影片
電話號碼
61888270
開飯介紹
裝潢獨特且融合日式元素，其日式鐵板燒採用新鮮高質食材，廚師發辦設有不同價位，豐儉由人，是約會及與好友聚餐慶祝之選。
繼續閱讀
營業時間
今日營業
11:30 - 02:00
星期一至日
11:30 - 02:00
以上資料只供參考, 請與餐廳確認詳情
有關餐廳
有關獎賞計劃
上星期同個朋友慶祝生日原來太和都有鐵板燒食朋友要早番屋企湊小朋友所以就同佢黎左佢屋企附近呢間隱世鐵板燒慶祝門面低調，但一入去就見到開放式鐵板吧枱佢哋冇固定餐牌，$1488/位嘅廚師發辦足足十道菜睇住師傅即席準備，每道菜都充滿期待第一道沙律已經有驚喜煙三文魚捲住爽脆蔬菜上面鋪滿中華沙律同魚子醬一啖咬落去，鹹香魚子「卜」一聲爆開混埋黑醋車厘茄嘅酸甜，醒胃到極跟住嘅鯛魚刺身新鮮到閃閃發光配埋wasabi，一啲唔攻鼻㗎再混少少魚子醬一齊食，鮮味直接升呢！ 白松露溫泉蛋一上枱成陣松露香衝過嚟朋友仲未影完相我已經忍唔住攪勻蛋漿混住白松露片，滑到似食緊雲朵咁開始主菜啦-馬糞海膽龍蝦一登場就霸氣十足師傅煮既時候好震撼，好似睇表演咁然後龍蝦煮嘅時候超級香海膽多到瀉，襯埋黑松露菇個鮮味濃到黐線旁邊大埔限定嘅奶油味Cream噌帶子三文魚籽混埋微甜味噌cream，真係好好食再點左啲黑色海鹽鹹鮮層次即刻唔同晒厚切鵝肝多士成間店已經瀰漫焦糖香切開夾住蛋白檸檬忌廉食好似法式甜品咁，鵝肝外脆內溶個忌廉竟然帶微微檸檬酸，完全唔膩熊本A5和牛薄燒師傅鐵板即燒和牛薄片旁邊菇上面有半熟鵪鶉蛋漿點埋黎食，有壽喜燒既感覺蛋蒜片蔥花爆香超惹味嫩蘆筍同翠玉瓜平衡油膩本來以為食完主菜師傅突然拎出花膠藥膳燉湯飲落超濃膠質但唔苦，好味仲有海膽炒飯都好正三文魚籽+蟹籽+馬糞海膽撈埋炒飯粒粒都好分明我同朋友成碗都食晒 甜品係柚子菠蘿雪葩竟然又玩海膽crossover冰涼酸甜中帶絲絲海膽鹹香第一次見雪葩配海膽，估唔到咁夾
繼續閱讀
第一次食鐵板燒omakase，揀咗個入門九道菜廚師發辦套餐，材料每樣都新鮮甜美，不過重複性較高。🌖 煙三文魚沙律煙三文魚鹹香適中，唔會over鹹，質感滑溜有油香。另外仲有中華沙律、魚子醬同龍珠果，結合清新得嚟又有層次，清爽嘅蔬菜中帶點鹹香又有啲酸酸甜甜，係幾開胃～🌖 法國生蠔、馬糞海膽、魚子醬生蠔超大隻，飽滿到震，先單食一隻非常新鮮甜美～第二隻撈埋海膽魚子醬山葵一齊食，直接爆鮮！海膽creamy，魚子醬帶鹹香，山葵微微刺鼻但唔搶，一啖有多重享受！🌖 溫泉蛋白松露、魚子醬海膽、蟹籽店家建議撈勻食用，入口係咸香滑溜又帶啲爆珠口感～溫泉蛋好滑，加埋松露香、蟹籽脆、魚子醬同海膽嘅濃厚，口感豐富好有層次～🌖海膽香煎鮑魚、味噌奶油海膽北海道帶子、黑松露蘑菇鮑魚質感非常抵讚，彈牙得黎又超級柔軟，令人印象深刻～黑松露蘑菇非常juicy，入口有幽幽嘅松露味；味噌奶油味道幾特別，creamy中帶點鹹香，加埋海膽鮮甜，帶子又厚又多汁，完美組合！