點出色 | 點心烤魚專門店

營業中

休息中

中午12：30店舖客人不多，原本好好，我們未齊人就比位我地入座（9位），坐大枱，13:00後門外開始人多，而我們有朋友突然有事不能來，便通知服務員由9位改8位，服務員就不家客氣地說出面有12位客，意思是說我們8人霸左張大枱，之後又催我們埋單，我們都已經好合作食完便埋單，埋單短短的路程她仍然不停地碎碎念，不會再幫襯。

今日假期放假，見有時間，就諗住同屋企人去食吓嘢。點知食到一肚火。經過商場就諗住去飲吓茶，所以就入咗呢間嘢到食嘢。我地9點幾先至攞位入座，入到去坐咗一陣就叫嘢食，飲吓茶，傾吓計，點知我地坐咗一個鐘多d，職員就係10點20分，夠膽行埋嚟同我地講，出面有人等位，叫我地埋單走人讓俾人坐。真係嬲到爆，我想問吓呢間嘢，幾時多咗條條例，有人等位就要埋單讓俾位下枱人？我地又唔係叫得少嘢食，埋單都成4舊水，佢地咁嘅服務態度，簡直影衰飲食業。唔怪之得d人走哂上大陸食嘢啦，真係有跟據㗎，以後都唔洗再去食。

昨晚真係食得好嬲嘅一餐!!!!⑴專登去食=昨晚食咗千三蚊，局住要坐，為咗門口收銀阿姐自己嘅私心，而被迫要我哋調坐長嘅膠接枱，坐到左右腳都頂住，食得好辛苦又激氣嘅一餐！⑵熟客=我哋係生客，就無收銀阿姐嘅服務至上。因為收銀阿姐只為佢嘅熟客所需，係為佢哋10個突然話嚟食嘢嘅人，而要我哋5個嘅生客，亦唔需要理會我哋有老人家。因為落咗單，又唔想浪費食物，所以唔走，局住留食。⑶利是=因為門口收銀阿姐，收熟客利是，亦比我親眼見到，咁就知道點解我哋比錢食嘢，都食得咁辛苦嘅原因啦！⑷發脾氣=我真係忍唔住，行去埋單時，同門口收銀阿姐講我嘅不滿，講完當我轉身走時，聽到收銀姐大大力咁㩒機發出do do聲，可能係要話比我知，佢無錯掛，發脾氣嘅收銀阿姐，根本就唔明，我哋比錢食嘢，都要食得咁辛苦！⑸代伯伯憤憤不平=嘥錢食唔飽，是但回應伯伯的收銀阿姐。~~~~食物評價，滿分是5分。-碌鵝：唔好食，又肥，又韌，但好嘅係砂鍋煲兼有爐熱上。2分。-番茄烤魚：爐熱上好食。4分。-大酸菜魚：魚分量夠，好食。有4分。但只得銀芽做底，無薯粉或粉絲做底，所以扣減1分。係有3分。-白胡椒豬肚雞鍋半隻：無胡椒，豬肚只得幾舊，雞就正常，也

其實間野啲出品唔差唔好比佢個外表呃到都冇人講到咁伏 款式都多起碼好過樓下木兆小品佢既晚餐孖寶已經變咗做我哋既飯堂佢無論係點心定小炒都整得唔差雖然我見最多人都係食烤魚價錢又唔太貴杯茶又幾好飲咁次次都加個五指毛桃湯 三十幾蚊 唔係好大碗 但都足料 不過不失 欖角骨酸酸甜甜有鑊氣 送飯開胃鵝腸唔係最爽脆 但合格 性價比高普寧豆腐都做到外脆內軟炒土豆絲都幾爽口 住家菜口味印象中係個肉餅飯渣渣地大家可以試其他嘢食同一價位既中餐黎講我覺得算係咁

