鼎·會館

Ding's Club
64
2
2
港鐵香港站 C 出口, 步行約4分鐘 繼續閱讀
電話號碼
23271398
開飯介紹
由鼎爺李家鼎開設的第二間粵菜館,菜式由鼎爺親自設計,由矜貴宴客菜式至家常小菜亦有供應,兼有多款午市及晚市套餐。必吃火焰叉燒、正宗乾炒牛河、阿爺巧手桑拿雞等。 繼續閱讀
營業時間
今日營業
12:00 - 15:00
18:00 - 22:30
星期一至日
12:00 - 15:00
18:00 - 22:30
付款方式
Visa Master AE 現金 銀聯
其他資料
網上訂座
賞訂座積分
有關餐廳
鼎爺親自監製粵菜 特設套餐散叫菜式
由鼎爺李家鼎開設的第二間粵菜館,選址中環食廈高層,室內環境氣派十足,巨型蓮花水晶燈,如亭台樓閣般的四合院設計,氣氛古典優雅,配上摩天大樓景觀,為中環區的高級粵菜加入全新氣象!

餐廳設有多款套餐及散叫菜式,針對區內的商務客及遊客,既有鮑參翅肚矜貴宴客菜式,亦有充滿家常風味的地道小菜,選擇繁多及多元化,而且定價比私房菜更相宜以外,亦設有散叫菜式及套餐,並首次開設午市,方便食客午餐或晚餐。

鼎爺煮菜出名嚴謹,對每一種食材、每一個步驟都相當講究。今次亦引入不少獨特罕有的食材,如澳洲水晶蟹、北海道海參,簡單如一塊除了有古法炮製的懷舊手工菜,亦不妨試試鼎爺加入創意的新派菜式及家常小菜。

招牌菜式包括阿爺巧手桑拿雞、阿爺蒸肉餅、秘製火焰叉燒、葱燒汁脆皮婆參、葱香梅菜皇燜和牛肋骨等。
有關獎賞計劃
食評 (71)
等級4 2018-12-14
560 瀏覽
人生可以有幾多個十年?對於鼎爺來說,可能從未想過高峯在晚年! 其實身為武術指導的李家鼎-鼎爺,名氣向來不少,但作為演員始終只是配角,現在當起大廚,竟然成為深受歡迎的主角,天時地利人和的配合,藝人機遇就是這樣! 鼎爺的私房菜,既要排期價錢亦較高,最近他與李翔師傅合作,在 H Queen 開了一家鼎。會館,可以親民一點的價錢朝聖,當然諗得過。 也許大部份人都好似我一樣,明知鼎爺只作顧問,亦慕着他的名而來,但原來拍擋李翔師傅可能更有實力,來自富豪聚地的港島廳,巧手工夫難不到,今天大家淺嚐午市行政套餐之後,讚美不絕,食材味道賣相皆恰到好處,鉅細無遺的傳統做法,吃得出是大師級功架,再加上舒適環境,這天的午餐,寫意人生的享受! 環境優雅,庭園風格,大廳的水晶蓮花燈非常耀目,倚窗有高居林下之景觀,室內紅酒酒櫃,高級粵菜餐館的格局。 午市套餐有兩款,行政或鼎級,分別每位$498/$698,專誠來到自然要"鼎"啦! 涼菜孖寶 賣相清雅,有點別樹一格的脫俗之感,蝦與鮑魚皆沿出於海洋但質感吃法不一樣。光澤的表,看起來新鮮。 我很喜歡充滿話梅味的大蝦,酸酸咪咪的就是討好,海蝦肉彈鮮美,滋味好吃。 鮑魚柔韌有汁,口感不俗,配合一片翠玉瓜,亦夾。肘子菜膽燉鮑翅 因為環保的關係現在都好少食魚翅,每一次品嚐都是隨緣。 份量十足而且粗身的翅有丁點兒硬,但高湯濃醇味厚,回甘味香,肘子菜膽燉至完全腍嫩,精華盡在湯頭。 上湯焗開邊龍蝦 非常新鮮的本地龍蝦,每只十二至十四両,醇厚的高湯香焗,鮮美無比,水準之上。 金菇粉絲蒜蓉蒸貴妃蚌 另一道優質海鮮菜式,貴妃蚌肉厚豐美,海鮮豉油蒜蓉金菇令味道更加豐富。 三蔥燜和牛肋骨 整件牛肋骨燜至腍嫩入味,口感美妙如牛面頻,醬汁豐富有層次中帶甜,佐飯一流。