147
10
4
港鐵香港站 C 出口, 步行約5分鐘 繼續閱讀
電話號碼
23271398
開飯介紹
由鼎爺李家鼎開設的第二間粵菜館,菜式由鼎爺親自設計,由矜貴宴客菜式至家常小菜亦有供應,兼有多款午市及晚市套餐。必吃火焰叉燒、正宗乾炒牛河、阿爺巧手桑拿雞等。 繼續閱讀
營業時間
今日營業
12:00 - 15:00
18:00 - 22:30
星期一至六
12:00 - 15:00
18:00 - 22:30
星期日
全日休息
付款方式
Visa Master 現金 AE 銀聯
其他資料
網上訂座
Wi-Fi
酒精飲品
切餅費
VIP房
電話訂座
賞訂座積分
有關獎賞計劃
食評 (180)
等級4 2019-10-06
133 瀏覽
十月有好幾位朋友生日,所以每年十月都會飯聚,今年朋友仔揀咗鼎會館,因為呢個月做緊週年優惠,6位嘅順德宴大約係8折,一於趁特價嚟試試佢啦。由電梯出來有若走進民初街,牆上有古式窗框又有屋簷,店內裝潢更加係古色古香,近天花位置有屋簷裝飾,兩邊又有似廂房嘅坐位,中間就係四合院嘅庭院,感覺優雅秀氣心境舒坦。綉花餐碟墊好精緻順德宴有八道菜+兩甜品第一道菜係 鮮香焗龍蝦,龍蝦擺盤精緻,以木盤襯托出生猛形態,無多餘嘅芡汁,賣相已經好吸引。龍蝦經泡油收縮,蝦肉爽身彈牙,味道鮮甜,好正。第二道菜係均安蒸豬+脆煎魚餅,放响別緻嘅盛器上,經精心配置先係視覺享受。早前响順德也曾一嚐均安蒸豬,據說呢個菜好花功夫,先至可以令腩肉爽而不膩,食落肉味鮮香,肉汁豐盈。脆煎魚餅外表沾滿小片春卷皮,口感香脆,魚味濃郁,乾身唔油。第三道菜係鼎級拆魚羹燴魚翅,精緻嘅套盅下面有保溫嘅小火。叫得鼎級就唔係普通嘢,魚羹係由星斑拆肉而來果然頂級矜貴,羹湯就由鮮魚熬製,鮮甜濃厚,配搭魚翅、木耳、香芹、紅蘿蔔,香鮮味美,正!跟住係北滘鹽燒鮮鮑魚金黃色鮑魚外形似葵花蕊,外層鹽酥肉質軟彈鮮味,美觀又美味,有心思。然後到花金鼓兩食 (應該叫三食至真)有6種配菜:炸菜絲、蕎頭絲、酸薑絲、紫洋蔥、炸芋絲、生蒜片。仲可以加油、鹽、糖調味。魚肉切得非常薄,晶瑩透亮,係睇得到嘅新鮮,原來响食之前10分鐘,先至將活魚處理。據說花金鼓肉質緊緻,推薦好似撈起咁食刺身。 先挾啲自己喜愛嘅配菜,再加啲油同適量調味料,撈埋刺身一齊食好鮮味,口感爽彈又有咬口,好味!放响高湯裡面輕灼2秒都好食!接住嘅係龍江生煎鷄 用好似古裝片送飯嘅藤籃裝住,將竹葉裁成小葉,襯托金黃雞件,加上青綠蔥段、小紅椒塊、薑片,擺盤簡潔雅致,非常靚。據說鷄件係用靚頭抽生煎,龍江鷄肉質嫩滑鮮香,好惹味。呢個時候花金鼓第三食出場啦,物盡其用將起肉剩低嘅骨架做成陳皮蒸頭腩,頭腩位置肉質嫩滑,加埋陳皮、生蔥增香添味,仲正。松茸菌白玉杯擺盤清簡,兩條芥蘭莖似龍鬚好搶眼,白玉杯係用冬瓜肉挖成,杯中釀咗好多雜菌粒粒,面頭放一片新鮮松茸菌,松茸香氣飄逸口感爽滑,雜菌粒混埋冬瓜肉嚟食,清潤好味,濃淡得宜,正!最後一道菜係豉酒鵝燴陳村粉因為係以做碌鵝方法煮,豉酒鵝又係一道功夫菜,鵝肉腍甜甘香,陳村粉爽薄軟滑兼帶米香,吸收埋豉酒汁嘅鹹香,加上鵝肉汁嘅鮮甜,好味啊!最後最後就係甜品,芋蓉燉鮮奶+白糖糕 燉鮮奶口感滑溜有奶香,芋蓉又香又滑,夾埋燉奶確係好正!白糖糕鬆軟又微帶爽彈,味道清爽微甜,好似响順德食嘅一樣。今晚係優雅與美食之夜,大家都過咗個心滿意足嘅時光。 繼續閱讀
(以上食評乃用戶個人意見 , 並不代表OpenRice之觀點。)
與三五好友總會每月定一飯局,知道《鼎.會館》為慶祝創辦一週年特別推出的「順德盛宴」(八道菜式加兩道甜品) 在10月31日前有限定優惠,6位連加一只需$4888,雖然此菜單需在2日前預定,但我們這班好食之徒當然不會錯過!電梯甫打開,乍見大大個「鼎」字屏風,令人眼前一亮。會館以中式裝修風格為主,仿效四合院的設計,優美雅緻,締造出一個舒適怡人的用膳環境。今晚打頭陣的首道菜是 鮮香焗龍蝦 - 賣相精美,每塊龍蝦都煎到金黃香口,蝦肉乾身彈牙,無疑是出色之作。均安蒸豬、脆煎魚餅均安蒸豬 - 據聞是順德名菜,在香港亦鮮有機會品嘗。大廚以秘製調味粉醃製豬腩肉,然後塗上順德名釀二曲酒,再經兩蒸一涼的處理程序,極為考究功夫。