129
3
4
港鐵天后站 A2 出口, 步行約4分鐘 繼續閱讀
電話號碼
26606373
開飯介紹
環境舒適優雅,牆上掛滿日本風情壁畫,提供多款和風小食及定食,色香味俱全,性價比高。 繼續閱讀
附加資料
設有VIP房以供訂座
營業時間
今日營業
12:00 - 15:30
18:00 - 22:00
星期一至日
12:00 - 15:30
18:00 - 22:00
公眾假期
12:00 - 15:30
18:00 - 22:00
公眾假期前夕
12:00 - 15:30
18:00 - 22:00
付款方式
Visa Master AlipayHK 支付寶 現金 銀聯 Apple Pay Google Pay 微信支付
座位數目
30
其他資料
網上訂座
VIP房
電話訂座
賞訂座積分
加一服務費
當面支付
有關獎賞計劃
食評 (138)
等級4 2021-05-07
10 瀏覽
相約朋友到天后吃午飯,今天去了這間叫黑木亭居酒屋,看門口好似好細間咁,但其實入面都可以坐到10-20人環境整齊,很有日本特色,而且服務員也非常細心,很快便提供茶水比我地。環境好似真係去左日本居酒屋咁,燈光少少黑我地叫左午市套餐超級抵食炸雞烏冬定食 $98有炸雞,沙律菜同日式烏冬,份量非常好,不會太多或少,炸雞炸粉不會太厚,還配有沙律醬,而烏冬熱騰騰非常有口感串燒定食 $148總共有五串串燒,兩個飯團,問了職員今日會有翠肉瓜、免治雞肉棒、牛肋串、五花腩串、同白膳。就咁聽已經覺得好豐富,每一串都好鮮味,不會太咸或太油,其實份量係好足夠。只不過我地大家都無食早餐,所以太肚餓,就另外加了兩串串燒銀杏我好少食到,所以貪得意叫黎食,估唔到又真係幾得意。帆立貝係我最想食,鹽燒好好味,帶子也很鮮甜。最後仲有綠茶蕨餅作為甜品,非常豐富希望下次有機會可以吃晚餐啦 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-07
0 瀏覽
去唔到日本,都好想到居酒屋食串燒飲杯Sake排解一下思日之情,今晚就約了好友到黑木亭chill吓輕鬆吓。店子不算很大,但裝修甚有心思,牆壁壁畫十分日本風,顏色鮮豔奪目,燈光昏喑甚有氣氛,令人置身在日本的居酒屋。Menu選擇有沙律,小食,串燒,食事,炸物 ,黑木料理 ,季節限定和日本A4和牛等,當然還有Sake和其他飲料。紀州南高梅梅酒$99~入口好清香,梅味香甜,酒味不算太濃,酸酸甜甜,冰冰涼涼,十分舒服!蟹將軍薯仔沙律$108~除了有2大球薯蓉外,還有車厘茄,沙律菜,青瓜,蟹肉和蟹籽。薯蓉不是軟滑那種,是比較有質感和薯味濃郁,薯蓉還加入青瓜和紅蘿蔔,添加層次和口感。松葉蟹鉗配三文魚籽$138~ 松葉蟹鉗數量頗多,帶有淡淡的甘甜和海水味,肉質綿密緊實,先吃蟹鉗,再把三文籽+酸汁加入羅馬生菜和車厘茄,十分清新和健康。去得居酒屋,又點少得食幾串串燒呢?免治雞肉棒$58~雞肉棒肉質鮮嫩,以雞軟骨混入免治雞肉中,除了啖啖肉還有咬口,蘸埋蛋漿和醬汁令雞肉棒更滑更美味。厚切豬頸肉串(麻辣)$38~豬頸肉肉質十分爽脆彈牙,配麻辣汁十分絕配,好正。黑豚荔枝卷(麻辣)$38~豚肉表面燒得好焦香,裏面夾住一粒好清甜的荔枝,起了解腻的作用,有少許麻辣的香味,好味。燒白鱔(麻辣)$68~表皮燒得十分香脆,肉質嫩滑,鮮甜多汁,少麻少辣令白鱔更為惹味。燒牛油甘薯$38~ 熊本甘薯味道甘甜帶蜜味,口感濕潤,入口即溶,好好味啊!日本產A4吉列和牛三文治(120g)$338~四件和牛三文治分別配上海膽和黑松露。日本產A4吉列和牛外脆內肉質嫩滑,牛味香濃,以鬆脆的多士夾住,無論配甘甜豐腴的海膽和味道濃郁的黑松露也十分美味可口。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-01
176 瀏覽
