51
7
9
餐廳: 龍璽酒家
資訊:
出街都想食得健康啲? 梗係揀「有營食肆」啦!
認住「有營食肆」標誌,點選餐牌上貼有 標誌的「有營菜式」。
港鐵九龍站 C1/ D1 出口, 港鐵柯士甸站 D1 出口 繼續閱讀
電話號碼
2568 9886
開飯介紹
天天驚喜菜弍,沙巴特別海鲜(忘不了,巴丁鱼,丁加蘭),亞拉斯加蟹, 場地設記者招待會活動,中式自助餐 繼續閱讀
獎項殊榮
美食之最大賞 (2014)
營業時間
星期一至日:11:30-14:30, 18:00-23:00
付款方式
Visa 現金
其他資料
酒精飲品
自帶酒水 詳細介紹
泊車 詳細介紹
加一服務費
招牌菜
玉液干撈翅 生拆海蝦泡飯 招牌叉燒 靚炖湯
食評 (69)
等級4 2016-12-02
2666 瀏覽
臨近十二月又是海外親友回港高峰期,姨姨和表弟也遠道由美返港探望外婆,我一盡地主之誼,帶他們到香港近年著名的地標101 Sky dining飲中茶,既可鳥瞰維港景緻,又可品嚐中式廣東點心,同時滿足遊客視覺和味覺兩種要求。由於他們的時間表很遲才定,我也是三天前才訂座,窗邊座位只能排至後備的第三位了,最後我們被安排的位置算是比較近窗,但只有其中一個座位能稍稍看到維港景色,還好啦。當然,這位置我就讓給了姨姨。面對窗外的港和日麗藍天白雲、居高臨下的維多利亞港、酒樓高貴而不俗氣的氣派,大家都感到心曠神怡,姨姨顯得很興𡚒,不停地忙著拍照傳送給身在美國的女兒們開心share一番,就是我的表妹們,說道她們嚷著下次要回港一定要再帶她們來,然後又拉著大家一起拍照。難得她滿足地拍完第一輪照片,襯各人往洗手間的時間,我終於可以點菜了,要了香片和普洱 ($28/午市茶位),普洱不錯,入口很醇,然後選了冰燒三層肉和幾款點心。餐具擺設也很別緻。首先來的,是以清雅的中式瓷器端來的 冰燒三層肉 ($130)  ,賣相工整,皮脆香口,三層肉層次分明。再來是點心。以金泊點綴的沙巴海蝦餃 ($65) 貴氣非凡,皮薄餡靚,白裡透點紅,口感彈牙鮮甜,蝦肉味濃。荔芋燒賣皇 ($70) 的鮑片很吸睛,平時因為怕吃到滿口肥豬肉反胃而不吃燒賣,今次也嚐了一件,肉餡富肉汁但沒有感到吃到肥豬肉,好吃。(推介沾點辣椒油,龍璽的辣椒油很讚。)芥末石蠔春卷  ($65) 的皮比較硬,中間那小小的一點石蠔蠔味很濃,大約像金蠔的味道,但不太感覺到芥末的味道。立方荔芋盒 ($60) 賣相做成梨子的形狀,炸得輕身酥脆不油膩,芋茸香甜軟滑,裡面有半隻蝦,媽媽最愛荔芋角,這個吃得她滿心歡喜,推介!吃完點心,再點了一個獲獎的生拆海蝦貴妃泡飯 ($180),橙紅的蝦湯很鮮甜,金黃的米通飯焦味很香,和新鮮的白飯混在一吃,有多層次口感,加上足料的海蝦肉和芫茜香,啖啖鮮甜味美,份量足有六碗呢。其實已經很飽了,但仍慣例點一些飯後甜品,要了一客椰香桂花糕 ($15),是由清甜的桂花啫喱和椰汁糕層層交叠而成,別緻漂亮,層次分明。新疆棗皇糕 ($15)我沒試,因為已吃不下了。侍應見我們吃甜點了,便隨即送上紙巾和牙纖,殷勤體貼。離開時還把我們送到升降機才離去,姨姨感受到服務貼心週到,非常滿意。 繼續閱讀
