點精品 (已結業)

之前經過見到早餐$23即管入去試食1次吧~又免加1及茶芥,雖然唔係正式1間中式酒樓,以餐廳形式姐經營,相當特別~只有2款茶,鐵觀音/普洱,但製作一間這樣形式餐廳的成本也不便宜喔~所以開左無幾耐就結業了~加上鋪租又貴,話晒0係正大路!!呢間鋪頭之前係仙跡岩,都幾闊落,clean的...但waiert 0係廚房沖茶,我地張桌上係無茶壺呢1回事!如果想加茶,應該係叫waiter幫手加茶掛~盛茶的杯係膠質,杯的裡面仲係啡色,所以完全睇唔到茶本身的顏色tim.... 再發現全部餐具都係膠質的....見到1張poster,「每天首100位客人獲免費的羅漢果茶--價值$6」我地今日飲早茶,所以可以飲免費的羅漢果茶甘甘地,帶點點的苦澀~清熱!大杯~眼見其他客人都無點煲仔飯....@_@我點左個早餐 粥+點心1款$23是日靚粥只有1款--柴魚花生粥粥大大碗,較為稀身,附大大件的排骨及花生,味道一般,我俾5.7分~食落去少少「鞋」的感覺,柴魚味道不算特別香,點心1款--桂林牛腸腸粉係上菜果陣時淋上豉油only,桌子上完全無任何醬料,我諗需要主動向waiter問先可以扲掛...有點麻煩! 中間的牛肉好味,芫茜味不會重家人點的--碧綠鮮蝦腸,蝦的爽身度75%~質素還可以的~細細間餐廳,整到呢個質素都算係咁架喇~另外,唐媽媽創意菜式--wasabi蝦餃, $14朱古力花生麥包...呢款我唔覺得有咩特別可言~我再點左個酥點 唐媽媽炒蘿蔔糕$16係廚師精選tim呀,火熱推介tim!!共20粒左右,個皮脆卜卜,內軟軟的~金黃色~中間無蝦米,蔥~落左好少份量的辣椒油,還有少許的紅椒粒, 又唔會好辣又勁好味呢!間唔中食也不錯呀!!!!但整體來說,點心的選擇種類及款式唔多,但勝在呢間餐廳比起酒樓寧靜~ 還播放心靈音樂~唔駛等位,價錢比酒樓平,但lunch 需要加茶錢2蚊~ 但星期日早餐時間只有7-9am .... o左咀~都係星期1-6來吃比較好~今餐每人31元~…Read More

星期日和老婆去了馬灣一轉, 晚上回到荃灣吃晚餐, 行了一陣子都不知吃甚麼好, 最後入了一間叫點精品的點心店食點心和排骨飯.我想可能是那間米芝蓮店心舖添好運的關係, 這一年來坊間開了很多所謂的點心專門店. 以前食點心, 一是去酒樓, 一就是去那些平民格局的茶樓仔. 現在卻多了另外一種的選擇. 這些點心店介乎兩者之間, 沒有酒樓咁貴, 但又不會像平民茶樓般環境惡劣, 實在是一些對我們喜歡吃點心的人一大喜訊, 唔知這股點心風可以維持多久呢?說回那天, 我們入去時, 待應全都忙著, 沒有人為我們帶位, 自行找到位坐下後, 看了點心紙數分鐘後, 都沒有人來招呼我們, 當時有些不滿, 所以我說了一句 : "都唔知是不是做生意的, 坐了這麼久都沒有人理會, 可以走了". 可能這時才知道有人進了來, 所以之後才有一位C9待應前來問我們飲甚麼茶. 但這刻對這兒印象已經打了折扣了:(:(:(. 最後點了兩盅鳳爪排骨飯, 义燒包, 山竹牛肉和一籠叫大四喜的點心.鳳爪排骨飯比一般點心店的排骨飯大盅, 味道幾好, 排骨和鳳爪都很入味:):), 飯都沒有過爛或過生, 唯一的缺點是豉油味精味比較勁:(:(, 老婆吃完後喉嚨不太舒服.义燒包唔錯, 是剛剛蒸出來的, 所以非常熱. 餡料幾多:):), 又有一片片的义燒肉; 而且包皮幾軟熟:):), 好過現在很多酒樓的多多聲, 比起之前在點心棧吃過的义燒包更出色.山竹牛肉一般水準, 牛肉質感較稔, 肉的成份唔多, 有部份是用了太多的發粉發大而成:(:(, 所以麻麻哋.大四喜是一籠有四種不同的點心, 每款一隻. 蝦餃和燒賣唔錯, 幾大粒, 蝦都大隻和爽口. 潮州粉果皮做得幾薄:):), 餡料幾豐富, 而蟹肉芙蓉餃名字上幾特別, 其實是用蟹肉做成的餃子而已, 味道不過不失, 蟹肉不太多, 所以吃不出太濃的蟹肉味, 但不難食.這兒的環境, 比起我們之前幫趁過的點心棧差些少, 但都可以接受, 地板尚算整潔. 說回服務, 其實當我們一路吃的時候, 可能因為客人少了一點的關係, 待應都有主動地替我們加過茶, 加上食物質素整體上而言都叫OK, 價錢又合理, 亦沒有收加一, 所以其實都可能會再來, 希望下次不會像今次般進來時沒有招呼就好了. …Read More

