've had better with better abalone and cheaper. Scallop CakesOverall: Just a gimmick, don't come here for the food or service. Lots of better dim sum places around and they won't rush you to eat. 繼續閱讀
(以上食評乃用戶個人意見 , 並不代表OpenRice之觀點。)
等級3 2017-08-24
700 瀏覽
星期日早上好好天,藍天白雲,想同爸媽去飲茶,突然間想起龍壐,可以飲茶之餘欣賞埋風景。不過無預早book位,都擔心無位,即管打去試下啦!11:30先開茶市,但十點幾已經有人接聽電話,實在太好啦!職員話分兩個時段,11:30-1:00和1:15-2:45,第二段時間仲有位!✌️差不多1:15到達,酒樓門口企左條人龍,原來大家係訂左位等安排入坐。差不多等左成10分鐘,我地被安排到門口旁既房裡面坐,房裡只有兩張枱,非常寬敞。張枱很大,足夠坐12個人,所以我地8個坐得好舒服!實在好滿意!👍👍👍點心既選擇不算多,有些點心係3件一客,但係就可以比我地按人頭叫,好貼心!我地總共叫左8款點心,蝦餃燒賣當然唔少得,仲有叉燒包同流沙包、帶子腸同叉燒腸、蘿蔔糕同埋海鮮春卷。點心嘅質素算係幾好,不過啲腸粉就差左啲,唔夠出面酒樓既好食。除咗點心,我哋仲叫咗冰燒三層肉,熱熱地,塊皮非常香脆,舊肉肥瘦適中,好好味!不過份量太少啦!每人分完一舊都差不多食晒啦!另外,我地仲叫左個得獎既生拆海蝦西施泡飯。呢個泡飯既湯味道幾夠鮮同濃郁,合晒我食炮飯既要求。分量方面,泡飯都算幾足,分到8碗,每碗都仲有大半碗添!雖然食飽飽,但係都想試埋甜品,我哋叫咗楊枝甘露、杏仁茶同埋棗皇糕,三樣都幾好味又唔太甜!臨走之前,大家當然要去埋洗手間先啦!竟然係洗手間有大發現,就係有落地玻璃窗望到九龍半島既靚景,超值!😍😍😍總結嚟講,大家對成餐茶都好滿意!酒樓環境好,我地既可以欣賞風景,又坐得舒服,食物既質素亦都唔錯,每人都係二百蚊,超值! 繼續閱讀
(以上食評乃用戶個人意見 , 並不代表OpenRice之觀點。)
等級3 2017-04-21
1985 瀏覽
平日同媽媽一齊飲茶早一星期前已經book枱101樓 居高臨下雖然當日是平日 但周圍都坐滿客我們選擇散叫點心•魚籽星斑荳苗餃皮薄 一粒裡面有幾舊魚肉•黑松露素粉果好香黑松露味 個人很喜歡 好味•鮑魚燒賣普普通通•芥末石蠔春卷夠熱 脆口 好味•蟹肉小龍包•煎蘿白糕咬落有一條條粗蘿白條一讚服務很好 每位員工很有禮貌價錢比想像中不貴 下次會再來 繼續閱讀
(以上食評乃用戶個人意見 , 並不代表OpenRice之觀點。)