之前有喺點出色試過晚飯，感覺一般，個烤魚有點兒腥，配料又唔多要自己逐樣加。印象有d唔好，但阿媽話試多次啦，所以今次試午市點心。客家燜豬肉飯幾好味，伴有芹菜木耳咸酸菜絲苗米夠香又滑，配上肥豬肉食唔停。招牌韮菜角同煎釀茄子味道係好，但兩款點心都吸油吸到爆！奄春蛋燒賣個豬肉餡彈牙夠味，皮薄餡靚！咖哩魷魚又係惹味！但個免仔流沙包就一般般，蛋黃味不足，內餡太過流質無蛋黃沙沙感覺，好似化學野。但小朋友見到就開心到不得了，自己啪晒成個總結一下，點心係幾唔錯，客飯都唔差，但烤魚就below average了

呢間港式點心鋪餐單上的選擇好多首先，鮮蝦炸韭菜角，外脆內嫩，韭菜的香氣同鮮蝦的鮮味融合得宜魚茸煎釀茄子，茄子外皮煎得金黃酥脆，內裡的魚茸味道啱啱好唔會過鹹，一個字，正！鮮蝦菜苗餃，蝦仁鮮嫩，菜苗爽脆，個個餃子都包得飽滿。醬皇蒸鳳爪，滑嫩多汁，醬汁入味，係鳳爪掌心尤其吸得最好。安蝦咸水角，外皮酥脆，內餡鮮美，加埋啲蝦籽，真係一絕。紫米脆蝦腸，脆脆的蝦腸配上特色嘅紫米外皮，內裏有一層脆脆，又美味又特別。薑汁千層糕，千層糕層層分明，搭配薑味糯米糕，清新開胃。最後，煎釀虎皮尖椒，辣椒外脆內嫩，辣味仲慢慢咁樣湧出嚟整體黎講，呢間點心鋪的食物質素極高，服務態度親切，氛圍舒適。係一個滿足港式點心愛好者味蕾嘅好地方。

平時好少去樂富，因為咁岩帶小朋友經過呢頭，撞正就嚟lunch time，唔多人等位，就一於試下😁🔸鳳爪排骨飯早市份量岩岩好，排骨同鳳爪都好入味。🔸安蝦鹹水角外皮外脆內軟，皮軟糯，餡料有韮菜好香口。🔸香茜牛肉腸腸粉好軟滑，牛肉好香芫荽味，仲有少少爽口嘅馬蹄，好味。🔸晶瑩鮮蝦餃外型望落好精緻，外皮firm，唔會好容易夾爛，餡料足料，蝦肉好大粒，好香濃既鮮蝦味，唔錯👍worth the price👍🔸雞仔奶皇包賣相超可愛，小朋友見到好興奮，食落包肉微甜有咬口，奶黃餡如果再多啲同香濃啲會更好👍🔸鵪鶉蛋燒賣燒賣好足料好大粒，有香菇香味，滿足🙌🏻🔸四寶滑雞紮腐皮包得好紮實，豬皮吸晒啲汁，好入味👍🔸魚湯鮮竹卷腐皮煙靭，吸收晒魚湯湯湯汁，餡料夠晒多，食一件都好滿足👍🔸金翅灌湯包見到早市有特價叫咗兩件試下，成個手掌咁大粒，湯底好鮮，灌湯包皮好滑溜，抵食👍呢度有BB座椅，帶埋小朋友嚟食都無問題，上菜速度OK，唔會一次過上晒所有點心，每次上幾款，可以慢慢食，點心keep住熱辣辣👍整體食物質素唔錯，滿足🥰

中午嚟乐富食饭，见到呢间餐厅有好多人，就入嚟试吓，以为食茶点嘅餐厅份量会比较少，就点咗三个餸两个人食。点知一碗酸菜鱼米线就已经有咁大碗，一个人食到已经好饱。再嚟多份乾炒牛河，一睇就觉得好饱。不过乾炒牛河真系好夠鍋氣，好好食，牛肉都好多。呢个椒盐炸豆腐，一滴都唔少㗎。食落感覺外面係脆既，外有椒鹽味入边有嫩豆腐味，真系好好食。