759
28
24
開飯介紹
環境舒適優雅，牆上掛滿日本風情壁畫，提供多款和風小食及定食，色香味俱全，性價比高。
繼續閱讀
營業時間
今日營業
12:00 - 23:00
星期一至日
12:00 - 23:00
公眾假期
12:00 - 23:00
公眾假期前夕
12:00 - 23:00
以上資料只供參考, 請與餐廳確認詳情
有關餐廳
有關獎賞計劃
食家推介
相關文章
喺尖沙咀買完嘢諗緊食乜好嘅時候,俾呢間日本居酒屋嘅餐牌吸引到😋上到去裝修行日本風,好似置身於日本咁🇯🇵🥗柚子八爪魚沙律八爪魚鮮甜,彈牙又唔會韌,沙律菜爽口加埋柚子汁,酸酸甜甜,清新又開胃！✨今期限定：黄金片立鱗燒擺盤好靚,最特別係連埋魚鱗一齊炸,魚皮同埋鱗炸得金黃香脆,魚肉嫩滑,啖啖肉,點埋秘製嘅醬汁好好味！有驚喜😋🍜骨膠原奶蓋牛骨鍋配韓式拉麵燉牛骨加奶蓋呢個配搭夠晒特別,鹹鹹奶香味令肉質更香甜!連配菜都入晒味,食到尾聲放個韓式拉麵落去,每條麵都吸晒湯嘅精華真係好正好正😍🍑蜜桃烏龍甜甜哋,有淡淡嘅桃香味,非常解渴！紅火龍佛手柑熊茶果汁加埋檸檬好清新！兩杯特飲顏色靚,仲有好kawaii嘅熊仔冰,好啱打卡📸整體嚟講,環境好有氣氛,位闊落舒適,食物高質又有創意,回頭率高😍
繼續閱讀
好彩有book到位，去到只係平日夜晚，都好多人大約都九成滿晒！嘢食全部份量都好大！前菜叫咗柚子八爪魚沙律，好開胃八爪魚設成條狀咁樣，撈埋沙律好match！味道：⭐️⭐️⭐️⭐️賣相：⭐️⭐️⭐️⭐️黄金片立鱗燒( 3件），好特別，之前從來都冇食過所以試吓！立鱗嘅口感好特別隨口，不過魚肉依然好滑同埋魚味好濃！味道：⭐️⭐️⭐️⭐️️⭐️賣相：⭐️⭐️⭐️⭐️⭐️骨膠原奶蓋牛骨鍋配韓式拉麵，本身都我哋都大食，不過呢個鍋實在太豐富啦！牛骨係鋪滿晒成個鍋面，然後有蘿蔔勁入味～～吸晒湯汁！加埋有奶蓋好特別成個口感好creamy！食埋韓式拉麵，就好似食咗個超級大餐！味道：⭐️⭐️⭐️⭐️⭐️賣相：⭐️⭐️⭐️⭐️⭐️
繼續閱讀
為慶祝閨蜜終於脫苦海，專登在閨蜜last day前出去尖沙咀陪佢食最後午餐🤣🤣閨蜜一向愛食日本菜，所以我地又去左閨蜜常去既黑木亭食午餐。論環境裝修，黑木亭充滿住濃厚既東瀛居酒屋既味道，從樓梯一路走到入餐廳內部，每一個角落都能令人彷如去左日本一樣，非常啱打咭🤣黑木亭提供前菜，麵豉湯同沙律自助區，另外仲有橙汁任飲。因為係慶祝閨蜜可以成功脫離尖沙咀呢個地方，我地決定食豪少少，食豐富少少🫠🫠我地點左刺身生蠔二人前午市商務餐。套餐包括：1. 時令法國生蠔2隻肉質柔滑，入口有獨特海水味外，更帶有鮮甜味道。