5
3
0
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
我最近和女朋友到了這間齊柏林熱狗店，位置相當隱蔽。我點了芝味熱狗。熱狗的外層是鬆軟的麵包，內部則是香嫩的熱狗香腸，還有一層芝士醬，讓整個熱狗更加美味。我還點了芝士煙肉薯條和可樂，它們的味道也非常出色。我的女朋友點了火炙芝士辣肉醬熱狗，這款熱狗比我的芝味熱狗更加特別。它的外層是烤過的麵包，內部則是辣味香腸、芝士和辣肉醬。熱狗的口感非常豐富，讓人一試難忘。齊柏林熱狗店我會再去！
繼續閱讀
齊柏林熱狗🌭Zeppelin Hot Dog, 因為老闆覺得熱狗外型似飛船再加上自己喜歡嘅樂隊名稱🎸而命名。由荃灣鱟地方後巷一間唔夠100呎嘅外賣店，做到依家全港有43間加盟店，真係唔簡單。因為住荃灣區嘅關係，由細已經幫襯過，見證住食物質素上嘅變化。身為婆仔嘅我👵會諗三四十蚊食一隻熱狗到底值唔值？我會用ikea 7️⃣蚊熱狗作比較（鬼叫荃灣有ikea咩），個好味程度😋可唔可以一隻抵七隻🌭🌭🌭🌭🌭🌭🌭答案係間唔中兩邊都食吓啦🤣點都要支持吓良心小店嘅💛其實比起以前由嘉頓供包👨🏻🍳到近年自設麵包工場🍞🥖個熱狗包係大個咗同進步咗嘅（其實香港超市同麵包店都極難買到大隻又靚仔嘅熱狗包），比起另一間熱狗專門店「德國熱狗」，齊柏林嘅包真係好食啲，德國熱狗嘅有啲太淋。近日就試咗齊柏林嘅4️⃣款熱狗🌭🌭🌭🌭排名第一位好味嘅係🦘澳式風情熱狗，其實同澳洲唔知有咩關係🤪好似話係一個澳洲客鍾意食嘅食譜📃靈感嚟自港式麵包舖嘅pizza🍕包，有千島醬🥒菠蘿🍍芝士🧀煙肉🥓加用豬肉🐖做嘅紐綸堡腸，係店內人氣之選。🍍清甜，配千島醬冇得輸，加上豬肉腸味比較濃，可能因為我本身都鍾意食港式pizza包，所以覺得好好味🤤第二位係美國洋蔥圈熱狗🧅香港雖然好多美式快餐店，但好少提供炸洋蔥圈，有都要加錢或期間限定。我自己都幾鍾意食炸洋蔥圈，比起炸薯條🍟多咗份洋蔥獨有嘅香甜。熱狗用法蘭克福腸串住4個炸洋蔥圈，配BBQ醬🍖同芝士粉。麵衣脆令熱狗口感更豐富。第三位係🔥火炙芝士辣肉醬熱狗，係齊柏林嘅創店熱狗，價錢都比其他熱狗貴少少。可能外賣嘅關係🧀芝士做唔到半溶拉絲嘅效果，芝士都冇咩味🌶辣肉醬就更加唔夠味。第四位係士林原味熱狗，價錢較平，就係最經典嘅紅黃綠三色美式熱狗，呢度就再加埋BBQ醬。正常發揮。🍟薯條有少少偏硬🌽牛油粟米粒，🧈牛油好香、粟米好清甜，好食過麥當勞嘅100倍
繼續閱讀
齊柏林熱狗🌭️係薄有名氣的熱狗店，我就叫了最受歡迎的澳式風情熱狗，$38左右，很多醬，芝士和醬都流出來了，實在滿手都是！內有香腸和酸酸的味道，很開胃啊～～～～等候時間有待改善。
繼續閱讀
最近好難買到新鮮薯仔🥔，未買到薯仔，食住薯餅，暫時充下饑都唔錯～🤣💛薯餅（$10/2塊）Zeppelin Hot Dog嘅薯餅同熱狗一樣，都係即叫即炸，所以送到客人手上嘅時候一定仍然係熱辣辣🔥、好新鮮，而且係全日供應😍～薯餅炸到金黃色，非常香脆可口，咬落去仲食到啖啖嘅薯粒添🥔🤤薯餅原價$8/塊，最近做緊限時優惠$10/2塊😍，價錢幾吸引、幾抵食～如果下次唔想食熱狗🌭️，可以考慮下佢哋嘅薯餅😌
繼續閱讀
自從冇咗哈迪斯之後, 好耐冇食過類似快餐店嘅熱狗! 最近喺大窩口開咗一間連鎖店熱狗舖頭-Zeppelin Hot Dog。 今晚叫咗一個澳式風情熱狗 , 紐約辣味熱狗, 跟套餐加$12, 有薯條, 粟米, 薯餅或者冰菠蘿畀你揀, 仲配埋汽水! 呢個澳式風情熱狗$38, 裡面有芝士, 煙肉,菠蘿,千島醬,紐倫堡腸。 個包都鬆軟, 芝士唔夠多, 焗完有啲硬, 我預期係好滿嘅芝士, 好juice可以拉絲咁, 但冇囉!呢個係 紐約辣味熱狗$38 , 裡面有炒洋蔥,特製黃芥辣, 茄汁, 匈牙利腸。 薯條普通, 配千島汁加茄汁。 佢仲有其他小食,炸魚薯條$30, 芝士煙肉薯條$28, 芝士辣肉醬薯條$28, 芝士薯條$25, 下次有機會再試。
繼續閱讀
您可能會有興趣的...