2
10
0
食評 (20)
等級1 2019-05-28
2014 瀏覽
呢間嘢個賣點係$158+10%任食90分鐘。不過啲服務態度就極差,唔單止係咁,話說我對上嗰次去食,啲侍應生仲竟然早咗10分鐘黎收我枱 。佢地會提早半個鐘過黎叫您埋單,當我埋完單之後,仲有10分鐘先夠90分鐘,就有個侍應行埋黎我地張枱熄我地爐,將啲碗碗碟碟掉入個鍋度收枱⋯⋯但係當時佢地個場只係半滿,無人等枱,我真係諗唔明佢地點解會咁做,實在太過份。當日我無同佢地嘈,因為我只要下次唔再幫趁呢間嘢就得了。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-05-26
1246 瀏覽
親眼見到職員將埋左單既檯上的肥牛放番入雪櫃,有其他客叫肥牛就由同一雪櫃拎番出黎,循環再食...離晒譜🤯立即埋單走人,永不再食,擺左咁耐係檯面既肉,竟然可以再比其他人食,衛生情況不堪🤮 繼續閱讀
(以上食評乃用戶個人意見 , 並不代表OpenRice之觀點。)
禁岩去開天水圍…睇到有優惠券…所以試下…點知去到話即買不能即用…而且現場既價錢都係108…跟本就無平過…由於太肚餓…唯有局食…仲要尼食多次😖無牛丸無紙巾供應……連比錢買都話無呀😖 繼續閱讀
(以上食評乃用戶個人意見 , 並不代表OpenRice之觀點。)
等級1 2019-03-11
1196 瀏覽
去過呢間三次,三次都係同一個經理掃QR code,琴日已經打電話講咗用支付寶買券比,都係經理聽電話,今日去到食完嘢,我用支付寶比,竟然話返我轉頭,話我下次講聲,支付寶比要落單前講聲,咁我之前黎又唔講我知,我打電話問又唔話聲,我鬼知你公司點分咩支付寶同現金比咩,今日埋單先黎講,個收銀仲好串話你比我睇下係咪買咗券,啱數先啦,我夠知你支付寶比!我一直開住企喺度等你掃條碼啦!(等咗成十分鐘)個經理仲同個收銀一齊屈我冇打過電話問,我電話有哂記錄!原本對呢間嘢都一般,叫做平過大家樂,不過今次之後唔會再去! 繼續閱讀
(以上食評乃用戶個人意見 , 並不代表OpenRice之觀點。)
等級2 2019-03-07
953 瀏覽
之前媽媽同親戚試過平日晚上既2小時任飲任食火鍋之後,大家都對呢間餐廳讚不絕口,時常都再提起話想再食,今晚本小姐決定做下孝順女帶媽媽去食。我第一次黎,係星期五六日,所以得1.5小時任飲任食,唔緊要啦努力d默默食,少說話多吃東西應該都唔至於太過趕。飲品唔算好少但唔可以同放題果d咁樣比較,路線唔同。其實感覺形式好似牛x鍋,牛x果d,一坐低就有幾碟牛同豚肉,其他飲品,菜,丸,配料等就自己出去攞。最喜出望外係有雪糕食!!!!自己拉果d明唔明媽媽話仲有糖水,但我食到尾實在太飽,好滿足!!!!任食其實無得輸,用餐時間長d就好了座位算舒適 繼續閱讀
(以上食評乃用戶個人意見 , 並不代表OpenRice之觀點。)