6
5
0
港鐵灣仔站 A2 出口, 步行約7分鐘 繼續閱讀
電話號碼
2891 8689
開飯介紹
點一龍的餐牌種類繁多,有蒸點、煎炸美食、招牌點心、蒸腸粉、飯麵及甜品。賓客可一嚐巧手招牌菜式如點一龍鮑魚雞粒酥、雪影金腿叉燒包、龍蝦湯三皇餃、養顏燕窩蛋撻、原汁原味西瓜糕等。 繼續閱讀
付款方式
Visa Master 現金 AE 銀聯
座位數目
120
其他資料
Wi-Fi
酒精飲品
電話訂座
加一服務費
食評 (12)
等級4 2017-03-27
1002 瀏覽
前一排公司同事離職, 大家揀咗去【點一龍】farewell,飯後見到餐廳張貼咗張【點心、粥麵飯兩小時放題】廣告: 午市11點-2點,每位$138,茶市2點-6點,每位$118,晚市6點-10點半,每位$168,二人或以上仲有9折添,啱晒我呢個點心控呢!細問侍應生,得知午、茶、晚市之點心放題嘅點心並無分別,既然一樣,就揀至抵價之茶市來一試吧!餐廳環境清幽雅致,大中枱相隔闊落舒適,唯獨二人枱較為密集迫狹,幸好我倆係食點心放題,所分配嘅座位係寬大卡座,唔係就擺唔落啲點心了……2點開始計時,拿拿聲click點心吧……1.蝦春卷: 蝦隻夠大又爽口,春卷唔熱要扣分,雖然凍咗但春卷皮卻仍然非常香脆,yummy !2.金粟花姿餅: 爽口彈牙!3.乾果脆蝦筒: 點咗沙律醬嘅蝦筒就猶如沙律海鮮卷一樣,外脆内軟,滋味無窮!4.黑蟹子小籠包: 皮薄肉鮮汁多!5.晶瑩海蝦餃: 賣相果真晶瑩剔透,蝦肉十分爽口!6.黃金流沙包: 一籠三個迷你小巧,輕輕撕開,内饀嘅奶黃,爆漿燙口,一個字「」!7.薑蔥牛柏葉: 爽脆微辣!8.杞子鮮蝦燒賣: 皮薄蝦大,爽口鮮美!9.榨菜牛肉球: 鹹香爽口!10.雪影叉燒包: 外型有點似墨西哥包,咬落個皮好薄又香脆,配上叉燒内饀,超好味!11.香煎菜肉鍋貼: 食唔到有菜,豬肉少兼有少少怪味!12.黑椒蒸爽肚: 黑椒微辣,豬肚肉厚爽脆有嚼勁!13.醬皇鳳爪: 鳳爪軟嫩入味!14.芋薯雙脆: 炸芋頭,外酥内軟,充滿芋頭香味!炸蕃薯,内軟外脆,入口香甜!15.楊枝甘露糕x2: 酸酸甜甜,冰冰涼涼,加上花奶後,滑溜好味!16.潮食芝麻小卷: 細細件,入口軟滑,芝麻味突出!17.迷你蛋撻: 香濃酥脆嘅牛油皮,迷你size, 一口一啖,正爆!18.雪耳百合蓮子杏仁茶 (熱): 清甜滋潤,杏仁味濃!唔覺唔覺,不消個半鐘,我倆竟然一口氣吃盡呢18款點心,夠驚呀吧?!不得不讚嘅係上菜快兼無漏單,我哋先至可以食得咁盡情!茶位每人$7加一,加一蚊慈善捐款,兩個人埋單合共$252.40,回本有凸,認真抵食!呢度嘅點心價格最低$24,大部份都係$28及$30。自問胃口夠大者,先好揀放題食呀! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-03-08
988 瀏覽
午市在灣仔,唔訂枱,好難有位,叫青蛙早些上來等位,我來到發現好多位,奇怪,裝修幾雅潔,點心上枱,賣相都幾得,雖然無花巧,但勝在乾淨整齊,食物品質看上去有水準,不會太油,好過富臨,榮華。班蘭馬拉榚企身鬆軟,ok,甜度適中,多些班蘭更好。茶樹菌鮮肉餃,英文翻譯是肉無蝦,但原來是有,問原因,經理說翻譯錯,因青蛙食蝦敏感,時常想找無蝦的餃子燒賣,幾難。雪影叉燒包,皮脆唔太重牛油味,叉燒餡雖然唔夠多,但美味 繼續閱讀
(以上食評乃用戶個人意見 , 並不代表OpenRice之觀點。)
等級3 2017-01-02
1633 瀏覽
現時許多飲茶地方已高雅好,唔再係細個時咁又嘈又坐得迫人了。呢間就係其一個例子,食物質素都唔錯。 豐富的菜色選擇好好味的芝麻小卷 ($24三舊)小時候至愛點心之一,現在很少地方可嚐到,最喜愛卷開一塊吃,特別好吃,懷舊的味道。馬蹄牛肉腸粉 $38馬蹄加牛肉口感幾好,入口挺滑,但只有兩條,貴咗啲。蘿蔔糕伴蘿蔔 ($28),幾OK,不過食到尾先記得影相。蒜香蝦春卷 ($28) 外脆蝦肉軟。另外仲有以下幾樣都唔記得影相:掛爐叉燒包 $24 (3件),味道香甜肉美可愛小水母 $28 (3件)其實即係橙黃色外皮蝦餃,不過無乜南瓜味。北菇鮮蝦燒賣 $30,入口都幾有肉香我地三個人食,好多點心都係三粒一SET,剛好一人一件。每人除開$90度,食得好滿足! 繼續閱讀
(以上食評乃用戶個人意見 , 並不代表OpenRice之觀點。)
等級4 2016-12-27
1198 瀏覽
早聞這裏燕窩蛋撻著名,現在2:00後下午茶有 免費燕窩蛋撻吃,便試一次。平日很清靜,能靠落地玻璃一個人欣賞灣仔街景。任點種類平均,懷舊類的芝麻卷和杏仁茶最有驚喜。食10樣東西只需付138.5元,平均14元一款,十分抵食。建議雪山义燒包料子要增,糯米雞,皮蛋酥亦是。應按人數設定點心份量,以照顧散客。 繼續閱讀
(以上食評乃用戶個人意見 , 並不代表OpenRice之觀點。)
等級3 2016-12-17
1011 瀏覽
冬天特別令人想吃煲仔飯,唔想去大排檔或者飯店,又想靜靜地和朋友聊天,建議到點一龍吃呀!北菇滑雞臘腸煲仔飯即叫即做,飯焦唔燶,很啱我口味!點心選了迷人小冬菇(扮冬菇的包!)丶北菇鮮蝦燒賣丶薑蔥牛栢葉豬皮丶迷戀冬瓜雞扎丶韭皇叉燒腸粉丶薑蓉炒菜心,全部都好好味,只是豬皮有明顯黑毛。甜點來了個芝蔴卷,很濃味!楊枝金露及杏仁糊都用料十足,美味又抵食! 繼續閱讀
(以上食評乃用戶個人意見 , 並不代表OpenRice之觀點。)