鼎泰酸菜魚

營業中

休息中

係灣仔番工附近，新開左一間酸菜魚，當然要走去試下新野啦。12點去到，2位即刻入得，不過已經開始有人等緊。走既時候12:45，都好多人等緊，不過d人多數叫外賣。黎得食就緊係要叫佢最招牌既酸菜魚啦，聽到差唔多枱枱人都會叫酸菜魚，套餐有一個餸+一個白飯/菜飯/上海麵/擔擔麵…，野飲另外加錢。叫左酸菜魚菜飯同埋排骨擔擔麵，再加左小黃瓜同蒜泥白肉。酸菜魚一般，最招牌既菜式都唔好食，好油就大部分酸菜魚都係咁嫁喇，所以預左，而個魚係唔酸唔辣唔鮮唔麻，麻都有少少既，但酸味係零，食D酸菜都係零酸味。魚肉比較多骨，D骨非常幼。同埋得好少魚，下面成碗芽菜，附上埋食晒d魚之後既相，全部魚夾埋有十塊左右啦。反而個菜飯就OK，係油飯再加菜。排骨擔擔麵，擔擔麵份量比較少，麵條唔係好多，擔擔麵唔算濃，亦比較稀。排骨以為佢係炸，原來係濕濕地咁樣，有D似大X樂個D，不過大X樂仲好食，呢度既排骨用左薑蓉蒸，奇奇怪怪的，有少少似食緊蒸魚，不過份量都算多，亦唔係話好難食的。青瓜冇乜味蒜泥白肉都冇乜味，肉比較乾同硬，亦唔辣總結冇乜野食係好食，份量唔算多，食完都唔係好飽，價錢亦唔算平。

今日幫襯鼎泰下午茶時段, 等了10分鐘才有位,侍應招呼有禮貌, 新開業, 舖內環境似茶記點了2個套歺： 酸菜魚及口水雞連擔擔麵和薯粉.分別都係$48, 凍飲每位加$3, 無加一, 約10分鐘上菜夠快酸菜魚：上枱賣相不錯, 份量足夠, 有菊花絲伴面, 約有7份生魚片脆嫩, 麻辣惹味, 酸菜味不俗, 湯底清香, 口水雞：夠份量, 肉質嫩滑, 炸豆香口, 辣得過癮擔擔麵及薯粉： 湯頭濃郁, 好味, 麵底爽滑總括： 環境一般, 食物份量足夠無欺場, 味道及服務水準達中上, CP 值極高

媽咪係一名酸菜魚粉絲，聽到聽到食酸菜魚都總會流口水。知道響公司附近開咗間酸菜魚專門店，所以星期六就帶佢嚟過下口癮. 依間鼎泰酸菜魚嘅午市套餐都幾大最貴嗰個都係八仙醉雞 - 68蚊. 其餘吸引嘅菜式有天府川黃水煮魚片/牛肉，紅燒肉鎮江陳醋小排骨，鼎泰上海排骨，四川回鍋肉等等，每個主食都會配飯或者麵食，除咗可以配白飯同菜飯之外，更可配高湯上海麵，四川擔擔麵，重慶麻辣紅薯粉！加三蚊仲可以有熱飲一杯 ，十分抵食～當然我們選了鼎泰老壇酸菜魚（$62）， 好靚嘅一碗麵， 除左有魚片，花椒，辣椒乾，蔥花等等仲放左黃菊花。魚係已經起咗骨的滑身魚片， 厚肉味鮮，湯底濃郁甘香。酸菜份量剛剛好沒有出現偏鹹嘅情況，酸酸地好醒胃，微辣不膩，碗中包括一些薯粉，。由於佢用上曲形嘅紅薯粉，所以造成掛湯嘅效果，十分滋味。成都老城口水雞 $66其實好少地方口水雞嘅夾雞見係咁大件，啖啖肉，一個口水雞係凍嘅響咁熱嘅時間食呢個凍肉真係舒暢而又有飽肚感！個辣醬辣油係好香，仲要唔係好搶嗰種，令每件雞肉”錦上添花 “，仲要加埋炒香左嘅花生，同微香嘅菜飯一起食，感覺好滿足！辣子雞 $58 平時啲辣子雞只係見到辣椒，裏面嘅雞粒又瘦又“u

