龍城冰室

營業中

休息中

阿媽一唔煮飯，我哋就會去龍城茶餐廳，因為細佬鍾意食飯，而我又鍾意食包。今日細佬叫咗個炒飯，首先佢嘅份量好大，飯炒出嚟係粒粒分明 ，食得出佢嘅鑊氣， 奇怪係我食完個包再食佢個飯，凍咗都覺得好味， 講真佢好食過好多酒樓，真係又平又好食。而我就食菠蘿油，我認為判斷一個菠蘿包好唔好食，就係睇下佢凍咗都會好食。如果餐廳可以焗熱佢， 就非常一流， 可惜我係諗多咗。 雖然個包唔熱，但係我配埋杯熱奶茶，真係好夾。有時我都會買定一個菠蘿包，畀聽朝做早餐，喺屋企焗熱加牛油，真係超正👍

住喺度嘅街坊，平時都唔少人會幫襯。我哋都幫襯好多次，但今次真係令到我好嬲。話說今次晚飯帶埋個女一齊食。咁小朋友坐唔定大家都明。佢落咗地下一陣，就俾個侍應撞到。當然我哋都有責任，但個侍應一句道歉都冇，另一個侍應仲大大聲叫我哋好好睇住小朋友。佢嘅溫馨提示一啲都唔友善，令我呢餐飯真係唔係好食得落。所以我決定以後都唔會再幫襯呢間咁樣嘅餐廳。我希望呢個食評可以提到大家盡量都唔好帶太細嘅小朋友去呢間餐廳，因為今次經驗真係令我好難忘。

31號早上食早餐，嗌咗榨菜肉絲米結果上錯餐變咗雪菜，就要求佢哋換返榨菜，同行嘅都已經就嚟食完，嗰碗都仲未嚟。之後去問一個戴粗黑框眼鏡嘅女侍應阿姐，叫佢希望跟一跟，結果對方以極之晦氣而惡劣嘅態度，啤住大聲呼喝，同你跟緊，隔離另一個女侍應相互呼氣為阿姐護航，一啲都唔覺得呢個阿姐態度有問題，仲話唔應該嗌英文字母落餐，真係想知道乜唔可以用英文字母落單？如果唔可以用英文字母落單話，你哋餐牌就唔好英文字母咁寫，或者係早講，好明顯啲侍應推卸責任，將落錯餐的責任推落顧客身上，跟住又有一個之前跟我落單嘅金髮男侍應走來質疑的態度問我哋落係唔係雪菜肉絲米，又一次將落錯單推喺顧客身上，事後我表示要搵經理，結果冇人理會，呢種連串惡劣服務態度恆常化，真係極品，此後不會再幫襯呢間餐廳。建議唔推介呢間餐廳。

上星期去咗「龍城冰室」嘅餐廳，環境好唔錯。店舖外觀有大大個招牌，入面裝修以木系為主，燈光柔和，坐得好舒服。我叫咗個下午茶餐，有熱狗、薯條、越南春卷同凍奶茶。熱狗好正，腸超大，差唔多有我手掌咁大，咬落去好juicy。搭配嘅番茄醬同芥末醬味道好夾。只係薯條份量略嫌少咗啲，食唔夠喉。越南春卷就真係好出色，熱辣辣，外皮超脆，入面餡料豐富，口感層次好豐富。凍奶茶茶味香濃，奶味亦唔錯，甜度啱啱好。呢個下午茶餐價錢好抵，最平嘅$47就有交易，仲包埋飲品。整體嚟講，龍城冰室性價比好高，食物味道唔錯，環境又舒適，好啱同朋友一齊嚟食下嘢傾下計，下次一定會再嚟試吓其他食物！

今日阿媽罷工唔煮飯😅，唯有同細佬落街搵嘢食。細佬最鍾意食炒飯🍚，因為佢哋嘅炒飯真係好好味，粒粒分明、炒得好香🧄。我就叫咗個晚餐：雞扒腸仔意粉🍝。呢度嘅雞扒真係出乎意料咁好味😋，外脆內軟，咬落去仲有肉汁，完全保留到雞扒嘅原汁原味👍。 我哋兩個都係叫咗凍檸茶，到咗晚餐時段，啲茶都keep得好好，唔會苦澀。老闆真係用心管理，呢間餐廳怪唔得開到成行城市 🍽️。如果大家有時間，不妨嚟試吓呢間餐廳，保證唔會失望😄！

今晚又喺藍田，由於朋友唔想行到上去啟田食嘢，所以就喺匯景搵嘢食，三四樓都有好幾間餐廳，最後選擇呢間龍城我哋入座都已經晚上八點半，人唔算多可以直入晚餐有4個，套餐都有包餐湯同熱飲，凍飲+$3湯有中湯同羅宋湯，我哋都㨂左羅宋湯，味道都唔錯，但就冇乜料朋友叫左芝士牛柳意粉牛肉份量都幾多😮，最後食唔哂要打包我叫左個胡椒豬肚雞煲，連客飯個煲份量俾我想像中多😮啲雞都幾滑，豬肚都淋，有好多舊，煲底有大量的菜煲入面的湯都好飲，我將啲湯撈飯當湯飯食，不過碗飯都食唔哂…熱檸茶有4塊檸檬，味道正常

入座員態度惡劣甚少過來食嘢，最後今天來試試，嘩！今日是平日都要排6至7張枱才能入座，我們二人先到，因為爸爸會遲少少才能來到，等入座良久，最後一定要齊晒三位先俾入座。我立刻改二人，因為二人都可以安排卡位，眼見卡位多是二人的。入座員無視我的改動，俾了隨後的二人先入座卡位。我們也是二人也先過他們來。入座員跟著話要搭台二人位。我覺得極不合理。入座員也愛理不理。其實有欠公允。幾好食都無用。因為唔止得你一間。再見！

