點.魚

營業中

休息中

總結：魚口感同味道正常，主食薯粉過淋，難以接受，湯偏酸辣口味，少鹹偏少油。整體偏下水準。叫左嘅食物有：1. 青花椒酸菜魚 ($68)：魚口感同味道正常，主食薯粉過淋，難以接受，湯偏酸辣口味，少鹹偏少油，可能適合輕口味嘅朋友。其他酸菜有豆卜，芽菜，酸菜同芫茜，品質正常，份量正常，個位一般，無服務 (food court)。分數比薯粉拉低左接近一分，整體偏下水準。價錢：HK $68; 無加一; 人均$68（$68 一位）進食時段：晚餐時間 評分：5.1/10詳細評分解釋：綜合各方面嘅因素, 包括食物同飲品（味道同賣相），環境（氣氛，空間同衛生），服務，性價比1‐5分：不推薦5‐6.9分：普通，低機會回訪7‐8分： 都可以，會考慮回訪8.1‐9分：相當不錯，大機會回訪9.1‐10：各方面都好好，一定會回訪

紅日假期外出食晚飯，凍冰冰嘅天氣除了想打邊爐外，一定係想食一啲既開胃🤤又熱辣辣嘅食物😋。行到food courts見到有林林種種食物，有唔同風味，當刻最吸引的又開胃又熱辣辣嘅食物出現了，於是拍板試試。🥢老壇酸菜魚🐟配白飯🍚餐牌種類唔算多，有酸菜或水煮，主食可以係魚或牛，除咗配飯亦可配米線或薯粉。份量都算多，先試了一啖湯，酸菜味重，辣味微微淡出，如果食得辣應該要揀麻辣老壇酸菜魚。魚肉質灼得剛好，保持嫩滑。整體覺得酸菜味過重，酸菜魚味道唔夠層次及豐富。

未食過咁差嘅水煮魚，所以唔好晒quota，要食food court呢度大把其他嘢揀成碗好少餸，魚片只有4塊，一夾就碎芽菜就一大堆，豆卜幾件，仲有碗飯，咁樣要$68水煮魚無得揀辣度，平時食開辣嘢，呢碗係辣到食唔到，原來成煲係一早煮好，所以只有一個辣度

有麻有辣但味道完全分開各走各路🤡，酸菜來源只有酸菜😥⋯⋯唯一可取嘅係牛肉多牛味都幾足👍～・・・・・・・・・・・・・・・・・・・・🍜 老壇酸菜牛米線 HK$68・味道：份量好大，牛肉肉味幾重，但湯底失色！得麻同辣，麻同辣味仲要分到好開溝唔埋⋯⋯酸味就只係由酸菜到出嚟-_-・口感：米線太幼而且好淋-3-・・・・・・・・・・・・・・・・・・・・🤰性價比：中～🤰9衝度：可試～🤰結論： errr又未到伏嘅，份量大肉味都夠，係湯底kick咗啲-3-・・・・・・・・・・・・・・・・・・・・

APM Food Court 行完一個圈，全部野食都好，見到呢間點魚平均$60幾算係價錢比較相宜的選擇。📌 青花椒酸菜魚 🐟  ($68) 可以配米線/ 白飯/ 薯粉揀咗少辣，湯底少少辣，但冇咩酸味，青花椒味聞落幾香，配菜有大量酸菜、蘿蔔片、豆卜、芽菜、莞茜等。，唔算辣，不過食食下都幾麻。至於魚片方面，有少少失望，魚片數量唔多，唔係好新鮮，有少少腥 😣總括黎講，呢個價錢係觀塘有好多更好的餐廳選擇，貪方便先會試一次!

好l難食唔好食湯底少少辣一啲酸味都冇 啲魚又少又唔滑 真係好難食 救命本身睇相好似還ok 結果飲一淡湯 心諗乜鬼野 啲酸菜唔酸得個鹹字 唔講以為食緊榨菜 加10蚊加兩個手打牛丸 本身就貴 一食 明顯唔係手打 成浸澱粉味 68+10 真心完全唔值呢個價 唔明點解佢仲可以開喺度 如果唔係唔想浪費食物同埋成日冇食過野 食咗一淡就想揼咗唔食真心係唔好睇圖睇樣就以為好食人生冇食過咁離譜嘅酸菜魚去百佳買個湯包自己食都好食好l多大家謹慎選擇 真係好難食如果可以唔畀星 真係一顆都唔想畀佢

唔好食呢間好難食米線全部一夾就短好碎個酸菜魚湯唔酸唔辣 淡到冇味酸菜唔酸 食落好似榨菜酸菜魚連最基本既酸都做唔到 好失望直頭飲左第一啖湯已經唔想再食落去68蚊唔算好貴 但係直頭難以下嚥