灣仔新開梗要一試 餐廳環境新整 又近地鐵站與朋友相約下午茶時間兩點 下午茶時間都多人 見到一位客人都要搭枱個餐都係48蚊又配飯或者麵或紅薯粉真係好抵呀 加3蚊就有凍0T 😝我最愛水煮魚 朋友最愛酸菜魚外相好吸引 但可惜得個樣😔😔一大碗食極都係芽菜 魚好爽口但小心會有骨唔知點解食落完全無味 唔麻唔辣係咬爛食花椒先有d感覺 以為撚手酸菜魚會好食d點知都係失望而回無酸菜魚的靈魂 🧐今次抵食都未必做回頭客了希望有待改善 🤨

💁🏼‍♀️平日出去食酸菜魚動輒都要二、三百元一份💕最新發現灣仔開左間川菜館🌶午市套餐💲52起，包一款主食🍜超過十多款式選擇🔖有辣有唔辣😍加$5仲配飲品🍹喺灣仔區來講算幾抵食====—====—====—===—🐟🍲鼎泰老壇酸菜魚（加黃菊花配麵）（$62）酸菜魚是川菜中的經典菜式， 以生魚為主料，配以酸菜等配料煮成，口味酸辣可口，加上花椒、泡椒、辣椒、菊花等配料，不但美觀吸引，吃上來也很美味。魚肉非常嫩滑，配料還有配上豆芽、娃娃菜和薯粉，夠曬飽肚。🐄天府川皇水煮牛肉（$62）水煮牛肉以麻辣煮成，色澤夠紅，味道香辣惹味，非常足料。牛肉鮮嫩配料還有配上豆芽、娃娃菜和薯粉，同樣夠曬飽肚。🐷四川回鍋肉($58）以豬腩肉和椰菜炒成，豬腩肉肥瘦均勻，香辣又惹味。🐥成都老城口水雞（$66）咸香的醬汁令口水雞非常入味，口水雞份量非常多，而且每件都肉厚嫩滑，醬汁上更配上鷹嘴豆和香蔥，令顏色更為豐富。底下還有青瓜，索曬醬汁非常美味。🐤重慶歌樂山辣子雞（$58）辣子雞用上青椒和洋蔥一起炒成，辣子雞先用炸漿炸過，再用上辣椒和鷹嘴豆一起炒成，個人認為粉漿略為過厚，不過味道還不錯的。套餐配一款主食：🍚絲苗白飯、🍀江南

週未既灣仔缺少了辦公室上班族既人來人往,多左一份休閒既感覺,正好可以趁住無咁多人流既時候發掘一下餐廳小店試下.途經謝斐道既街口,見到呢間酸菜魚店感覺都幾吸引,就同朋友行入去試試.酸菜魚用上老壇酸菜,酸菜味道香而不會太酸,酸菜咬落爽脆.配料亦有豆芽,薯粉,黃菊.湯底帶魚鮮香味,唔會腥帶陣陣酸辣既刺激,香料同樣足夠,整體味道豐富.魚片雖然較薄身但入口爽脆而不腥,入口質感嫩滑.擔擔麵湯底夠花生香,帶少少辣味好香濃,麵條充份吸晒擔擔湯底既味道,夠晒味.辣子雞份量十分多,雖然同平時食開既辣子雞有少少唔同,但大塊既雞子雞塊食落口感都保持到脆口既感覺,外皮炸粉唔會好厚,外皮脆內裏雞肉都幾滑.入口帶陣陣麻香辣味.涼拌萵筍絲好適合夏天食,萵筍絲清新,咬落充滿水份得黎又夠爽脆.入口帶點麻油香味,作為涼拌真係做到開胃既感覺.紅糖玫瑰冰粉,清澈通透既冰粉入口滑溜彈牙,加上玫瑰紅糖水入口香甜,又帶好濃既玫瑰香.食完辣野後作為甜品剛好可以化解口腔既麻辣感.

