4
0
0
港鐵尖沙咀/尖東站 B2 出口, 步行約3分鐘 繼續閱讀
電話號碼
53032291
付款方式
AlipayHK 支付寶 現金
其他資料
Wi-Fi
酒精飲品
加一服務費
當面支付
食評 (4)
等級4 2018-09-11
390 瀏覽
食飯前經過呢間類像長洲糯米滋嘅小店,都想買番舊嚟攝吓牙罅睇見佢啲糯米滋個size都差唔多好似我手掌心咁大,同埋有我最鍾意食嘅綠茶紅豆味,$11蚊一粒就買咗件嚟試下阿肥都不甘示弱,買咗粒最原始嘅芒果味糯米滋($12蚊)同埋再要多杯芒果布甸($15蚊)添 老闆見到我哋為食嘅表情,都報以微笑伸手接過之後,已經即刻感覺到糯米滋Q軟Q軟嘅質感,白雪雪圓咕碌咁,一啖咬落去軟綿舒服,糯米皮雖然唔係超薄但係煙韌夠滑,芒果味酸酸甜甜咁好開胃,而紅豆亦係香甜粒粒分明,好味可口。兩至三啖已經整個K.O.,令人回味 之後再打開個芒果布甸,佢哋嘅做法分咗兩層,最頂芒果肉粒連啫喱,下面係芒果味嘅布甸,雪得夠凍又唔會過甜,都係酸酸味味咁啱哂啲芒果控喇 繼續閱讀
(以上食評乃用戶個人意見 , 並不代表OpenRice之觀點。)
等級4 2017-04-07
901 瀏覽
今晚同事升級飯局,阿頭好sweet買埋甜點贈慶,食完飯攞出來,一個普通外賣發泡膠飯盒,打開見到一堆白雪雪,肥嘟嘟、大大隻嘅糯米糍,每隻都有張圓形托底紙,包裝實在簡單,攞起好「聚」手,外皮撲咗好薄粉,唔會黏住,又唔會漿口,雖然厚身,軟熟嫩滑,煙煙韌韌,一啲都唔滯,入面嘅芒果肉好厚肉,一塊芒果方塊,咬落酸酸甜甜,咁厚都無渣,唔會有纖維渣,又唔會加忌廉,好純食到水果嘅真味!阿頭話一隻$14,咁大隻都唔算貴!以大家已經食完飯來講!味道仍然覺得好好味!真正好味! 繼續閱讀
(以上食評乃用戶個人意見 , 並不代表OpenRice之觀點。)
等級4 2016-11-17
520 瀏覽
長洲糯米糍好似有好多間,今日又見一間,鍾意食糯米糍嘅我,緊要買嚟試下,比較下啦原來吾只一間添都有好多款,但我都係對榴槤情有獨鍾睇落都覺軟綿綿咁係真榴槤肉呀!吾似有啲係榴槤味,啲榴槤仲好香添皮夠薄,煙煙韌韌,吾會太甜$16粒,有咁多榴槤肉,抵 繼續閱讀
(以上食評乃用戶個人意見 , 並不代表OpenRice之觀點。)
等級3 2015-10-13
570 瀏覽
芒果糯米糍店開到四圍都係. 小妹唔識分邊間係堅長洲/正店, 淨係識分好唔好食. 出開街見到都會買個芒果糯米糍黎試下, 旺角尖咀灣仔都試過好幾間. 覺得呢間"齒留香"出既最好食, 同埋location比較就腳.長洲芒果糯米糍既芒果又大又甜就梗架喇. 呢間既糯米皮搓得幾滑, QQ度岩岩好, 帶微甜. 最重要係佢夠濕潤--糯米皮同芒果中間有唔少芒果汁~~ 唔乾"爭爭"+皮薄餡靚= 佢比其他店優勝既地方. 仲有,平時好怕糯米皮粘牙,呢度連食兩個都冇問題呢. 食過綠茶芒果糯米糍($13)同普通芒果糯米糍($12). 個人認為分別不大。想食麥提莎糯米糍大概要早D去,次次夜晚去到果盤都係吉既...-___- 繼續閱讀
(以上食評乃用戶個人意見 , 並不代表OpenRice之觀點。)