56
7
4
港鐵銅鑼灣站 B 出口, 步行約4分鐘 繼續閱讀
電話號碼
23876969
開飯介紹
由香港著名藝員李家鼎(鼎爺)擔任總廚的粵菜餐廳「鼎爺私房菜」,不時在場親自烹調。秉承傳統粵菜「不時不食」的精神,將傳統古法粵菜以講究手法重新演繹,並加入新派元素,呈現出經典菜式的獨特風味。 繼續閱讀
營業時間
今日營業
12:00 - 16:30
18:00 - 23:00
星期一至日
12:00 - 16:30
18:00 - 23:00
付款方式
Visa Master 現金 AE 銀聯
其他資料
網上訂座
泊車 詳細介紹
賞訂座積分
食評 (74)
等級4 2020-09-16
256 瀏覽
今個星期日陽光普照,  揀了一間位於銅鑼灣有明星效應的私房菜吃午餐, 鼎爺私房菜,餐廳位於 V-Point 21 樓.  鼎爺廚藝好, 早在電視看到了.   星期天也接受訂位, 侍應生又有禮,  餐廳裝修設計好用心, 美觀得體,  帶著時尚中西式風格.入門雕花木牌, 好精緻.巨形屏風,  有文藝氣息.   以 字掛歲.餐廳面對維多利亞海港,  海景優美, 正值充滿陽光,  美極了.  嘆杯中國茶,  份外心曠神怡, 人都精神D. 這裏招呼好好,  餐牌設計好有型, 睇睇餐牌, 即點了多個點心, 價錢中等.餐廳座位闊落,  水滾茶靚.   我最喜歡那個 筷子座. 乾蒸牛肉賣, 一籠三件,  牛肉味道鮮香, 入口軟綿綿, 但又不失彈力, 加了喼汁之後, 更香口. 家鄉咸水角, 外形似甘筍, 做型得意, 味道唔錯, 炸得鬆香, 餡料和外皮比例恰到好處. 懷舊豬膶燒賣, 是懷舊點心, 沒多間酒家供應. 豬膶兩塊超大件, 滿厚的, 入口爽脆. 夾著燒賣餡, 燒賣餡有蝦仁, 碎豬肉, 木耳碎.  肉質新鮮調味佳,  好好吃!   冰鎮咕嚕肉,好特別的菜式, 大大盤冰塊塾住咕嚕肉, 好霸氣, 咕嚕肉炸粉唔厚, 咕嚕肉外冷內熱, 肉質脆而不乾身, 入口爽又鬆化,冰鎮做法令肉質保持彈性, 酸甜醬汁夠惹味.  起用了藍莓做配搭,  好睇又好食. 太極鴛鴦炒飯, 是個經典炒飯, 具有中西文化匯聚特色.香芒糯米卷, 夏日至正甜品.  糯米卷面撒滿椰絲,  芒果當造又香又甜, 口感煙韌清甜, 是個飯後不錯的甜品.鼎爺私房菜,   廚藝水準出色,  好味道, 大家飲茶食點心, 小菜,  舒適地享受了一個中式午餐, 好理想.臨走時, 看見鼎爺有不少食材介紹, 果然名不虛傳. 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-12
351 瀏覽
今年冇得出國,但又要清假,所以就同朋友夾時間搵個閒日一齊食下野行下街,見鼎爺私房菜而家有個午市套餐,折左每位$288,雖然唔算平,但價錢未算太離地, 唔係之前晚市每位千千聲咁,放假要食好啲所以就同朋友book枱黎試下。鼎爺格局比較似西餐廳,落地玻璃除左睇倒鬧市街景,仲令餐廳更加光猛,我地12點去到,本身得我地, 一點前都係多多一枱客, 諗住係咪而家哩類中高檔餐廳少左人幫趁,原來一點後先開始多人,慢慢都坐滿人仲有反枱添。