影片
相關文章
之前已經食過呢間沾麵好幾次，覺得都幾好食，尤其是個蟹粉沾麵，諗住今次帶埋屋企人食啦，點知中伏😢搵咗位坐底已經即刻手機落單，等咗20分鐘都未話有就出去睇下，仲未有！可能店員忙住處理外賣單啦，我地等咗30分鐘就出去問下職員究竟有未？🥲佢話而家整緊，話今日缺人，等陣有嘅時候就會行過嚟話我地知🙏最後等到第45分鐘真喺覺得好離譜，出咗去睇下究竟有未？？！終於見到有啲堂食嘅餐擺咗出嚟，可能店員忙到都唔得閒分邊個打邊個，最後都喺我地自己見到，自動波拎餐🥲一句唔好意思都無。。。喺咪老闆唔喺到就咁樣？如果知道會等咁耐真喺唔會食呢間。。。Btw筷子湯匙都幾污糟下🫠
繼續閱讀
喺社交平台睇到拉麵店嘅宣傳，作為一個蟹麵 🦀鐵粉見到88蚊都ok幾吸引就特登去太古城試吓。其實唔洗加料+$20都夠蟹粉撈麵🍜。麵就幾有彈性，蟹粉夠多膏/多料又香食得幾過癮，見佢係個盒入面浸住都幾滿足。加埋一齊調味都幾好，啖啖料😋。啲份量都幾啱我一個女仔食，食哂又唔會濟。個茶 ☕就正常味咁款，食完個麵有啲口乾濕吓嗰口。食堂嘅環境當然冇餐廳咁舒服/有私隱，但勝在唔洗等位。如果唔介意食堂既環境都應該嚟試吓。
繼續閱讀
上網見到太古城Aeon新開咗呢間日式沾麵，睇d相勁吸引，第一時間去試吓😋-極上3L廣島蠔龍蝦沾麵 $123上枱時d龍蝦湯喺石鍋度，係好熱辣辣，不停滾緊。試一試啖湯，龍蝦味比我想像中濃，就咁飲會偏鹹，要夾起d沾麵浸落湯度食，就剛剛好啦。湯入面有兩小舊龍蝦肉。沾麵份量算多，同埋粗身，食唔曬😅有兩塊叉燒，都幾大塊同厚身，味道出奇地好喎👍🏻炸蠔就正常發揮啦，我覺得可以淨係點龍蝦沾麵都夠飽。呢個餐免費送凍嘅京都宇治玄米茶。總結味道唔算好驚艷，但可以一試的👍🏻
繼續閱讀
同行既友人嗌左個蟹粉沾麵😃，叫做正正常常有啲油👌🏻除左個蟹粉有啲凍之外，佢碗麵喺呢間餐廳黎講已經唔算難食。赤海老沾麵真係有嚇親我😅，一上黎個湯完全係生粉水😀唔係濃湯既杰，係勾芡嗰種杰，究竟落幾多羹生粉先做到🫢，唔知以為自己食緊三絲炒麵，不過個麵底換左拉麵咁解🙂↕️唯一好既係個湯夠熱，上到張枱度仲係滾到冒泡的🥵就算佢溫度夠熱碗麵都真係唔太掂，個沾麵湯真係好杰好杰。。希望店家可以研究下點樣整濃個湯底，其實沾麵湯重要既係味道，唔係個質地🤝。
繼續閱讀
上次食呢間嘅沾麵炸蠔好好食今次試佢嘅炸雞飯熱辣辣脆Juicy雖然都幾肥，但係食得好滋味🤣飯量好多同埋炸雞，所以食到好乾有蛋黃醬點溏心蛋唔夠重醬油味，但係好流心
繼續閱讀