成日經過見到呢間都冇入去食,所以今日收工約左朋友去天后既居酒屋食飯。๛ 蜜桃烏龍熊茶有可愛熊熊坐係紅茶上面好得意!!睇得又飲得 蜜桃味甜得黎唔假 飲得好舒服๛ 萄葡檸冰酸酸甜甜既梳打 配串燒都係唔錯既選擇๛ 松葉蟹柑配魚籽醬松葉蟹既份量一啲都唔少 仲啖啖肉鹹香味既魚籽醬配生菜好fresh既味道 感覺仲好似高級左😋๛ 照燒雞扒柚子沙律雞扒厚肉 雞扒皮薄 食落唔覺肥柚子醋味重 好開胃๛ 日本產A4和牛三文治一份四件 兩件有黑松露 兩件有海膽放面吉烈和牛外面脆得黎一啲唔覺油 而且三成熟既厚和牛 見到中間有紅色 好正每個配料既味道都好出私心推介 真心超超好食!!๛ 燒牛油甘薯 - 檸檬風燒過既甘薯特別甘甜 檸檬味唔係好重 不過淡淡既檸味同甘薯已經好夾.๛ 芝士免治雞肉棒雞肉棒有少量雞軟骨 嫩滑得黎有嚼口 輕輕燒過既芝士令味道提升 .๛ 厚切豬頸肉串個外表睇落勁油勁肥 差啲後悔叫左呢串不過食落又唔算太油膩 肉汁多都算彈牙.๛ 黑豚荔枝卷必食之選 黑豚燒到微焦 唔會太乾 荔枝水份夠多 荔枝味好香 兩都配搭超好味๛ 麻辣白鱔 必食之選 好新鮮魚皮燒到脆卜卜 魚肉肥美好彈牙最後想講既係真係誠意推介呢間居酒屋,每款食物飲品都真心好好食,而且呢個價錢係絕對超值! 繼續閱讀
(以上食評乃用戶個人意見 , 並不代表OpenRice之觀點。)
天后係一個不折不扣嘅美食天堂,餐廳選擇多,位置集中,所以我同朋友都好鍾意嚟呢邊食飯。我哋上網訂咗枱,星期日晚去「黑木亭居酒屋」食飯,好彩有預約,如果Walk-in的話,應該要八點半後先有位,超高人氣👏。餐廳面積比想像中大,因為好似行入去都仲有唔少座位。呢度環境幾有氣氛,燈光偏暗,完全係居酒屋嘅格調,而且牆畫仲好吸睛,好靚啊😍。居酒屋嘅食物種類繁多,包括沙律、小食、和牛、一品料理、食事、炸物同串燒等,未能一一盡錄。我哋每個類別都叫咗啲,晚餐非常豐富🥢!日本產A4吉列和牛三文治(120g)($338),🐮和牛貴就貴啲,不過真係好好食。吉列和牛有一定厚度,所以食落富有口感,而吉列脆皮沾他他醬食,好搭調。🥪三文治除咗夾和牛之外,仲分別配上海膽同黑松露,兩樣都係靚食材。呢道菜式唯一美中不足嘅地方就係麵包烘得乾咗啲。松葉蟹鉗配三文魚子醬($138),呢個係季節限定菜式☘️。松葉蟹鉗有好多隻,雖然細細隻,但其實都幾好肉,而且最重要係相當鮮味🦀。另外,以細碟仔裝住嘅係三文魚子,鹹香十足,唔腥。照燒雞扒柚子沙律($98),🐔照燒雞扒切件上,由於用作沙律,所以係凍食嚟。雞扒同蔬菜配上柚子汁食🍊,甜甜哋,好好味。我唔知松葉蟹鉗都有沙律菜墊底,而家變相食咗兩碟沙律哈🥗。麻辣白鱔($68) 以及芝士免治雞肉棒($58),呢度嘅串燒除咗款式多🍢,仲有得揀要乜風味,例如麻辣、鹽燒或汁燒。白鱔好大件,外皮燒至微脆,魚肉有質感,無骨🐟。免治雞肉棒好有咬口,配埋蛋汁食好正,而且更有埋芝士🧀。另外,我哋仲要咗三串串燒,包括洋蔥($28)、鹽燒原條黑豚露筍卷($38)以及燒牛油甘薯(檸檬風)($38)。三款均係合乎預期中嘅好味道,燒甘薯甜甜的,令人著迷🍠,而洋蔥燒熟左,所以就唔辣。最後,豚肉卷其實應該係煙肉卷先啱🥓。飲品方面🥃,我哋叫咗角玉梅酒($78)同洛神檸冰($58)。呢度有酒精同冇酒精嘅飲品均有唔少選擇,大人細路都有嘢啱飲。我仲留意到餐廳好似有推出清酒買一送一優惠,啱哂酒鬼👻。總括嚟講,呢餐居酒屋晚餐令我哋相當盡興🎌,食物定價雖然唔平,不過質素都幾好啊。另一邊廂,店員們服務態度非常好,即使有幾忙碌都仍能保持禮貌,忙完過後仲會主動幫客人加茶同收碟👍。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-27
131 瀏覽
前排同事食過黑木亭居酒屋之後極力推薦見最近出開銅鑼灣順便行去天后試吓松竹梅 京都柚子酒酒精濃度應該唔算太高容易入口加上柚子清香都幾啱女仔飲蜜桃烏龍熊茶唔鐘意飲酒嘅可以點杯蜜桃烏龍熊茶;冰茶熊仔啱哂打卡照燒雞扒柚子沙律照燒雞排肉質緊緻嫩滑配搭柚子沙律爽脆清新同時微酸醒胃松葉蟹鉗配魚籽醬松葉蟹鉗質感細緻彈嫩配搭柚子醋漬三文魚籽圓潤飽滿加倍鮮甜日本產A4吉列和牛三文治 日本產嘅和牛肉質柔嫩油花細密而且吉列漿粉金黃香脆配搭海膽或者黑松露醬奢華矜貴燒牛油甘薯(檸檬風)甘薯真心勁甜加埋牛油檸檬燒就連平時唔鍾意食蕃薯嘅都愛上咗免治雞肉棒(芝士)免治雞肉棒混合雞軟骨口感豐富配搭芝士半融鹹香撈埋生雞蛋漿同照燒汁肉質香滑銀杏/雞腎串/黑豚荔枝卷(鹽燒)未食過燒銀杏好奇點嚟試吓點知口感軟腍而且味道苦澀同時帶啲甘甜都幾得意;雞腎質感爽口最啱用嚟佐酒;荔枝香甜可以平衡黑豚肉嘅油膩感覺白鱔(鹽燒)白鱔魚皮焦香油潤而且魚肉豐厚肥嫩又冇細骨簡單鹽燒已經好正 繼續閱讀
(以上食評乃用戶個人意見 , 並不代表OpenRice之觀點。)