齊柏林熱狗店 (富榮花園) (已搬遷) 新店位置

有一個帶眼鏡既男店員態度非常差， 2個人等左30分鐘都未有餐（仲要點餐時冇咩人），我朋友只係問左句「仲未有？」就俾個男店員大聲喝：「你未催喇！」我企係出面等都聽到。。。我朋友只係問咗1次ja, 而且你做熱狗呢d食物，即係速食餐廳類型，等咗咁耐問下幾時有得食好正常啫，個陣間餐廳仲要有2個店員，已經唔係一腳踢，咁都要俾店員罵！依家係未黃店就大曬，仲要唔止我一個有呢d經歷，唔該正視下問題！！利申：我都做過對客嘅工，亦都幫襯過其他黃店嘅。

以前成日買開d員工雖然唔係有禮貌但係都冇乜野 近呢半年見親都係同一個員工 個帶眼鏡肥仔態度衰到冇人有早幾日去買見得佢一個係鋪收銀整野食都係佢落單個時態度勁差叫人等半個鐘廢是食完背脊骨落 即刻走人

落餐既時候，服務員態度差、完全冇耐性。直頭係催趕式，語氣接近呼喝，令人唔好受。明白既，你地而家出名、多生意，做野要手腳快，員工壓力大，但係唔該你地都記住，你地而家係做緊服務行業，你地唔係要顧客受你氣呀嘛？食野要受氣我以為對住果班上左年紀既老伙記會比較常遇到，點知對住你地班後生仔都一樣。已經好幾間分店出現呢個問題啦，係服務質素上可唔可以改善下？講真由你地初出茅廬幫襯到而家，已經失望左好幾次，而每一次既失望點，都係出自服務態度方面。

好多人話呢間熱狗好食，我又未食過，一直都想試，今次跟朋友特地走過嚟買做lunch～一去到，見好多人排隊買，所以都要預返時間等、見到舖頭都冇好多decoration ，主要係有wallpaper, poster，又有好多mirror 應緩，笑咗😆食物方面都幾多choice，主要都係熱狗同薯條。熱狗同薯條新鮮熱辣整，大大份。可以揀唔同醬。熱狗choice 都好多，其實食完個熱狗包都好飽已經。等佢整大約都15分鐘左右，不過佢即整又熱都值得等嘅。

齊柏林熱狗店，好多分店。這次試富榮花園的分店。小店的牆上，貼了Anson Lo的 poster.火炙芝士辣肉醬熱狗$42，這辣肉醬熱狗，只是一點點辣，加了生洋蔥碎，芝士，味道好啱我。澳洲風情熱狗$38，有芝士、煙肉、菠蘿、紐倫堡腸。配有甜甜的菠蘿，和煙肉的熱狗，好味。+$12，加2款小食，我揀了粟米和可樂。可樂配熱狗牛油粟米，好食。這些Zeppelin的熱狗都舖滿芝士，但，外賣到家，就凍了，沒有拉絲了。

愈開愈多分店既齊柏林熱狗，仲記得幾年荃灣開第一間分店，第一次試已經好有驚喜，質素相當吾錯而價錢貼地👍田園風味熱狗🌭️ $42 有番茄、洋蔥、青瓜、千島醬、蛋黃醬、維也納腸，即叫即整既熱狗熱辣辣，爆多既醬汁同芝士，芝士微微火灸過，維也納腸風味十足，成個熱狗咬落去味道豐富濃郁又juicy,令人回味無窮😋大薯條🍟跟熱狗加5蚊，單叫15蚊薯條好大份，就算單叫都好抵食，粗薯條外脆內軟，加埋千島醬同茄汁，非常滋味，值得一讚😚

之前幫襯多是旺角分店外賣返屋企，大角咀都開了一間分店，越開越多分店，是很受歡迎的熱狗店！店面細細，有一張bench table 可以‘立食’😂 不過，舒服點還是外賣回家最好啦！餐牌簡簡單單，熱夠+小食+飲品👍🏻 餐牌上面仲列左每款熱狗的餡料，款款不同！LZ129-澳洲風情熱狗，我最鐘意的一款，因為入面有菠蘿，食肉之餘有點酸甜味，亦是best seller 其中之一。😂😂 粗薯條加了茄汁同沙律醬，好味！而且份量不少！😋

