龍城冰室

營業中

休息中

餐廳賣放左好耐既飯比人食賣成58$，火都黎埋，唔想整話無咪得，一睇就知放左好耐，食左一啖覺得唔熱，飯放到淋哂，菜都變哂色，鰻魚變哂色，入口得個鹹字，咁都唔理照比客食，一定無下次！！

早餐B有水準服務態度：一般，無主動走過嚟問我食咩。環境方面：20張4人卡位，有幾張相圓枱。卡位比較細，如果人多都會好窄吓，椅坐就都幾舒服。食物質素：沙爹牛肉面，面身唔會太軟，有口感，湯夠沙爹味，牛肉都夠味。炒疍有牛奶味又滑，芝士火腿牛角包夠熱夠軟。齋啡夠甘香。性價比：中高總結：我會再去，因為仲有其他食物可以試下，初步感覺良好。我之前都食到過茶餐，不過無寫到食評，果次都好正下，因為可自由配搭食物。非常之適合我。好味指數

今日經過藍田，第一次嚟龍城冰室食嘢.....我叫完嘢食之後，食物都好快就到。我問樓面想要少許沙律醬....佢竟然答我，你個餐沒有跟沙律醬的。所以唔可以俾你我再問這個樓面是否不可以比我。我就問佢咁什麼餐先跟沙律醬。佢同我講魚柳包餐先跟沙律醬。這間餐廳真是九唔搭八，我從來未去過一間茶餐廳，要沙律醬佢話吾可以比，你這間餐廳的沙律醬是否很貴呀！態度差食品一般服務根本沒有的

茶餐廳來講呢度嘅質素都OK嘅 平時好鍾意食佢個常餐 瑞士雞翼撈麵加凍檸茶再加個脆豬 我中午嚟食多幾飽 雞翼雖然得兩隻 但係係雞全翼 所以都夠飽個瑞士汁都幾好食 個脆豬凍咗啲但係都OK嘅

有次夜晚去食飯，叫左幾個小菜，但係等左成半個鐘都未到，於是就揾左個着黑色裇杉既女人過黎，叫佢幫我問下D野食要幾時先到，点知佢竟然無去問到廚房，仲要即刻用非常恶劣既語氣答番我，話;宜家係晚飯繁忙時間梗係要等耐少少架啦，入面有好多單都做5切，追都無用，等5到咪5好出黎食囉，出黎食飯梗係要等架啦，跟住我就同佢講:我知出黎食飯係要等，但係你都要幫我問下要幾耐到先得架，之後佢都係無幫到我問就行开左啦雖然呢間餐廳d食物叫做ok,但係最主要既係呢個女員工既態度實在太差啦，5會再有下次

早排經過見到岩岩開，不過成日都幾多人食，所以1直無食. 今日晏晝就決定試下，打咗電話過去落單外賣自取. 十二點幾，未有下午茶，有幾個午餐，另外仲有menu款式都算多. 散叫咗個咖哩牛肉飯，另加咗$9叫杯凍檸茶. 過咗十幾分鐘，去到餐廳門口，堂食條隊都幾長龍. 外賣自取都要排隊，去到排隊俾錢拎外賣. 外賣收錢都算多人，要排4-5個. 不過排完隊，野食已經預備好，拎完走得. 講番個咖哩牛肉飯，啲牛肉都幾淋幾好笑，咖哩味重，啲汁撈飯又唔錯😍 飯量唔算多都夠飽，啲飯唔算淋唔算硬，中規中矩啦. 杯凍檸茶叫咗少甜，正常.

新開嘅餐廳，成日行過都見到排晒長龍，於是就去試吓係咪真係咁好食啦，去食個下午茶。入座未夠鐘下午茶唔緊要，230就會有侍應放低下午茶餐牌。炸脾薯角雞髀個皮都幾脆，都熱，肉就一般，都幾大雪味。薯角就ok，正常質素沙嗲牛肉漢堡扒3.6牛乳炒蛋公仔麵沙嗲牛肉好難食，好大梳打粉味漢堡扒都好難食，就算平時係茶餐廳食都係cheap漢堡扒，都唔會咁難食炒蛋就一般啦，不太滑總結價錢都唔平，食物偏細份。睇過佢餐牌都好多野食，但都偏貴，尤其係小菜。最重要係餐廳無冷氣，未食已經一身汗，食完更加熱，快快走。唔知係咪因為多人排隊而要咁樣等你快d快走呢。服務亦一般

