點點心思點心專門店 (士美菲路) (已搬遷) 新店位置

香港近年多了很多點心專賣店，不少比傳統酒樓，更為出色。點點心思，久不久也會過來惠顧，平常下午茶時段是免茶和9折，但可能今天是母親節，所以停止優惠，這也是合乎常理。今天的出品，比預期失望，特別是蒸點，單看賣相已經不吸引，應該是過火了，特別是燒賣，一夾下去，整隻裂開。鮮竹卷的味道，也不如往常，很懷疑是否換了點心師傅。蜆介鯪魚球，則有一貫水準，彈牙美味鮮蝦腐皮卷，略嫌餡料不足這樣有2件的選擇，縱使一個人，也能多點幾款因為過往不是這樣，所以如有機會，也會再次惠顧，看看是否偶爾的失手

話說Fatbrown 間唔中就會點心癮起，一個人又無理由毒自去茶樓飲茶咖所以間唔中都會幫襯下D小型點心店食番兩籠點心過下口癮是日系堅尼地城做完野，經過見到有間點心店，順手買左三個點心番歸自己一個毒食講真，點心價錢又真系唔貴wor ，十零廿蚊左右<蝦腸粉$25>Um....蝦腸真係好麻麻，腸粉皮都算Fatbrown 食過數一數二厚食左勁多腸粉先食到一粒蝦仔<叉燒包$15>叉燒包做到好似菠蘿包，外皮酥脆，叉燒餡勁多，味道唔錯，不過份量偏細，一啖已經吞曬成個飽，唔系好夠喉<鹹水角$11>至於鹹水角呢，同腸粉一樣，層糯米厚到呢，料少左D

半夜想食啲熱騰騰嘅宵夜，見到呢間點心鋪頭開到凌晨兩點，即刻入嚟試一試。茶芥竟然都多選擇。點左最愛的玫瑰花茶！點心係即叫即蒸既，上菜時都係熱辣辣。推薦煎釀虎皮椒，尖椒籽還在，辣得過癮。蜆蚧鯪魚球係鮮炸既，蜆蚧醬好惹味，腐乳味重，點得多會稍微有點苦。燒賣好足料。千層薑汁糕有啲膠味。豬潤腸的皮太厚，豬潤略嫌唔夠新鮮。豉汁蒸鳳爪啲爪有啲未清哂，看着不雅。值得一提係點心可以叫半份，例如燒賣兩個人食，可以淨係嗌兩粒。咁既價錢黎講，okay啦！

來西環做gym，晚飯選擇這間附近的小店。50蚊有飯有點心仲有菜，已經覺得好滿意。味道竟然出乎意料的好， 簡直不唔輸蝕大酒樓。食食下突然落雨，同員工姐姐講講下，姐姐突然攞把遮給我並一直叮囑不需要歸還，十分令人感動。小店去得多，咁有人情味的還是第一次見，以後來西環必食！

I didn’t really believe in my dad’s “strongly recommended dim sum restaurant” until I’m here myself! Everything is steamed as soon as you order it and came out hot and delicious. In terms of variety, I think the range is wide enough for a restaurant this size. My favourite food to order are the siu mai and the custard bun here. Absolutely loved the flavour and the custard came out hot and creamy. Price is reasonable and the staffs are super friendly as well. Quality is similar to some large Chin

今天來到堅尼地城走走，想吃點心但又不想去茶樓，看到這家小店，見到有蝦餃，我就想也不用想就推門進來了。店內沒有甚麼裝修，我只看到牆壁上貼著好幾張「感謝狀」。原來老闆常常贊助不同的NGO的活動，非常有心喔！今天沒有太肚餓，所以只點了4樣食物試試：蝦餃，蘿蔔糕，高湯鮮竹卷 和 炸兩。沒想到一隻蝦餃裡面竟然有3隻蝦🦐！味道不太鹹，皮很薄，我很喜歡 ！鮮竹卷的高湯不油膩，高湯很清，裡面有西芹，紅蘿蔔🥕木耳絲，好像有一點點肉碎。我們喜歡這裡點心可以選2件或4件，蘿蔔糕我們點了2件，很香又很多蘿蔔絲；最後的炸兩我個人就嫌它腸粉皮略為厚了點，油炸鬼不夠脆，但味道是OK的！這裡所有點心即叫即蒸，吃不到有味精，（起碼我吃不到）員工的服務都很友善，看到我們桌面有水立刻幫我們抹掉，每一桌的客人都吃得高興！埋單$88，我覺得價格很相宜呢！一定要再回來試試他們別的點心！

