點心到 MIX·大排檔

營業中

休息中

近排經過旺角金雞廣場地下有間新派食點心嘅點心到 MIX大排檔，見到啲點心都幾特色，就入去飲下茶食下點心啦！店內環境整潔乾淨，裝修明亮簡約，地方都幾闊落，無酒樓咁嘈吵，以及枱同枱之間唔會覺得擠迫，感覺舒服。呢度啲點心即叫即蒸，更設有香港工場，確保食物新鮮。茶芥每位$5，無另收加一。黑蒜螺片燉肉排湯         非常熱嘅燉盅，湯入面有好多材料，包括黑蒜、螺片、肉排、淮山、雞腳、杞子、桂圓和紅棗等，濃郁而不油膩嘅燉湯，淡淡黑蒜香氣散發出來，十分足料。紅棗雞粥雞件份量唔少，肉質鮮嫩，有調味嘅雞肉，粥底帶少少嘅紅棗香甜味，米香綿滑，鮮味很配搭。晶瑩鮮蝦餃          蝦餃外皮晶瑩通透，皮薄喊靚，可選2粒或4粒。蝦餃餡料漲滿，蝦肉都好大隻，用料上乘，足料又爽口。鳳爪排骨飯一上枱熱騰騰嘅鳳爪排骨飯，排骨肉質鬆化，咬落軟腍，鳳爪調味剛好，質感軟軟，米飯吸收左醬汁，所有材料混合食好惹味。蜆介鯪魚球            鯪魚球炸得金黃香脆，魚肉新鮮，入面加咗蔥粒，味道更香，彈牙爽口，點埋蜆介醬一齊食，好滋味。鮮竹牛肉球          飲茶時經常會揀嘅係牛肉球，都係最受歡迎嘅點心之一。牛肉味

今次我同媽咪決定去旺角嘅「點心到」飲夜茶，之前去過油麻地分店，今次選擇旺角嘅分店，果然冇失望！1. 晶瑩蝦餃（$17 x 2粒） 味道鮮美，蝦仁晶瑩透亮，皮薄餡多2. 原隻蝦燒賣（$17 x 2粒） 每粒都包著豐富嘅餡料，蝦肉鮮嫩中3. 醬皇金錢肚（$28） 醬汁香濃，非常開胃。4. 四寶滑雞扎（$32）5. 韭黃鮮蝦腸（$30） 腸粉皮薄滑，仲有粒粒大蝦6. 龍仔金針雲耳雞飯（$40） 荷葉飯分量十足，雞肉嫩滑，再配上金針菇同雲耳。

今日黎到旺角行街睇戲食飯，行到累累地就黎到呢間餐廳休息下，呢道主打點心，比起一般酒樓既點心更加精緻美味。首先我地點左個紅油抄手，呢個唔算好辣，味道好香濃，而且皮薄餡靚，非常有口感。有成五粒咁多都係$28蚊，非常抵食。第二款係蜜汁叉燒腸，甜甜地好好味，叉燒都好多，我自己十分喜愛🤩。點咪甜豉油令味道更加提升。第三款係芥末芝士糯米雞，呢個非常之特別，係呢間分店獨創既，其他地方搵唔到。表面一層厚厚既芝士蓋住糯米雞，份量十足，餡都好多，味道都好好味。而且好抵食先$36蚊。真係世界級享受。第四款係五香鹹水角，呢款都可以，唔會有油膱味，都好新鮮即炸。第五款係香煎蘿蔔糕，呢款都唔錯，都係好新鮮。最後一款係醬王金錢肚，呢個好入味，而家好林，入口即溶，適合男女老少。呢道茶位都係5蚊位，唔使加一，點心價錢合理，性價比高。真係好值得黎。

FD話想飲茶，咁試試哩間。餐廳裝修得唔錯，好有香港茶樓風格。凍檸檬茶同可樂，凍檸檬茶茶底夠濃，檸檬唔會苦澀，甜度啱啱好。金銀蒜蒸排骨，排骨蒸得啱啱熟，入口軟嫩帶有好重蒜香，搭配嘅芋頭軟糯香甜。姜蔥牛百葉，牛百葉處理得好乾淨，爽彈脆口，再落入薑蔥同埋少少酒辟腥，味道層次更加豐富。上海小籠包，小籠包皮薄到透光，入面湯汁多到瀉。咬開層皮，熱辣辣嘅肉湯流曬出嚟，再用少少香醋調味，食落更加鮮甜。陳醋鳳爪，鳳爪醃到入味，食落醬香味濃郁又好酸甜。鳳爪肉質爽彈，好快已經食曬。招牌紅燒乳鴿，乳鴿一分四，皮燒到啵啵脆，內裡仲暴曬汁水。乳鴿預先醃制過，食落皮脆肉嫩，唔洗點醬已經好夠味。籠仔臘味飯，配料好豐富，有臘鴨，臘腸，臘肉同青菜。全部臘味唔會過鹹，食落臘香十足，飯底仲有層飯焦，撈埋甜豉油，食到停唔落口。