餐廳會將哩部空氣清新機輪住放喺每張枱十五分鐘,話可以殺菌。茗茶$20/位,雖然比一般新派茶樓貴,但茶款選擇較特別,好似馬嬲滅同龍井都有,都算交足功課,我地就揀左要菊花,唔會太濃有少少花香。茶錢仲包左哩碟四式涼果,我最鍾意個話梅,酸酸地好開胃,用黎餸茶,真係可以慢慢飲住傾計坐好耐。我地每人點左一個午市套餐($288/位),有齊點心、湯羹、小菜、時菜、主食同甜品,人少少都可以食多幾樣野。哩個點心拼盤係一人份量,裡面有四款唔同點心,包括乾蒸牛肉燒賣、帶子鳳眼餃、水晶翡翠餃同香芒脆蝦筒。鳳眼餃餃皮微彈唔會太厚,裡面釀左鮮蝦,上面再放左帶子,蝦肉爽口,唔錯。水晶翡翠餃上面分別用紅蘿蔔、青豆同粟米做出三色效果,賣相吸引。四款點心入面我最鍾意哩個香芒脆蝦筒,因為熱辣辣又鬆脆,裡面仲好多蝦肉同芒果,蝦肉夠爽彈,芒果酸甜味感覺好清新。湯羹三揀一,我同朋友就每人揀左一款share。腐竹白果燉雞湯 — 雞湯唔會太油,有淡淡雞香味。椰菜瑤柱海皇湯 — 哩款湯相比頭先款湯味道較濃甜,裡面亦好足料。欖角一口骨 — 小菜五揀一,哩碟一口骨同樣係熱辣辣,而且食倒外面帶少少脆口,但肉質就好軟嫩,鹹鹹甜甜幾好食,部長介紹話因為一口骨先用油泡,再用滾油淋到七成熟,最後先連埋豉汁同欖角一齊炒,所以會有脆口感。欖菜肉末四季豆 — 蔬菜可以二揀一,四季豆唔會太腍,仲帶啲爽口感,連埋欖菜肉碎一齊炒,鹹鹹香香幾惹味。主食有粥同麵,我同朋友每樣要一款share。鮑汁花膠全蛋麵 — 全蛋麵索晒鮑汁之外,食落仲好爽口,個人覺得比旁邊大大塊嘅花膠仲好食,有驚喜!瑤柱菜乾豬骨粥 — 粥底綿滑,調味啱啱好,加少少胡椒粉已經幾好食。甜品係蛋白杏仁茶配是日精選甜品,每人有一set,是日甜品係椰汁糕,椰汁味超重,但又唔會太甜,非常出色。蛋白杏仁茶 — 平時食蛋白杏仁茶好多時蛋白同杏汁都會分開,蛋白還蛋白,口感亦比較鞋,但哩度嘅杏仁茶就好滑,好似食緊豆腐花咁。總結,埋單茶錢連加一人均消費三百幾雖然小貴,但以區份同鼎爺嘅名氣都算交足功課,野食夠晒熱辣辣質素亦高,侍應服務亦懇勤有禮,整體冇令人失望。 繼續閱讀
(以上食評乃用戶個人意見 , 並不代表OpenRice之觀點。)
等級6 2020-09-11
525 瀏覽
乖乖地留守於家中食咗個幾月住家菜,疫情終於有所緩和,晚市得以重開,實可喜可賀!古語有雲:「禍兮福所倚」,新冠肺炎帶黎嘅二人限聚令最正面嘅一刻就係容許XO仔有機會單獨約會甜心兒,一嚐平時只做一圍一圍菜嘅「鼎爺私房菜」。高級私房菜有鼎爺做生招牌夠哂號召力!步入餐店,即留意到接待處身後有個百子櫃,牆上嘅陳列架上則照出多件古董擺設,裝潢散發著中國色彩,同時亦不失時代感。樓底高高嘅用餐大堂空間感足,配上落地玻璃可觀賞高層景色,突顯其氣派十足。拍牆一邊有個巨「鼎」屏風,氣勢一樣咁勁!兩口子被安排入座寬敞嘅四人圓枱,厚墊絨櫈尤其舒適。餐桌上擺放著自用及公用餐具,紅色餐巾更綀成禮物上嘅大蝴蝶結般,入夜襯托埋維港靚景,實高雅得很!於餐廳用膳必需預先訂座、選定菜單及預繳訂金。因受二人限聚令管束,「鼎爺」現除咗暫停一席多人嘅用餐規定之外,仲限時以抗疫價$1,280改推晚市二人套餐(原價$1,880)。