影片
以上資料只供參考, 請與餐廳確認詳情
招牌菜
在荃灣的悅來酒店訂了一晚來看球賽，$580/晚也真的不錯，下班以後便到荃灣找點東西吃，看到這裡的評語也不錯，就來試一試吧！不知道是因為還未到吃飯時間還是大家都去找地方看足球，所以踏進餐廳時還有蠻多的位置，我們選了卡位坐了下來。餐廳感覺沒什麼特別，但是夠光，也頗舒服的，先點了一枝自製羅漢果桂圓茶，很重羅漢果味，沒有甜味，不錯。等候點心的時間也可以，我們兩個人吃了以下的東西：黃金蝦春卷 - 賣相一般，要是可以把它們站起來會比較吸引，蝦肉不多，味道也沒有什麼驚喜，但是喜歡吃炸東西的也可以一試~蜜味叉燒腸粉 - 腸粉皮很軟，但不夠通透，並且夾起來的時候會變爛，不是斷掉的爛，是散開的爛，需要用匙幫忙才可以放到碗裡去吃~ 叉燒比較乾身，不太好吃，這碟不建議筍尖鮮蝦餃 - 皮做得真的頗薄，但是不夠煙UN，蝦也爽，可是不知道為什麼卻沒什麼蝦味，筍尖是有，但不留心吃的話是留意不到的，這碟可試可不試~荔芋魚肚雞扎 - 可能放久了才吃，腐皮乾了，但是也還好，裡面的雞對我來說雪味太重，吃不下，火腿卻頗香，而魚肚我沒吃，荔芋太爛了，需要用匙才吃到，這碟整體體來說也可以的~流沙奶皇包 - 趁熱即時吃，真的是流沙，餡不多，但很香蛋黃味，而且皮很薄，個人特別喜愛，這碟推介冰花大菜糕 - 這個不是我杯茶，故只小嚐了一口，感覺有點似吃沙糖+魚膠粉的感覺，個人不推介結賬$101，總括來說這裡沒甚麼特別，勝在價廉，若偶爾想吃點心，可以是廉價的選擇~
繼續閱讀
今朝(15-5-2010 Sat)同男友起身後,佢要到荃灣做啲o野,咁我陪佢去啦,整完o野就搵o野食,沙咀道好似冇乜o野食,行到眾安街交界諗,唔係又行返去兆和竹咁冇新意呀?我指住眾安街向楊屋道方向,話我o地好少試呢邊o既,男友就同意試呢邊.見到有點心居,我問男友,又食點心嗎?佢話試吓囉.啊.入到去,每張枱都已經有一壺茶,自己斟.我o地點o左:1. $10.00 o既是日靚粥會係咩粥呢?原來係皮蛋瘦肉粥,粥好香好棉,唔太熱,食食吓,原來唔係瘦肉,係排骨.一碗分到四個碗仔份量,算可以啦.味道: 4分2. $12.00o既香茜牛肉腸腸粉脹卜卜o既,因為牛肉有好多,腸粉唔係太薄,厚厚地身,亦唔算好滑,牛肉味唔太出,呢個一舨啦.味道: 3分3. $16.00o既薑蔥牛栢葉男友要食,多數都係佢食,呢樣份量唔係唔好,牛栢葉夠腍,辣辣地,我只食少少就由男友食啦.味道: 3.2分4. $12.00o既流沙奶皇包熱騰騰o既,要好小心食,呢個皮夠薄,餡多而且幾香,甜度係偏淡o左唔太甜.味道: 3.2分5. $12.00o既灌湯小籠包一籠三個,要趁熱食,皮薄,豬肉餡好大舊,係有湯o係裡面,第一隻係有驚喜,但男友畀我食三粒,呢粒竟然冇湯,奇怪.味道: 4分6. $18.00o既四寶糯米雞大大隻糯米雞,侍應幫我o地剪開塊荷葉,糯米味好香,我o地睇吓有邊四寶先,係叉燒,鵪鶉蛋,雞翼同…..臘腸.糯米好濕,叉燒唔係死硬,男友食o左雞翼,之後我見約一吋o既臘腸有好多肥膏,我叫男友唔好食,佢話點都要食一啖,好.佢食o左話正但真係好肥,最後都冇食.晒味道: 3.2分我問男友呢間同點精品比,邊間好啲?男友話呢間,起碼呢o度大間啲,坐得舒服啲,而且又多款.埋單$84.00.