松露野菌燜雞球 同樣是味道豐富不過鹹,雞球香滑,木耳爽口,適量的松露、香而不霸氣。魚湯鮮腐竹稻庭麵 非常好的組合,腐竹腍透不散,魚湯濃郁無腥味,新鮮的稻庭麵份外有彈性,順滑掛汁。 懷舊番薯糖水 難得非常夠薑,相信托老薑之功,天氣轉冷了,正好暖胃! 食物方面,合乎期望,找不到什麼要投訴之處。但美中不足在於服務,勤力但不體貼,而且上菜個快,人客未吃完已將下一道菜放上枱,這非高級粵菜的做法,希望店方留意得以改善。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-13
265 瀏覽
近年從大台節目知道李家鼎 —— 除了武藝,原來廚藝精湛,意想不到大台卧虎藏龍。從電視欣賞到鼎爺大師父廚藝,意想不到幾年後跳出電視框開餐廳,之前銅鑼店已經長期爆滿。今次朋友聚會到中環店,比起銅鑼店私房菜,比較多細枱,沒有min charge,容易make booking,不需要湊夠一圍先食到大門當然有鼎爺一比一紙版公仔作生招牌餐廳位於新食廈H Queen’s,一入去見到好霸氣鼎字四合院設計人手繪毒壁畫,相當古色古香,店內落地玻璃望出中環摩天大廈與店內強烈對比大廳裏蓮花水晶燈氣派盡顯秘製火焰叉燒自己本身係叉燒迷,鼎爺叉燒可算叉燒中極品!選用本地黑毛豬,阿爺仲要揀用肋骨之間的肉,一層肥一層瘦待應上枱之前加酒在叉燒上,即場燒脆外層。一點火,火焰發出吱吱喳喳,叉燒香氣散發整個大廳,視覺嗅覺率先享受叉燒一層肥一層瘦,外層蕉香,口感非常好,肉質香滑帶點爽口,十分享受在口裏嘴嚼,鼎爺叉燒可能叉燒中極品!阿爺巧手桑拿雞桑拿雞肉入口嫩滑鮮味,材料同金針雲耳蒸雞差不多,但做法更繁複。新鮮雞肉去骨,雞肉連同冬菇、蟲草花、雲耳、新鮮夏桑葉蒸上層蒸雞,下層蒸雞不是普通水,而是八隻雞殼熬成的湯八隻雞殼加紅蘿蔔、粟米熬湯,十分清甜,只嫌一碗實在太少阿爺蒸肉餅肉餅用新鮮脢頭豬肉,加入吊片、木耳同馬蹄。阿爺配方的肉餅果然寧舍不同,肉餅腍滑,咬落有馬蹄爽口臘腸野菌雞煲仔飯冬天特別想食煲仔飯,打開煲蓋野菌香氣四溢,飯面上有臘腸、滑雞、野菌,臘腸肥瘦恰宜飯粒粒分明,入口柔韌,加上香濃野菌,讓人念念不忘的煲仔飯杏仁茶最後有我最喜愛的杏仁茶,甜度剛好,杏仁茶香而沒有加杏仁香精刺鼻的杏仁味,味道天然入口順滑聽落一般平民菜式,但入口完全寧舍不同,完全發揮出平民菜式「鼎」級水準睇得出用料、煮法都花盡心思炮製!有時候一餐或者都可以啟發到平淡生活工作中精益求精,與鼎爺菜式一樣發揮到最好.Menu 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-07
996 瀏覽
今日好開心呀!!! 因為BOSS帶左我去我想試左好耐既鼎會館喲!!! 開心好開心呀! 其實鼎爺一共開左二間食店, 銅鑼灣果間就係私房菜, 而中環呢間就係食自選中菜, 真係好期待! 鼎會館係中環H Queen's 23樓, 一上到去就見到鼎爺既紙牌人, 我同同事一齊去左揾佢影相打咭, 好開心~~ 由於事前知會係度食飯, 所以我呢幾個星期都特別留意TVB鼎爺既節目 諗住係電視度見到有咩好食同埋想食, 就係度Order了, hahahhah~~~ 鼎會館環境真係好靚, 每個細節位都盡見心思, 除左天花有大大盞靚靚水晶燈外, 每張枱和登設計都好有時代感, 而且相當有氣派 當然最吸引梗係無敵大夜景啦~ 係度食飯真係盡顯氣勢呢~ 仲有, 呢度既服務員服務態度超認真, 而且相當友善, 個人覺得係度食飯係一個好好既dinnig experience! 