10
3
1
港鐵深水埗站 D2 出口, 步行約3分鐘 繼續閱讀
所有分店 (2)
電話號碼
28166608
營業時間
今日營業
07:00 - 22:00
星期一至日
07:00 - 22:00
付款方式
現金
食評 (21)
等級4 2018-10-18
275 瀏覽
熊妹跟熊大食茶記食多左,都開始融入生活入面,近期更加愛上了有飽櫃的茶記。位於深水埗黃金區域的地鋪都以其為名的《黃金冰室》鋪位細細,門口都擺放左一個飽櫃仔,就吸引左熊妹帶熊大去喇。典型茶餐廳,早餐,午餐,晚餐,下午茶餐,全日餐,散叫咩都有。慣常未食午餐的熊大要先叫左正餐再食包先。無骨覇王雞伴郊外油菜,$55午餐供應時間係上午11點🕚到下午4點🕓,其實熊大點餐時已經係4點05分,店員好好,話可以做埋俾熊大。無骨雞就係油雞🐥再加啲醬油,都幾大一份,無骨雞味道唔錯,仲有啲生莞茜🍀同爆蒜做伴菜,賣相黃黃綠綠好吸引,不過熊大熊妹都唔鐘意莞茜味,最後剩哂係度。郊外伴菜係蠔油菜芯,份量都幾多下,菜芯🌿都幾新新鮮,差唔多俾菜王熊妹食哂。白飯🍚一碗,小碗唔係好多,飯王熊大爬光光的,好似唔夠食。黑松露芝士雞脾,$35一向下午茶都係叫雞脾🍗的熊妹,又鐘意黑松靈又鐘意芝士🧀,呢款雞脾真係岩哂熊妹口味。雞脾size唔係好大,炸得好香口,肉質一啲都唔乾,火喉🔥時間好到位,鎖住雞脾的肉汁,雞肉嫩滑的,好味喎!雞皮面雖然點綴了少少黑松露,但好香好重黑松露味道,即使無黑松靈的地方都有黑松露味,唔錯喎!溶芝士鋪係面,熱辣辣趁熱食,成件事係好肥呀!跟餐飲,紅豆冰與凍檸茶熊大4點後唔飲咖啡或茶,選了紅豆冰🍧。幾唔錯喎!紅豆煮得好淋,係溶溶地的紅豆,唔硬但又未至於變成紅豆蓉咁,有驚喜!成杯紅豆冰都唔唔係好甜,凍檸茶少甜少冰🍹就係熊妹的茶記飲品至愛。4塊檸檬片🍋,少甜少冰就會更出紅茶的澀味同新鮮檸檬酸味,很好。菠蘿油,$10終於到啲包包🍞喇。熊大非常鐘情茶記的菠蘿油,鐘意食到熱的菠蘿包皮脆脆同溶化的肥牛油油脂口感。可惜,真係好失望,個包係凍架!菠蘿包一啲都唔熱,包一凍左就會變得乾同硬身,唔熱的菠蘿包夾塊凍牛油,牛油又點會溶喎!見出面個飽櫃打哂燈咁,仲以為會食到出爐軟熟熱辣麵包,原來只係打燈不係暖櫃黎架,一心黎食包包真係出乎意料之外!失望失望失望!!!墨西哥奶黃包,$7熊大喜歡茶記菠蘿油,熊妹就喜歡墨西哥奶黃包。雖然食完菠蘿油已經好失望,對呢度的麵包無哂希望,但熊妹仍想一試墨西哥奶黃會不會有少少轉機。不意外,包是凍的,包質感自然乾爭爭。墨西哥奶酥皮極之薄的一層,一拎起個包已經散遍一枱,食唔到任何墨西哥脆皮。奶黃饀少之有少,少到得一冰山一角🗻有少少好薄的饀料,係咁多。熊妹成日以為係茶記點個包點杯茶飲,享受一下午茶時光,所以認為茶記的包點會好出色。結論係食茶記都係點返正餐喇。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-07-08
646 瀏覽
呢間茶餐廳食過好多次早餐,常餐,晚餐都幫襯過,每次都保持水準的!好鐘意食早餐既鮑魚火腿絲通粉佢個湯底好濃好好味不過佢D多士就唔多掂,牛油好多時查得好少,同埋唔香既希望可以塗番多D牛油啦!夜晚都食過蒸肉餅,小炒,我最鐘意食鹹蛋蝦乾肉餅無乜地方有蝦乾食哈哈,不過呢到D例湯常常都唔夠熱!不過羅宋湯幾濃,幾好味仲有,呢到既蜜糖豬手好好味呀,我配上紅酒燒汁豬手好淋好大件,仲配埋紫薯仔呀好正!我好鐘意食呢個豬手,又平另外個焗海鮮意粉,嘩,佢D料真係真海鮮,唔係出面D蟹柳獅子狗哈哈,係有青口呀,魷魚呀,扇貝呀等等,好味呀,仲有好多芝士黎焗,好足料!又平黃金冰室係有保證有水準的 繼續閱讀
(以上食評乃用戶個人意見 , 並不代表OpenRice之觀點。)
等級3 2018-10-04
181 瀏覽
食下午茶梗係去茶餐廳啦,今次就試下呢間下午茶。有全日餐。下午茶都多款。揀咗A餐。黑松露蛋好香黑松露味,好好食,有黑松露嘅菜式都好難唔好食,不過太多油,搞到多士有蛋嘅位置淋晒一上枱,我就唔開心,因為我以為係炒烏冬,原來係湯點知食落幾好味,都唔差。友人個雞扒最好食,外面香脆,內面啲肉夠嫰滑凍檸茶同凍奶茶都唔錯。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-21
226 瀏覽
又夠鐘食下午茶,搜尋完搵到哩間餐廳,見到個黑松露芝士雞脾好吸引,雞脾是炸的,好香好脆,上面淋左芝士汁同雞脾幾夾,至於黑松露我唔知本身係咩味,當日亦食唔出有咩味道,總括都幾正。 繼續閱讀
(以上食評乃用戶個人意見 , 並不代表OpenRice之觀點。)
等級3 2018-05-09
451 瀏覽
今晚配完眼镜路過呢間鋪,新開張就入去試新嘢。叫咗個咖喱牛腩煲,臘味炒西蘭花。個咖喱汁辣味適中,佐飯一絕,牛腩炆得夠冧,食落冇渣,西蘭花有鑊氣,加上佢a價錢又大眾化,下次再嚟食其他小菜先得。 繼續閱讀
(以上食評乃用戶個人意見 , 並不代表OpenRice之觀點。)