鼎泰豐

營業中

休息中

今日食評有✍🏻 鼎泰豐@沙田店試食指數⭐️⭐⭐店舖衛生⭐️⭐️⭐⭐侍應態度⭐️⭐⭐⭐⭐((每項5⭐️為滿分)) ·沙田第一城超多人每間食肆都見人龍我哋等了50分鐘才入座尖沙咀兩店都比較易等位·等位係耐咗啲不過入座後有一件事即刻加分職員會為孕婦捧上一壺熱水十分窩心·今晚點了1️⃣燉牛𦟌湯麵⭐️⭐️⭐⭐/5燉牛𦟌湯底正我每次必食同飲晒啲湯汁可惜今晚嘅牛𦟌老咗少少扣分位2️⃣菜肉雲吞湯麵⭐️⭐️⭐⭐/5菜肉雲吞係新鮮好味湯麵同大部分店一樣滾水淥完即刻捲埋放上碗索唔到湯底嘅味道3️⃣菜肉包⭐️⭐️⭐/5菜肉餡味道唔錯可惜包厚食落口包同餡50/50好乾4️⃣香菇素菜包⭐️⭐/5相比菜肉餡更乾加上包厚食落好乾爭爭5️⃣雜菜蛋炒飯⭐️⭐️⭐/5啲雜菜切得好粗炒飯冇乜油健康角度係好但從味道出發就唔係咁香口6️⃣溫豆漿⭐️⭐️⭐/5甜度適中溫度的確係「溫」係易飲啲但我個人就喜歡熱啲·二人364·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

從來都冇食過鼎泰豐，一直都好想試下! 咁岩今日黎到沙田，搵唔到食咩之下又度度都好多人之下,就黎左呢度食個小小地既下午茶了，星期六既下午當然多人，我地3點到 等左10分鐘左右,算係咁....由於之前已經食左午餐, 所以只係點左幾樣野﹐包括小籠包, 台式擔擔撈面, 蒜香粉皮肉同埋黃金流沙包。個小籠包就好似唔夠熱，如果唔係應該會好味好多，特別要推介蒜香粉皮肉同黃金流沙包!兩款都好好食，食完好似仲肚餓過之前! 下次再來既時候，應該會再點呢兩樣，再試其他推介既美食!

今日自己一個人走咗去呢一間鼎泰豐度食嘢，咁其實都有人等，不過都唔係等咗好耐，咁我就叫咗個排骨飯炒，咁其實呢個排骨飯炒飯都幾好食，因為抄飯都乾爽，而仲有我叫多咗個小籠包，咁小籠包入面啲湯都整得唔錯，起碼冇爆曬出嚟， 下次自己一個會翻兜。

因疫情關係好耐都冇去過台灣旅行🇹🇼想念台灣的美食🥺好彩有鼎泰豐望梅止渴住先💡下午茶時段人數唔算多💁🏻‍♀️等咗5分鐘就可以入座⏰今日唔太肚餓👀所以只係叫咗幾款小食😗🔸招牌小籠包（$66/6個）小籠包皮薄餡靚🤠湯汁濃而不膩夠鮮味👏🏻肉餡味道稍為淡咗啲🙍🏻‍♀️不過上枱温度啱啱好唔辣口✅整體嚟講不過不失😺🔸原味水晶肉（$64/碟）鼎泰豐嘅經典菜式之一🔥以晶瑩通透嘅外表同特別嘅彈滑質感為吸引之處💛口感豐富有層次👍🏻配搭香醋更能平衡肴肉嘅膩滯感🐷冷盤必選美食✨🔸紹興酒醉雞（$66/碟）雞皮爽口🐔雞肉軟嫩🐓佐以紹興酒提味🍾酒香撲鼻👃🏻不過紹興酒酒味較重🤔怕酒味嘅朋友可能要三思🙈若將台灣同香港嘅鼎泰豐比較⚡️味道當然係台灣更勝一籌😶希望香港嘅分店食物質素可以更緊貼台灣🗯

鼎泰豐嘅小籠包永遠都保持到一定水準個人鍾意原味 試過其他味覺得麻麻每次去都有叫佢嗰個排骨飯好足料 食晒其他嘢之後填肚一流另外唔建議叫菜食 因為真係冇乜特別但就真係幾貴吓

之前去台灣都無食過估唔到第一次居然係香港食🔶排骨蛋炒飯($90)炒飯超乾身好食，米飯粒粒分明排骨肉質有啲淋🔶絲瓜蝦仁小籠包($68)比較少見唔係豬肉做餡料嘅小籠包食落比較清新同清淡🔶香菇素餃($66)味道普通，無咩特別🔶春菜肉絲拌麵($60)雪菜好味但比較咸麵唔會煮得太淋身仲有爽口嘅口感🔶迷你芝麻包($36)芝麻味好重，無乜甜味同平時食開嘅芝麻包有啲分別______________________________鼎泰豐 (沙田)沙田沙田正街18號新城市廣場1期1樓166號舖

好耐都冇去過旅行原本台灣係我第二個家而家唯有食啲台灣嘢頂住先幸好鼎泰豐都keep到台灣嘅味道滷水牛肚夠入味好似平平無奇嘅通菜其實都炒得好好味小籠包保持水準 皮薄多汁熱度十足鮮蝦煎餃個底夠脆不過燶咗少少🤏🏻醉雞嘅酒味好夠將牛肚點啲醉雞汁 別有一番風味紅燒牛肉麵幾乎係我每次必點嘅牛肉夠淋 個湯可以辣多少少就perfect喇杏仁豆腐&荔芋西米露西米露值得一提係將芋頭磨蓉整嘅啖啖都有芋頭味 好正杏仁豆腐就淡淡地 全靠上面嘅糖水要揀都係揀西米露