差唔多10pm先黎到，坐左一半人都冇，唔駛等。望一望餐紙，除左點心之外，仲有麵食、雞絲粉皮等等，但主要都係黎試點心。芥末蝦春卷: 皮脆脆的，餡料得少少，但味道都唔錯既碧綠鮮蝦腸: 睇相都知，腸粉太厚身，仲要相當糊口，差......:(黃金流沙包: 流沙??? 完全冇囉，浄係食到鹹蛋味古法糯米雞: 餡料份量都OK，但實在太乾，差唔多一滴汁都冇，大家樂仲好食過佢:(大四喜: 蝦餃、粉果、芙蓉餃既皮都係太厚太黏秘製咖哩魷魚: 反而呢個OK喎，魷魚相當入味秘汁蒸鳳爪: 又係一個好黏好糊口既點心下次都係試過第二間好過~~~…Read More

肥牛同媽媽一齊去食點心,叫左5樣野叉燒腸粉:凍既,叉燒唔太新鮮XO醬炒蘿蔔糕:得個辣字,一D蘿蔔味都冇蝦餃:皮太厚,味道一般燒賣:超難食,重差過屋村酒樓,食完有反胃的感覺炸雲吞:太油,味道尚可整體來說:差...唔會再去食…Read More

尋日(25-7-2010 Sun)朝等男友起身後食早餐,其實平日男友朝早都想食吓點心,可惜佢太攰起唔到身,我又趕時間返工,所以冇得食.呢日雖然佢都係瞓得好晏,但佢返工返得晏,可以陪佢食點心o既.於是同佢落o黎呢o度食,我o地接近11點o黎到,都幾多人喇,應該係報紙效應啦,但好彩都未使等位.我o地坐低睇menu,發覺竟然加o左奶茶,咖啡之類o既飲品,真係有趣.我同男友今次叫o左:4.$16.00o既唐媽媽炒蘿蔔糕menu內冇話辣唔辣,但我估係辣,o黎到時,嗅到好香o既味道,單睇賣相,覺得唔係煎炒,而係炸.初初食時只覺得熱氣,外脆內軟,蘿蔔味足,但食完一件就知死,辣味留o係喉嚨o度,我唔食喇,要放棄畀男友食.不過佢差唔多清晒時,我又想食多一件,攤凍o左冇咁熱氣o掛,但辣味依然,我冇得食.食得辣o既應該會覺得好好食.味道: 4分5.$12.00o既奶黃千層糕好彩呢個o黎得著時,食o左辣o既蘿蔔糕就食啖甜o野解辣啦.呢個熱騰騰,甜甜地,唔錯啦.味道: 3.8分3. $18.00o既翡翠帶子餃賣相好靚,未食前嗅到陣典型蝦餃味,食落,蝦仁爽,味道中規中矩.味道: 4.5分1.$16.00o既大四喜一籠四種點心.,有蝦餃,燒賣,粉粿同蟹肉芙蓉餃.呢個我食o左燒賣,佢面上有冬菇,味道好濃.又食o左一啖蟹肉芙蓉餃,蛋白太熟唔滑喇.其他o既由男友食埋.味道: 3分2.$12.00o既蒜香蒸排骨呢個都幾大碟,亦好香蒜蓉味,但清清地,排骨夠腍,不過唔知係咪我黑女,偶爾有兩件幾難咬開.味道: 4分由於男友要清晒唐媽媽炒蘿蔔糕,所以我叫佢飲凍o野,佢就叫o左6.$6.00o既凍豆漿我飲一啖,夠凍同甜,不過應該微微甜過龍,OK.味道: 3.5分服務:年輕啲o既女仔好有笑容.點完後唔使等太耐,啲點心就到,唔明點解開頭隔離枱o既客人話等足15分鐘都未有得食.環境:冇乜冷氣.其他:上次第一次o黎時,有個亞姐拎點心上枱時話好熱,今次o黎見到佢o地有個膠套o既o野畀佢o地隔熱,睇o黎呢間食肆o既老闆都幾體諒員工,應該唔算太差.呢餐連每位$2.00o既茶芥,總數$84.00埋單.第一次o黎食: http://www.openrice.com/restaurant/commentdetail.htm?commentid=2083122(…Read More