第一次去試了主打菜酸菜魚，魚的口感還可以，整體份量還好，但味道真心一般，湯底比較淡導致魚也不入味。如果改名叫酸菜魚湯，我可以接受。如果專門去吃酸菜魚，我不建議去吃。

一試難忘 高質酸菜魚小店～～～週末早上同大舊去灣仔瞎逛覓食，打算吃完東西去銅鑼灣逛街。唔打唔撞之下我哋喺灣仔嘅謝斐道看到這間挺多人排隊的餐廳 就決定進去一試究竟。～～～亮白的燈光下 餐廳的環境狀況被照得一清二楚 整體看着非常 乾淨環境衛生非常理想肚餓的我們 叫了許多東西 例如有鼎泰老壇酸菜魚 蒜泥五花肉 涼拌萵筍絲 涼拌土豆絲 鎮江陳醋小排骨伴重慶麻辣紅薯粉 和鼎泰八仙醉雞伴四川擔擔面 最後再叫多兩個紅糖玫瑰冰粉 做個完美收結～～～鼎泰老壇酸菜魚：脆脆的酸菜 新鮮嫩滑的魚塊 爽口的土豆芽 酸酸甜甜的白菜片 全部材料都非常高質 整體無可挑剔 估唔到小小一間舖頭 味道比很多連鎖大店都還要好吃 難怪咁多街坊幫襯～～～蒜泥五花肉：蒜泥味道啱啱好 唔會太辣又夠香加上片片薄薄彈牙嘅五花肉片 好吃～～～涼拌萵筍絲：出面好多涼拌萵筍都有落麻油 食落唔係好清新 倒是有少少重口味 呢度就唔同 佢哋用蔥油拌 非常好食而且好清新 令人一試難忘～～～涼拌土豆絲：辣辣地又好爽口 非常下飯 真係好想自己學整 而且條條切得差唔多大細 刀工很不錯高質～～～鎮江陳醋小排骨伴重慶麻辣紅薯粉 ：小排骨非常入味 又是一道非常

午餐 - 水煮魚片 (大辣) 配麻辣紅薯粉疫情加上新開張，本身真係唔想寫得太差，但忍唔到手!! 亦希望老闆明白，灣仔區餐飲其實可以話好難做，但亦可以話好易做!! 同一條街有幾間做咗超過10年，但亦有唔少做得幾個月。分別就係在於好味同埋唔好味!絕對唔係我好食得辣而係佢真係唔辣，佢地落咗唔少花椒但一d都唔麻，魚完全無味，湯亦無味。呢條街餐飲嘅主要客源絕對靠區內打工仔支持，返頭客好緊要，我自已就一定唔會返頭再食，因為唔想再失望。

依家出街食一份酸菜魚，最低消費起碼也要 $200。最近有朋友報料，話灣仔上月有間川菜館進駐，價錢好親民，午市人均消費只是六、七十蚊，就已經可以食到一客一人份酸菜魚，而且仲配一款主食，可謂平絕全區。餐廳位於謝斐道 130-146 號地舖，門面好易認，鵝黃色門框襯通透明亮的落地大玻璃，光感十足，讓內部環境一目了然。入座後先細閱餐牌，食物選擇很豐富，單係下午茶餐就已經有超過 30 款，另外亦有冷盤、小食、小菜、湯、飯麵、甜品及飲品等可供選擇。一心嚟食酸菜魚，所以第一時間喺主餐牌內揀咗客老壇酸菜魚，另外再加咗碟萵筍絲同半隻霸王雞。涼拌萵筍絲 ($38)  率先送上，碟頭不大，但味道很不錯，色澤青綠，切成絲，入口爽脆無渣，清新開胃。押上店名的鼎泰老壇酸菜魚 ($138)  接著上桌，成品份量十足，而且用料亦沒有將貨就價，烹調用心。酸菜魚採用新鮮生魚，魚肉不易散開，入口鮮嫩不腥。至於酸菜味道亦恰好，咬下爽脆，帶點清新酸味。配菜還有大豆芽和水晶粉，水晶粉彈牙煙韌，吸湯力一流！蔥油霸王雞 ($98)  好耐無食過蔥油雞，雖然只係點咗半隻，但係份量絕不欺場，而且上檯時更傳來陣陣蔥油香，相當吸引！雞肉食落