薄薄的腩肉蘊含濃郁的肉香,表皮微帶酒香,肉質爽而不膩,確是一道非比尋常的獨特菜式。脆煎魚餅 - 以新鮮魚肉炮製,最特別是金黃酥脆的外層,吃落有點似春卷皮,非常香口美味。鼎級拆魚羹燴魚翅 - 以一焗盅形式上枱,下面還以小燭火保溫,極之貼心。此羹用星斑拆肉,再加入魚翅、木耳絲、紅蘿蔔絲、香芹絲等,入口鮮味異常。北滘鹽燒鮮鮑魚 - 外層甘香酥脆,咬落爽口彈牙,盡得鮑魚之鮮。花金鼓兩食 - 分別是高湯薄切和陳皮蒸頭腩。魚片晶瑩剔透,盡見師傅刀功。食法是先加上炸菜、酸薑絲、蕎頭、洋蔥、青蔥、生蒜、炸芋絲等配料,後添一點油、鹽、糖調味,別具特色。今次是我首次接觸花金鼓,肉質緊緻彈牙,添上其他配料後,一口盡嚐酸、甜、辛、鮮等豐富味道,口感特別,一試難忘。又可以高湯一灼即吃,魚肉同樣彈牙味美。大廚後以陳皮蒸其頭腩,鮮甜幼滑,異常好滋味。龍江生煎鷄 - 以小藤籃上枱,賣相精緻,鷄件以頂級頭抽生煎,香口嫩滑,讚!松茸菌白玉杯,以多樣不同的菇菌釀入冬瓜杯內,再舖上一片松茸菌,然後淋上濃淡得宜的高湯芡汁,味道多姿。豉酒鵝燴陳村粉 - 大廚先以秘製醬汁,經過多重功序於3小時內不停翻動炮製碌鵝,所以鵝塊外皮軟滑甘香,肉質軟熟,滋味甚為豐富;而薄薄的陳村粉則吸取了碌鵝的精華,香甜軟滑,風味甚佳。最後來的甜品是芋蓉燉鮮奶配白糖糕 - 前者綿滑細膩,奶香撲鼻,而白糖糕清甜不酸,啖啖傳統口味。如果你講究品味,對美食有要求有執著,《鼎會館》絶對不會令你失望。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-12
2643 瀏覽
鼎爺的節目看得多了,一直都心思思想去試試他的手勢。感恩周遭有一班志同道合的好友,很愛錫我,同時亦很了解我。他們發起了「鼎會館飯局」,讓我可以好好地品嚐一下他的廚藝。 雖然今次見不到鼎爺真人,卻見到他的紙板公仔,一樣有霸氣的說。 餐廳內滿滿的是和諧且舒服的感覺,跟平日在電視上面見慣的鼎爺有一種不能言語的不同感,卻又覺得他心裡就是如此溫柔。 我們今次坐在房間裡,一走入去就見到鼎爺題的字,盡顯氣派。 先來一客松茸螺頭燉鮑魚 ($368),燉湯顏色金黃,十分清徹。這類型的燉湯需要的功夫蠻多的,首先食材需要分開不同的程序處理,而食材份量亦十分講究,否則就會品嚐不到湯品的層次及味道。廚師先把豬展、雞件及水,以一比一的比例燉六小時,之後取出湯品,並加入原只松茸及螺頭再燉四十五分鐘。此舉令湯汁不但濃郁,而且帶有鮮甜的味道。四十五分鐘以後,再放入鮮鮑魚再燉五至六分鐘。單是聽著店員為我們解釋,已經深深明白到這湯絕對是心機、時間缺一不可的佳餚。 湯品確實濃郁,鮮甜可口,每一口均是精華所在。湯之中的食材十分充吧,單是吃湯中的材料都已經讓人十分滿足啦。鮑魚、螺頭、松茸,喝完以後定必大讚。現在想起又想多喝一次啦。 雙椒蒸東星需要提早預訂,感恩好友的準備。這個雙椒蒸東星用上鼎爺蝴蝶過河的開魚方式,將東星斑的中骨取走,使蒸煮的過程受熱更為均勻。廚師先炒香白胡椒放於碟底,接著再放魚及柳椒一同蒸煮,約八成熟時取出。最後將熱油淋過放有韭菜蓉及蒜蓉的密篩中,再淋於魚上。除去多餘油份之後,放上蔥絲、椒絲及蒸魚豉油即成。這種做法比起一般清蒸原條東星的味道更為有層次,而且層次更為豐富獨特。 單單看著這條東星的賣相,已經令我讓我忍不住心中的興奮。看上去啖啖肉的魚呀,陣陣鮮味溢滿整個空間。每一口肉即是十分有彈性的,而且很嫩滑,配合上炒香白胡椒及柳椒一同食用,感覺更有層次,味道變得十分有趣呢。 蔥香梅菜皇燜和牛肋骨 ($298/位)是以來自美國的和牛為主角。它的脂肪分佈平均,入口亦較為濃味,用作燘煮十分一流。根據店員的解釋,在製作這道菜以前,大廚會先用上紅蘿蔔、西芹和芫茜浸泡一整晚,隔天再燘煮,並加入京蔥、甜梅菜、冰糖和柱侯醬等調味,入口更為有層次。牛肋骨燘到十分淋身,肉亦的確十分濃郁,肉質嫩滑,絲毫不油膩,用作送酒實在一流。 提及乾炒牛河,大家會想起甚麼?其實看似平凡的菜式就愈是考師傅手勢。正宗乾炒牛河 ($238),鑊氣十足,油量恰到好處,河粉炒得條條分明,並沒有糊在一起的感覺。對於平日不太好乾炒牛河的我,都忍不住吃了一整碗呢。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-07