來得旺角食晚飯，小菜點心家常便飯，人多人少都可以坐得落，又要抵食好食又划算，點心到係不二之選。呢度環境好大體，點幾個菜已經夠2-3 人食，味道亦都非常好，請朋友來食飯也大氣👍首先好鍾意飲呢度既湯，未食飯先飲湯係廣東人文化：點左好特別的黑蒜螺片燉肉排湯 $45 盅，份量材料足，味道好喝又滋補，岩曬鍾意飲湯既我🤭今次3 個人食飯，點左兩個菜：沙爹粉絲金菇牛肉煲$88魚香茄子煲 $78兩個菜夠入味，煲仔菜式仲熱辣辣，送飯真係夠曬香🤤飯都食多碗最後一定要食呢度既甜品，榴槤控的恩物：榴槤雪媚娘 $16 一顆，裡面的榴槤肉真香，好多時賣曬，今晚食到好開心😁喜歡吃榴槤的不要錯過👍

點心到 MIX·大排檔今次係我第三次回訪「點心到 MIX·大排檔」，仲記得上兩次都係夜晚去食，今次就試下佢哋整嘅點心先，叫咗幾碟點心同一碟乾炒牛河，最近佢哋仲有做酒類優惠，唔知有無記錯好似係買三送一！呢間餐廳門口係有一級，輪椅人士都係要自備斜板進入餐廳，店員好好人會幫我搵適合嘅位置比我坐，一坐低就會遞上用不銹鋼水壺裝住一壺普洱茶，茶位每位$5，呢度餐廳係唔收加一服務費，午市都幾忙，幾乎全場爆滿！1.乾炒牛河$68（9/10）呢碟乾炒牛河份量算多，牛肉好嫩，河粉就油咗少少，其他配料有芽菜、韭黃同洋蔥等！2.晶瑩鮮蝦餃（4粒）$34（8.5/10）呢籠蝦餃有4粒，點心紙上面有2粒比人揀，食多食少自己揀，每粒蝦餃如果皮薄多少少會好食好多，蝦餃入面爆哂蝦仁餡料，估計都有一隻蝦仁，唔錯！3.鮮竹牛肉球$26（9.5/10）呢籠牛肉球都幾多鮮竹係底，牛肉入面有馬蹄粒同大量嘅蔥，都算好正宗，一共有三粒鮮竹牛肉球！4.醬皇金錢肚$28（9/10）呢籠金錢肚都幾軟淋，味道唔錯，金錢肚有4舊，入面仲有3舊白蘿蔔同辣椒等！5.熱朱古力$15（8/10）呢杯熱朱古力好鬼甜，之後我叫店員比一杯水，幾乎落多一杯水

今日我同朋友去咗間我要旺角嘅中餐廳，入面嘅環境好舒服，服務亦都好周到，我同朋友叫咗佢哋幾樣嘢，同大家介紹一下先清炒時蔬佢哋用嘅菜心非常新鮮，色澤翠綠，炒得剛剛好。菜心保持住鮮嫩嘅口感，啖啖都係清脆，搭配少量蒜蓉，散發出濃郁嘅香味，食落去真係好開胃。金沙海鮮蛋白炒飯，呢碗炒飯無論係外觀定係味道都好吸引。海鮮特別新鮮，蝦仁同蚌肉都好彈牙，細緻嘅蛋白炒得滑溜，唔油膩，整碗飯更添咗幾分香氣。鹹蛋黃嘅味道圍住每一粒飯，配合啲海鮮嘅鮮味，真係好食。紅燒豆腐豆腐滑嫩，醬汁入味，味道濃郁，仲有一種微微嘅甜味。每一口都令人驚喜。