之前做野係灣仔見到咁多係人係門口排隊等食酸菜魚我已經好想食， 而咁岩今日媽咪過來找我食lunch ， 咁我緊係同佢食好野啦！識我地嘅都只我地鍾意食魚，所以來到一定要叫 鼎泰老壇酸菜魚， 因為鍾意所以叫晚餐份量先滿足到我和媽咪， 一大窩魚片無骨好滑，用左酸菜大豆芽薯粉做配菜，大量花椒粒幾香， 酸酸地dd辣好正。杭州醬鴨， 整得唔錯夠哂入味送飯一流，午餐：雲耳濃雞湯浸田園蔬 配四川擔擔麵 凍檸檬茶， 用雞湯來整菜特別甜，d雲耳幾爽唔錯， 四川擔擔麵夠濃香。午餐：四川回鍋肉配江南菜飯配熱咖啡， 回鍋肉夠哂惹味配上菜飯岩岩好解一下油膩。最後忍唔住叫左兩碗紅糖玫瑰冰粉，嘩一來到嚇親都幾大碗，平時呢個價錢只食到一半， 大大件滑一滑的冰粉，上面加左用紅糖煮過的玫瑰，甜絲絲的味道溶入去哂冰粉到，最後加小小芝麻成件事好香好味好完滿。

Wan Chai a nice Sichuan Restaurant🐟🌶🐥🥢..港島謝斐道一向食店多，選擇自然多。不過一向都係銅鑼灣食多，今次決定走向灣仔，睇下有咩新店可以試試。發現一間川菜館，價錢大眾化、地方光猛潔淨、食物質素唔錯、滿有人情味既小店，整體真係唔錯啊。.ll $62Ding Tai Boiled Fish with Pickled Cabbage & Chilli配絲苗白飯 White Rice🍚，味道唔算辣帶麻香既酸菜魚🐟，魚肉滑滑賣相吸引，仲有薯粉豆芽係底，吸收味道吃下不錯。.ll $68Ding Tai Liquor Soaked Chicken with Rice Wine四川擔擔麵 Sichuan Noodles with Peppery Source🍜，擔擔麵湯底好香好濃帶醬甜，很愛這個調配味道❤️，真的很好吃啊。而醉雞🐥 滿有酒香💛，雞件滑滑而且係雞髀部份，特別好吃呢。.ll $18Bean Sprouts Saladll $22Eggplant with Salty Saucell $28Pork Belly with Garlic.另外加配既小食，份量真

人生不如意的事成十常八九，不過古語有云，守得雲開見月明。政府終於放寬晚市堂食，為了慶祝一下，今天便來到了這間新開的食肆。天府川皇水煮魚片下午茶餐$48，包四川擔擔面和凍飲加$3。天府川皇水煮魚片，魚片嫩滑，辣度適中。四川擔擔面，麵質爽口，醬汁香濃。凍鴛鴦，茶味和咖啡味道適中。四川回鍋肉$42，採用了腩肉，肥瘦均勻，不會過辣。涼拌萵筍絲 $38，蔥油的香味，非常配合萵筍，口感清爽。鎮江肴肉$58，肴肉點些鎭江醋，更加開胃。鼎泰老壇酸菜魚$138，上枱時，香氣四溢，採用了生魚片，沒有細骨，可以放心享用。除了魚片，還有紅薯粉和芽菜。而酸菜不會過酸，湯底清甜。鼎泰八仙醉雞$60 ，酒香味道十足，雞肉嫩滑爽口。