一經雜誌報紙介紹，由原來小貓3、4隻變成閒日夜晚10點多都有9成9滿，輪到同一條街的點心居拍烏蠅。我有感覺這裡的點心應該是可以吃但不突出的水平，所以故意試試其他食品。唐媽媽炒蘿蔔糕(16)：丁方四面都頗平面，應該偷雞用了半煎炸，不夠辣鷄絲粉皮(22)：粉皮是現成貨，沒什麼可以評的地方，那花生醬實在太杰身，也很甜，是加了砂糖的甜味擔擔麵(22):賣相有驚喜，顏色既深且濃，很大陸，不像香港普遍食肆一味用紅油，味道不太辣，花生醬下得很多，抵讚，美中不足也是太有砂糖的甜味:)芒果布甸(12)：色太淡，芒果味道也是淡淡的只有糖的甜味，可能是水仙芒，布甸鞋身得很，連這個基本功也沒有做好，應該從餐牌删除下次有機會才試點心…Read More

見到好多人評價好似唔錯特登約朋友前往朝拜一下先黎2杯茶膽普洱, 2蚊貨仔, 冇要求啦, 接受唐媽媽炒蘿蔔糕, 好香, 都ok辣, 唔食得辣既應該好難食得完~秘汁蒸鳳爪, 我覺得ok, 幾好, 只是鳳爪係偏淋身的蒜香蒸排骨, 是日劣品, how come d 排骨有草青味, 係d 南瓜有問題??最後一味, 春風得意腸, 是日精選, 新鮮熱辣辣, 春卷夠脆, nice~…Read More

第二次拜訪，比剛開張時進步左！三人叫左：1)柴魚花生粥：煲得夠綿!唔錯~2)担担麵：麵質雖普通,但湯底麻辣花生味濃～呢个啱晒我3)菜心：老過鬼...4)翡翠帶子餃：餡ok,但點心皮略厚唔夠煙un...5)春風得意腸：好似炸兩咁入面轉左新鮮炸起嘅春卷，入口趣卜卜!:)6)XO炒蘿蔔糕：香口惹味相當不俗!!推介~ 7)千層糕：完全唔掂!!超市果啲好仲食過佢...…Read More

