黃金冰室 (順寧道)

營業中

休息中

今次又再去食返黃金冰室，佢個早餐係食到12點嘅，仲要係大件夾抵食，價錢亦都非常之公道唔會太貴，今次叫咗火腿通粉。餐肉炒蛋，沙嗲牛肉公仔麵，腸仔煎蛋，份量同味道都啱啱好夠飽。所以先會再去食第二，甚至第三次，

這食店食物選擇多，晚餐可以西式意粉和飯類，還有各式扒餐，此外更有多款小菜。今晚一家四口大家都揀了扒類，兩個仔揀了雜扒，有豬扒、雞扒、牛扒和司華力腸。餐湯有羅宋湯或忌廉湯，忌廉湯稀稠適中。羅宋湯內也充滿菜蔬。扒餐還有一片多士，這不是平時普通的多士，唔記得個名，很鬆很香。扒是大大件，牛扒是厚厚的，不是早餐薄薄果種。牛扒肉質都正常，雞扒醃味就一般，所以大家都不多好。我叫了羊架，有三大件，不過肉質很差，沒有咬感，又肥，更重要是完全沒有羊味。我哋四個食完各自的扒，都覺得質素麻麻。或者下次試小菜吧！

今日路過順寧道，見到有間叫黃金冰室加入去，睇吓佢有幾黃金。入到去就係一間唔顯眼嘅餐廳，我地今日叫咗2個早餐，分別係 雪菜肉C米線加火腿奄列，沙嗲牛肉麵+奶油G。值得一提嘅係，佢個早餐係到12點嘅。性價比超級高。。另外叫咗一個焗豬扒飯，呢個飯無論價錢，顏色，份量，味道。都要比大X樂出色。但係落單果時果d姐姐唔知係咪新移民嘅關係，永遠落錯單，同埋永遠都問你…. 同一個問題幾次🤦🏽‍♀️所以去呢度食飯要比小小耐性

Intro: 之前食過黃金冰室嘅常餐，但覺得味道上麻麻地，而呢一日比多一次機會食快餐，發覺其實價錢都係差唔多，而份量都係好驚人，呢一次就試咗香茅豬髀扒～___________________🍽 香茅豬髀扒跟意粉💰 50（跟湯+加$2凍飲）⭐️ 7.75/10✍🏻 呢度嘅中湯算唔錯，係豬骨同紅蘿蔔湯，仲有好多湯渣食✍🏻 豬髀扒真係好大塊，咬落去唔會韌，香茅味好香，但就過於油膩，✍🏻 意粉幾彈牙唔會乾，仲有翠玉瓜✍🏻 凍檸茶幾大杯，茶底幾香___________________🏠 黃金冰室📍 深水埗欽州街55號地舖📍 長沙灣順寧道253-263號恆寧閣地下⭐️ 7.5/10___________________#HongKong #foodie #hkfoodie #hongkongfoodie #hkfood #food #foodhk #黃金冰室 #黃金 #深水埗 #長沙灣美食 #長沙灣 #深水埗黃店 #長沙灣黃店 #黃店 #冰室 #茶記#茶餐廳 #快餐

Intro: 黃金冰室喺香港開左唔少分店，而呢一次就揀左去深水埗嘅黃金冰室食午餐，見到呢到嘅常餐有三餸去揀，仲係有豬扒雞扒嘅選擇，所以就揀左常餐去試～___________________🍽 常餐（雞扒+沙嗲牛肉+雪菜肉絲+米粉+餐包）💰 49配熱飲（凍飲+$2）⭐️6.5/10✍🏻 餐包係就比較普通，算脆口✍🏻 沙嗲牛肉嘅沙嗲味偏濃✍🏻 雪菜肉絲嘅肉絲都多，唔算太鹹✍🏻 雞扒算大塊，但食落有陣酸味___________________🏠 黃金冰室📍 深水埗欽州街55號地舖📍 長沙灣順寧道253-263號恆寧閣地下⭐️ 7/10___________________

