點‧茶館 (已結業)

今日去粉嶺睇古跡，見呢間餐廳D點心幾有特色咁，坐得又幾舒服，所以去睇古跡前入來嘆個茶先😏去到大概係兩點鐘，餐廳坐滿晒人😳餐廳以麻雀為主題，地方幾闊落，枱同枱之間唔逼，幾好👍一坐低已經有侍應問飲乜茶🍵見佢D茶同出面嘅唔同，有D特別一陳皮普洱、蕎麥茶，福鼎白茶、紅棗紅袍、清香烏龍~淨係D茶已經幫佢加一加分😂茶芥每位 $8，我地揀左🍵蕎麥茶，非常清香，飲左好多杯😚餐牌兩版紙列晒出來，感覺上餐廳主打小菜，附以點心😂點解會咁講？！因為見佢張點心紙，都係小菜居多，連菜都要整到 $66一碟😳冇食點心一定有嘅盅頭飯，反而有大大碟嘅炒粉麵飯，呢點反而我唔係太鍾意🤦‍♀️最後我地叫左：🐷三色燒賣🐷豉汁蒸排骨🦐脆脆蝦雲吞🍵綠茶流心煎堆仔🐷叉燒腸粉🦪蠔仔粥先上嘅係🦪蠔仔粥 ($68)幾大份，🦪蠔仔又多大大隻😋唔加胡椒粉都好好食，呢個真係冇叫錯😏🍵綠茶流心煎堆仔 ($28)煎堆仔一份三件~外皮好香口，🍵綠茶餡唔膩，幾好食~不過唔流心，所以呢度扣左分🤷‍♀️🐷叉燒腸粉 ($30)腸粉幾煙韌，叉燒餡切細細粒，自己感覺一般般🤷‍♀️🦐脆脆蝦雲吞 ($26)一份三件，外皮好香脆😋點埋甜酸汁食冇得頂👍不過餡料略嫌少左D😢🐷三色燒賣 ($34)、🐷豉汁蒸排骨 ($30)🐷三色燒賣皮分黃、橙、綠色，幾吸睛~不過味道上食唔出有分😂肉餡幾飽滿👍🐷豉汁蒸排骨大大份，物超所值😏排骨幾滑，不過都幾鹹下🤦‍♀️墊底芋頭好淋，好食😋最後兩位埋單連加一 $255，都ok嘅~🍴食物上，大致都唔錯，D野都幾有特色嘅~但可能要幾個人一齊來，小菜點心每樣叫D會比較好😂💁‍♀️服務上，staff好有禮貌，收碟收得好快~一見到你隻碟食晒就會即刻來收🤣…查看更多

國慶·打風·下午茶四方八面一齊同賀香港回歸25 年，我就實際一點，實行嘆住下午茶欣賞颱風暹芭的風態。點•茶館首先要讚一讚是禮貌，服務員非常好禮貌又細心，裝修舒服座位闊落，點心方面都不錯。🥢鹹水角最有驚喜，熱辣辣又軟糯味道好食。😋😋🥢另外是山竹牛肉啖啖牛肉香鬆化微彈口感佳。😋🥢蝦餃，肉質比較淡難食出味道。🥢鮮蝦腸粉，大大隻蝦爽口不過淡口，腸粉樣滑溜也軟糯有粉香。🥢黑松露燒賣啖啖肉好好食。👍每位$100 抵食👍😋…查看更多

適逢母親節，政府又放寬可以八人一枱，一於提前幾天打電話預先訂定位飲茶，我們選擇了這間點·茶館，最欣賞這間酒樓在母親節其間都無需要限時或分段，大家可以慢慢歎下茶傾下計食下點心，內裏裝修都幾特別牆身滿滿貼上廣東打麻雀佈置。部分點心都幾有特色，好似這個飛行棋奶黃包味道唔錯。櫻花蝦炒飯都很乾身粒粒飯香。抹茶馬拉糕都幾特別，有茶香味。其他點心就一般般啦 ! 有進步空間 ，不過近日大家可以坐埋一起舒舒服服飲杯茶食個包已經不錯了。 …查看更多