36 瀏覽
今日有得同朋友們一齊食鼎。會館因為啱啱出左個順德盛宴 介紹過係用新鮮食材同海鮮做就約埋成班朋友去呢度食喇 同埋呢度唔同鼎爺私房菜 可以叫餸食飯 而今次呢個順德宴 就6位起 $4888 包8個餸同兩個甜品唔好講啲餸住 呢度淨係餐具同裝飾都10分有心機坐得好舒服 如果中環返工 過黎食飯傾生意都幾好嫁好喇 跟住講下啲餸先第一道 鮮香焗龍蝦 - 係用左好多種唔同香料炒焗龍蝦佢個蝦肉好鮮味 而且龍蝦好爽口彈牙 跟住係均安蒸豬 同埋 脆煎魚餅 講左個脆煎魚餅先 真係好脆好脆好脆講3次都唔夠 而且佢個魚肉真係好新鮮均安蒸豬 - 呢個係一個好出名gei順德菜黎佢豬肉好爽口 啲肥肉一啲都唔油 咬感真係好好呢個食落有淡淡gei香料味 但味道剛剛好鼎級拆魚羹燴魚翅 - 魚翅當然好食但有另一個重點 係佢個魚湯 奶白色 非常濃味道十分濃郁 我本身好鐘意飲魚湯呢個係屋企都無煲到咁濃gei魚湯 真係好好飲呢一道係 北滘鹽燒鮮鮑魚 佢一煮好就即刻拎黎俾我地外面係金黃色 一咬落外皮超級脆 仲要做到外脆內軟鮑魚入邊雪白 而且肉質軟滑鮮甜 正呀花金鼓兩食 第一食 高湯薄切我覺得其實呢個可以叫做三食因為首先可以食生魚片 而點食呢首先 揀自己鐘意gei配料 - 炸菜/酸薑/洋蔥/青蔥/蒜片/芋絲然後放一塊生魚片 再淋上油 加入糖/鹽 拌勻就可以食喇另外仲可以放入湯度灼3秒再食呢個花金鼓 佢個魚肉好結實 生食可以感受到肉質gei扎實要咀嚼耐先 個魚甜味會慢慢出黎 真係好好食而灼過3秒後 魚肉彈性出左黎 又係另一番風味龍江生煎雞 - 呢個雞好好味 外皮好香脆 而個雞肉好新鮮 鹹中帶甜 肉質嫩滑 花金鼓陳皮蒸頭腩 - 魚肉之前做左刺身淨返gei頭腩都唔好浪費 仲有好多野食嫁魚鰭邊邊啲肉其實好嫩滑 識食魚gei 朋友唔好錯過松茸菌白玉環 - 呢個一上碟感覺好新清係用左松茸同野菌釀入冬瓜入邊 再用高湯去煮佢個松茸清香 聞落已經令人心礦神怡食落仲有啖啖香味 而個高湯都十分用心因為冬瓜味道清淡 用左個香濃gei 湯襯托 十分美味豉酒鵝燴陳村粉 - 首先要讚左個鵝肉先鵝肉好香軟 食落入口即溶 我好少會食到咁香軟gei鵝肉原來呢個係碌鵝 - 要煮3個鐘頭 不停喺翻動隻鵝再切件放上陳村粉度蒸個陳村粉都係不得不讚 佢個粉做得好薄好滑但每一片都吸收左碌鵝個汁 好好味道 再黎就係甜品喇 有白糖糕同芋蓉燉鮮奶個白糖糕食落非常清香 佢gei甜味清新而且新鮮制作 所以唔會有出面食咁有酸味另一個芋蓉燉鮮奶 員工有介紹 呢個係受好多客人歡迎而我食過都好認同 真係好好好好好好味暖暖gei 燉奶配上軟滑香濃gei 芋蓉 簡真係一絕 繼續閱讀
(以上食評乃用戶個人意見 , 並不代表OpenRice之觀點。)
Celebrity Chef  Ding has been rocking the kitchen with his passionate cooking and recipes which are healthy and MSG free.At Ding's Club, he is collaborating with Chef Lee Cheung and whipping Shunde Cuisine featuring the Shunde feast for six at HK$4,888 which is inclusive of 10% available now until 31st October at this early bird price.To start off, began with the meaty lobster which was tasty and not tenderized with cornflour so you can truly appreciate the taste of lobster.Next was the steamed pork and mud carp