影片
更多
2023-06-20
93 瀏覽
今次行開D2 place後，意外地發現一間工廈台灣餐廳。餐廳環境寬敞，冇觀塘嘅工廈嘅餐廳咁狹窄，客人只需要掃QR code自行點單，然後直接付埋款，非常自動化！——慢烤雞腿芝士蛋吐司($56) - 睇Menu嘅相片見到流心蛋爆唡汁就忍唔住即刻叫一個芝士蛋吐司試一試。估唔咁好食，除咗蛋汁超豐富，會食到成手都係汁之外，慢烤雞肉夠哂嫩滑 ，mix 埋芝士同蛋汁，簡直令成個吐司升華左幾個level ，芝士味夠哂濃，但一啲都唔搶主菜烤雞味道，三者合一真係超哂班。另外店員都送上膠手套，等我哋可以食得方便啲，好貼心！———蕃茄紅燒台式牛肉麵 ($88)- 牛肉湯味好濃同好有牛香味，而麵質有d似義大利麵，淋中帶軟，好易入口，我諗我婆婆黎食都可以唔咬直接吞到。牛肉夠哂淋身亦唔會痴牙，好重牛味，配合埋蕃茄既香甜味，又係越食越上癮。———芝士吞拿魚栗米蛋餅 ($42)- 係我最中意既吞拿魚！芝士味好溶入吞拿魚入面同埋有栗米既甜味，啖啖都充滿誠意，好足料勁抵食，男仔食一份都已經可以半飽，口感好滿足。———桂花烏龍茶同羅漢果茶 ($28/$32)- 兩樣都係比較少有嘅飲品，比較出奇係連羅漢果茶都可以揀凍或者熱，
——
慢烤雞腿芝士蛋吐司($56) - 睇Menu嘅相片見到流心蛋爆唡汁就忍唔住即刻叫一個芝士蛋吐司試一試。估唔咁好食，除咗蛋汁超豐富，會食到成手都係汁之外，慢烤雞肉夠哂嫩滑 ，mix 埋芝士同蛋汁，簡直令成個吐司升華左幾個level ，芝士味夠哂濃，但一啲都唔搶主菜烤雞味道，三者合一真係超哂班。另外店員都送上膠手套，等我哋可以食得方便啲，好貼心！
———
蕃茄紅燒台式牛肉麵 ($88)- 牛肉湯味好濃同好有牛香味，而麵質有d似義大利麵，淋中帶軟，好易入口，我諗我婆婆黎食都可以唔咬直接吞到。牛肉夠哂淋身亦唔會痴牙，好重牛味，配合埋蕃茄既香甜味，又係越食越上癮。
———
芝士吞拿魚栗米蛋餅 ($42)- 係我最中意既吞拿魚！芝士味好溶入吞拿魚入面同埋有栗米既甜味，啖啖都充滿誠意，好足料勁抵食，男仔食一份都已經可以半飽，口感好滿足。
———
桂花烏龍茶同羅漢果茶 ($28/$32)- 兩樣都係比較少有嘅飲品，比較出奇係連羅漢果茶都可以揀凍或者熱，呢一點我比較覺得幾貼心，涼茶唔係一定要凍嘅，適合唔鍾意飲凍飲嘅朋友。
張貼
