黑洞 (已結業)

伏中之大伏星期日入到去無人都覺得奇怪架啦，見之前fb啲片有pub，講到天花龍鳳，openrice都幾好評，即管試下。點知，假嘅！最恐怖的經歷🤮叫左佢個dinner set，由餐湯開始一切無味到主菜，意粉無味嘅，漢堡啲薯條淋嘅，雞翼得個油字都算啦，我當60/70蚊晚餐set係咁上下質素點知，食食下個焗豬扒飯有隻大曱甴，嚇到我成個彈起加尖叫即刻無哂胃口兼想反胃，成餐飯連野都未飲就即走同店員講左，佢無收個個set錢但條氣都好唔順，早知call食環但恐怖啦，永遠的黑名單👋🏼…查看更多

由開業到今日 我幫襯過唔少次lunch.b餐漢堡 同 e餐肉眼扒 係唔錯嘅.漢堡份量夠 唔乾身 .牛扒煎得好 有肉汁.另外卡邦尼意粉 同 南瓜汁帶子意粉.味道唔錯 但可惜份量太少 希望改善.呢兩樣我都食過一次 食完 都要再買麵包去充飢.但係黑松露意大利飯 真係唔好叫.冇味 好似食粥甘 份量又少整體lunch 一定推介 b同e餐 .但意粉類就要小心份量 .我都仲會keep住幫襯 因為味道真係唔差 .當然我只會叫 b同e 已經對其他餐有d怕 如果份量改善左 希望老闆係餐廳/餐牌入面講聲 我會再支持…查看更多

經過見到餐牌價錢幾抵，就入去食下。7點半左右，差唔多滿座。叫左蒲燒原條鰻魚飯($7X)，澳洲扒拼薯條($6X)。每位都有一客湯，白湯較淡，而且湯料少之有少。蒲汁送飯唔錯既，鰻魚不過不失，鰹魚乾令舍飯唔單調。不過，男仔食一定唔夠飽。以尼個價錢，可以係同區食到更好食既食物。擺盤明顯比鰻魚飯靚d，望落開心d。薯條炸得ok，扒帶筋，鍾意食有口感既扒既人，會鍾意尼款扒。整體，餐廳裝潢係有心思，某d食物既賣相係唔錯，眼見隔離枱叫既食物雖然平，不過望落比自己叫個d吸引d。好唔好食真係見人見智。…查看更多

見到晚飯幾平,就試下,雞扒飯轉了意粉雞扒幾多汁,雞扒真係幾出色可惜個醬汁一般,調味較差單純個雞扒我會比8分個醬汁就減一分,所以雞扒就7分不過重點來了個意粉.................有怪異味.........似垃圾房的味咩玩法............特色野??雞扒完全正常,但個意粉有怪異味?意粉點食啊試了一口,怪怪地,隻味似怪異味然後再試下其他位置的意粉..........又係一陣臭味.................點食.........................我真係唔明點解意粉會有垃圾味,你比個差的意粉我都算你都唔好比有怪味的意粉我...........雖然個飯唔貴,但個意粉我真係食唔落件雞扒又正常....本身佢跟白飯,點知我轉白飯,佢就比個有怪異味的意粉我............轉意粉重要加錢..........加錢買難食.....................本身雞扒我會比7分但你比個有怪異味的意粉我我就...........10分滿分味道:0/10香味:0/10外觀:5/10份量:8/10抵食度:0/10…查看更多

去左旺角搵美食🥰呢間餐廳叫《黑洞》👀用唔貴既價錢已經食到好味既西餐了😆推薦美食❤️-♡鐵板M5和牛牛肩肉我本身唔食太生既牛🥩呢間餐廳上菜時個鐵板燒熱左可以俾你自己選擇要幾成熟太感動了😭牛肩肉好好味我好喜歡💕-♡ 藍帶吉豬外面炸得好香口裡面夾左芝士炸切左出黎會流心嫁🤤-♡ 原隻波士頓龍蝦扁意粉用超過30隻龍蝦頭燉汁黎煮好香龍蝦味同意粉都超超超濃味👍🏻 食物質素份量同價錢好合理大家可以去試試呀😁…查看更多

呢間餐廳令我食完畢生難忘！叫塊肉眼排加薯條，佢老闆！得幾條薯條，仲要唔脆都算！送份燒烤排黎都算！用六十幾蚊買下午茶，想點。點知一切塊排！刀都插唔入！切都切唔開！無一個角度係切得開！果個白湯！白過張枱！無味架！呢間咁既野衰過食路邊攤！人生第一次掉低全餐走！食完都驚身體有事牙！我哋食完就想OpenRice度睇下佢點，點知見到好多「食客」又話好味又話正！對住一塊鋼刀一切都切唔開既排！佢哋竟然咬到吞到仲覺得好味？勁！真心覺得呢個世界好黑暗！真心奉勸各位為自己身體着想，去前諗下。…查看更多