坐好後, 我們點了菊花, 茶葉清香撲鼻, 淡淡的飄來菊花香, 好舒懷! 看了會餐牌, BOSS 果然考我這裡有什麼必食和好食, 好啦, 就由我發板! 我點了: 秘製火焰叉燒、懷舊蝦多士、花膠杏汁燉白肺、蔥香梅菜皇燜和牛肋骨、 北京片皮鴨、生菜包鴨崧、兩味芥蘭煲、桂花黃金炒飯、阿爺芝麻卷 上菜都好快, 而且唔會一上就上好多碟餸, 唔錯~ 秘製火焰叉燒 - 師傅會係你面前用火爐燒叉燒, 一面燒一面有一陣好香既燒烤味道混合肉香飄來, 未食都留口水! 叉燒肥廋度係50/50, 成件叉燒係一層肥膏一層廋肉, 食落去卻唔會好漏好肥, 再加上蜜汁加上燒烤既香味, 成件事好完美! 懷舊蝦多士 - 原隻大蝦碌係多士上面, 好吸睛!!! 多士咬落去好脆口, 蝦碌大大隻好彈牙, 而且啖啖肉, 每人一件好滿足! 花膠杏汁燉白肺 - 每盅都唔算平, 近三百元一盅的價錢自有它的魔力~~ 杏汁湯頭濃香美味, 用上大量廋肉來熬, 再加上白肺同花膠, 口感十足, 食左成盅都唔會漏! 大大件的白肺佔左燉盅既一半, 食落去軟綿綿好有彈力, 近喉位好脆口, 好好食呀! 另外仲有大大塊花膠, 一樣滋陰美味, 好想ENCORE (等下次出糧先) 蔥香梅菜皇燜和牛肋骨 - 同我地坊間食既牛肋骨好唔同, 呢款比較燜得淋, 食落去好有牛味, 口感有少少似牛腩但又好有口感同0趙頭,仲有少少梅菜咸香味道 配埋啲蔥絲來說, 無得輸! 北京片皮鴨 - 服務員先上一個好有趣既木箱, 原來用來將餅皮來保温 確保食落去熱辣辣~ 服務員就送來一碟大大既烤鴨, 鴨真係好大隻, 好香呀!!! 原隻鴨可以片出二大碟片皮, 將剛才既餅皮包着鴨皮和青瓜香蔥, 沾啲乳豬汁, 一樣好好食呀! 鴨皮底唔會有好多脂肪, 皮真係烤到好脆, 而且鴨肉好嫩滑, 餅皮都好味, 總體來講係非常好食! 生菜包鴨崧 - 呢款口感就比剛才既油膩一點, 不過都好惹味, 鴨肉再加上少少脂肪 炒出既粒粒鑊氣十足, 食時再用脆卜卜既生菜包住, 都好香口美味! 兩味芥蘭煲 - 芥蘭條條嫩綠, 用上辣椒來炒有微辣, 用煲整更加惹味~ 桂花黃金炒飯 - 好有水準既炒飯!!! 用左好多配料包括碎蝦米、帶子、蝦仁、桂花、菜粒來炒, 整體口感脆卜卜, 蝦米同其它配料好脆口又香, 正正~ 阿爺芝麻卷 - 最後以好味既菲林卷作結, 芝麻卷相信唔多地方食到了~ 呢款充滿芝蔴香, 而且甜度適中, 好味~ (唔知講左第幾次好味了~) 返去同媽咪講, 佢話叫我下月出左糧帶佢再食過~ 鼎·會館 Ding's Club 中環皇后大道中80號H Queen's 23樓 T: 23271398 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-02
1617 瀏覽