但係呢個組合真係好厚，要一口食哂真係要好努力先塞得晒入去😂。🌕 鵝肝多士配檸檬奶油鵝肝超厚切，油脂香濃，一咬即化～配上檸檬奶油，真係一秒解膩，酸香balance得好好～但份量真係幾多，食到中段有啲滯，如果可以薄返少少或者細份啲就會更舒服無負擔～🌗 薄切和牛黎食鐵板燒，最令人期待嘅就係師傅嘅鐵板燒火焰表演🔥！師傅熟練又有型咁揮鏟同灑酒，喺火焰一撲而起之際，現場即刻掌聲四起，氣氛去到高峰！味道方面，和牛係薄切但依然肉味濃郁，包住大量蔥蒜一齊食，好香口，唔腥唔膩。旁邊嘅配菜有節瓜、粟米筍、鵪鶉蛋、蘑菇等，樣樣都新鮮又精緻～🌗 海膽魚籽蟹籽蛋包飯配酸梅汁講真，到主食時我已經九成飽🤰🏻，但有酸梅醬汁幫手解膩吊返少少口水出黎先可以繼續食😅，炒飯炒得乾身，內裡夾雜少少焦香嘅飯焦～面頭鋪滿海膽魚籽蟹籽，逼逼啵啵咁樣好過癮。🌖 花膠燉湯湯底燉得夠火喉，飲落順喉冇味精感～花膠勁大塊，而且煲得夠腍夠滑，滿滿嘅骨膠原食曬落肚🤩。🌖 菠蘿柚子雪葩結尾都唔可以馬虎～食晒咁多道菜之後其實好飽，但食一啖呢個雪葩落去即刻refresh晒～酸甜度啱啱好，菠蘿同柚子都幾突出，好解膩～Perfect ending❤️-#soso_foodie2025 #soso_hk2025#soso_400至800元 #soso_800元以上 #生蠔 #海膽 #和牛 #魚子醬想睇同區食店介紹？可以參考👇🏻👇🏻#soso_新界 #soso_大埔想睇同類食物介紹？可以參考👇🏻👇🏻#soso_日式 #soso_海鮮 #soso_鐵板燒
繼續閱讀
大埔呢間位置好唔顯眼嘅地方食鐵板燒，睇嚟係做開街坊生意佢地都有廚師拍板，二人餐都食到好夠飽。首先前菜有三格小碟，有涼拌洋蔥，夏熱天時食佢消暑開胃又抗菌。中間係牛油果蓉拌刺身多士，果肉同魚肉完美混合，互不搶味。第三格係三文魚籽魚肉刺身，有啲柚子味點綴，新鮮又醒胃跟住有生蠔食，經過微炙嘅蠔肉，輕輕鎖住內裡嘅鮮香，再加三文魚籽做topping，可以加埋wasabi同黑魚籽一齊，極cream極鮮呢個set嘅湯好特別，係畀一碗蛋汁，仲有蟹籽同醬汁打完卡就打勻佢，有咁勻巡得咁勻巡，就會獲得綿滑蛋湯一碗之後就到男主龍蝦火辣登場，廚師喺鐵板上料理龍蝦火光熊熊，坐喺鐵板前嘅食客絕對感受到嗰份熱情，之後就好有鑊氣咁上碟龍蝦啖啖彈牙香濃，更有大量蝦膏喺裡面，菇同帶子都燒得好嫩好香食完龍蝦，中間嘅小插曲係鵝肝多士，多士之上有兩大塊激厚嘅鵝肝，油香濃郁，加上中間嘅醬汁，成件多士可以當蛋糕咁食有溫度有態度又何止龍蝦呢？仲有牛肉都好猛㗎用牛肉包住一堆燒蒜粒，有燒香之餘又有口感，仲可以試吓點鵪鶉蛋汁，更加滑口之後仲有主食炒食一碗，同樣係充滑鑊味，啖啖有金黃焦香，最正嘅係，有一塊極厚極鮮甜嘅海膽瞓喺炒飯之上，太誘人喇食完炒飯勁飽，就嚟一杯柚子雪糕，果味超突出，清香無比，呢個次序又安排得幾恰當，食完消滯又滿足