飲品餐牌共有八頁之多,首頁列出可續杯點選嘅紅、白酒。接著嘅五頁為樽裝紅酒、白酒、日本清酒、甜酒、茅台、汽酒。如貴客欲自攜佳釀,開瓶費分兩種:750ml嘅紅酒、白酒、汽酒每樽收$300;700ml嘅烈酒及中國酒每樽收$500。最後兩頁則以中文列出涼茶、汽水、果汁、礦泉水、啤酒及茗茶等項目。點好飲品,餸菜順即續一送上,並由年輕好客嘅經理哥哥講解每道菜式所用之食材及烹調方法,猶如正為鼎爺嘅節目作出旁述般,十分詳盡;遇上問題少男佢都好有耐性地一一解答,態度絕對誠懇專業。鼎爺精選前菜:打頭陣嘅四款前菜以拼盤呈上,建議由左上角順時針方向食,順序亦即「蚵仔卷」、「懷舊蝦多士」、「龍穿鳳翼」、「陳醋雲耳仔」。已預先一開二嘅蚵仔卷入口酥脆,且毫不油膩。除咗肥嘟嘟嘅蚵仔之外,卷物餡中混入咗西芹同潤腸,令口感增添爽潤之餘,食落更覺鮮香。炸至金黃嘅懷舊蝦多士不單質感鬆脆,咬落底層塊多士更加係化於口中,但又唔會話食到成口油;多士面嘅蝦隻爽厚彈牙,原來當中嘅秘訣係要喺鮮蝦上打多咗層蝦膠,鼎爺足料嘅功夫果然有料到!意外地,四款前菜中賣相最唔起眼嘅龍穿鳳翼竟然係當中最複雜嘅一味,因為鳳翼首先要起骨,釀入沙葛、金華火腿、甘筍、唐芹重新穿起後,再用慢火炸出。味濃香口嘅龍穿鳳翼內外集合咗不同程度及質感嘅香脆,口感尤其豐沛。最後左下角嘅陳醋雲耳仔乃自加製嘅陳醋所涼拌出,細小捲起嘅貓耳朵巧脆嫩滑,酸中帶點兒辣勁,醒神得黎可一解之前三款炸物嘅油份,設計者明顯花過心思。遼參玉白:海味四寶之一嘅遼參本身冇乜味,質感鬆軟滑溜,師傅巧妙地釀入自加製蝦膠,除咗可以令遼參望落更為飽滿肥厚之外,仲多咗份層次感,咬落外軟滑內爽彈,簡單伴配上湯蛋白汁已能吊出清香嘅鮮味。椰皇燉嫩雞:雞湯原隻椰皇上,外觀已夠震撼。由於餐具燙手,湯品均由經理哥哥揭盅。原來呈奶白色嘅湯係用咗兩隻椰皇所炮製而成;第一隻椰皇先起哂肉連椰水經攪拌機打碎,加埋第二隻椰皇同嫩雞燉上個半鐘,放入香芧後再以慢火熬多兩個鐘務求帶出當中嘅雞味,全程冇落過任何鹽或糖。無添加嘅足料椰皇雞湯嘅椰香味清純芬芳,雞味濃而不俗,相當滋潤!豉香欖角骨:欖角骨選用西班牙黑毛豬作主材,菜名聽落應該好簡單,但其實又係一道功夫菜!西班牙黑毛豬先經過蒸煮以迫出油份,方才慢慢拉油至七成熟,之後撈入以豉汁、蘇梅醬及檸檬葉絲所特製嘅豉香汁煮到索哂味就大功告成。呈扒狀嘅豉香欖角骨外層香脆,厚肉鬆爽,而且肉汁豐腴,調味酸甜醒胃,吃畢半點膩感都冇,確真滋味無窮!高湯浸菜心苗:BB菜心幼嫩甜美,碗中以老雞及火腿熬燉嘅高湯亦鮮香濃甜,據悉竅門係要混入陳皮絲、大頭菜及西芹點綴,又上咗一課。阿爺黃金炒飯:單尾係同嫲嫲睇電視都見過嘅阿爺黃金炒飯,因為好記得鼎爺話要用成七隻蛋黃加一隻完整嘅蛋先做得出,當時小肥仲講咗句「咁咪即係七月伴太陽」,令嫲嫲笑咗一笑!炒飯要做到粒粒金黃,最考嘅就係耐性,首先飯粒要浸喺蛋蛋入面,之後炒嘅時候要用慢火不停咁兜,效果先可以令每粒米飯都被蛋蛋包住。金黃吸睛嘅阿爺黃金炒飯乾巧有彈性,配料嘅蝦仁及菜粒十分爽脆,連同頂面脆卜卜嘅脆米及炸瑤柱食更為一絕!