每年都會去一至兩次粉嶺探拜山，今次拜山之後去附近睇下有咩好野食。點茶館係一間新派點心店，環境走年輕路線，店內有一塊用麻雀砌成既打卡牆，非常搶眼。其餘裝修以木系為主，富有年輕感。當日1:30pm 左右到步，需要等3-4枱，但等左10分鐘就已經可以入座，都算幾快。因為太耐冇飲過茶，所以望見餐單咩都想食，於是兩個人叫左6個前菜及點心🧆⥼ 涼菜拼盤 ⥽❥ 橙棍冬瓜以橙汁浸透冬瓜，甜甜酸酸幾開胃。冬瓜偏爽口，橙汁較濃稠，有啲似果汁先生🍹。❥ 麻醬雞絲粉皮以麻醬涼拌圓條狀既粉皮，上面鋪滿紅蘿蔔絲同雞絲，頂層灑有芝麻令整體更香。整體味道唔錯錯，略嫌雞絲份量偏少❥ 千葉皮蛋豆腐以麻醬涼拌豆腐片，豆腐片厚度適中，可以浸滿麻醬咁食，中間有香蔥、皮蛋同皮蛋黃碎碎，整體味道幾夾整體涼菜款式有獨特有創新，$98涼菜套餐可自選3款。另外仲有口水雞等其他款式，都幾吸引😋⥼ 貼心 ⥽❥ 飛機流沙包✈️尼款流沙包造型好可愛，印有唔同顏色既飛行棋圖案。size 比平日既包點較細，兩啖食哂，但裡面的確有流心，流心饀多到爆炸，讚👍🏻❥ 三色燒賣 🧡💛💚說好的三色燒賣尼？原本有黃色、橙色同綠色既三色燒賣，上枱得返兩色😂。饀料同樣有冬菇同蝦，但橙色燒賣較乾身，黃色燒賣較多汁。貼心質素較參差，對燒賣有啲失望，但流沙包賣相同味道都唔錯，下次想再黎試多幾款。當日1:30 pm左右入座，已經冇哂千層糕lu，似乎想食好野都要早啲黎。⥼ 甜點 ⥽綠茶流心煎堆仔尼個甜品好有驚喜🥳 煎堆質地軟熟，略帶煙靭，幾有口感，有豐富既芝麻香。抹茶饀低糖帶點回甘，饀料好足。值得一讚既係，當日店員服務幾好，冇刻意同我地講野，但默默留意我地既需要，例如我地洗完碗碟後，自動幫我地加茶；點心紙剔完想cancel，佢用深色筆幫我地刪除；野食食哂幫我地收碟。服務好細心，又冇比到任何壓力我地👍🏻…查看更多

早排冇堂食晚市，所以偶然都會用外賣app叫晚餐送上門，因為之前食過呢間餐廳一次，記得點心味道唔錯，所以就揀咗呢間，見到晚市推出咗「抗疫餐」，咁啱想食清淡啲，就叫咗一個菜遠排骨飯，點知食完真係大失所望:(個飯勁多汁而且偏鹹，排骨有雪藏味，食咗一半都冇就食唔到落去，附送嘅紫菜湯亦鹹到飲唔到！仲好意思話抗疫餐，如果食晒成個餐分分鐘要洗腎呀餐廳嘅點心唔錯，但碟頭飯真係唔得，唔知係外賣問題定係點，但都唔會再幫襯嚕！…查看更多