Apm food court 裝修咗之後都冇嚟過，今日想食個快lunch就決定試吓，入邊菜式選擇繁多，有日式、有泰式、有四川、亦都有炸物，最後見到其他人食個酸菜魚薯粉好似好吸引，價錢都OK咁就決定一試！首先試湯底係OK的，有齊鹹酸香，中間亦有少少麻辣，因為我本身叫小辣，其他配菜亦好味，之後就食魚片就有少少失望，味道OK但肉質不理想，另外再加配咗響鈴，我響鈴浸落湯底後再食有輕微的油益味😓所以下次應該不會再幫襯！😕

當初food court裝修再開返嘅時候，已經黎食過lunch，點過一次老壇酸菜魚米線，當時覺得可能係新開張未準備好，所以無乜失望感覺😶😶相隔左咁耐，今次再黎舊地重遊，餐牌無變，我都再次嗌返相同嘅老壇酸菜魚米線🍜🍜可惜…比上次更差🥶🥶成碗米線係無味架☹️☹️魚片無味，而且魚片數量寥寥可數😫😫湯底唔酸唔辣，亦係完全無味🙁🙁唯一係賣相唔錯🤐🤐其實$68一碗米線唔算平，但完全唔知道食左d咩野，我唔會再黎第3次架喇😵‍💫😵‍💫

星期六又去了觀塘APM的美食廣場Food Fiesta 開飯，按照計劃，再去多一個星期就可以幫襯晒food court裏面的所有食店！今日輪到【點魚】。【點魚】係四川菜快餐，只有六款餸菜，全部都係水煮XX或者酸菜XX，完全不食辣的話就不用考慮了。主食材只有牛同魚兩款選擇，其他配料就有11款；估唔到美食廣場的四川小店也有萵筍及血旺(鴨血)兩款正宗四川水煮鍋的必備配搭。另外還有六款前菜小吃。比起 Food Court 內的其他小店出萊速度更快，相當肯定水煮湯底已經煮好，收到order後只需要灼熟牛肉、再注入湯底即煮成水煮牛（$68）。沒有追加配料的情況下，標準配料只有豆卜、芽菜及小雲耳。湯底賣相唔似正宗四川水煮鍋，雖然呈啡紅色，但明顯辣油份量唔夠多。味道方面，少少辣、唔夠麻，果然唔正宗。牛肉最差，採用普通瘦牛肉唔緊要，最敗筆之處係牛肉完全冇牛味，甚至係冇味，明顯用了太多梳打粉醃肉，肉汁及肉味已經完全流失。再一次證明，今時今日的 Food Court 唔再代表一定又平又抵食。

我本身並不是特別喜歡吃辣，但知道「適度的辣對身體有益」，所以膽粗粗，叫兩碗，一碗是「招牌水煮牛肉麵」（HK$98），另一碗則是「招牌酸菜魚麵」（HK$98）。老實講，自從上次食完，朋友大讚「魚肉好新鮮，好大舊」，我都好懷念，好想再回來食過！原因是一來配菜好新鮮，好足料，二來蛋白質豐富。魚和牛都好有益，不驚肥，三來是我最欣賞，亦都是最重要的，就是這裡的辣絕對不是人工添加的，而是天然食材，無添加Less is More~

今日行開apm 見到呢個foodcourt 就入黎試下✨老壇酸菜魚配白飯 $65先講湯底好淡😅😅 完全唔覺有酸味 得少少辣味😅 材料方面啲魚好鞋好韌一啲都唔滑 份量又少 可能得三四舊🙈🙈 然後其他配料有芽菜同豆卜 因為湯底冇乜味所以啲配料索唔到味 都唔係幾好食 而且份量都係偏少🥲個白飯都煮得唔係幾好🙈 啲飯偏腍 總括而言未去到難食嘅但係就好一般🙈🙈 唔推薦味道❤️❤️💔抵食❤️❤️💰晚餐人均$65❌再幫襯

叫了老壇酸菜魚，薯粉軟到好像一攤鼻涕，湯底好像洗鍋水那麽淡，酸菜也好像煮了很多次，已經完全沒味道， 唯一可以入口的是那些芽菜。從來沒想過酸菜魚可以弄到這麽難吃難，難以入口。

去到food court見到好多人點呢間點魚，基本上餐廳只買兩款食物就係魚同牛，可以揀唔同煮法，酸菜魚/牛，水煮魚/牛... 點了青花椒酸菜魚配薯粉加萵筍小辣，心諗薯粉吸哂湯汁一定超正！餐廳有自助辣椒油同花椒油。食物係即點即煮一鍋獨位煲的，熱道就夠，但味道偏淡，無咩辣味，因青花椒和青辣椒係最後放面，根本發揮唔到佢既香同辣味，最後我加左辣油同花椒油提味...魚肉係龍脷柳無骨肉質可以，因湯底本身味道不足，薯粉都變得淡而無味...完，

自從apm food court 重開返初見到呢間野有水煮魚就諗住試下皆因本人都鍾意食辣 尤其係水煮魚我嗌咗水煮魚配薯粉但點知根本就係水溝辣椒 而魚就係白烚魚兩樣嘢都唔夾 仲要乜味都冇！ 尤其係辣味都冇 好似飲緊辣椒+水咁真心好失望！！