今天很開心相約好友們一起到鼎爺開的鼎會館朝聖。 相信鼎爺精美的廚藝眾所皆知吧, 平時響電視上看見鼎爺的飲食節目,他憑著一雙巧手製造出美味又創新的菜式。前排還有一間鼎爺私房菜,希望遲些有機會可以跟朋友去試下。 今次 首先到鼎會館,與好友們享受一個美味的星期日午餐。 鼎會館室內環境裝修中式化,亭台樓閣的四合院設計,充滿著古色古香的風格,還有巨型蓮花水晶燈,令環境更加氣派十足!窗外更有摩天大廈景觀,令中環區的高級粵菜加入全新優質氣象!今次我們點了鼎級午市套餐,每位$698,菜式包括: 涼拌孖寶有香麻口水雞& 梅子蝦,花膠螺頭燉竹絲雞,上湯焗開邊龍蝦,四十五頭吉品伴花菇,之後自選小菜兩款,我們選了金菇粉絲蒜蓉蒸貴妃蚌 ( 加$45一位 ) 和春梅紫薑炒雞球,鮮魚湯腐竹稻庭麵,薑汁蕃薯糖水。花膠螺頭燉竹絲雞 ~ 燉湯味濃郁,螺頭鮮甜, 用竹絲雞做食料,入冬之選!涼拌孖寶有香麻口水雞& 梅子蝦 ~ 香麻口水雞 味道麻香,帶有微辣,開胃又惹味!梅子蝦 ~ 酸酸甜甜的梅子配新鮮嫩口的蝦肉, 不得不提貼心的菜式,蝦肉已被剝殼!上湯焗開邊龍蝦 ~ 一碟本身是半隻龍蝦的,因為我想影得靚啲,所以借了朋友半隻龍蝦來拍照。 龍蝦入口多汁鮮甜,每一啖都彈牙爽口, 好味!四十五頭吉品伴花菇 ~ 鮑魚炆得好林又入味, 花菇大大粒,吸入鮑魚汁,更加鮮甜美味!金菇粉絲蒜蓉蒸貴妃蚌 ~ 超大隻的貴妃蚌,一啖入口已經知很新鮮,配上蒜蓉金菇粉絲做伴菜,好味到連貴妃蚌汁都飲埋, 真係好鮮甜。春梅紫薑炒雞球 ~ 竟然可以將這一碟簡單的菜式做得相當之美味, 酸甜的紫薑味,完全滲入雞球裏, 平時不太喜歡吃薑的我, 今次都吃了很多啊。鮮魚湯腐竹稻庭麵 ~ 開頭吃到腐竹的香味,再飲多一啖已經嚐到鮮甜的魚湯,有層次的感覺。 稻庭麵有口感彈牙煙韌,讚!薑汁蕃薯糖水 ~ 食到最後一樣就是糖水了, 薑汁香濃夠辣,溏心蕃薯好好味!對於這間名人會館真是很滿意,雖然價錢不算便宜,但完全是高質的食物,食得出用心製造食材的感覺,室內環境坐得舒適,喜歡窗口滲入暖暖的陽光, 還有店員服務態度親切,遲些我會再約朋友們一起來試鼎會館的晚市菜式。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-30
1131 瀏覽
約左好耐,今日終於約到人同我黎食鼎爺既餐廳見識下!餐廳風格上似現代既中菜館,有少少中西合璧既感覺主色調都係黑白為主橫樑既設計,瓦礫既屋頂,中間放左一盞大大既蓮花燈! 造型非常特別同朋友點左份酒香話梅蝦遠遠都聞到一陣酸酸既香甜蝦幫你拆左殼挑左腸,非常貼心。最特別係酒香話梅,食落甘甜,有淡淡花鵰酒香,配上沙律菜食令沙律份外清新甜甜👍秘製火焰叉燒叉燒切好,灑上酒就可以燒啦! 叉燒隔住網,店員好熟手咁左右移動,令每舊叉燒都燒得均勻。燒完出黎色水都唔同左,油脂燒哂出黎,又有少少燶邊,聞落非常香!叉燒肥瘦好均勻,入口香軟又夠腍,肉味香之餘油脂十足,再肥少少真係入口即溶而佢落既蜜汁唔多,食落只係微微有甜,用黎送飯一流紫晶生炒骨係電視見過鼎爺煮,黎到一定要試下!!配料有紅肉火龍果,菠蘿同青紅椒生炒骨用既部位同平時食既唔同,亦無好似一般食店咁沾滿粉漿去炸。走一走油就放入去炒,而且唔會太厚身,同平時屋企食既排骨差唔多size。微甜唔太酸,肉味幾重,食落幾開胃。乾炒牛河超香鑊氣,可惜無加蛋絲!總覺得加蛋絲好食啲店員仲會幫我地分好,唔洗自己郁手。牛肉幾大塊,但肉味一般。仲有韮黃同芽菜,食落夠香夠爽口。河粉質地較薄身同幼,醬油完全上色入味,正今日有幸見到鼎爺仲同佢個照,聞說鼎爺差不多每日都會巡鋪,大家想見到鼎爺真係要睇下運氣 繼續閱讀
(以上食評乃用戶個人意見 , 並不代表OpenRice之觀點。)