早排見到網友去食乾炒牛肉腸粉話唔錯，特登去試吓，$78份量都唔細，一上枱出哂煙熱辣辣，色水幾靚，牛肉至少7-8塊，唔薄唔細，醃得剛好唔會「那」過龍 ，腸粉有少少燶邊煎到微脆，算中上 。同時叫埋冰鎮咕嚕肉$88 呢個價位分量都唔細，要知平時食呢味起碼$128 ，仲要加埋冰比埋冰火效果你 。最後當然不例外叫左黃金蝦球，足足十隻大蝦球嚇死我爭啲食唔晒，個樣四正乾身啲黃金亦成型，入口咸蛋黃溝左少少腐乳味減膩，如果再黃金啲我會再喜愛啲，但價錢真係冇得輸了$108—————-𝙒𝙚 𝙤𝙧𝙙𝙚𝙧𝙚𝙙:冰鎮咕嚕肉 88黃金桂花蝦球 108乾炒牛肉腸粉 78—————————————————𖠿𖥣 點心到 MIX·大排檔 (旺角)〒 旺角洗衣街39號金雞廣場地下1A, 1B, 1C號舖—————————————————⠀⠀⠀⠀⠀⠀⠀⠀⠀#hkfood #hkfoodporn #hkfoodblogger #hkfoodpic #hkfoodies #yum #hkfoodstagram #foodie #foodporn #foodphotography #foodgasm #foodstagram #旺角

如果你想感受到大排檔風味，又想食港式點心，更想要一個比大排檔舒服的環境的話，那你一定要來探店～😆 這裏有港式大排檔那種鍋氣！告訴你這裏的CP值很高的！🐷冰鎮咕嚕肉 $88👍冰涼的口感令咕嚕肉外脆更脆，酸甜醬汁更顯清爽，很適合炎熱天氣。咕嚕肉的肉質鮮嫩有彈性。乾炒牛河 $78👍乾炒牛河火喉掌握很重要❗️河粉沒有炒碎，亦沒有過濕潤，能保持Q彈口感。夠鍋氣令河粉有微微煙燻香味。牛肉挺大片的，牛味濃肉質鮮嫩鍋氣豉椒炒蜆 $89 👍街頭大排檔的經典風味，簡單製作卻令人回味無窮😋蜆肉飽滿多汁，十分新鮮！配搭了蒜香🧄豆豉及青椒🫑，香氣十分濃郁！楊枝金露 $25 👍經典港式甜品～ 材料豐富，每一口都是芒果及西柚肉、配合椰奶滑順口感，味道清新

好耐冇去食點心到，今日約咗朋友一齊去食☺️口感味道依然有水準👍晶瑩鮮蝦餃每一粒都晶瑩剔透，咬落去皮薄餡靚，蝦肉鮮甜，口感彈牙😋原隻蝦燒賣每粒都包住一隻大蝦，肉質鮮嫩，搭配豬肉，味道層次分明，咬下去有種滿足感😳潮州粉果外皮薄透，內餡有蝦仁同豬肉，口感滑溜，咬落去有種清新嘅味道☺️黑金流沙包一咬開就見到流心嘅蛋黃醬，香濃滑口，甜中帶鹹，令人回味無窮👍五香鹹水角外皮炸得金黃酥脆，內裡有五香肉餡，味道香濃，口感對比好豐富，咬落去有種酥脆同軟滑嘅對比，真係好好味🤤咸魚雞粒炒飯飯粒粒分明，咸魚嘅香味同雞粒嘅鮮味融合得好好，炒得香噴噴，食落去每一啖都充滿驚喜😍📍 點心到 MIX·大排檔 (旺角)旺角洗衣街39號金雞廣場地下1A, 1B, 1C號舖

今日閒日約左朋友去旺角行街shopping , 行到肚餓要醫肚，又想食下小炒經過金雞廣場附近見到呢間點心到 mix大排檔就入去試下傳統大排檔無冷氣，呢啲2幾30度搞唔掂，呢到環境闊落，冷氣又夠，又可以慢慢坐傾計，店員又唔會趕你走，又好招呼，舉下手就即係有人過黎招呼你，好值得讚 至於野食方面，叫左2個小菜1個甜品，同埋一杯凍飲，最後埋單$253，會收茶位費1.通菜炒牛肉通菜牛肉大大碟，牛肉都比得好足，絕對唔係得幾塊，調味方面唔會太油太咸，最驚連食個炒菜都成碟油，好彩呢個炒通菜炒得唔錯2.保仔左宗棠雞煲呢個保保左宗棠雞煲，調味同平時傳統雞煲唔同，呢個係甜甜地小小酸個隻感覺，幾特別，都幾開胃，而且雞煲份量唔細，送飯一流3.楊枝甘露食完飯最岩整碗甜品，楊枝甘露甜度適中，唔會太甜，食飽飯再食碗楊枝甘露就好滿足4.凍檸檬茶凍檸檬茶就正正常常，茶味都突出如果想食大檔檔風味小炒，點心到呢間鋪都係唔錯既選擇，食物，環境，服務都好 而且又無限時慢慢食，唔似坊間好多大排檔都限時幾耐幾耐，想慢慢食都唔得