呢間餐廳標榜新派點心小菜，今日我同屋企人去完和合石之後去華明邨搭巴士返火車站，都係先食晏, 見到佢環境都好舒服，就坐低。點知中伏！我哋四個人，因為疫情，要分開兩張枱坐。食食吓先至發現唔對路，真係食到一肚火，先至諗起都係要影相寫食評。只趕得切影到呢兩碟呢兩味！點左10樣嘢，七樣都唔係好得嘅。煎蠔餅係啲蠔仔然後好多炸粉漿（見圖）。清湯腩啲牛腩好腍，但係啲白蘿蔔似係烚熟咗，上菜前放落個湯度，唔夠腍。個湯又太多胡椒粉。金沙三文魚腩外面包着嗰層鹹蛋黃好鹹，好多油，三文魚腩好細，只係有五塊。蘿蔔糕好多粉好少蘿蔔。最唔可以接受就係薑汁炒BB芥蘭，啲芥蘭唔算嫩都算，最慘連啲葉都炒唔透，啲莖幾乎唔熟 （見圖）。只有個砂薑蔥雞同牛肉球好食。砂薑蔥雞只得五塊雞, 但係只有早前見啲圖片嘅一半份量。可惜冇影到相😓我以為佢轉左個大廚，見到三月都有個食評係差嘅，雖然食嘅嘢唔同，相信係同一個大廚，煮食態度好馬虎。…查看更多

🍵點 • 茶館🀄麻雀主題佈置🀄😋粉嶺區少有特色食店🌟💚牆上用麻雀砌成嘅字🤩好有心思👍🏻呢間店賣點係🆕新派點心食物造型都幾得意😹✨招牌🀄麻雀千層糕🀄趁熱食夠軟熟, 唔會太甜幾好不過個圖案印得好差🙄有點失望✈️飛機流沙包有流心效果🤤奶黃夠香好好味💛🧡💚三色燒賣大大粒夠彈牙😁3粒唔同餡料有菇, 蝦, 仲有款唔記得咗🤣🍤脆卜卜炸蝦雲吞我好鍾意食🤩狂點酸甜汁好似愈來愈少地方有得食了🖤菲林芝麻卷有芝麻香, 但食落比較淡味啱我食, 個人喜愛清清哋🤭🍃素食🍄松露花菇包🍄個菇賣相超神似紅菜素餃🔴肥嘟嘟好多料🔥麻辣春蛋燒賣+支辣油鍾意食辣就爽啦😬加辣辣辣🌶️仲有炸bb鴿同鬆軟馬拉糕全部都好好食呀😋😋😋😋😋🍵飲茶最緊要就梗係壺茶呢到選擇亦有別於傳統茶樓有蕎麥茶🌾好香好好飲✨💯真心推介🌟未試過可以食下💁🏻‍♀️…查看更多

服務態度一流呀，只要你係熟客仔，無論門口有幾多人排晒長龍等入座，職員經理都會比你優先入座，跳過晒所有門口正在排隊等位的人。所以話，依間餐廳服務真係好啦，好過去坐關愛座呀！…查看更多

以為在普通屋邨裏嘅中式點心店一定是老舊款，這間會給你驚喜。在粉嶺的這間是走新式，是以打麻雀為主題，主題牆全是麻雀的東南西北中發白同索萬，表現得好新潮。餐具與食物，都能看出店主在平凡中盡量找點新意，力求在細節位上創新，希望給客人多一點喜愉。食物方面，這次特別選了他們的創意菜式，從賣相到質素都達到水準，是值得推薦的餐廳，95分。🌼話梅脆淮山淮山本身冇味，加入話梅立將淮山提升至另一層次，淮山爽口，顏色鮮紅，好靚，滿分💯。🌼橙棍冬瓜冬瓜又是本身冇乜味，加橙味後像食爽口嘅橙，顏色鮮橙，打卡真的好靚，創意滿分💯。🌼菲林芝麻卷菲林卷，爽口，芝麻味香，水準之作，滿分💯。🌼千頁皮蛋豆腐豆腐切成千頁，都要花一點心機，皮蛋加上芝麻油，香濃野味，只是麻油略多，90分。🌼飛機流沙包🌼麻雀千層糕這兩款好像只為了打卡，但花紋印得深啲清潔啲就更好，好彩內裏的流沙做得一點也不馬虎，讚，90分。整體來講，下午時段來這裏嘆個下午茶，環境清靜確是不錯，食物也有傳統有創新，只是地點比較方便街坊。…查看更多