自從添好運殺出點心新血路之後, 點心專賣店愈開愈多, 單單是小小的荃灣, 眾安街街頭街尾已經有兩間, 之前試過的點心居, 只是不過不失, 點精品早想一試, 某日看到都市日報的『食悠遊』介紹點心專門店, 除了添好運, 就是點精品, 心想點精品竟能跟添好運齊名? 之後一星期就立刻去踩場!都市日報介紹, 點精品是由從事酒樓業十多年的唐媽媽監製, 賣點當然是即叫即蒸, 而且更有新派懷舊點心供應, 不是老手真的未必做的出來店子尚算乾淨舒服, 晚上人不多, 搵位不是大問題蜜汁叉燒腸: 腸粉皮尚算滑溜合格, 而且夠薄, 看得到裡頭的叉燒, 可是叉燒只是一般, 浪費了那腸粉皮芥末蝦春卷: 新派點心, 有點像泰式的春卷幼幼長長, 最近好多點心都加入 wasabi, 尤其是春卷, 吃過幾間的都不錯, 沒想到春卷皮 + 蝦 + wasabi 頗夾, 春卷皮炸得很脆, 咬開還看到點點的淺綠色, 不用點汁也很好唐媽媽炒蘿蔔糕: 一聽名字就知道是招牌菜, 都市日報提到唐媽媽是來自貴州的, 其貴州辣油是鎮店之寶, 蘿蔔糕就是用這個醬炒出來, 這裡的蘿蔔糕辣得適中, 蘿蔔糕質地尚可, 蘿蔔不會很少, 可惜是不太夠熱, 希望不是預先炒定吧翡翠帶子餃: 我的那一隻一夾即散, 老婆那隻沒事, 看到其他飯友話呢度既皮好易散同好黐果真不假, 但始終不愧是推介點心之一, 賣相不錯, 一籠三隻$18算很抵食, 帶子跟蝦都很爽口, 算是合格吧蟹籽燒賣皇: 新鮮蒸的不會差得去邊, 豬肉肥瘦均衡, 無驚喜也不會失望的一味, 是傳統酒樓的味道, $14算是抵食鮮竹牛肉球: 也是傳統酒樓的味道, 牛肉尚算嫩口, 牛肉團也打得夠爛, 如能加多一點味道如陳皮會更好味, 現在合格即叫即蒸是一個很大的原因鵪鶉蛋燒賣: 現在很多地方都沒得吃了, 鵪鶉蛋高膽固醇這個意識已經根深柢固, 在現今著重健康的食法已經買少見少, 很多年輕人可能連吃都未吃過鵪鶉蛋燒賣, 這裡的鵪鶉蛋燒賣沒加入甚麼新元素, 那薄薄的皮包著鵪鶉蛋跟燒賣, 在口中一口咬開的感覺不知多少年沒試過了, 單單是賣古老的味道已經足夠了奶黃千層糕: 沒甚麼特別, 千層糕不夠鬆, 奶黃味又不夠, 以糕點來說是失敗的, 只是件頭夠大價錢真的很便宜, 兩個吃了這麼多碟也不用$120, 很難想像吧不要拿這裡來跟添好運作比較, 因為這是沒意思的, 只會令你吃的不開心, 不過還是要努力, 其實味道只是合格, 懷舊點心的確有賣點, 但不是天天都要懷舊的, 如果味道不好, 還是不會有長期客戶的店子現在還有粉麵等供應, 但我相信只是為生存而加的出品, 我還是覺得如果招牌點心都做不好, 粉麵也未必吸引到我…Read More

2010年4月10日 ( 點精品 - 1 ) 荃灣新開點心店，今天，正在試業中，我也來試試呢！一個人，要了如下點心。大四喜：內有四種點心，分別為蝦餃、粉果、燒賣及蟹肉餃。蝦餃外皮晶瑩通透，蝦肉爽滑好味，粉果餡料過腍，欠缺菜甫、沙葛爽口感，燒賣好味，蟹肉餃，外表也不甚好看，內嵌蟹肉蛋白，味道也屬美味。蒜香排骨：排骨略瘦，韌了一點，味道幾好。黃金流沙飽：熱騰騰的端上，流沙飽皮賣相不是太好，流沙餡雖不太流，但味道也挺不錯的。今天新店仍未正式開業，人客也不少，侍應員有些不太熟手，這餐食物質素及味道算是ok，不過，整體來看，很多地方...還須要努力進步呢！…Read More

爸爸唔洗番工,早上一家3口黎飲茶因為我怕左同佢地落dellifrance食早餐,so係飲茶都照殺(雖然尋日先食完點心居)茶只有2種.....普洱同鐵觀音$2位茶錢,唔係問題點左9種點心燒賣,豆苗餃,有個好似蟹肉芙蓉餃,2個腸粉-一個蝦腸一個素腸,流沙包,雞包仔,加個xo醬羅白糕,仲有鮮蝦腐皮卷燒賣,豆苗餃,蟹肉芙蓉餃都幾好食,係o個2種餃個皮真係好黐我自己幾like佢蟹肉芙蓉餃,好似有d賽螃蟹o係裡面咁同埋SIZE都幾大架腸粉...只可以話OKAY,點心居既好食多了...佢個皮唔夠薄流沙包都係OKAY既,算不錯的了雞包仔有懷舊FEEL,可是我不喜歡xo醬羅白糕味道好重,不過今日食O個陣有幾舊個心係凍的,要搵人整番熱鮮蝦腐皮卷件頭OK,汁都算可以碟頭好大.....因為平晚我同媽2個人LUNCH點心居可以點7樣野......呢度9樣野3個人竟然食唔晒服務唔錯,加水加得快,不過佢個地板好跣....冇仆親算偷笑比較喜歡點心居,不過有好幾種食物,仍可以令我再光顧的........有機會的話…Read More