繼續閱讀
仔仔考完試緊係要帶佢食餐好啦🥳事源我地好鐘意開盲盒關係，決定訂呢間位於大埔由廚師發辦既鐵板燒$1288/ 2位✨煙燻三文魚卷沙律配上聖女果同龍珠果酸酸甜甜，夠晒開胃✨法國生蠔超級肥美飽滿，配上三文魚子入口即有鮮味及淡淡海水鹹味，另外旁邊有Wasabi、清新嘅檸檬同魚子醬自由配搭，正！✨蟹籽、白松露溫泉蛋賣相已經吸引，Mix完後食落口連仔仔都大讚，話似飲緊忌廉湯✨澳洲龍蝦師傅用了龍蝦膏和加拿大海膽做醬汁，龍蝦肉質結實爽口彈牙，旁邊還有北海道帶子，上面有一層奶油味噌cream (大埔店限定）和三文魚籽，呢個配搭好特別✨厚切鵝肝多士鵝肝多士食過不少，但第一次配上雜果汁和蛋白檸檬忌廉，好似食緊甜品咁✨A4和牛卷五成熟燒得剛剛好，鎖住肉汁牛味濃郁，卷入炸蒜、蔥等配料入口香脆，伴碟蔬菜相當豐富有: 珍珠筍、意大利黃瓜、泰國蘆筍BB等等✨蟹籽、三文魚子海膽炒飯超有誠意的炒飯，除了鑊氣十足粒粒分明，面頭鋪滿咗蟹子、北海道三文魚子同馬糞海膽，每一啖都嗶波彈牙又脆口既感覺✨雪葩柚子、菠蘿及檸檬酸甜酸甜，解膩醒胃最後，提提大家因為性價比極高，記得要預先訂位呀
繼續閱讀
端午節假期訂了龍亭吃廚師發板，這天吃的是特別菜單。金龍梅酒，有菊花和玫瑰花瓣點綴，喝下味道酸甜，梅香適中，清新花香停留在口腔，十分適合夏天消暑。北海道煙三文魚特色沙律，有聖女果和龍珠果拌碟，味道酸酸甜甜很清新，配煙三文魚的鹹味，非常有特色。法國生蠔配三文魚子，可以拌著魚子醬，和wasabi一起吃，把西餐變成日式風味。生蠔十分肥美又creamy，微微海水味，後調香濃。白松露魚子醬三文魚子溫泉蛋，拌勻一起吃，感覺就像喝忌廉湯，是微溫的，吃到魚子醬的鹹香，又有蟹子的脆卜卜口感，好過癮。澳洲龍蝦，蝦頭膏可以拌牛油多士吃。龍蝦肉切粒，以蝦頭膏和自身肉汁炒香，不加任何調味料，非常鮮香又爽口。帶子拌奶黃忌廉黑松露，可以拌龍蝦肉一起吃或者淨吃，最特別是奶黃忌廉的香甜味道，原來配帶子更能突出鮮味。黑松露冬菇，冬菇本身帶清香，拌黑松露吃，調出鹹味，和冬菇香氣混為一體，簡單又特別。熊本縣A5和牛薄燒，配鵪鶉蛋漿蘑菇，可以把蛋漿拌入和牛一起吃，wasabi配和牛也是第一次試呢！薄燒和牛捲著蒜蓉和蔥花的香煎，惹味又香口，夾著蘆筍吃，更能提升鮮味。蔬菜伴碟有意大利黃瓜、翠玉瓜，是西式與日式的fusion。鐵板野菜炒飯配三文魚子蟹子海膽，野菜炒飯炒得十分乾身有嚼勁，很香。海膽新鮮，香甜得不得了，三文魚子、蟹子脆卜卜口感，拌入炒飯一起吃，讓口感層次豐富。檸檬柚子菠蘿雪葩甜品，是自家製的特色甜品，吃完香口的炒飯，來個清甜的柚子味雪葩，又有菠蘿汁香甜味道，很清新。二人埋單加一$1298，廚師發板來說，算是性價比之選，怪不得全場滿座，一定要提前訂位呢。
繼續閱讀