今次我推介粉嶺區的中式茶樓（點 ‧ 茶館），點心和小食的賣相設計有創意這店的裝修充滿懷舊風味，成功令大家對以往茶樓的模式或印象改觀，是舊式茶樓的進化版，也成為茶樓革新的好開始牆上掛著麻雀風格的畫作相架，令店內風格更突出。我將推介經典又有創意的食物：飛機流沙包：奶皇流心香甜，汁多到溢出來奶皇包上印有飛行棋的圖案，這是我小時候很愛玩的遊戲，勾起我的童年回憶😆麻雀千層糕：我挺愛打麻雀，中發白三隻字集齊，一層又一層的奶皇夾心味滲入口中，適合奶皇控的朋友吃！如果將來推出筒子、索子，萬子或東南西北的麻雀圖案食物，一定更多人來打卡菲林芝麻卷：芝麻味香濃，飽吐感十足！形狀真的很像菲林🎞，有趣啊！以前年代的人未有隨身攜帶的手提電話拍照，菲林是舊時代重要的紀念物。話梅脆淮山：紅色鮮艷❤，打卡必選！話梅酸甜開胃，以前吃淮山都是吃煲湯的湯渣，沒想到換一個煮法會變得那麽香甜爽脆，薄薄的切片，看得出廚師的用心製作，令我吃完又再想吃千頁皮蛋豆腐：皮蛋味不會蓋過豆腐的鮮味，吃著有冰涼的感覺。豆腐嫩滑，入口即溶，有芝麻醬的味道。橙棍冬瓜（必點）👍：這小食令我充滿驚喜，以前吃的冬瓜是腍的，今天初嘗爽脆冬瓜滲入鮮甜的橙汁味，感覺像吃甜品，但完全不膩。以下是店內的環境，店內（點 ‧ 茶館）這幾隻字更是用麻雀砌成，可見店主的用心，令店舖另有一番風味我們吃的不單只是食物，還有舊時代的人情味。當時人和人的溝通是面對面，現在隨著科技的進步，人們已不太願意放下手機關心身邊的人，全靠這間茶樓令我重拾昔日的感覺，我一定會再來…查看更多

見座位坐得舒服，入去試下。麻辣醃春蛋燒賣：真係辣，佢好似某些甜品咁有支野比你注入d汁入去幾得意，好大粒，味道方便，好彈牙，肉汁正，蛋既蛋黃好大，啖啖肉既感覺。😬😄👍🏻雞扎：雞好大舊無雪味，呢間唔係用竽頭，用露筍好清新，魚肚多汁，蟹柳好味。排骨：整得唔錯，好多舊又多肉，醃得入味。蘿蔔糕：煎得岩岩好，有臘腸粒，好足料，食到一絲絲，唔係只係粉。京都骨：呢個抵食$68大大碟，好多汁甜酸較得岩岩口，菠蘿用新鮮菠蘿，肉大大塊醃得好好，炸得外脆內多汁，包住塊肉，送飯開胃。總結：小菜抵食，點心略貴但值得，環境舒服，傾計之選。😍😍 …查看更多

茶錢 $9一位麻雀千層糕 $32味道：🐣🐣🐣🐣🥚蒜蝦春卷 $28味道：🐣🐣🐣🐣🐣滑蛋蟹子鳳尾蝦河$62味道：🐣🐣🐣🥚🥚三色燒賣 $34味道：🐣🐣🐣🐣🐣叉燒腸粉 $30味道：🐣🐣🐣🥚🥚黃金芒果卷 $30味道：🐣🐣🐣🐣🥚Total $269 三人總結：飲茶🫖黎講座位算幾闊落舒服，野食夠熱又新鮮，整體味道都不錯👍🏻，但飲茶黎講價錢偏貴推薦道：🐣🐣🐣🐣🥚…查看更多