文思豆腐芝麻糊:文思豆腐羮就食得多,細佬都係第一次見到芝麻糊入面會加入幼如髮絲嘅文思豆腐,明顯係要展示一吓師傅嘅刀功。芝麻糊微甜易入口,撈入文思豆腐即提升其幼滑之口感,食完又唔會話漿住個口。香滑椰汁糕:玫瑰花形嘅椰汁糕色澤白滑,質感柔韌軟潤,椰香味清新輕盈,簡潔大方。由螢光幕嘅廚房紅出電視城嘅鼎爺,推出咗人氣食譜不久後已經喺銅鑼灣創立自家品牌「鼎爺私房菜」,以其古法粵菜吸引一眾粉絲。中菜廳環境優雅大方,舒適闊落,服務貼身周到。真係冇諗到限聚令反而帶來抗疫驚喜,兩小口有幸以特價品嚐到鼎爺聞名嘅功夫菜,親身感受到譚玉瑛姐姐於節目中常掛於口中嘅色香味俱全,絕對值回票價! 繼續閱讀
(以上食評乃用戶個人意見 , 並不代表OpenRice之觀點。)
因為疫情關系,得知很多五星食府、高酒店也紛紛推出超抵午餐或任食點心,但令我最感興趣絕對是久仰大名「鼎爺私房菜」也推出抗疫價六道菜商務午餐只系 $288/位 (原價$488)「鼎爺私房菜」位於V Point 21樓 環境優雅,地方寬躺,以新派中式裝潢配上絲絨西式高背椅,椅子將整個人包著,坐得好舒服。吸睛位是近門口的大屏風,寫上霸氣十足的「鼎」字,很有壓場感。因為一位難求,我們早一個月前已經 book 定窗口位,一邊嘆茶一邊俯瞰銅鑼灣區,加曬分。俯瞰銅鑼灣區, 美境盡收眼廉。 前菜竟然是自製涼果   咸咸酸酸相當開胃。商務午餐由四格點心開始 大眼金魚餃 、乾蒸牛肉賣、鮮炸蝦春卷 和 蠔皇鮮竹卷 先由蒸點心開始 , 酒樓買小見小的「乾蒸牛肉燒賣」 絕對令我期待。 因為加入了馬蹄碎,令口感更加豐富,淡淡果皮香滲出來, 口感干爽,蘸小許醋令香味更提升。吸睛點心有可愛「大眼金魚餃」,是全蝦餃, 蝦餃皮不黏口,蝦仁大粒超新鮮爽口。基本上我食點心好小挑煎炸野來吃, 春卷這類點心更好小會食。 我想「鮮炸蝦春卷」我只吃一口吧。 肯定是即點即炸,超熨口,春卷皮又薄又脆,以全鮮蝦釀成,無加入豬肉減去不小油膩感,真是又香又脆又好食。 我最怕食到重獻汁的鮮竹卷, 試下這碟「蠔皇鮮竹卷」又如何味道先。 細細口咬開錎料已經爆出來,錎料十分豐富, 有紅、白蘿蔔絲、西芹、筍絲、冬菇絲、豬肉碎等。材料之多已經 Win  左, 蔬菜比例夠多, 口感也爽爽的,我更喜歡豬肉不會佔比例不多。 叉燒包 $48 是另點的, 當也是即點即蒸,非常熨手但也不影響我取起一個包, 將它分開兩邊, 看看錎料, 竟然是原片叉燒,  叉燒汁不偏甜, 我覺得醬汁再多小小更好, 包身鬆軟, 不黏口。 是日靚湯有三款, 我地選左「海底椰蟲草花乳鴿湯」、「粉葛鯪魚赤小豆去濕湯」。 相當適合轉季飲的湯 「海底椰蟲草花乳鴿湯」一打開湯蓋, 熱呼呼的蒸氣撲出來, 湯色清澈;而湯料比例頗多。海底椰滋陰潤肺止咳,蟲草花調節機能、能提升呼吸道抵抗力,不寒不燥,足火足料,鮮甜突出,絕對是養生之選。另一款是 「粉葛鯪魚赤小豆去濕湯」因為夏天大部份人都喝較多冷飲, 所以去濕是很有必要的,這款湯水事前較多功夫,我媽也經常會煲,是功能性較高的湯水 。 燉盅內是深褐色的老火湯,味道濃厚, 鮮香濃郁, 喝到底更喝到粉粉的口感,火喉十足。  喝過湯後成身熱呼呼,接著到小菜出煬了。