乾炒牛河｜$46 （下午茶餐）拎到返屋企重係熱辣辣，幾有鑊氣，但牛肉有d韌。跟餐+$4凍檸茶幾好味喎，有4片檸檬，感覺新鮮唔苦，甜度岩岩好，唔係死甜。係好飲既洗式檸茶。

藍田龍城開了一段日子都未去過。淨係聽朋友提過好食，適逢今日得閒同老公去龍城食tea下午茶選擇頗多，老公本想叫豬柳salad但沽清了，改叫瑞士雞髀salad配coffee。我就叫了個幾新穎的紅豆西多士配奶茶。兩個餐味道尚算不錯，價錢30幾蚊尚算okay。冰室原來仲有自家製麵包，下次都想來試下菠蘿油

龍城冰室藍田滙景道8號滙景廣場3樓3A-59號舖餐廳係正藍田地鐵站既上蓋，成日出入地鐵站，上落都會經過見到好方便，知道餐廳開左唔係太耐之前成日都見到太多人幫襯所以一直都無機會試，但而家開左一段時間，可能加上疫情既關係，見開始無咁多人，所以今日就有機會黎試下啦感覺呢間餐廳算幾大方，炸魚柳有成3大舊，炸得好香脆，而沙嗲牛肉既份量都幾多下，而且幾濃味，好有誠意另外，最吸引既就係每份早餐都附有脆卜卜既牛油脆豬同埋嫩滑炒蛋

早餐食下新開既龍城，頭幾月太多人排曬隊，近地鐵站出口一直行就到位置相當便利，仲唔洗擔心落雨去唔到。堂食太多人所以買左外賣回去等大約5-10分鐘就有,可以舒舒服服返去食。早餐都有幾個選擇，米粉，通粉，公仔麵都幾多呢個鮑魚通粉餐真係冇得輸因為個迷你牛角酥包先食令到回家食都仲脆口，唔會淋曬炒蛋個味都OK，味道唔錯入口剛剛好通粉個量都幾多，一條條幼身火腿絲同鮑片絲，湯味都正仲要分多餐來吃今次已經第二次買來吃

夜晚同朋友經過見到咁多人就去試吓，要排隊，同埋龍城冰室咁多間分店應該唔差，叫左兩個小菜+1個小食，兩百幾蚊我覺得唔係咁抵，個重點係唔好食，椒鹽鮮魷無味，完全唔夠椒鹽，避風塘茄子，一樣冇味勁難食，好似求其炸好條茄子就放出嚟咁樣，個沙嗲金菇牛肉煲還可以，但真係好一般囉，完全冇驚喜，都唔知點解咁樣都排隊，服務員冇乜禮貌，但又未至於去到態度差，總括嚟講係失望，唔要求好食但未至於去到咁囉，真心覺得開咗咁多間分店都做到咁真係好失敗！

藍田搭地鐵經過見到間餐廳幾光猛就入去試試，D早餐價錢可接受，但食物質素就一般般，麵好似未熟透，硬硬地，沙爹牛肉味道還可以，奶茶唔得。但要提提伙計用來抹枱塊布就真係好很污糟，抹完枱有陣陣臭味，好難頂！無百達通，只有現金比錢。

食物係同區來講已經算好，衛生正常，抗疫措施足夠，門口提供两枝搓手液使用，進店必須量度體溫，員工親切有禮，唯獨電曲中長髮女收銀員態度惡劣，呢個時期個個都戴口罩，聽唔清又好，講唔清又好，都無需要反白眼，更無需要發脾氣冇耐性咁質問：講多次！仲要找錢個時掟錢！！！開業至今，一星期惠顧4-5次，我都算得上是常客，平時串貢貢都算，反正都係忍找贖個幾分鐘，但今次係過曬位囉，希望貴公司能正視

今晚8點幾去食左老麥巨舞霸，跟住見到新開呢間藍田匯景商場入面開左間龍城冰室 見到有我最飛弗的馬拉盞炒通菜仲要加埋牛肉 都覺得怪怪地加牛肉！！！不過唔緊要啦有通菜就掂啦 位等左陣仲頭搭台添 都算啦 咁就叫最期待的馬拉盞炒通菜牛肉70蚊 再見至愛蒜香骨41 仲有飯湯同野飲 .....等等等骨黎先 再望下錶45分仲未見碟菜。。。。點知菜一黎直頭想反碟通菜唔係個種通菜 仲要唔係馬拉盞咪 頂多似蒜香加辣椒炒姐 好彩叫佢濃味 唔係都真係唔洗食 唉港式茶餐廳真係唔掂啦小炒