7:30 p.m. 趕住響對面上堂，於是就買熱狗外賣做晚餐4人份 (好似好跨張，不過上堂上到10:30 p.m.係要食飽啲 😂)#火炙芝士辣肉醬熱狗 🌭飽滿嘅餡料，上面舖滿芝士，睇見佢都覺得罪疚😈芝士做到拉絲，熱狗啖啖肉，加埋辣肉醬好惹味#芝士辣肉醬薯條 🍟好彩係揀咗呢款口味 (同熱狗一樣口味)如果揀芝士煙肉口味會有埋千島醬有浸甜味好奇怪👇🏻$63 一個大熱狗，$26加埋特色薯條好味之餘食到我勁飽，幾抵食👍🏻

聽咗好多人講呢間又平又去食，上個禮拜五終於去咗食！我嗌咗最普通個隻士林原味熱狗（$32），入面仲有洋蔥，加埋茄汁同芥末醬，個人覺得好味又有口感。加$12仲有野飲同小食（揀二），真心平。下次會試下其他！

附近終於開左<齊柏林熱狗店> ，梗係要支持下啦～店舖細細主打做外賣生意~總共有8款熱狗，總有勁多款小食😍 買熱狗加$12重可以揀多兩款小食~今次揀左<火炙芝士辣肉醬熱狗>加配<粟米>同<薯餅>估唔到都幾多人買~買完發現要等15張單到~差唔多20分鐘可以攞🙈 不過完全係即叫即做，攞到返去到仲勁熱辣辣~<火炙芝士辣肉醬熱狗>勁足料，小小辣，好惹味😍 <粟米>好香牛油味，不過略嫌淋左少少~<薯餅>就係普通炸到勁香勁脆~

一路都有食開佢地嘅熱狗見佢呢排擴張得好勁總有一間係附近今日就試呢間新店！可以仲係試業唔係每款都有食左以下：火炙芝士辣肉醬熱狗🌭️真係有啲辣！不過正正因為辣，好惹味。芝士好濃！田園風味熱狗🌭️太多醬 不過相比火炙芝士 呢個清新好多 有菜同蕃茄中和下加左個雞塊之前食過雞塊覺得好正 好味過麥當勞好多 不過唔知係咪因為啲醬放左一齊 個雞就變得唔脆 下次要叫佢將啲醬另上至得。應該可以好快就試哂咁多個味，哈哈。另外一提，唔好以為熱狗好輕食，其實食一個已好飽，加埋雞塊就更加飽哂

人氣熱狗店「齊柏林」在港九各區大展拳腳，分店開完一間又一間，最近終於殺到大角咀，在富榮花園開設區內第一間分店。這店雖然位處大角咀區邊緣地帶，地方較為偏遠，不太好找，但有心支持它去捧場的話，也一定會找到。這店地方小小的，只有外賣，沒有堂食。一個晚上，我就特地去光顧，一試它的人氣熱狗。這兒的熱狗共有八款之多，當中多辣的「火炙芝士辣肉醬熱狗」（$42）、少辣的「士林原味熱狗」（$32）和完全不辣的「澳式風情熱狗」（$38）都是店中的 Best Seller。而我吃的則是三者中有芝士、煙肉、菠蘿、千島醬和紐倫堡腸做餡料的 「澳式風情熱狗」。雖說這熱狗從熱狗店到拿到家中享用始終花了一點往返的時間，幸好熱狗拿到家中還是暖暖的。材料豐富又大隻的「澳式風情熱狗」，味道偏甜，相當醒胃。同時買回家中的「芝士煙肉薯條」（$26）也不錯，芝士甚多，厚厚的黏在煙肉和薯條上面，伴以茄汁，每吃一口，都有著芝士的濃香與茄汁的酸，吃光一整份「芝士煙肉薯條」，加上大大隻的「澳式風情熱狗」，這一餐，被平日的晚餐還要飽呢！

朋友介紹呢間熱狗店話好食，於是今晚就去買黎試下。熱狗大到唔知由邊度食起先 魚手指 果個醬汁真係 真心正！ 雞塊 果個barbecue汁 唔錯，雞塊唔硬估唔到叫左小小野兩個人食，飽到上心口