「蝦仁炒滑蛋」賣相十分討好, 雞蛋色澤鮮黃, 大概是用上兩種雞蛋而成。  炒出半凝固炒蛋而不出水,當然有小小秘訣,蛋味相當突出;炒蛋口感超軟棉棉,與爽脆鮮蝦仁形成雙重口感,唯獨欠一碗白飯來送。另一小菜 「北菇紅燒豆腐」看上無乜特別, 但一咬開豆腐發現是用上軟豆腐來做, 將軟豆腐炸成豆腐布包一樣真不容易,口感軟滑比硬豆腐更勝一籌。配上厚肉大東菇,蠔油醬汁將大東菇包裹著,煮得十分入味,很 juicy 又有咬口, 超美味啊。 好耐無食過荷葉飯, 真系好期待「新舊荷葉飯」意思是用上新鮮和干荷葉,兩種荷葉配合起來令荷葉的香氣發揮得更透徹。炒飯完全上色, 材料也絕不馬呼,配上燒鴨、雞肉、乾瑤柱絲、蝦米、鮮蝦和冬菇等。炒飯口感相當豐富, 又鮮又香,加上滲出淡淡的荷葉香 ,本來已經很飽, 但仍然用心品嚐直至將整個荷葉飯送進肚子內。最後還有「懐舊明目萬壽果糖水」 配「椰汁糕」如果將家常糖水「懐舊明目萬壽果糖水」  提升美味度,就是要用足料和心機,除了潤肺木瓜外,更加入了大粒圓肉、杞子、紅棗等,令天然甜味升級,當然還會加上小許冰糖令甜度和滋度更完美。「椰汁糕」冷冷涼涼, 十分沖激椰奶味滿佈味蕾, 亦同時為這餐長達兩小時的午餐劃上完美句號。   繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-03
332 瀏覽
環境5分:混合中式同西式餐廳嘅格局,格調高級。環境闊落,地方寬敞,望出去個維港景,相信可以見到煙花,非常之舒服,可以畀滿分。衛生5分:餐枱舖曬白色枱布,環境衛生,非常乾淨,都係滿分。服務5分:服務員非常專業,戴曬口罩同手套,每碟餸菜都解釋得非常清楚,材料煮法毫無保留話曬畀你哋聽,畀硬滿分!味道5分:1)      祥豐茶莊勐海熟普洱茶:眼見杯入面得少少茶葉,原來非常之濃,飲到尾仲有色同茶香味。2)      鼎爺精選前菜:蚵仔卷炸到脆卜卜,蚵仔嘅比例適中,非常香口。3)      鼎爺精選前菜:懷舊蝦多士更加唔洗講,隻蝦非常彈牙。4)      鼎爺精選前菜:龍穿鳳翼原來係雞翼拆曬D骨,中間放D紅蘿蔔代替骨嘅位置,非常特別,好考功夫。5)      鼎爺精選前菜:陳醋雲耳仔清新但有少少辣,好爽口。6)      遼參玉白:非常名貴,遼參入面釀左蝦膠,好彈牙,同埋D蛋白汁非常之配合。7)      椰皇燉嫩雞:呢個湯非常之清甜,椰子味非常之足,因為用左兩個椰子嘅汁,濃縮為一個湯底,非常滋補。8)      豉香欖角骨:用上乘西班牙嚟嘅豬肉又蒸又炸造成,非常香口同淋,絕對唔韌。9)      高湯浸菜心苗:菜心苗非常之嫩,食完菜飲埋D高湯,非常好。10)  阿爺黃金炒飯:食得出D飯粒粒分明,粒粒都有蛋黃包住咁樣,非常之考功夫,平平無奇嘅炒飯都做得咁出色,真係抵讚。11)  文思豆腐芝麻糊:磨到溶曬嘅芝麻,加上細細條絲嘅豆腐,飯後甜品嚟講真係一絕。12)  香滑椰汁糕:椰汁糕好軟好潤,個味清香又唔會話好甜。抵食5分:七八百蚊就食到電視台鼎爺菜式,真係超級抵,呢個抗疫價真係唔可以走寶,滿分! 繼續閱讀
(以上食評乃用戶個人意見 , 並不代表OpenRice之觀點。)