218
37
14
港鐵香港站 E2 出口, 步行約6分鐘
繼續閱讀
電話號碼
31968880
開飯介紹
龍景軒位於酒店4樓，坐擁九龍半島壯麗景色。餐廳的廚師廚藝創新出眾，提供新派高級粵菜，並選用本地新鮮的高級食材入饌。餐廳裝潢獨特，以玻璃屏風、別致的銀箔天花板，襯托璀燦奪目的維多利亞港景色。
繼續閱讀
獎項殊榮
米芝蓮二星餐廳 (2023), 米芝蓮三星餐廳 (2009-2022), 亞洲50最佳餐廳 (2017-2021)
營業時間
今日營業
11:30 - 15:00
18:00 - 21:00
星期一至五
12:00 - 14:30
18:00 - 21:00
星期六至日
11:30 - 15:00
18:00 - 21:00
公眾假期
11:30 - 15:00
18:00 - 21:00
以上資料只供參考, 請與餐廳確認詳情
招牌菜
食家推介
相關文章
現在星期日的早上，我很多時都會懶床，大約早上10:30才起身吧，可能是平日工作太勞累的關係。這亦造就我在星期天，很多時都會吃 brunch，早午餐在大概12時一起吃，方便而且也可享受一個休閒的週日早上。由我家去「四季酒店」可說是非常方便，一程車直達，食物出品好，所以是我喜愛這酒店的原因。今個星期天就來中菜廳「龍景軒」，一個人享受一頓早午餐吧！餐廳的垂直水晶燈，高貴得來不帶俗氣，已恍如開始踏入一個亮麗的美食旅程：環境有落地玻璃，可以面對維港景：Signature 的點心和菜式太多，例如「鮑魚雞粒酥」、「非同飯響」、「炸釀鮮蟹蓋」、「鮑羅萬有」等都想吃。不過肚皮只得一個，加上我不想吃得太 heavy，那就來以下的好了。送的餐前小吃，有「醃鴛鴦蘿蔔車厘子」爽脆酸香，吃完胃口先開.喝一杯水滾茶靚的香片，令星期日早上加添醒神. 來個蒸點心，打開飲茶的序幕。本來想點招牌的「龍太子蒸餃」，但之前我已吃過，那就來個侍應推薦的「蝦籽星斑餃」$88 / 件一籠一粒，新鮮出爐：吃下去啖啖鮮甜的彈牙星斑肉，絕對能品嚐到魚鮮：餡料有少許鮮蝦膠、瑤柱絲，上面點綴蟹籽及灑上乾蝦籽：這樣的海鮮組合，精華融合在一粒餃上，誰不愛？近來我越來越喜歡喝湯水，今天也想來溫暖一下，點了「雲腿菜膽燉遼參」$560 / 碗屬餐牌上單碗上最貴的湯。現在的用語，算不算叫做「燉湯中的天花板」？品嚐後覺得貴，物有所值，整體亦做得非常好。食材只用最精緻的部位，湯清鮮極了，能從中感受大廚背後燉的功夫心血所在. 每碗奉上兩條日本遼參，它可說是海參之首，有名是因為當地的篩選及製作過程非常嚴謹，品質上乘：此「海中人參」，在食療及養生方面有很高的價值。海參含豐富膠原蛋白及胺基酸，能滋補養顏、增強免疫力，且口感也好，食完感覺正能量滿滿：雲腿兩片，只用上肉中心最精選的部位，為湯帶來鹹香鮮美：肥瘦程度無懈可擊，燉完湯後吃，肉質也不乾柴：矜貴的日本花菇香軟，含高蛋白貨、低脂肪，也可健脾開胃、補益氣血：而且它具化痰理氣的功效，對「陽」後的調理養生很有幫助呢：也不要輕看菜膽：燉完後相當軟嫩，吸收了湯水，吃在口中「爆湯」.