(以上食評乃用戶個人意見 , 並不代表OpenRice之觀點。)
等級1 2017-01-11
799 瀏覽
Happy Chinese New Year Business meeting and family reunion brunch with good friend !!要和友人相聚,詳談偉論,想想要到那處歇息歇息, 飲杯茶食個包食隻蝦餃食粒燒賣……想坐得耐舒適嘅環境: Long sight😂😂食物賣相很吸睛,味道雖不及外觀,但整體也是很不錯的。以他的價錢相約,可以用服務來抵禦👍說到,那杯茶😆茶葉,確是不夠味道,我們就是喜歡飲杯茶食個包🍵🍔茶和食物也很重要的………… 繼續閱讀
(以上食評乃用戶個人意見 , 並不代表OpenRice之觀點。)
等級3 2016-12-28
923 瀏覽
平安夜,想搵間靚少少既西餐廳食飯都會加價成50%,所以識食一定食中菜(農曆新年就食番西餐啦😂)不過呢間位於101樓(你無睇錯,真係101樓)既中菜廳就一d都唔平!其實唔係聖誕佢都好貴,就豪返一次啦😈一早訂咗枱所以有個窗邊靚位!✌🏻叫左個set A,一開始有杯sparkling wine,普通野啦,都冇乜期望始,終食物先係重點。頭盤係四小碟,最特別嘅就係佢嘅原隻海蜇,真係成隻水母咁架😂之後到個蟹肉翅,勁足料,有好多蟹肉花膠,魚翅好大塊😍 仲要下面有個火暖住,食到尾個翅都仲係滾既🔥海參炆得好入味,又唔會太淋。龍蝦味道略淡,不過食左咁多濃味食物,淡淡既煮法反而更容易食到龍蝦的鮮味☺ 黑豚扒有驚喜,同蜜糖味好夾👍🏻 炒飯好有水準,炒到一粒粒咁😝無論係味道,環保,服務都係超頂級(就連廁所可以望到成個九龍半島既景緻),不過真係好貴呀💸 繼續閱讀
(以上食評乃用戶個人意見 , 並不代表OpenRice之觀點。)
等級3 2016-08-20
4564 瀏覽
今晚跟好朋友慶祝生日, 本來打算去龍皇的, 但前晚的經驗另我却步, 所以就改來高一級的龍璽。 一號風球加weekday 的晚上, 顧客不多。幸運的編到窗口位, 外面一時申手不見5指, 一時清晰見到IFC, 真有詩意。我們沒有食套餐, 因為想試更多款式的食物。先來3款前菜.山楂紅梅鮮淮山, 酸酸甜甜的醬汁, 有點像草莓汁,好開胃的前菜。 冰燒三層肉, 微暖的真是有3層清楚見到,皮都脆的, 就是肥肉略嫌多了點, 但可接受的。 水晶金玫瑰, 其實是海蜇呢, 好精緻, 一粒粒看似玫瑰花, 所以名金玫瑰, 真的貼名, 亦很爽口美味。 炭燒黑豚肉, 驟眼看似漢寶扒, 頗深色頗厚,而且幾乾, 哈哈, 但吃起都軟淋淋的, 真的令我覺得似是食緊bbq 的豬扒。 富國魚露雞,好像普通焗雞似的,魚露味不夠, 食不出菜名來。 