龍寶酒家

叫左野食等左成個鐘，隔離枱啲人遲黎過我地都已經上曬野食，我個枱一樣野食都未上③，催佢先知冇落到單，個啊姐拎左張對面人地落既單過黎，仲要張單唔係我地落既，係到hea我，話我冇俾點心紙佢，但明明係有俾到佢，又講到我冇寫枱號又成，仲要態度惡劣，老馮咁叫我再落過單，一啲歉意都冇，你呢間野究竟係唔優做定本身員工訓練唔夠？定恰人地唔出聲？覺得hea過就算？忙同多客我理解，但唔係個客落左單，而你地啲員工屈個客冇落單，已經唔係第一次！亦都冇下次😑💩💩💩👎🏼…查看更多

經朋友介紹到這間酒樓食3xxx蚊全包宴，包了一間房，並有麻雀耍樂。食物質素唔錯，乳豬皮脆肉嫰，龍蝦伊麵的龍蝦肉彈牙，伊麵亦不糊口。 炸蟹鉗有杏仁片包面，個人覺得很好吃。其他如蒸魚，炸子雞，炒時蔬都非常合大家口味。另外的炆鮑魚鵝掌的鮑魚炆得入味不錯，不會咬到口軟都吞唔到，鹅掌亦炆得軟淋。炒飯不油不膩，飯粒爽身。整體食物質素不濃味，不過咸，不會飯後感到口渴，而且份量足料。服務亦周到，有位員工全晚負責我們間房的飲食要求，茶水、收碟換碟、主動問我們有什麼需要，自動自覺，這位員工值得稱讚。還有就是食飯沒有時間限制， 例如美X 集團旗下的酒樓、海港X 想做多轉生意而要求食客指定時數用餐，限時限刻就最乞人憎。一班親友聚首一堂希望邊吃邊閒話家常，度過愉快的晚上。但就因為要限定時間食完餐飯就什麼心情都沒有了。你估返工放飯咩！美中不足就是飯後生果，不太新鲜，有待改善。雖然酒樓不是開設在人氣商場，但整體性價比係值的，錢不是比唔起，但要比得值，不像一些酒樓食物價錢貴但質素就差過兩餸飯。…查看更多

2025年8月4日（14:27）在這間酒樓埋單，詢問收銀員價錢問題，她已用唔耐煩態度敷衍解釋！好像你冇睇清楚就落單嘅咩？之後我想等攞返張單他說你等乜嘢啊？我話等單囉！咁嘅惡劣態度簡直趕客！！而家香港飲食業咁難做，祝龍寶好運！…查看更多

週末帶老人家去飲茶，人流不算多。 坐下要茶，大力放在枱邊！要豆辦醬，又無咗回事！落單要炒飯又漏單！全程加送黑口黑臉，態度惡劣！食物品質，非常一般！ 如果不是老人家要來，－定不會光顧！😡😡😡…查看更多

今天是3月15日，於葵芳恆景商場的龍寶酒樓飲下午茶我開位時是7個人，但最後有2位有事來不到。故要求減免2位的茶錢。但你的經理態度奇差，話減唔到，叫我地一係唔減，一係再出去再攞飛，但當時食物已到，心諗係咪我可以現家就行出去？而且當時係無人等位呢個就係酒樓經營食肆管理的態度？其實佢可以解釋比我聽原因，而唔係叫個客走!2個位的茶錢可以比，但員工態度確實太差,令人以後都唔想幫襯！而且點心上到檯都只係微暖，唔係熱！…查看更多

**葵涌龍寶酒樓食評：令人失望的用餐體驗** 這次在葵涌龍寶酒樓的用餐體驗相當不理想，無論是食物品質還是服務態度都讓人感到失望。以下是對幾道招牌菜式的評價： **砵酒焗生蠔** 生蠔的鮮味完全被過於濃烈的砵酒醬汁掩蓋，口感偏乾且帶有腥味，未能展現生蠔應有的鮮美。 **大蝦伊麵** 大蝦的肉質尚可，但伊麵煮得過於軟爛，缺乏彈性。整體調味平淡，缺乏層次感，令人食之無味。 **花膠雞湯** 雞湯的湯頭稀薄，花膠的膠質感不足，雞肉也顯得乾柴。作為一道滋補湯品，未能達到應有的水準。 **口水雞** 口水雞的醬汁過於油膩，辣味單調且缺乏香氣。雞肉本身不夠嫩滑，整體口感與風味都令人失望。 **服務態度** 服務態度是本次用餐體驗中最令人不滿的部分。店員態度冷淡，對顧客的需求反應遲緩，甚至顯得有些不耐煩。這樣的服務品質與酒樓應有的水準相去甚遠。 **總結** 葵涌龍寶酒樓無論是食物品質還是服務態度都未能達到預期，整體體驗令人感到遺憾。若想品嚐高品質的中式料理，建議考慮其他選擇。 **推薦指數：★☆☆☆☆** （溫馨提示：若仍想嘗試，建議避開繁忙時段，並提前確認菜單細節。）…查看更多