patty.Again, you can taste the freshness of the pork, but the mud carp patty was the star of the show as the texture was springy like minced prawn patty and it was boneless which is worth mentioning.Of all the mud carp patties I have had, they all contain bones and fish scales but this one doesn't.The next course was soup made of fish and shark fin.It was creamy yet light with lots of fine pieces of fish in it, again without any msg and artificial thickeners you can really appreciate the taste and the ingredients.For abalone lovers, the coating for the abalone was thin and crispy with a touch of salt and pepper.Spotted Scat served in two ways:Sliced fillet, assorted vegetables.Having the spotted scat slices with vegetables were tasty as there were many ingredients to go with it.Steamed fin and head with dried tangerine peel.The fish was complimented nicely by the tangerine peel and sauce which made you hungrier.Pan fried chicken fillet, assorted pepper, premium soy sauce.The chicken fillet was tender and coated with a nice soy sauce glaze, the only complaint would be the bones.Wintermelon curd filled with matsutake and wild mushrooms:Before the noodles, had this refreshing vegetable dish of wintermelon topped with mushrooms.Braised goose fillet on flat rice noodles:The star of the show had to be the noodles beneath which has absorbed all the goose essence.Dessert finished with the Double boiled fresh milk custard and taro puree and the Traditional sugar cake.The milk custard was silky and the taro puree on top was not too sweet without being too starchy.Overall, I would definitely recommend eating here because of the fresh ingredients they use and they don't use MSG. 繼續閱讀
(以上食評乃用戶個人意見 , 並不代表OpenRice之觀點。)