同老婆行過旺角有少少餓，見到呢間裝修唔錯，下午茶時段都有幾台客，門口餐牌D相又唔錯，所以入去點左兩個餐，澳洲西冷，手打漢堡，漢堡勉強接受，但西冷連切都切唔開，唔係 overdone, 完全係老。差爆，最搞笑係埋單老闆見到問都無問，呢種做生意既態度，掂…查看更多

旺角多野食 更多難食的野食搵到間好味又平真係吾易今日試左旺角一間有少少名氣的餐廳叫黑洞雖然係下午茶 但都吾應該怠慢我地叫左一個牛肉漢堡同黑松露意大利飯個漢堡勁正 大件加多汁 有肉味仲有粗薯條意大利飯就一般但下午茶食到意大利都好難得下次要試下晚餐…查看更多

今晚見入面無人入去食飯環境好靜成間店只得我同朋友兩位。於是點餐，個餐湯只得忌廉湯選擇又冇紅湯😏又稀又冇味從來未試過飲咁伏既忌廉湯。到主菜來喇，帶子南瓜汁意粉ｄ汁又怪的確好耐冇食過咁難食既意粉。我朋友點左鰻魚飯食完冇耐肚痛又屙又嘔，shit😡平時經過成日見到呢間店拍烏蠅今日終於明白點解，班侍應成碌木咁heahea共又唔執湯碗，食物質素差😒我朋友唔好彩食到肚痛證明衛生質素差。絕對冇下次😡唔改善食物同服務質素執左都唔出奇！…查看更多

下午茶時間係女人街行逛心思思想食下burger 就試下呢間.黑洞100%純牛手打漢堡拼粗薯條🍔漢堡黎到非常吸引漢堡肉唔算好大件但非常多肉汁同千島醬牛肉味都重 加上熱辣辣同多脆內軟既麵包同生菜蕃茄都好新鮮食落好多汁同有唔同層次🤤唯一係櫻桃小嘴既你 唔能夠一啖咬哂同太多汁之下會食到有啲呢Hea粗薯條係正常質素同岩岩炸起💁🏻‍♀️.黑松露燴意大利飯🍚黑松露味道不重 白汁味濃一點 配料不多 飯煮得偏軟偏濕不是小編的口味.總括黎講 漢堡好出色 雖然下午茶價錢來說不算便宜 但值得一試而且跟餐會有紅白湯同飲品 質素正常.人均消費：$50推介指數：👅👅👅👅👅👅👅😋（7.5/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻（7/10）…查看更多

間店播住歌 感覺氣氛唔錯見到隔離個客話杯嘢飲太甜 店員即刻幫佢換一杯 服務唔錯👉黑洞100%純牛手打漢堡拼粗薯條 $58 👀是日餐湯忌廉味有啲淡 有啲粟米粒 不過整體幾好飲 幾濃 不過有啲稀 👀粗薯條薯仔薯味重 係原個薯仔切條 👀純牛漢堡漢堡有麵包 蕃茄 生菜 沙律醬 同沙津菜個包好淋 只係邊邊有少少脆 少到唔拆開係唔會食得出 唯一好少少係面頭啲芝麻今個包幾香 同埋個包塗咗少少牛油 不過都冇咩牛油香舊牛肉超硬 叉都篤唔到人去 好似咬石咁 應該係燶咗 苦苦地  冇咩牛肉味之餘仲有陣怪味 味怪之餘仲要勁亁 食兩啖牛就覺得膩  芝士見到但feel唔到佢嘅存在 食塊牛真係同嚼臘冇分別 可能仲難食過臘 食到豬妹生無可戀 可一不可再評分：2.5/10抵食：3/10回頭度：2/10黑洞旺角通菜街2Q-2Z號鴻輝大廈B座地下2R號舖…查看更多

路經旺角，女人街兩旁有很多不同的特色食店,於是點指兵兵地選了一間叫黑洞，店如其名，是平民價西餐，一分錢，一分貨。叫了：1。焗豬扒飯，比較似豬柳，太濃的茄汁醬，有芝士但不太吃出芝士味，幸好是熱喇喇的2。西冷扒薯條，西冷扒熱喇喇是挺林身的，但愈食愈un3。白湯，沒有忌廉味、沒有粟米味我想這間應該是學生飯堂，主要比九華學生來吃的。服務員姐姐好似好趕住同人落單的。…查看更多