講真我係超級耐冇食過鼎泰豐，記得係佢初初嚟香港插旗嘅時候食過，跟住咁多年都冇試過，原因係太多人…. 不過，今日下午入咗沙田，見佢都坐滿晒人但係就話下一張枱到我，咪等一陣入去食，好期待一有枱，入去，坐低，樓面就好快遞上熱茶，冇得揀$10一位茶。叫嘢食就要自己mark係張落單紙，不過，都有個圖文並茂嘅餐牌俾你去睇吓。燉湯非常足料，兩個人share一盅燉湯，有一人一碗小籠包就叫咗一籠原味嘅，size 比一般小，女仕們都可以把整粒一口咁食，肉質鮮嫩，點上有薑絲的黑醋，提升咗豬肉的鮮味。

✨滷水牛肚凍食 牛肚薄切 口感爽彈 入味但滷水味道唔係好濃好豐富嗰種 所以滷水味略淡✨小籠包皮薄 多汁 肉餡鮮味 但調味略淡✨排骨蛋炒飯排骨入味 肉質鬆化 有蛋香 炒飯夠乾身 飯粒分明✨荔芋小籠包荔芋小籠包細細隻 薄薄既皮 包住綿綿既芋蓉芋蓉香甜幼滑 係甜品既好選擇總結：食物環境服務都唔錯 如果調味方面再濃少少就更好

好難食 味道又淡 完全唔明點解啲人話好食 熱又唔夠熱😩 特別係牛肉面 個湯底完全唔識形容 味道超怪出邊是但一間個湯底都好食過鼎泰豐 完全冇下次 😫 全家一致差評但員工服務好好！

今日去沙田食晚餐😋成個新城市都好多人其實鼎泰豐都非常多人但係都叫快少少可以入到場🥺今日唔太肚餓叫咗幾個餸就夠啦🧐小籠包平時喺出面食真係冇鼎泰豐咁好食😎佢嘅皮真係做到好薄 又多汁真係皮薄餡靚用心之作😆炸豬扒食落有啲雞肉味完全唔似豬扒😅口感有啲似漢堡扒比較濃味酥炸蝦餅呢個做得非常之出色一d都吾厚粉入面好多蝦肉好爽口彈牙 超好食🙂🙂🙂紅油抄手一啲都唔辣同埋都幾油😜正常一般般啦上菜速度都好快侍應都服務態度好好 收拾碗碟好有效率🥳

簡單晚餐紹興酒醉雞，雞唔鞋👌🏻👌🏻小籠包，皮幾薄👍🏻高湯蒜蓉炒菠菜，菠菜幾嫩油炸排骨(胡椒味)，有肉汁，幾軟嫩，食食下有d食緊漢堡扒嘅感覺😂 因為質感同埋個胡椒味。

很久一段時間沒吃過鼎泰豐，很久之前尖沙咀要排很久，所以去吃飯都選擇其他的。今天經過沙田發覺這家等的人不多，所以決定一試。記得在尖沙咀分店每次也要吃牛肉面，覺得很好吃，但這次覺得好像沒那麼驚喜，牛是很嫩，面也彈牙但湯底似乎不夠濃，不知是否香港的鼎泰豐退步了還是分店不同，味道也有分別。不過值得一讚排骨蛋炒飯! 賣相超美，很工整的模樣，味道也很好吃，排骨入味鬆化，炒飯很香，飯粒粒分明，軟硬適中，也有蛋香。小籠包也是高水準，皮薄，多汁，肉夠鮮味，一如以往好吃。醉雞也不錯。

記得第一次去台灣嘅時候就係食佢嘅小籠包的而且確佢嘅味道真係好食 雖然過江龍嚟到香港係好貴 但係水準都真係keep到嘅 唔記得咗影我最愛嘅小籠包添😅😅佢嘅餐前小食都係我嘅最愛 尤其係醉雞 酒味唔會太濃 有時仲會用啲醉雞汁嚟撈炒飯食 正！至於另一個最愛就係佢嘅甜品-流沙包佢哋嘅服務其實真係幾好 好貼心會問你甜品係咪稍後先上？上到枱熱辣辣 食嘅時候要好小心唔好辣親 但係又好驚啲汁流晒出嚟喺隻碗度 ，蝕咗 😂😂真係好搞笑。

一直都知道鼎泰豐是台灣過江龍，獲得米芝蓮一星，當日星期日接近中午見到唔使排隊，就一於試試。因為我哋兩個人，又想試多幾款食物，所以只係叫咗一款蔥油拌麵作為主食，其他都是小食和包點類。首先上菜係開胃涼菜四喜烤麩，賣相好好，好入味之後就叫咗個紹興酒醉雞，一上菜已經好吸引，好香紹興酒味，雞肉肉質唔韌，食落有少少苦，可能酒太多，個人認為減少酒份量更好之後就去到我期待嘅小籠包，望落去皮薄多餡，上菜時熱的但又唔會辣親口，咬入口有肉汁出來，都不錯之後叫咗一個菜肉包，這個有驚喜，餡料多，蔬菜同埋豬肉嘅比例夾得好好，蔬菜切功好好，唔會一啲大一啲細，成個包嘅感覺用料新鮮，又有肉汁，可以一試最後上菜就係香蔥拌麵，一上枱很香蔥油味有啲似印尼撈麵，但冇咁濃味，食落唔覺得油，麵質都好好。