今日(10-5-2010Mon)同男友起身返工前食早餐,上次放工後男友揀o左添記,今次就試呢間.7:45am o係對面望過o黎好似冇人,唔通未開門?行o黎睇吓先,啊唔係,開o左啦,不過好少客啫.坐低後,女侍應即問我o地要咩茶,我o地要o左普洱,之後就剔點心喇.有:2. $16.00o既招牌蝦餃皇先試呢個,夾起後鬆手想放落碗o度,點知黐住筷子,攪到佢皮開肉綻,餡就跌o左落隻碗o度,咁唯有先食皮.5. $12.00o既蟹肉芙蓉餃一籠三件,賣相唔錯,但同樣係夾起o左就放唔低,不過呢個就好啲,餡唔跌出o黎,可以連皮食,呢個皮好煙韌,男友話好似食年糕咁.但餡又可以喎,好濃蛋白味道,雖然蟹肉唔多,但仍食到蟹味,強.1. $14.00o既蟹籽燒賣皇都幾大粒,食落,好有口感,有啲實,因為係豬肉o既肥油,呢個麻麻.3. $12.00o既秘制咖哩魷魚呢個第二輪o黎,魷魚夠腍,咖哩汁裡有洋蔥粒,算幾好.而蘿蔔浸到入味,所以我覺得辣辣地.6. $12.00o既黃金流沙包竟然第一轉已經有佢份,食完辣辣地o既鮑魚就搵佢o黎解辣啦.夾起後撕走張紙就食啦,好流沙啊,好彩攤o左一陣至食,但又由於佢黐住對筷子,所以啲餡又流o左o黎.:(錎o既味道一食就知係鹹蛋黃,皮o既厚度適中.不過真係連包o既皮都黐就真係好怪.4. $12.00o既臘味蘿蔔糕呢個係蒸o既蘿蔔糕,餡料唔多,只有一條條o既蘿蔔,味道淡淡,食唔到蘿蔔味,而粉唔夠多,比較鬆散.點心真係即叫即蒸,我o地等o左5分鐘至有三個點心到,真係熱辣辣,女侍應重講笑話成日搵佢隻手o黎試溫度.總觀覺得佢用料都算新鮮,味道亦算鹹淡適中,但真係唔明點解佢咁多點心都要黐黐黐.環境:開頭入到去坐低後,男友話冷氣唔夠,我就覺得o岩o岩好,但食食吓o野就覺得熱啦.味道係3.5分,如果佢改善吓應該可以得到更高分.…Read More

男友打完拳想吃點心，提議到新開的點精品。不能否認的是店員服務態度很好，吃的期間幾乎是喝一口就會幫你加一次茶，但食物質素還真不敢恭維。鮮蝦腸粉 : 打頭陣的鮮蝦腸粉不錯，腸粉皮厚薄適中，一條腸粉有三粒蝦，比平時吃的兩粒多，而且蝦的size也不小，不錯。但想不到原來是先甜後苦蝦餃 : 皮超級軟腍腍，但這不是好事...因為完全無口感可言，就是軟綿綿一pat...餡非常多肥豬肉，我用了很多時間來把所有肥豬肉挑出來，男友吃完三顆我也未吃完一顆...鮮蝦菜苗餃 : 吃之前男友已經提醒我小心，原來係皮超級黏...一黏著就永無救，我不像笨手笨腳的男友，因此成功將餃夾到碗內，誰不知皮黏著碗邊，這就破了！但皮同樣毫無口感，餡同樣非常多肥豬肉...但多肥豬肉之餘卻完全不香不惹味，餘下的又交給男友KO蟹肉芙蓉餃 : 皮同上，但這是眾碟我吃得最舒服的，因為餡無肥豬肉...蟹肉不見得很多，但也有微香的蟹味，但蛋白有點「鞋」流沙奶黃包 : 豬油太多！雖然愈多豬油愈流沙，但這簡直多得像豬油餡而不是奶黃餡！我一把包撕開兩半，豬油隨即湧出來把我嚇怕，我要把餡全倒掉才夠膽吃…Read More