有次叫外賣，好聲好氣問個收銀姐姐。佢應左我問我幾多號number，我答左佢。然後同又同第二個客人要改餐等左陣見佢冇理我，我問多次外賣有未，佢答我：「你見唔見到我好忙？」最後我自己入左去搵。———————————————有次堂食叫雙拼餐坐底就叫雙拼沙嗲牛肉加魷魚米粉送餐上左雙拼沙嗲牛肉加魷魚米粉，加腸蛋包。我先知佢落錯左。落單個阿姐大大聲同我講：「係咪呢落錯左啦，你話加魷魚，係要叫雙拼沙嗲牛肉魷魚！」黑人問號，一大朝大聲到成個商場都聽到都算啦，自己落錯單，又話我講錯野。我由頭到尾都冇講過要蛋腸包，點解自以為是就落單，然後話個客叫錯餐，而唔係作為侍應應該要問清楚？———————————————依間藍田龍城真係比錢買難受，野食份量又小，侍應啲語氣差到，唔知以為自己做錯咩。———————————————去過觀塘個間，完全冇得比，份量多一倍，晚餐煮得又好食，最緊要服侍態度好！

今日 約咗朋友喺藍田，貪方便就喺藍田地鐵站 隔離嘅匯景廣場食飯， 龍城冰室喺香港都有好多間分店都幾出名 ，集團式餐廳不妨入去試試，入去都真係幾多人，搵咗個卡位坐低 ，我望餐牌 真係乜都有得食， 有晚餐 ，又有小菜套餐，有鐵板餐。最後我同朋友都係食牛排鐵板。先來兩碗羅宋湯，微辣，係舊式羅宋湯味道，我鍾意，兩件丹麥多士鬆軟，主菜鐵板招牌蒜蓉西冷牛排，食得出有醃料處理過，不過唔差。鐵板招牌黑椒牛柳比較鬆軟，配黑椒汁係最夾，總括而言餐廳食物係可以，服務就唔係人人接受嗰種。

今日去龍城冰室真係氣憤，情況極為令人不滿。一向以來都支持這間餐廳，經常幫襯，但今日的經歷讓我徹底失望。一名染上紅髮的侍應全程黑面，態度非常不友善，不斷給壓力催促我們快點走。只是坐了30分鐘，他就毫不客氣地收走我們所有的餐具，絲毫不顧及我們還在用餐。然而，對於其他街坊客人，坐了一整個鐘頭也沒有半句怨言。我想問，是否客人吃得快就要被趕走？我們排了20分鐘的隊才得以入座，但這樣的服務實在讓人失望。食物質素亦每況愈下，完全無法與從前相比。這次的經歷讓我對龍城冰室失去了信心，服務態度如此差劣實在難以接受。作為一名顧客，我們理應得到基本的尊重和良好的服務，而不是被如此粗暴地對待。這次我決定不再幫襯，希望餐廳能正視問題，改善服務質素，否則只會失去更多像我這樣的忠實顧客。

烏冬質地煙靭，佢有濃濃嘅炒麵汁但冇膩感，配搭得好好！雞咖喱飯 雞咖喱飯，雞醃得都非常之有誠意，食落口感好腍完全唔韌！回味無窮，幾好丫！🐤餐廳咖喱仲有少少甜味，值得一試！蛋撻的蛋又滑皮鬆脆

晚上叫外賣，等30分鐘不在話下。阿姐小二服務極差。我問 我個餐得未，小二話 你得到叫你先過來得唔得？從來未試過叫外賣等到一飽氣。夜晚收工叫外賣 千其唔好幫襯呢間野。 極之過份。

服務態度極差，以後唔會再幫襯。冇見過有職員大大聲講粗口鬧客。冇人排隊自己行入去坐低，坐低咗5分鐘之後叫你出返去排隊，有冇咁搞笑啊？之後你唔行返出去呢，佢就唔同你落單囉。呢間嘢真係冇得頂😏

早幾兩公婆去食早餐嚟呢間所謂茶餐廳排隊等攞位本身都約咗兩個朋友一齊食佢哋未嚟到咁就排住隊先去到登記位侍應問我幾多人我話四個佢話未人齊唔入得我心諗茶餐廳今時今日仲等人齊唔怪得啲人北上返大陸但係呢如果兩個人呢佢就會比卡位你入去咁我同佢講我而家兩個咬咗一輪佢死死氣就俾我入去，坐到去跟住另一個老屎窟又係咁樣問你幾多人我話四個人調戲好似好唔順咁大佬今時今日食個早餐唔需要咁樣對客人咁嘅態度奉勸各位如果受得起嘅就去幫襯啦

今時今日邊度仲有茶餐廳人齊先至比入去食早餐，唔怪得今時今日香港人北上消費早幾日同太太去藍田呢間茶餐廳，同埋約咗兩個朋友一齊，咁啱佢又未到咁我哋排隊大約10分鐘先至到登記位，店員問我幾多人我話四個佢話未人齊我心諗食早餐使唔使要等人齊呢？反而兩個人到齊佢就比兩個人卡位咁什麼道理呀，跟住店員無可奈何俾我入去咁又另一個類似主管又問我幾多人我話四個佢好似唔滿意咁樣咁，當時我都係叫住一個早餐先又問我人齊未正如劉德華講今時今日咁嘅態度真係唔掂當真⋯⋯