繼續閱讀
旅行後回港,媽媽想念香港的美食,決定到點心居吃個late tea除方便外,主要是下午3-6,點心全部$10,蒸飯就($14)....特點除外點了燒賣,蝦餃,蝦腸,牛肚,炸"兩",小籠包,鍋貼燒賣,蝦餃,蝦腸都係次次點的了.......水準都是不錯的,蝦餃皮薄蝦多是我的心頭好第一次點牛肚......好淋好香呀.......炸"兩"裡面既油炸鬼係勁脆....唔知係唔係即嗌即包呢?小籠包皮係薄,不過裡面既肉就比較普通.....用既醋又冇加薑絲鍋貼就皮唔夠薄.....賣相係好靚......肉都係同小籠包一樣,下次應該唔會點了媽咪又咳,點左佢自家制既羅漢貴圓茶2支($8/支)真係好重味,媽咪話呢d係足料不過呢隻茶唔係第一次飲,都飲左好幾次...冇話淡左,相信宜家既品質控制係唔錯的我會推薦呢間點心居的,因為茶樓對我黎講有點太嘈了
繼續閱讀
一年之始, 選擇了去看新開的荃灣GV看阿凡達, 中午再同屋企人去新開無耐既點心居 見佢幾多人等, 應該不會太差吧, 等了半個鐘, 終於有得食點心單賣旳是正常點心, 並沒甚麼特色/招牌點心, 要數最特色, 可能已經係灌湯餃, 畢竟依家連傳統酒樓都好少地方有得食, 可惜係老婆 (當時仲係女友) 叫錯左, 最後都係試唔到蝦腸: 腸粉尚算滑, 蝦好大隻, 第一碟就來個咁既水準, 令到我好期待!炸蝦丸: 原來係果仁鋪面, 我唔太鐘意果仁蝦丸, 通常果仁味都會蓋過蝦丸味, 基本上我只知我係"咬"緊蝦丸, 而食到既係果仁味奶黃包: 不夠流心, 奶黃味尚可, 而且好大個, 算幾抵食叉燒包: 叉燒包也是一般, 呢度既包點都好大個, 但料只是一般, 叉燒醬不夠多, 無左叉燒醬流出黎即刻搶住食既感覺小籠包: 同一般酒樓既毛病一樣, 太乾, 皮厚薄我不太要求, 因為始終唔係鼎泰豐翡翠, 但太乾真係死罪, 入面無湯還叫小籠包嗎?桂花糕: 屋企人至愛, 好多桂花, 桂花味適中, 唔會一夾就散, 合格炸饅頭: 炸得金黃, 炸饅頭只要炸得新鮮, 其實好難唔好食, 合格燒賣: 這個不錯, 上面有蟹子, 大粒得黎好香豬肉同冬菇味, good山竹牛肉: 牛肉也是standard, 不會太差, 而且一樣係好大件牛柏葉: 稍嫌不夠薑蔥味, 牛柏葉是爽口的, 但本身無味的牛柏葉要薑蔥味才能提高吸引力嘛環境只是一般, 可能因為阿姐都係新手, 倒瀉左d汁去我地d袋度, 而且地下相對污髒因為添好運, 依家多左好多點心專賣店, 點心居相信咁多人排隊既原因, 除左因為價錢相宜外, 還有她的份量, 但如果有得選擇, 我可能都會揀番茶樓, 起碼水滾茶靚丫
繼續閱讀
食物唔係全部好食,但都唔算差,當中都有d驚喜,我覺得有時d酒樓都無佢咁好,起碼全部即叫即蒸,新鮮熱辣,又唔使排隊,以價錢來講,我覺得值得再光顧,當然只會叫其中值得回味或未食過的點心
繼續閱讀