娘惹醬帆立貝,娘惹醬屬中辣度, 帆立貝很厚肉鮮甜, 還配上法包一片, 這片法包蘸上娘惹醬來食, 真的好食, 如果配上麵條, 相信亦會好食 蟹肉煨稻庭麵,因為已經有9成飽, 所以已經放慢食的速度, 當食這麵時, 麵可能放久了些, 濃湯把麵略浸淋了, 但味道仍然好, 蟹味非常濃, 而且蟹肉都很多。 蟹肉銀芽炒蛋白,每條蛋白都切到長方型, 不吃下去都不知道是蛋白, 鑊氣夠, 不錯呢。 金銀蛋莧菜, 已經忘了拍照, 可能是賣相沒有特別, 味道過鹹少少. 紫薯壽桃, 雖然已經很飽, 但都好期待這個飽, 因為喜歡這個紫薯餡, 沒有蓮蓉或豆蓉甜, 包皮香軟同滑, 所以都跟朋友分享了1個, 非常滿足。 繼續閱讀
(以上食評乃用戶個人意見 , 並不代表OpenRice之觀點。)
去咗龍璽幾次, 每次都令我覺得食得好舒服, 靚景就唔駛講, 食物精緻, 睇黎都要寫篇食評記錄下先得...食過咩 Order:- 老京蜜餞吊㕚燒...蜜糖佈滿每一塊叉燒, 肥瘦適中, 上碟仲係熱熱地, 但價錢要$100 以上, 有商榷餘地- 冰燒三層肉...推介- 黑松露素粉果...食落口就即刻有好大陣黑松露味, 但蓋住咗啲蔬菜味, 粉果皮唔太厚, 可接受- 叉燒包...非常普通- 金玉參脆筒腸粉...腸粉皮入面包住脆脆地嘅米紙,餡料有海參, 但比較難食得出, 普普通通- 立方荔芋盒..鬆脆唔油膩- 龍璽燒賣王...好大粒蝦, 彈牙之作- 南翔小籠包...普通- 生拆海蝦貴妃泡飯...推介- 酥皮蛋撻...普通, 唔太甜, 如果熱啲應該會好好食- 沙巴海蝦餃..皮薄好煙靭, 足料海蝦好鮮甜- 鮑汁鳳爪...可以唔駛叫, 無驚喜- 響螺燉湯...清甜得黎又唔覺得佢有味精, 飲完想再飲- 鴛鴦所雙絲餃...普通- 軟殼蟹脆腸粉...好新鮮感覺,但食落好似怪怪地, 腸粉同軟殼蟹再加鼓油, 唔係好夾, 食食下索性分開來食- 健康紫薯壽桃仔...唔係好識得紫薯嘅味度, 我比較喜歡傳統壽包- 野菌炒星班球...普通- 香芒乳酪慕絲...普通- 紅莓鮮淮山...食得出係新鮮制作, 紅莓汁唔太甜, 准山好爽口, 食完感覺好清新要食啦 Recommend:- 冰燒三層肉...對小妹黎講最鐘意係佢食落口一啲都唔肥膩, 每層肉都分配得好鮮明, 點芥末食落少刺激感覺, 唔點嘅話啲肉汁原味出晒黎, 睇自己個人喜好喇, 我個人就鐘意唔點,食原味- 生拆海蝦貴妃泡飯...美食金獎, 湯鮮甜得黎再加脆脆米飯, 咀嚼滿足度一流, 唔知係咪因為要突顯個湯嘅鮮味, 我覺得淡咗啲, 但仍然值得一試Atmosphere: 門口富麗堂皇, 裡面裝修反而清雅大方, 枱與枱空間足夠, 坐窗口位仲可以俯瞰維港, 其實我最鐘意係佢廁所個景, 點都要去下Overall comments:  上到101食嘢, 三百零蚊就有靚景, 有美食, 有服務, 三五知己聚一聚又唔會俾人趕, 飲個茶都係唔錯選擇, 我最鐘意係雖然佢地身處 101 ICC, 但無限制你要著老西, 華麗衣服先上得去飲茶, 服務員對每位客人都用心招待, 再俾多個讚 繼續閱讀
(以上食評乃用戶個人意見 , 並不代表OpenRice之觀點。)