星期日朝早喺黃金冰室食咗一個早餐，沙嗲牛肉麵加火腿奄列。沙嗲牛肉麵都幾好味，不過食嘅時候記得要將沙嗲牛肉嘅醬汁同埋面嘅湯底撈勻。如果唔係嘅話就會味道唔均勻，食沙嗲牛肉嘅時候就會太濃味；相反，食麵嘅時候就會唔夠味。另外，火腿奄列係正常，味道算OK。然後我加咗兩蚊嘢飲，要一杯凍華田。總數就係$37。其實佢早餐有多兩塊牛油麵包，不過我選擇咗唔要，因為我覺得比較乾， 同埋冇乜味，當然都有仲有另一種選擇，就係加$1轉做炕多士底，咁就會脆好多，同埋有啲咬口的感覺。

羊腩煲有毛，仲要舊舊都有，啲羊蘇到擺唔到入口，同左侍應反映，佢地只係換左幾舊無咁多毛嘅羊腩比我地，但毛依然係有，我真係唔知講咩好。 連啲枝竹都痴住啲羊毛，仲有一大束，見到都反胃，借問聲點食啊？其他餸菜方面，首先講下個羅宋湯，唔夠酸，成口油，認真飲唔落。然後叫左個芥辣炒牛柳，芥辣無芥辣味，個sauce杰到好似膠水咁。仲有咕嚕魚，上菜時舊魚係唔熱的，只有微暖，我懷疑係咪擺左一段時間再翻炒。最後條豉汁蒸盲曹，算係咁，但非常細條，四五啖飯可以送晒成條魚。非常失望。

約咗人去長沙灣做嘢，咁就想食完個靚早餐先去開工，周圍行都未搵到合心水嘅餐廳落腳，途經順寧道見到黃金冰室，佢哋嘅招牌好搶眼，望入去亦都好多食客，我都想入去品嚐下佢哋嘅早餐🥣拎起個早餐牌，見佢哋嘅價錢都係街坊價$34左右一個餐，早餐選擇都算多元化，我朋友先叫咗個雪菜肉絲通粉+黑松露炒蛋配多士及齋啡。我就見到隔離枱叫咗個榨菜肉絲米，賣相都好似幾好，我亦同樣叫咗一個榨菜肉絲米+奶醬多士配阿華田做我今日嘅早餐🥣送到來眼前的早餐嘅榨菜肉絲米，果然買相不錯份量大，榨菜肉絲分量多，榨菜爽口，味道適中，不會太鹹，亦都沒有渣。除榨菜好味之後，肉絲也配搭椒絲一齊煮帶點微辣，兩樣食物同米粉一齊配搭埋真係好夾。食物味道層次分明，鹹辣適中！而我朋友食嘅雪菜肉絲通心粉也一樣大大碗，賣相也很好，同樣好食！佢哋配嘅多士同奶醬多，也好味😋😋😋黑松露炒蛋更好味😋😋😋大家途徑，都不妨也可以食吓！

行過長沙灣見到一間冰室幾新淨，入面座位都幾多，冷氣都好夠。黃金早餐我最鍾意，大大份，最推介佢個奶油多🤤🤤嗰日叫左沙嗲牛米，沙嗲好濃好杰，掛哂上米粉到，超正💯💯野飲叫左茶走，呢到個茶底好濃，飲一杯完全係為左叉足電🤪咁樣食只係32蚊 抵！

入到去都覺得唔對路，好似爆屎渠咁，以為一段時間會消失，點知坐到走仍然有陣味，以後都唔去了。食左個雞肶沙律，炸得好好，好香脆，但太咸，咸到有點乸喉，沙律還好。可以買外賣，堂食真係差d... 臭到無胃口。