新年飯本應開開心心，到埋單嘅時候發現餐前小食花生畀少咗，但計足我哋4碟，收銀員話即刻俾番兩碟我，我哋都食完飯啦仲食乜鬼花生，另一個收銀員已經話算數照埋單， 個收銀員竟然叫另一個侍應去我哋枱度數花生碟， 最後發現少咗先肯減番錢! 好心佢啦，咁玩嘢法點會再去呀！仲要13%服務費! …查看更多

經朋友介紹揀左這間酒樓食團年飯，2025年1月4日親身去酒樓同酒樓經理溝通左要間房，酒樓經理要求要至少4688的套餐先可以有房。睇完房間環境之後，我接受並俾左500訂金。但食飯當晚去到被告知原本我訂的房間無故俾左其他人。酒樓經理仲要十分強硬的態度表示房已經俾左其他人，而家無辦法。經手的酒樓經理求其在大廳指左個位置叫我們在那用餐。我表示不接受，最尾另外一個經理提出用木板屏風間間房的方案解決，無奈之下接受這個方案。真係無下次。圖片是原本預定的房間。…查看更多

星期日晚我們三姊弟帶老爸老媽去附近恆景龍寶吃晚飯，這裡有很多不同款式的餐牌提供，我們點了一個$438的五和菜套餐，套餐包括客家鹽焗雞半隻、紅燒豆腐班腩煲、 韭黃滑蛋鮮蝦仁、 蠔皇花菇扒時蔬、脆皮燒腩仔(半斤)；另外再加一人一盅花膠燉湯。五和菜性價比很高，平日星期一至星期四只是$388，星期五、六、日就加多$50，非常抵食! 而且味道及份量都算OK! 值得一讚是這裡的原盅花膠燉湯，湯料十尺，有花膠、雞腳、瘦肉、 人參仔，味道非常鮮甜 ! 冬天就快到，大家不妨來一盅滋補下!順便一提，來龍寶食晚飯，每次都有甜橙送，一人一個，拎返屋企慢慢食都抵啦! 夠晒健康! …查看更多

平時都好少留負評㗎，但係呢一間真係忍唔住同埋個體驗真係勁奇怪！我哋都叫咗好多唔同嘅小菜食，跟住叫咗半隻乳豬估唔到佢係成隻上㗎，即係意思係冇幫我哋斬件😨😨😨最搞笑嘅係佢哋係收13%嘅服務費，我哋要自己去攞鉸剪去斬乳豬，仲要收我哋13%服務費？成個體驗真心奇怪。 雖然佢哋嘅價錢好似爛係收得好平咁樣，但係咁樣嘅體驗咁樣嘅服務真係搞唔掂。😨😖😖😖最重要係個服務態度，個服務員佢送完個乳豬之後，連鉸剪都唔俾我哋，我哋全部都黑人問號？冇諗過要自己去剪乳豬，仲要唔比鉸剪我哋。…查看更多

第一次嘅體驗好奇怪啊，我哋食父親節飯，呢度嘅價錢其實係幾吸引嘅，好大眾化，同埋有啲特價嘅菜式都會係好平，我哋叫咗半隻嘅乳豬，但係居然係半隻上，廚房居然冇斬件😱 跟住我哋問返店員，佢話原來係唔包斬嘅，跟住佢先比把鉸剪我哋自己去剪開啲乳豬。其實個乳豬個質素係幾好嘅，不過第一次要自己去斬件就怪怪地😅…查看更多