除左常見嘅點心之外，仲有好多小炒小菜。啱晒想一次過食哂港式餐點嘅人，見到餐廳都有唔少遊客。同一般茶樓唔同，有四人卡位似港式茶餐廳之餘，仲有圓枱，似足茶樓，貫徹佢餐廳嘅賣點。叫左杏汁燉白肺湯即係杏汁豬肺湯，平時喺屋企好少會煲嘅湯，難得去餐廳見到有梗係嗌嚟試吓。唔係味精湯，好濃郁。入面啲料好豐富，食到有肉，豬肺龍眼等等。小菜就揀左馬拉盞炒時蔬，有得自選想要咩蔬菜。我哋就叫咗芥蘭。芥蘭食得出係嫩嘅，兼且炒得好有鑊氣，鹹香十足。主菜另外揀左招牌冰鎮咕嚕肉。賣相好特別，真係有啲冰底墊住，入口係一半冰凍一半熱，冰凍過後嘅青紅椒更加爽脆，用冰呢個idea 真係好有趣。咕嚕肉顏色好靚，糖醋汁上得好均勻，甜酸balance 得好好。再加上啲肉炸得非常之脆口，啖啖肉，送飯一流，高質。點心一定唔少得蒸包，見到有黑金流沙包，當然嗌個嚟試吓。呢度好就係可以散叫，唔需要嗌一籠又食唔晒晒。見到賣廣告嘅卡通芋蓉包都叫咗一個，表情趣怪，咁可愛都唔捨得食佢。原來都係流心，仲有少少芋頭碎食到，食落好香芋頭味。另外叫左流沙包。熱辣辣，一咬開入邊嘅流心就湧出嚟，鹹蛋黃味加埋吉士嘅香，為呢餐劃上完美句號。

點心到 MIX·大排檔📍Address: 旺角洗衣街39號金雞廣場地下1A, 1B, 1C號舖—————— ฅ՞• •՞ฅ ———————同朋友喺旺角行完街，發現呢間新派大排檔，乾淨企理，仲主打小菜同海鮮，價錢夠親民，地點又方便，於是決定試下！飛天通菜煲 🥬一上枱就熱辣辣冒住煙，份量超足，通菜吸哂煲底嘅汁，好惹味，配白飯一流！清蒸海班 🐟海班魚肉好鮮嫩，火候掌握得啱啱好，配埋清甜嘅蒸魚豉油，簡單得嚟非常出色。點心到 MIX·大排檔以新派方式演繹經典大排檔菜式，環境乾淨，價錢實惠，人均$100已經食到飽飽，味道唔錯

本身見到網上面啲人話呢度點心好正期待好高，但係嚟到發現點心都係中下水平，蝦餃個皮偏厚，招牌嘅點心包都係正常發揮餡料偏少同埋坐嘅位置比較窄啲環境嘈雜，如果想食好食嘅點心有好多其他選擇，不會回訪

黎到旺角呢頭一定多野食揀，呢間間唔中都會排哂長龍，見到今晚唔駛排就所以揀左呢間食。睇左menu之後終於有選擇了。黃金鮮魷，宮保蝦球，蒜蓉炒時蔬。黃金鮮魷，叫做ok不過味道唔夠濃但都可以接受，食落去口感都算係ok既。宮保蝦球，味道都係ok 唔算係覺得好吸引，西芹未算鮮甜不過唔係生，所以感覺整體質素係可以接受而且都唔算辣，有少少辣味而已。蒜蓉炒時蔬，食落去都算鮮同埋唔老，林林地，算係新鮮同好味既。蒜蓉味都夠重，整體混合得唔錯。另外加多個飯呢餐要300蚊多啲。價錢算係可以接受。。。。總結。。。呢間食小菜算係唔錯既選擇。