夜晚約10點到此處醫肚,繼點心居之後荃灣又一即叫即蒸點心店,咁就即管一試. 2個人叫了鐵觀音,冇茶味$2茶錢不如飲滾水好了. 叫了6款點心,其實不夠飽的,不過試新o野不宜叫太多:鳳爪排骨飯 - 一早已蒸好了的排骨飯,有點不夠熱,飯是粒粒分明,ok鮮蝦腸粉 - 賣相不錯,看上去粉皮晶瑩剔透,但一吃下去發現粉皮有陣怪味,有點酸酸的味道和不知名的怪味道我吃了一件便沒有吃了...反而honey點了辣椒油吃,他說吃不出怪味,所以全部食晒! 其實不止我們發現這問題,剛坐下honey便聽到隔離有人說腸粉有怪味,但我們不以為意....到我們吃著其他點心時,隔離又有新客點了腸粉發現不妥,還即時叫店員拿走...後來再有客人點腸粉,店員都說腸粉沒有了蟹肉芙蓉餃 - 1籠有3件,大大的好像很好味,一夾皮便穿了,蟹肉看不見,反而有蝦肉,幾爽,加上芙蓉(即係蛋白)爽爽的口感幾好,皮很淋如果煙韌一點就好了山竹牛肉 - 很滑,好味過點心居蜜汁叉燒包 - 是日最好味o既一款點心,好味在叉燒和醬汁,叉燒偏瘦唔韌味道剛好,如果叉燒粒再細粒一點更好,皮有點黏口,但總算好好味!古法馬拉糕 - ok不過不失值得一提係店裡面o既氣氛,好死寂=.= 因為裡面冇電視機,冇播音樂,只有客人談話聲同員工傳話聲,感覺上好悶....點心未到之前客人只有坐著你眼望我眼,如果員工大聲點傳話,所有人目光都放到該員工身上,令佢好無奈囉~埋單有9折因為係特價時段,$72都抵食o既…Read More

點心店同台茶店一樣,開完一間又一間,自從添好運之成功,坊間多了很多後繼者.似乎到了今天,仍沒有一間同類型點心店,可以令到食客,乖乖等候五小時.看回一些有關添好運之食評,等上幾小時也願意,我自問沒有這般耐性,你估我真係好*得閒?荃灣繼點心居之後,另一間後來者是"點精品",擺明抄考同音的珠寶店.與點心居同屬在眾安街,一個頭一個尾.晚上未夠七點,食店內的食客仍不多,兩個人入到內仍可揀位坐,看看點心紙,也是一些大路貨色,沒有驚喜.想吃懷舊點心?此處沒有.茶錢每位$2,我倆皆要普餌,可是茶不夠熱之外,味道亦很淡,似是一比九十九開出來.連區區一杯茶的水準也是如此,看來這一次都兇多吉少了.女友本來點了碟油菜,誰不知已賣光.連油菜也沒有一碟,真的有沒有韭兩菜?點心方面自稱即叫即蒸,要等上十五分鐘.首先送到的是鳳爪排骨飯,排骨算有一點肉汁,咬落都鬆化.鳳爪也是一貫味道,底下飯粒都夠乾身,只是不夠入味,同我家附近的明珍相比,明顯差一截距離.古法馬拉糕金肉其外,聞落去真係香,但一埋牙就不是那一回事,香氣只是流於表面,吃落去味道很淡,蔗糖味道近乎隱形,糕身太實,同鬆軟兩個字差太遠.竹笙雜菌腸粉是用上懷舊之厚皮做法,包著清淡之材料,腸粉皮質感太過散,夾上去亦有點黐.內裏的竹笙份量少,雜菌則欠缺菇香.鮮蝦豆苗餃令人氣結,外皮一夾就散,再夾一舊,這次就沒有散,但一放落碗上,皮即刻黐著碗邊,一夾,都係散.唉.另外的大四喜,即是一次過滿足四個願望,內有蝦餃,燒賣,潮州粉果,蟹肉芙蓉餃.每樣一粒,雖然大家個性不同,但除了燒賣之外,其他三餃也是一夾就散,皮餡分離,兩者要分開食,實在哭笑不得,心想是否下了AA超能膠?這趟真係黐餃線矣.至於獨善其身的燒賣,算是最正常的一味,起碼不是一夾就爆.服務方面又是甩甩漏漏,大多侍者很明顯是生手,見到杯內的茶差不多喝光,也不懂主動去添,身後面的一位麻煩女客人,要求多多,一時要暖水,又話水太熱,搞到眾侍者有點不知所措.兩個人五味點心,其實是不夠,但已被其點心同服務水準嚇怕,還是不再加單,止蝕離場,再去其他地方吃過.…Read More