晚餐想了很久要和男友吃什麼最後係openrice睇完啲食評就諗住食呢間黑洞星期六的大約七點半 入到餐廳得我們同另一對情侶 開頭以為會好多人因為見其他食評話要排隊我同男友分別點左兩款不同的牛扒晚餐晚餐有湯和蒜蓉包蒜蓉包ok..但個湯就係麵糊加牛油整嘅忌廉湯好唔好飲見仁見智 我地就覺得唔好飲....男友點嘅係肉眼 擺盤同配菜我覺得好唔吸引佢嘅配菜竟然係一堆生嘅紅蘿蔔絲😖😖😖俾啲薯仔我都好丫...塊肉就正常味道 無乜特別我叫左和牛餐 佢係鐵板上一黎到勁大煙 個板應該好熱 員工上菜時提醒我如果怕太熟就拎起放去碟上面 之後覺得生嘅就再煎煎佢 因為我喜歡食比較生啲嘅所以我即刻拎起哂啲牛同配菜 好可惜啲配菜已經燶哂....啲蕃茄仔翠肉瓜同茄子都係燶哂!!!🙄🙄🙄完全係已經唔食得好明顯佢放左落個板都好耐....又或者佢切得太薄 勁快燶左而個牛係還可以 佢屬於無乜脂肪嘅牛雖然要咬得比較耐 但都有肉味我地另外點左一份雞翼小食 係全晚最好食嘅嘢...甜甜地焗得好滑總括黎講我係唔推介 食物係唔合格 價錢又唔係平....仲要另加一服務費😔😔😔我已經有好多年無打食評...今次係睇完其他好嘅食評黎光顧但覺得出入好大 真係覺得好失望所以打出黎希望俾多個意見大家再決定要不要試…查看更多

因事要去旺角，知道要搞到8:45先食到晚餐..所以之前已訂左位，去到見到餐牌選擇好吸引： M5和牛肩肉，廢事諗，即入去食😂入去時只有2台客人，個人幾中意個裝修，充滿色彩配上懷舊裝飾，空間始終係細店，台同台之間比較近，卡位會好d。以為都就9點會少人，點完餐又多左人入座，香港人真係好夜食飯🙈其實選擇都唔少，我地叫左青口，肉眼扒同我好想食既M5和牛, 加埋套餐(包餐包，湯同飲品)好快嚟咗餐包，忌廉湯同羅宋湯，餐包好細塊，湯應該都係罐頭，但冇溝到好水，讚然後白酒煮藍青口， 第一眼有少少意外，好多青口都甩咗出嚟。而且青口煮完勁細粒，雖然個汁唔錯搭救到，但啲青口太少啦，唔建議叫呢個安格斯肉眼扒: 叫咗五成熟，煮得剛好，而且有肉味，好正！配菜就冇咩特別鐵板澳洲M5和牛肩肉: 由於我無視左鐵板呢兩個字，所以嚟到好surprise，哈哈雖然叫咗五成熟，但泥到嗰下都好生下。由於鐵板好熱，愈食貼住鐵板個邊就越熟。呢道菜我其實有啲失望，佢冇咩肉味，冇肉眼扒好食，不過都嫩(只要唔好煮焦不過啲肉好似冇點加調味料，所以職員會比鹽同胡椒你自己加。下次可以再泥～…查看更多

今日中午試咗依間西餐廳🍴。中午十二點半左右，都唔洗排隊，直接就入得。間餐廳門口係黑白色嘅，入面係以啡色為主色調，有古典風格嘅裝修，好多花紋同形狀嘅地版丶掛牆佈置丶飾物（例如：帆船🚢）等。感營造一個古典英倫風格。點咗2個set lunch ,配餐湯同餐飲。一個係黑松露忌廉汁燴意大利飯$48蚊。一個係澳洲肉眼扒配原隻黑醋蕃茄。$68。（依間餐廳係無加一服務費的）首先，服務員會送上餐湯同餐飲先。個餐湯係羅宋湯，啲蕃茄味好濃，而且帶點少許辣味。所以好開胃。仲有少許牛肉碎。而餐飲熱檸檬茶就正正常常啦，無咩特別。個黑松露忌廉汁燴意大利飯，🍚啲黑松露真係好多，而且忌廉汁好濃郁。飯入面仲加咗好多菌類，配合一粒粒分明嘅珍珠米真係好入味。而且啲飯係熱騰騰，所以食落口會暖粒粒。😆👍🏻而塊肉眼扒呢，都算幾厚身。而且切落去，都容易切，仲無血水添。牛扒好多汁，同juice ，嚼落口好有咬感。而且煎得好香，有一陣香料嘅味道。而個配菜同蕃茄都好正，黑醋汁讓配菜同蕃茄有陣酸酸甜甜嘅味道，而且蕃茄整得好juice,食落去係凍嘅，但多汁同鮮甜，仲有一陣黑醋嘅香。…查看更多