今回實在有太多美食想點，始終一個人怕吃不完，乾脆來個「廚師精選三拼」HK$280 / 份一碟有齊三款精緻點心美食，而且每次會有不同的配搭。我沒特別問侍應今天的組合，就是想盲測一下，想有驚喜。「蜂蜜叉燒」這裏必吃之物，既然半碟我一個人吃不完，這兩件剛剛好呢：色澤亮麗，用上精緻的梅頭肉，肥瘦比例適中且做到少許燶邊焦香，鬆軟口感，配上晶瑩蜜汁，個人覺得仍是無得輸：「蟹肉絲春卷」一小件香脆春卷，裏面包着鮮拆蟹肉絲，餡料非常豐滿：外層脆到一個點，索油功夫做得極好：內裏一絲絲的蟹肉，放心可無故之憂地大啖吃，完全不會有令人討厭的蟹殼碎，這點不說已有十足的信心：我沒點任何醬汁，就讓它的蟹鮮在口中大爆發：「酥炸日本廣島蠔」炸蠔下面配有日本炸銀魚乾片：切開裏面就見到美麗的蠔芯：先這樣吃半隻，炸漿是看得見的酥脆，不油且炸醬厚度剛好包著蠔，外脆內軟，味道是吃得出的鮮活甜美. 另可伴附上的柚子醬汁同吃，有解膩作用。我過人還是喜歡不加醬，就這樣品嚐廣島蠔的鮮：最後送贈的甜品，有「杞子桂花糕」、「酥皮蛋撻仔」。一冷一熱的組合，為這頓美饌畫上完美句號：整體服務仍然非常好，侍應會笑容滿面地細心有禮介紹每道菜式，亦會靜靜自動地替客人換上及放好每道菜用具的位置，完全沒半句多餘的說話。不愧為連續十多年米芝蓮星級，我喜愛的中菜廳。此餐埋單共約 HK$1,100。間唔中來個花費得來的豪氣，善待一下自己，是週日最休閒享受無價的一刻！XD
繼續閱讀
回港後第一個飲茶已早在兩個月前book定位，龍景軒又一個願望清單。。。今回自己真係抱著一點期望而去，準時十二點到達，看到員工還在做當天的(受訓）當中，真的很有要求啊～由帶位以至到稱呼及擺位都一絲不苟，毎一份感覺都令人很賓至如歸～變化不似預期，早早在官網上看上的點心，原來當日已經簡化為一張更清晰的點心紙，想要的點心很多都不在預期內，亦見步行步，以下就是當日點選的菜式～餐前小前菜是一碟細細的烤麩,勁香麻油香氣~☆☆☆龍太子蒸餃HK$88(一件）這一款是他們的招牌菜式，所以餐牌上已預設，來者體積與份量都大，啖啖都有龍蝦肉口感，雖貴但鮮、不能不點⭐️⭐️⭐️⭐️紋甲魚花枝餃HK$88.(一件）屬於墨魚類，有口感亦富有彈性，席間每人一件不用爭，沒有沾上任何醬汁，就是喜歡吃它的原材料個性～⭐️⭐️⭐️⭐️蝦餃HK$一籠80(二件）呷一口茶認真吃下這一顆HK$40一件蝦餃，自覺豬肉比例少，感覺坊間的別不同⭐️⭐️⭐️鮑羅萬有HK$460.是一份有花膠/冬菇/鮑魚以及海參（半件）小品鍋，可能自己對這個小品有着半點期望，所以職員打開一刻有點兒失落，花膠很薄，海參亦只得半條，味道自己覺得較為咸了一點，不過廣東餸廚師通常都是重手一點理應明白⭐️⭐️⭐️叉燒半份HK$250.