2. 薄切白身魚刺身8片魚肉清爽鮮甜不膩口，配上柚子酸醋非常開胃醒神。3. 真燒蟹甲羅滿滿既蟹膏再配上蟹籽蟹肉，烤過後香味撲鼻，鹹甜適中既蟹膏配上法式多士，絕配👍🏻套餐仲包2份主食，我地分別點左拖羅三色丼以及刺身拼盤配冷蕎麥麵。三色丼分別有拖羅蓉，和牛粒，鰻魚玉子；我選左我至愛既拖羅蓉，而閨蜜就非常厲害，一個人連食2個丼🤣刺身拼盤配冷蕎麥麵分量非常充足，拼盤有三文魚，油甘魚以及牡丹蝦各2件，食埋大大碟既冷蕎麥麵，我地2個差d飽到唔識行落樓🤣🤣🤣🤣
繼續閱讀
呢間係🚇尖沙咀嘅黑木亭居酒屋🇯🇵吸引我多次來幫襯，因為佢格局好有氣氛👍，食物高質🏮又成日有創意新菜式。特色飲品🍹方面個人好鐘意佢哋嘅🍑蜜桃烏龍熊茶同埋紅火龍佛手柑🐻熊茶，隻茶冰熊又得意🧸又唔會令杯嘢飲味道變淡。柚子八爪魚🥗沙律份量幾足，八爪魚🐙鮮味彈牙，配上特色醬汁🤤十分之開胃。時令海膽紫蘇葉🌿天婦羅脆䊢又薄又香脆，🤩入面係紫蘇葉包住時令嘅😍海膽，食起上嚟又香又鮮味，😋層次感豐富。呢個骨膠原🥰奶蓋牛骨鍋配韓式拉麵🍜十分之有份量，湯底味道好濃郁加上🥛奶蓋嘅香滑令到煮到腍晒嘅牛骨肉🥢勁香甜美味！食咗部分牛骨肉之後☺️就有空間落韓式拉麵🍜入去煮，啲麵同埋蘿蔔吸收晒啲🥣湯汁，絕對係成個鍋🍲嘅精華所在！
繼續閱讀
尖沙咀金馬倫道的黑木亭居酒屋，以日本街景為主題，環境氣氛充滿著日式風情，裝修很有和風味道。滿滿日式居酒屋的風格，令人感覺置身於日本一樣，而且可以在這裡地享受日本原汁原味美食。我們叫了原隻象拔蚌，黑醋鵝肝壽司，火炙帆立貝壽司，黑醋鵝肝壽司，三文魚腩刺身，火炙M7澳洲和牛壽司，油甘魚刺身，時令法國生蠔，全部菜式都好精緻。刺身厚切新鮮惹味，食落口啖啖肉，三文魚肥美，油甘魚鮮嫩，新鮮惹味，又大件又肥美，無論淨食或包住做壽司都很好味。法國生蠔大大隻，夠晒肥美飽滿，非常滑溜，食到蠔本身的鮮甜之餘，還食到有海水味，真是超滿足和滋味。M7澳洲和牛肉質鮮嫩，柔軟而富有彈性，牛味濃郁，咀嚼時牛肉釋放出豐富的肉汁，有一種絲滑而滋味豐富的口感，不愧是鼎鼎大名的澳洲和牛。火灸過的帆立貝香味更濃，油脂溶化的口感相當豐富，而且燒得外表乾身內裡煙韌，超級過癮。象拔蚌味道濃郁，口感柔軟彈牙，完全不韌，一咬就開，滿口鮮味。鵝肝壽司，入口即溶，煙煙韌韌到好似棉花一樣，與壽司飯相互融合，口感柔滑细腻。居酒屋充滿著人氣日式創意料理，以合理的價錢享用到時令食材，值得一試。居酒屋充滿著人氣日式創意料理，以合理的價錢享用到時令食材，值得一試。唯一美中不足的，是出單出得好差，有待改善。原本食物埋單由$1000 變$2000 。😟😤
繼續閱讀