西環呢間點心好平好抵食👍🏻鋪頭細細，平日晚市都坐滿人😃晚市套餐有一個飯/粥/腸粉再跟一款點心同菜都只係40幾50蚊👍🏻👍🏻👍🏻非常抵食👍🏻煎蛋牛肉飯個飯都幾大個😅煎蛋有2隻，牛肉就係山竹牛肉個款，但變左肉餅咁🤣都算唔錯，幾好食，但相對啲飯都幾多鮮蝦菜餃呢款點心個皮有啲厚，料唔算多，中規中矩啦菜就嗌左娃娃菜，份量都算多👍🏻另外嗌左蝦春卷，呢款點心反而唔錯，好脆口好香好😋😋😋

環境very good,有冷氣空調。 茶類很多配搭：菊花，普洱，水仙，香片，壽眉，苦丁，玫瑰花，可互配茶款。 座位也尚可舒服，有暖水壺補水，自己加水，不用叫破喉咙補水；出单電子單清楚，收銀有監控，防止出錯争抝！ 食物價錢公度，早午歺更有特價套歺，很便宜。 食品質素也很好，也可接受水平以上；特别推介：（1）炸鯪魚球配了蚬蚧酱，完美组合（2）蝦餃（3）燒賣（4）排骨飯（5）菜苗饺（6）咸水角（7）牛肉（8）炸春卷（9）炸虎皮青椒（10）叉烧腸（11）桂花糕（12）燩湯（13）特備糖水 等等，也不錯的選擇！分店共两間：湾仔，堅尼地城。

係堅尼地城食宵夜又多個選擇，中式點心任你簡，呢間鋪頭開到好夜，岩曬蒲完或有時夜收工既我。我今次叫左叉燒腸粉，蝦餃 同 小籠包，需然人唔多，即叫即整既關係等左廿約分鐘。首先講下小籠包，咬落有湯汁，但唔算好多，味道都唔錯，小籠包整體普普通通。之後食蝦餃，蝦餃包好飽滿，鮮蝦爽口彈牙，配少少豆瓣醬，提升口內豐富程度👍🏻最後唔少得講腸粉，皮薄，夾落唔會容易散開，皮食落好 ，成餐共$56。性價比唔差另外，餐廳非常貼心有有D點心有細份，大份（兩粒/四粒），岩曬宵夜想食少少，又想食多幾款既我

之前帶朋友凌晨嚟過幾次，每次落單起碼十五分鐘啲嘢食先到，咁我哋諗住可能半夜少人手忙啦，但見到啲staff好得閒係咁吹水吹得好開心架喎。今次又係等好耐都未有，算啦慣咗，問佢就話等等，結果大半個鐘先等到兩粒燒賣，之後先話呢樣冇嗰樣冇，前後接近成粒鐘淨係得兩粒燒賣落肚，可以再離譜啲？！賣晒或者就快冇可以早少少講，而唔係要人喺店內等勁耐之後先話乜都冇。唔會再嚟了，亦唔建議朋友嚟，已經唔係嘢食唔熱同唔抵食嘅問題，係間店根本唔尊重客人。

堅尼地城又開一個食點心既鋪頭，依間仲係開24小時鋪頭唔大，望落只係可以坐廿幾三十人左右。同埋唔知係咪新開，冷氣一啲都唔涼，一路食一路滴汗睇完環境，就睇食咩啦晚餐有唔同set可以諗，最貴都只係$50一個，有齊飯、點心同菜，幾抵食今日同朋友兩個人嚟，嗌左一個set再嗌多個點心就夠飽嚕我地揀左$50嗰款，點心要左蛋黃流沙包、飯就揀左北菇滑雞飯~另外再加一籠燒賣娃娃菜~白烚之後加豉油，菜有少少黃，外觀上就有好大進步空間😂味道同自己屋企烚菜無乜分別，晚餐為求有啲菜食下既話，都可以既😝😝流沙包~咬啖睇下都幾流沙~不過味道就一般般北菇滑雞飯份量細細地，配料有啲少，都唔夠鋪晒佢個飯面雞唔算嫩滑，有少少"鞋"不過三樣嘢加埋都只係$50，將貨就價，我覺得$50嚟講，咁既質素絕對係還可以燒賣都係正常茶樓既質素，不過不失茶錢每人$3, 埋單每人都係$40左右平平地既一個好選擇

