40
1
0
港鐵旺角站 E2 出口, 步行約3分鐘 繼續閱讀
電話號碼
59684809
開飯介紹
位於旺角的一間新派廣東菜餐廳,裝修時尚加入少許復古港式元素。餐廳主打點心,將創新元素加入傳統點心中。 繼續閱讀
營業時間
今日營業
07:00 - 22:00
星期一至日
07:00 - 22:00
付款方式
Visa Master AlipayHK 支付寶 現金 Apple Pay Google Pay 微信支付 OpenRice Pay
其他資料
網上訂座
賞訂座積分
獨家網上訂座
當面支付
有關獎賞計劃
食評 (44)
等級4 2021-04-03
548 瀏覽
放工同同事食晚飯,佢之前食過餐廳嘅早市點心,評價唔錯,相信晚飯小菜亦唔會令人失望。小菜選擇超豐富,基本上諗到嘅小菜都可以喺menu到搵得到,價錢亦好合理。韭菜鴨血係朋友指定要叫,我都好耐冇食鴨血,當然奉陪,一送上嚟已經知道冇叫錯,香氣四溢。鴨血口感嫩滑,而且非常入味,秘製醬汁加入大量蒜茸,香得嚟帶有微微嘅辣,零舍滋味。冰鎮咕嚕肉係招牌菜之一,見唔少人推介,當然要試下。咕嚕肉份量唔少,色彩繽紛,天氣開始轉熱,見到呢味餸實在令人胃口大開。用冰鎮住咕嚕肉絕對唔係噱頭咁簡單,即叫即炸即炒嘅咕嚕肉,冰鎮後令外皮更加香脆,咬落去內裡依然熱辣辣,對比強烈,更加滋味!飛天通菜用煲上,上枱時依然唧唧聲,夠哂鑊氣,而且份量好大,惹味得嚟唔會太鹹,絕對係白飯殺手!食完飯意猶未盡,見點心包價錢亦唔貴,一試無妨。黑金流沙包賣相精緻,咬開鬆軟嘅包皮,入面嘅奶皇餡流心效果明顯,帶有淡淡嘅鹹蛋香,而且唔會太甜,非常推薦。芋蓉包亦唔輸蝕,造型可愛,流心效果雖然冇流沙包咁出眾,但勝在芋香醉人,甜度同樣適中,鍾意芋頭嘅朋友絕對不容錯過。餐廳嘅食物選擇多,價錢合理,食物質素亦唔錯,係食小炒嘅好選擇,令人對早午市嘅點心更加期待! 繼續閱讀
(以上食評乃用戶個人意見 , 並不代表OpenRice之觀點。)
去年曾在油麻地幫襯過的點心店「點心到」,原來在旺角開了一間名為「點心到-MIX‧大牌檔」的旗艦店。日前的一個早上路過發現了它,見這新店門面光鮮亮麗,地方亦十分寬敞明亮,而且逢星期一至五每天早上七時至十一時推出的「早晨自選孖寶」($36 / $44),免茶芥,兔加一,相當實惠,正好入內飲個早茶,吃個早餐。其實這早晨孖寶包括一晼盅頭飯或粥,一款點心,而且除了由茶客自斟自飲的茗茶之外,還包一款飲品無論粥飯、點心還是飲品,都有多款可揀,顧客大可各適其式,點過自己喜歡的食品。初次到來的我,就揀了「鳳爪排骨飯」、「鮮竹牛肉球」和「熱朱古力」的組合($36)做早餐。「鳳爪排骨飯」的飯雖不太多,肉多骨少的排骨都有四件,鳳爪亦有一隻,澆點豉油,水準及格。「鮮竹牛肉球」口感雖只一般,但味道尚佳,牛肉球內有不少馬蹄,牛肉球外亦有不少芫茜,牛肉球下還墊有數片薄薄的腐竹,證明貨真價實,並無偷工減料。新正頭,飲早茶,吃早餐,想便宜點,這裡不失為一個不錯的選擇。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-30
0 瀏覽
經過金雞廣場見到有間餐廳新開張,外面落地大玻璃,見到入面都幾乾淨光猛,就入去試下啦,呢度除咗有點心,仲有小菜添。 點心方面揀咗個卡通芋蓉包同埋黑金流沙包,卡通芋蓉包外表好得意,有個卡通樣,入面芋蓉好香,味道唔會太甜。黑金流沙包外表黑色,搣開個包流出熱辣辣金黃色嘅流沙餡料,平時食開嘅包都係白色,宜家喺黑色包嘅襯托下,流沙餡料顯得份外金黃。 冰鎮咕嚕肉酸甜適中,個底鋪滿冰塊,外面又脆冰涼,裡面又熱又鬆軟,而且減低肥膩感,夏天食最啱! 平時多數食豬血,但近年都興食鴨血,我朋友每次打邊爐都一定叫,本身我好少食㗎,不過比佢搞到我宜家都成日叫嚟食,鴨血嫩滑多汁,帶少少微辣,非常惹味。 飛天通菜好有鑊氣,啲菜翠綠爽脆,味道又唔會太鹹。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-28
0 瀏覽
有個知我好中意食中菜既foodie朋友話佢前排發現到呢間新開既“大排檔”,裝修靚得黎之餘啲菜式仲好有水準兼鑊氣,所以今晚就帶左我過黎食😀我哋七點過到嚟全場已經差唔多full曬,睇黎真係幾唔錯😮兩個人叫左個韮菜鴨血,冰鎮咕嚕肉,飛天通菜煲,白飯同楊枝甘露👏⭐韮菜鴨血 個汁幾香,有啲似沙爹汁,韮菜無渣,鴨血夠滑,一個好補身既無敵組合👍❤️飛天通菜煲店員一幫我哋揭開個蓋聞到超級香!😍 好有鑊氣,鹹香味濃而不膩,加埋微微既辣非常惹味😋❤️冰鎮咕嚕肉好特別,第一次食凍既版本😂外層炸粉好薄,食落勁脆口兼透心涼,裡面肉質嫰滑,酸甜味岩岩好,水準無得頂👍👍👍❤️楊枝甘露好足料,芒果夠甜,食落幾重椰奶香味😋foodie真係foodie😂果然無介紹錯!如果夏天唔想熱辣辣但又想食高質兼有鑊氣嘅小菜,呢度絕對係不二之選!🎉😎 (仲要免加一同茶芥👏👏) 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-26
0 瀏覽
今日去咗 食小炒位於金雞廣場地下的一間舖頭 裝修非常之好座位也不錯 我一去到就點了 點了三碟小菜我最喜愛的韭菜鴨血,冰鎮咕嚕肉及飛天通菜鑊氣非常,價錢又很適宜每碟大約六十至八十元不等我我們的菜來到的時候 每一個食客都嘩然,因為這個咕嚕肉的酸酸甜甜吸引附近的食客,飛天通菜亦都是本店之特色非常之夠鑊氣,好味! 最後再來一個楊枝甘露簡直會慢的高峰楊枝甘露 夠材料裏面有芒果西米及最重要有香的椰汁味真的是好好味 繼續閱讀
(以上食評乃用戶個人意見 , 並不代表OpenRice之觀點。)