同媽咪夜晚黎食飯 裝修同前身差唔多 不過翻新左都幾有特色 以麻雀黎做主題野食種類都算幾多 有點心有小菜亦都有冷盤個晚我地叫左個2人餐 另外加左隻bb鴿餐湯見到有小小蟲草花 味精唔重 幾入味口水雞d汁好正 幾開胃 Bb鴿就比較細隻同瘦身 南瓜排骨 估唔到咁大碟 南瓜同排骨都夠林身 不過個餐冇包飯 要再加飯 蝦醬抄豬頸肉 兩樣野都好食 不過夾埋一齊實在太鹹薑汁糕同芝麻卷 芝麻卷唔錯 埋單3xx 食物質素唔錯 3個人食都得 不過資深d既女待應既態度就麻麻地 一坐低就問飲咩茶 睇睇餐牌茶係要另加錢 （前提呢間係餐廳唔係茶樓）我地冇叫到茶 之後一直都黑黑地臉 :( …查看更多

⭐️點·茶館⭐️📍:粉嶺華明邨華明商場地下G05號舖⏰:7:30am-10:00pm💰:人均$100-$200⭕️: 現金only！！👉🏻炸BB鴿 💰45👉🏻椒鹽排骨 💰78👉🏻蒜蝦春捲(三條) 💰28👉🏻飛機流沙包 (三隻) 💰34👉🏻麻醬雞絲粉皮 💰38🌜紅棗紅袍👍🏻👍🏻茶錢(每位💰8)、加一🌟👧🏻🍼比較欣賞佢個BB 鴿 烤得皮脆肉滑 可惜啲肉比較少 幾啖就冇啦😂 佢啲點心俾坊間傳統酒樓更高質一點 點心全部都熱辣辣 味道唔錯👍🏻可惜佢嘅蝦腸粉唔好食 皮厚蝦霉😡🔥 可以自選茶嘅種類 我揀咗紅棗紅袍 紅棗味茶味好香 蕎麥茶都唔錯🤤🌟佢同普通酒樓一樣都係食點心，飲茶 但價錢方面就貴普通酒樓少少 👧🏻🍼地方闊落 唔會太迫 店舖小人 乾淨過傳統港式酒樓好多 成個裝修環境都有麻雀範疇 可以攞嚟打卡 雖然唔知關酒樓咩事😂但係都比較得意 如果佢有多啲優惠應該會吸引更多人食😂依家就CP值低左啲！如果係我我寧願去舊式傳統酒樓 價錢便宜 性價比高啲…查看更多

係華明想食好嘢都唔容易嫁 大多靠樓下附近有咩食 今日行過見到呢間點茶館開張 一於試下先 裝修都幾得意松露香菇包 係冬菇造型 幾可愛入口充滿松露同菇菌香味 包也煙韌 不錯雞扎 熱辣辣 雞肉軟滑 魚肚索哂啲雞汁好正叉燒腸粉 叉燒都好足料 肉質不痴牙不乾柴 腸粉皮都拉得得好薄，嫩滑帶少少煙靱 粉嶺既腸粉黎講真係幾高質素菜餃 清淡素食者之選 入口清爽又清新 主要食到係紅菜頭既清甜 呢個我都幾鍾意松露炆伊麵 唔好意思 我係松露愛好者 一有松露味既野我都會嗌 呢個伊麵麵質爽彈 充滿香濃松露醬味 只係略嫌油左啲服務方面也不錯 希望可以一路keep住 同增加多啲點心款式 為華明居民提供有質素既食物同服務…查看更多