預訂7:00母親節晚飯 ， 講明咗7:00，亦通知哂屋企人！當日打嚟叫我早啲去，都唔緊要，去到人未齊就大聲夾惡問我地上菜未？話晚餐係6-8:00，第二輪係8-10:00，我話你冇講，佢話佢有講⋯ok其實我地屋企人都食得好快，都唔緊要。好啦！都算，唔知點解上乳豬時係原隻上⋯我⋯真係見識小⋯冇諗過要自己剪，連隔離枱嘅食客都忍唔住話未見過，乳豬要自助⋯我地食完埋單走時，其實已經有好多空枱，啲食客走咗之後唔好話返枱，鬼影都冇隻，真係咁樣嘅服務態度，搵你阿媽去真係永遠冇下次…查看更多

適逢家庭有餞行聚會，老爸極力推薦去葵芳恆景龍寶晚飯， 話嗰間龍寶又抵食又好味! 既然80幾歲的老爸這樣說，就不妨去試試，順便推廣下:)!上個星期五我們一行12人訂了晚上七時半，吃龍寶的「無敵九大簋」全包宴! 這間龍寶地方闊落無柱位， 而且以現在香港星期五晚來説，這裡晚飯時段十分旺場， 座無虛席，恭喜恭喜!這個「無敵九大簋」全包宴足12位，非常抵食， 平日星期一至五，$1,899， 星期五、六、日及公眾假期就要$1,999，如果要廚房剪埋乳豬上碟就加多$100，所以當晚埋單是$2,099全包，真是超级「抵」！！！每道餸菜都非常有水準，絕對不是將貨就價! 先講「脆皮乳豬全體」好新鮮， 溫度適中，又多肉又唔肥!「上湯珍寶蝦球伊麵」隻隻蝦球都大大粒，伊麵又好入味!「西蘭花彩鳳鮮帶子」好大碟又足料! 西蘭花、雞柳和帶子都炒得恰到好處，又健康又好味!「櫻花蝦大蠔餅」真的做得好出色，份量好大碟，炸得脆卜卜又多蠔仔，是小妹必食推介!「翡翠玉環瑤柱脯」瑤柱好大粒，但節瓜脯略嫌有點生，蒸得未夠腍!「清蒸沙巴大虎斑」夠曬足秤，好新鮮!「鮑汁花菇扣鵝掌」花菇同鵝掌都燘得好入味又夠曬腍! 至於當晚嘅「客家鹽焗走地雞」，我地等咗好耐先至出菜，唔知係咪隻走地雞走失咗，當所有菜式上曬後，齋等碟走地雞，足足等咗有成20分鐘先嚟:(! 不過碟走地雞啲肉係好嫩滑好有鹹香味，等耐啲都算啦!最後上 「蛋黃蓮蓉大蟠桃」，唔使講梗係熱辣辣，好味道啦!總括當晚，小妹誠意推介大家一齊去恆景龍寶試試佢哋嘅「超值九大簋」全包宴，性價比超高! 小妹只需用3個字來總結 ～「平、靚、正」! …查看更多

完全就系無服務！態度差，唔理你幾大聲講“唔該”，講幾多次，D服務阿姐就系扮聽唔到，佢仲要同我對視，之後繼續聽唔到，同佢要個辣椒醬咋，佢好似好唔情願俾，黑面問“系咩食呀？”唔食我點解要同你要呢！！真系奇怪！叫佢添下熱水，呢次系無講嘢就摞走去加水啦，點知拎返來時“呯”聲掟系張臺，嚇死我地呀！朋友仲講笑話“係唔係因為我地無叫鮑魚，海參，魚翅呀！”BTW，我地系飲早茶無下次啦！原本開心約朋友早茶，又試下不同茶樓，點知差成咁！…查看更多

兩公婆諗住平平地食一餐，又泥到龍寶，竟然差不多滿座啊！一人一隻乳鴿，加一鍋海鮮冬蔭功。乳鴿新鮮炸起，好香又熱辣辣，$20.8特價，正！第一次試冬蔭功，中式酒家又做得吾錯喎！湯都飲了兩碗仔，都只係$88。兩公婆細食，兩味攪掂，埋單吾使2舊水，最後仲送兩個甜橙，讚！最多人叫嘅係醉雞湯鍋+大蝦伊麵，大特價$238！夠4人份量，我兩個人食吾晒，下次約多些朋友再泥食過。龍寶屬街坊級酒家，若嫌招呼不週，裝潢不夠高級，那就不要幫襯了。人均消費百零蚊，座得舒服過茶餐廳，起碼吾使食完趕住走。…查看更多