限聚令無得夜晚堂食，唯有早少少傍晚時間食下午茶，咁就最穩陣，食到想食嘅嘢。有半年冇食過酸菜魚同水煮魚，今日特登約埋朋友去灣仔呢間鼎泰酸菜魚，有下午茶套餐，全日免收加一，超抵食！下午茶套餐，由$38 - $48,另有港式茶餐。我們目標當然是吃川菜啦！套餐可以選一款主菜，配白飯、上海麵、擔擔麵或麻辣薯粉一款， 冇諗過上海麵咁受歡迎，下午四點幾已經賣曬，我們三人點三個餐，配擔擔麵和薯粉，份量是超多的！下午茶收費也絕不欺場，真材實料！先說說這裏招牌的鼎泰老壇酸菜魚(加黃菊花配麵) $48, 一人份量的套餐，也盛得滿滿一盤，酸菜分量多，還有很多芽菜、娃娃菜墊底，特色是用黃菊花瓣點綴酸菜魚的清香，配上海麵條，雖然麵條在湯裏份量很少，但麵條吸收酸菜魚湯味，微微酸辣，很開胃，同時要讚讚酸菜魚湯底，其實酸多辣小，不能吃辣的人也能接受的，淨飲湯味道也不錯。主角酸菜和魚片，魚片用生魚，肉質煮得剛好，非常嫩滑，無骨，夾著酸菜一起吃，不會覺得太酸，只會越吃越開胃，帶輕微辣度，越吃越過癮。伴著擔擔麵一起吃還是第一次，出奇的好味，因為擔擔麵本身有花生香味，跟酸辣味很夾，麵質吸收了湯味，無論口感和味道都不錯。天府川皇

番工番到悶悶地，最精神就係放Lunch❤️公司附近開咗間新食店，見到門口排左勁多人，八卦仔入去望吓，原來係主打食酸菜魚😋媽喔，是酸菜魚喔😚GOGOGO，本menu好靚呀，成本故仔書😜▪️套餐自選一款主菜，配白飯，擔擔麵或麻辣薯粉，再有飲品😚▪️鼎泰老鼎酸菜魚加黃菊花配麵，魚肉鮮嫩無骨，大量的芽菜、酸菜、娃娃菜墊底，分量真係好多，哩啲配菜先係精華😋 啲麵吸收酸菜魚既湯味，湯汁酸辣適量，十分可口😊▪️天府川王水煮魚片🤩嗰名好架勢🤟🏻 水煮魚哩道菜就可以滿足我哩嗰辣迷，一上枱好吸晴，大大碗紅紅的麻辣魚片，好香既麻辣味，水煮魚片再滑多一點，魚片完全吸收辣湯湯汁，魚片味道鮮美，而湯汁醇香濃厚，高水準😋▪️鼎泰八仙醉雞，好香酒味的醉雞，帶有濃香味，肉質扎實，keep到鮮嫩入味🤩的確幾正☺️ 重點夠入味，好中意醉雞汁，可以撈埋落啲江南菜飯度，好正呀😚😚▪️雲耳雞湯浸田園蔬菜🥬爽口既雲耳同埋超多既菜心，菜心吸收哂雞湯既味道，重點唔會太淋，每條都好爽口🤪▪️陳醋雲南小耳，醋拌黑木耳，黑木耳好有營養，岩哂天氣炎炎享用，口感爽脆之餘又非常醒胃🤪▪️香醬涼茄子，香醬放在涼茄子上，茄子🍆吸收哂香醬的味道😋清淡又不失味調😋😋▪️熱檸