離開烏溪沙時天已黑，已經到了晚飯時間。下午到西貢吃好味海鮮，諗住夜晚食得清淡些，結果塞車塞了很久，無乜mood再四處去找野食，都係回家附近覓食。想起屋企附近有間點點心思未幫襯過，突然想飲夜茶，就在此吃些點心飲杯茶用膳吧！晚餐有幾款選擇，而我們要了兩個最貴的飯餐，各50大元。可供選擇是飯+點心+菜。我與相公分別要了梅菜肉餅飯+蠔油鮮竹卷+娃娃菜及北菇滑雞飯+鮮蝦菜苗餃+菜心。雖然當時九點左右，陸陸續續也有不少食客，幾近滿座。梅菜肉餅飯我沒有吃過，相公喜歡較有咬口的肉餅，略嫌肉餅比較軟身。至於我的滑雞飯，雞很嫩滑，好味鮮蝦菜苗餸同蠔皇仙竹卷味道都唔錯。本來每一枱枱面都有一個水壼，但不知為何我們的枱沒有，只好每次茶壼沒有水了再請樓面小姐倒水。如是者，沖了兩次茶壼後，另一名侍應姐姐發現原來我們沒水壼，幫我們拿來了水壼。吃飽後發覺牆上貼紙上有是日糖水川貝津梨，諗住潤一潤，要了一份。侍應姐姐很醒目的問我們要不要多雙碗匙，我們就是想二人分享一份，她很細心。我們當然說好，說聲謝謝，她立即回應說不客氣，份內事。好耐無聽過如此有禮貌的回應了，縱然明知是份內事，但會說出口令人覺得很窩心。每次吃完一樣菜式，不

夏天真係咁易壞冷氣，定係我太黑仔？！食點心唔熱唔好味，但偏偏我要熱住嚟食，超無mood，食龍肉都無味，如果唔係阿sir坐低咗兼叫咗嘢食，我真係會轉場囉！蟲草花鮮淮山蒸糕 $19蟲草花幾好味，但准山蒸糕無乜特別，因為無味道既，如果比我揀我會揀返蘿蔔糕灌湯小籠包 $22唔好味，湯汁好少，皮又粗又硬，最重點小籠包上枱唔夠熱鮮蝦腐皮卷 $25蝦好細隻好碎，腐皮好油淋淋又好硬好厚野菌冬菇包 $25我最鍾意食菇，但菇餡好少，菇味又唔濃，失望後記：阿sir入咗張點心紙成10分鐘，都無一樣嘢嚟過，原來店員放低咗張紙响櫃位無入到！三點幾剩返3、4枱人客，唔該上心d唔好掛住打牙骹啦，話晒新開張嘛，不過無下次lu，拜拜！

早幾天前, 偶然經過見到新開了這間點心店--點點心思!可能是中午飯時間, 所以食客輪流轉, 便好奇入內試試,咁大個人都是第一次入點心專門店, 因為意識傳統是專屬老人家的聚腳的地點!內裡裝裝光猛, 現代化, 令人坐得舒服,全日提供淡淡的普洱茶,亦有一大隻碗供我們用滾水洗碗筷用,很貼心而且服務頗好!除炒粉,麵,飯和小菜沒有供應,基本酒樓點都會有,而且有粥和少量甜品供應.馳名鮮蝦餃--$28皮薄, 好味而且熱騰騰!紫薯黃金卷--$16熱食陣陣紫薯香, 口感煙煙勒勒.鮮蝦腐皮卷--$25剛剛煎出來, 又脆又香口, 鮮蝦爽甜.紅豆椰汁桂花糕--$16味道剛剛好, 不會過甜, 紅豆煲得很軟身,大大粒.桂香水中花凍糕--$20水中花應該是豆腐,有桂花香,但偏太淡, 雖然外表很美麗, 但味道比較失望.埋單--連$3茶錢,$108這麼多樣食物,都只是$100左右, 煩忙時間,不用等待太久,比到酒樓等1-2個鐘都未必有位之餘, 並且每位茶錢只時$3,應該要帶埋家中老人家一起來飲茶.18號要帶老媽過來嘆下午茶,原來免茶錢.鳳瓜排骨飯--$25飯是一粒粒的軟硬適中, 而餸是略為少了一點.潮州蒸粉粿--$16沒