比例正常，這裏是可以以半分形式（落單）吃在口中的梅頭肉，（當日）自己就覺得較肥了一點（純屬個人口味）， 味道是正正常常，星級酒店來說，絕對可以收貨⭐️⭐️⭐️炸釀鮮蟹蓋HK$340.這一個外脆內暖鮮蟹蓋，澎湃飽滿，不過就略嫌與同級有質素餐廳略為份量細件一點⭐️⭐️⭐️薑蔥籠仔蒸東斑柳HK$420.這一個自己私心之選，簡單嘅食材，最緊要係條魚夠新鮮，上枱嘅時候已經聞到陣陣熟油的氣味，加上豉油，價錢雖然以份量來說是比較高，但論在於星級餐廳來說，(值得比）☆☆☆☆咕嚕鮮淮山HK$260.這一個是後加，看上蔬菜類，用平常咕嚕肉的製法加上淮山與及新鮮蘋果，爽口又沒有太多罪惡，自己就覺得幾唔錯⭐️⭐️⭐️⭐️飯後小點(贈送）細細的不會過甜剛剛好~☆☆☆★茶芥HK$48（每位） 論服務相信暫時係自己吃過中菜廳來說是最為達標，吃第一道菜式眼看客人用左手拿筷， 已在上第二道菜前，幫客人更正擺位，整體上食物沒有太大驚喜，但也不至於失望，（點心方面比預期中少）如果以自己現時食過四間星星米芝蓮中菜廳，個人會較為喜歡吃過兩次的嘉X樓。★
繼續閱讀
The best dining experience ever. 環境服務真係超級好，啲員工個個超級專業同好客好到我寫左人生第一封appreciation letter比佢地🥹🙌🏻由點菜個刻開始會好關心客人嘅dining preference (又唔會令你覺得too much個種，好重要‼️)當日職員知我地想試多啲菜式，會幫我地安排可以每樣野份量細啲 (價錢都可proportional咁計) 🥹每碟菜都會好悉心介紹，睇得出對啲食物、醬料同茶類配搭等好熟悉，真心好欣賞👍🏼試左佢地嘅《龍景軒炒飯》、《皇湯雞絲羹》、《蜜汁燒叉燒》、《有機黑椒爆大千蝦球》、《玫瑰豉油雞》由前菜、主菜、茶品，到甜品，完全無嘢可以投訴🥹可以試下request window seat，望住個夜景令成個體驗更精緻🌃，世一中菜🥹‼️
繼續閱讀
今日係另一半生日，當然唔可以失禮，點都要盡慶一下💪🏻今次我就book咗一間喺香港享譽盛名嘅中菜廳—「龍景軒」去慶生辰🤤晚上6點45分就已經到咗，餐廳嘅侍應好貼心幫我哋安排咗窗邊位🌃等我地可以望住維港食住呢餐賓至如歸嘅晚餐，最重要嘅係因為依家夏天日照時間比較長，所以就可以一路食一路望住維港由夕陽到晚霞到夜深🌅🌇🌆🏙️🌃職員好有心思咁樣講解返餐牌，再俾時間我地慢慢睇，最最貼心係侍應知道我地得兩個人，主動問我地嗌嘅餸可以改為細碟，等我地食多啲唔同嘅菜式，呢個又係一讚嘅細心位。所以我地就好貪心咁樣嗌咗：1）皇湯雞絲羹 ⭐️⭐️⭐️⭐️⭐️ / ⭐️⭐️⭐️⭐️⭐️🐓2）椒鹽田雞腿 ⭐️⭐️⭐️ / ⭐️⭐️⭐️⭐️⭐️🐸3）九製陳皮爆澳洲牛柳粒 ⭐️⭐️⭐️⭐️ / ⭐️⭐️⭐️⭐️⭐️🐂4）香醋小排骨 ⭐️⭐️⭐️⭐️ / ⭐️⭐️⭐️⭐️⭐️🐖5）有機黑蒜爆大千蝦球 ⭐️⭐️⭐️⭐️⭐️ / ⭐️⭐️⭐️⭐️⭐️🦐6）羊肚菌上素芋絲燒豆腐 ⭐️⭐️⭐️ / ⭐️⭐️⭐️⭐️⭐️7）欖菜崧子蛋白澳洲鵪鶉炒飯 ⭐️⭐️⭐️⭐️ / ⭐️⭐️⭐️⭐️⭐️🐦⬛8）金絲香麻酥 ⭐️⭐️⭐️ / ⭐️⭐️⭐️⭐️⭐️皇湯雞絲羹真係世一，侍應同我地講話廚師用咗十幾個鐘去精心烹調，真係飲得出功架，雞嘅鮮味再上金華火腿嘅鹹味，另外食羹好多時有個通病，就係個芡會勾得好粉，但呢一碗羹真係感受到係用真材實料去烹調出黎，世一不為過。之後就陸續上黎其他嘅主菜，分別係椒鹽田雞腿、香醋小排骨、九製陳皮爆澳洲牛柳粒同有機黑蒜爆大千蝦球。田雞腿反而有啲普通，沒有太大嘅驚喜。而個香醋小排骨食落去一啲豬臊味都無，每一舊都痴住少少嘅肥膏，令到食落去會更有口感。牛柳粒我另一半就唔多喜歡，因為佢唔太鐘意食牛，但對於我黎講確實係出色，牛係外酥內嫩，出面有淡淡的陳皮味，但又唔會搶咗牛嘅味道，反而係更加相輔相成嘅食材。而主菜最出色嘅一定要講到有機黑蒜爆大千蝦球，蝦球差唔多成個拳頭咁大，之後黑蒜嘅獨有味道去爆炒，令到個香味更加突出，令個真係絕對要嗌。到最後嚟一個素食，羊肚菌上素芋絲燒豆腐，但呢個係有少少失望，最主要嘅係無記憶點，味道亦都同坊間嘅相差無幾，食到嘅係每個材料自己嘅味道，但就無集合為一體嘅味道。最後因為小弟唔夠飽，所以就整多個欖菜崧子蛋白澳洲鵪鶉炒飯。粒粒分明，鵪鶉份量同飯基本上係一比一，一啖飯一啖鵪鶉，唯一扣分就係色水可以再好一啲。最後就用一個金絲香麻酥，再加上一個龍景軒送俾我另一半嘅甜品伴碟黎做甜點，為呢一餐畫上一個完美嘅句號。雖然今年嘅米芝蓮指南，龍景軒好不幸第一次降星，但試完佢地，不論食物質素、食物嘅要求、用心去製作、服務暖心等等，都可以話喺香港出類拔萃。每人對食物嘅味道都有唔同嘅口味同追求，所以我地覺得一般嘅菜式，唔代表佢做得差，可能係我地唔識得點去欣賞。另外唯一要彈嘅地方係我另一半臨走前去洗手間，佢比我嘅feedback係個衛生環境比相像中差，一入到廁格係有震尿騷味，我相信如果用一間頂級嘅中菜廳，再加試四季酒店呢個招牌，就應該可以做得更好🥹。最後祝我最愛嘅另一半每日都可以開開心心，生日快樂🎂。
繼續閱讀
一直都好想試下四季既中菜，終於都有機會黎一試，服務係完全冇令我失望，食物都冇可挑剔。但以米之蓮黎講，就覺得略嫌遜色左小小，特別係個wine pairing ，酒既質素非常一般。所有食材都好平穩，冇太大既驚喜。炸蟹蓋既炸粉冇咁厚比其他米之蓮中菜好，食完唔會覺得好滯。羊肚菌菜膽燉遼參喺成個menu 中係比較突出既一個，用湯整既遼參，非常入味，好鮮甜。和牛柳粒都好特別，佢係有小小炸粉喺面，入口有外脆內軟既感覺，juicy 。蠔皇三十頭吉品鮑拼星斑柳冇想像中咁出色，但鮑魚味都好濃郁。個signature 龍景軒炒飯，滿滿海鮮粒，口感好豐富，個飯都炒得好乾身。Overall ，成個體驗我都好滿意，雖然wine pairing 既酒唔出色，但個品酒師都好樂意聽我地既意見。
繼續閱讀