雞好食，都是廚房心意，奶茶幾好，職員友善，我轉3次位都得，可惜吊燈轉，光閃下閃下，老闆轉換啦，眼好辛苦。食物算好食。黑白奶，多款式，可以再來，已經過飽，黃色冰室

作為一個常客，見到這家餐廳不斷退步覺得十分失望。年初有次去吃早餐，如常點了一個麵餐，牛肉紅腸麵。吃到一半，咬了一口紅腸，發現味道有點不對勁。再嚐一口，發現食物原來變壞了。當然亦沒有繼續吃，飲了飲品，就結帳走了。再過大約個多月，又一天去吃早餐。當然，上次紅腸變壞，就沒有再點。這是也是麵餐，凍啡。這次麵沒有問題，但飲品出了問題，到咖啡變了味，喝到一半，酸酸的。當然亦沒有再飲。這些事後，有幾個月都沒有光顧過，因為食物水平下降，不能接受。近日再去，竟然連侍應的服務態度也差了。一天，我大約八時半左右去到，坐下來，等了大約五分鐘，只見三兩個侍應在斟水的水機前談天，並沒有看見有客人入來似的。再坐了五分鐘，情況亦然。既然沒有意慾待客，我便走了。昨天 (15-7-2021)，八時四十分左右去到，點了個麵，到九時正，只是飲品到了，麵仍是沒有來。看個錶，趕上班，於是桘櫃枱的侍應講了一聲，等了近二十分鐘，東西還沒有來，餐不要了，枱上的飲品我也沒有動過，便走了。作為一家做街坊生意的茶餐廳，一年之內，食物，服務的水準不斷下降，令人失望。有意思改進還可以，不改進的，就等淘汰吧。

長沙灣地區內茶記眾多，但可以係午餐時間大排長龍既茶記就唔係間間做到😆。今次一於試下哩間成功吸引唔少人黎既良心茶記，究竟係咪真係咁抵食同咁好食喇🤨。咖哩吉列魚柳伴西冷牛扒飯 配熱檸水 $46一黎就上左大大碗羅宋湯，唔單止大碗，材料都好足，椰菜﹑紅蘿蔔🥕﹑西芹﹑蕃茄🍅﹑洋蔥🧅，就咁食湯渣都飽飽地。湯既味道好濃，偏酸甜，不過就油左少少。飲完湯正餐就上枱，一睇就知份量十足，大大塊西冷🥩再加上大大塊炸魚柳🐟，完美咁將飯遮蓋住。佢既咖哩係偏港式，椰味🥥同甜味較重，唔係好辣🌶。而我超欣賞佢既薯仔🥔，炸完之後非常香口，而且好淋，配埋個咖哩汁簡直一流。炸魚柳炸得相當香脆，唔會好油膩，魚肉都無咩腥味😮‍💨。朋友就代食左塊西冷表示以咁既價錢黎講算係唔錯，肉質比較淋身。我就認為整體都相當唔錯同抵食，如果係附近既朋友記得黎試下💕。

去長沙灣好鍾意黎食黃金，因為佢夠yellow。二嚟佢杯凍奶茶夠奶同茶味濃。三嚟啲食物水準都ok。雖然有時會油膩啲，但一般都幾有鑊氣。今日叫咗一個常餐：吉列魚柳配方包、沙爹牛煎蛋通粉。沙爹牛味濃，變相有少少咸。煎蛋條邊都脆口，但個魚柳就麻麻地啦。睇落好大嚿，其實塊魚超級薄，好多都係炸漿黎。 另外一個係京川兩面黃。諗咗好耐乜嘢叫兩面黃，以為講緊塊雞扒，兩邊煎到金黃色原來係個炸面。醬汁都濃味，雞件同配菜分量okay. 但係成件事好肥 XDD

今日又來到區內出名嘅黃金冰室醫肚，之前聽朋友講焗飯好食，一於就試試佢❗️❗️❗️午餐選擇好多，由於今日有啲趕，一於食佢快靚正嘅午餐👍🏻👍🏻粟米芝士焗魚柳飯 $47等咗大約10分鐘之後，焗飯終於出爐啦❗️❗️焗飯大大碟，芝士味好香濃，但食落又唔會太流，粟米汁又有粟米味，完全唔會失禮😂又有粒粒粟米，夠曬足料👍🏻👍🏻👍🏻一個字正👍🏻👍🏻👍🏻👍🏻👍🏻👍🏻👍🏻👍🏻👍🏻