黃埔港食家 (已結業)

本人為區內居民，已經幫襯此店超過兩年。唯此店自去年轉手後食物質素差每況越下、但是價錢反而加簡簡單單嘅生炒排骨比兩餸飯店子還要差，雪藏排骨肉質梅夾硬，份量亦頗為少，價錢盛惠90；希望佢哋比返啲誠意出嚟啦，唔係又好快轉手。

下午茶時間去買個外賣。等待嘅時候見到厨房內所有師傅冇戴口罩，見到我望住佢亦都冇意識要帶返好過口罩。之後返到公司差不多食完個菜遠牛河，發現有條蟲係裏面。好彩冇肚痛，但心情非常不好。之前食過一次，味道一般，沒特別。今次菜遠炒河，正正常常，牛肉算嫩滑，雖然下午茶幾抵，可惜衛生問題不會有下次。

餐廳位於紅磡大環山泳池1樓，聽聞今個月轉咗手而且環境亦都翻新過～ 佢哋主打多款經典粵式料理，唔使坐室外都可以食到大排檔嘅風味🥺 雖然地點比較隱蔽但價錢親民而且服務態度都好友善，絕對值得過嚟一試呀💖🦑 椒鹽魷魚酥每次去茶樓必點嘅菜式之一☺️ 魷魚酥炸至香脆可口，鑊氣十足，超級大條而且完全唔韌或者乾爭爭～ 整體鹹度適中，食完都唔覺得口乾，性價比甚高，超級無敵推介😍🦪 豉椒花甲一上枱就聞到香噴噴嘅味道，花甲肥美肉厚，鮮甜惹味而且完全無沙😋 簡單又美味嘅小菜配飯一流😝🍲 海鮮雜菜煲叫咗咁多肉當然要食返啲菜等自己良心好過啲啦🤣 雜菜煲嘅配料有蝦仁、帶子、魷魚、雜菇、蟹肉條、粟米條、紅蘿蔔、菜心白菜等等！份量十足，熱辣辣，大件夾抵食😜🍖 蜜糖蒜香一字骨一字骨啖啖肉，燒至微微焦香超級惹味🔥 而且蜜糖同椒鹽粉鋪滿成條骨，鹹鹹甜甜咁好滿足呀😉🦀️ 椒鹽軟殼蟹外皮炸至酥脆，內裏新鮮軟嫩，啖啖肉而且唔油膩😗 放咗一段時間仲熱辣辣添😆 果然係餐廳嘅招牌菜～ 🐟 薑蔥魚雲煲魚雲份量好多，外皮酥脆可口，加上薑蔥調味後令到整體味道十分有層次💗 另外值得一讚嘅係魚骨份量比想像中少😳 食嘅時候都幾方便，不過都要小心啲！

食物新鮮，環境夠闊，坐得舒服！自己帶左好多海鮮來加工，點煮都得，全部都好好味！清蒸蝦、炒蟹，蟹都有兩種整法，真係滿足曬唔同口味。仲叫做幾個菜，回鍋肉包菜好出色，鹹焗雞都好正，雞唔係淋曬嘅，又有雞香。咁多嘢食又唔貴，完全會再返來食。絕對值得過來試下，價錢又唔貴，係環境好嘅大牌檔👍

大環山泳池近排好hit不過我無興趣去泳池有間餐廳黃埔港食家下午茶炒米麵$31，抵，炒得唔錯叫了幾款小菜，我覺得鹽焗雞好味，其他一般侍應告訴我們，廚部剛換了人，問我們對小菜有咩意見我第一次去食，無比較，無意見

話說聽人講呢間嘢幾好食今日諗住去試吓晚市點知一入門口無人理我哋行去收銀先有人理🫣唔緊要，比咗張檯我哋之後諗住叫餸無人行埋嚟🙈都唔緊要，我行出去叫餸點知收銀哥哥話今日要等起碼個半鐘咁點解安排入座個姐姐又唔講呢！

大排檔雖然好食🤪但未必人人都接受到佢嘅環境😓前排聽朋友講黃埔泳池附近有間餐廳集齊大排檔嘅嘢食，衛生環境都OK！所以今次就嗌左外賣返去試試佢～🍲 方魚肉碎蠔仔泡飯 $51估唔到蠔仔嘅份量都幾多，反而魚肉碎偏少而且每一粒都唔細～ 幾新鮮添，值得一試！不過好快朔晒啲湯，住得遠嘅建議現場食！🥦 南乳粗齋 $71食落去有淡淡南乳味但一啲都唔出如果叫「雜菜煲」嘅話我會極力推薦🤣因為份量都唔少，又唔會過鹹，食完好滿足！🥩 中式牛柳 $98大概有七塊牛柳，切得較厚身其實之前都買過，覺得牛柳好嫩所以encore但今次就略為有點兒失望肉質偏韌，應該煮得耐咗😅但醬汁仍然保持到水準！好香好惹味呀～唔知係唔係關師傅事🤣，撞手神😞🐟 滑蛋斑腩河 $54 斑斕鹹到一個點，河粉完全無味所以撈埋一齊食就啱啱好😂雖然面頭有滑蛋但食唔出有蛋香味，唔推⭐️ CP值：🐘🐘🐘⭐️ 打卡able：🐘🐘🐘⭐️ 舒適度：🐘🐘🐘⭐️ 再食指數：🐘🐘🐘（5 星為滿分）

最近行過發現左呢間泳池旁的飯店，食咗三次外賣自取家人都好鍾意，健康正氣，覺得佢好有以前阿媽喺屋企煮既家常菜，所以特登驗証電郵寫食評。希望此店繼續將粵菜發揚光大。（原來要寫二百字先有評分功能，但我寫唔到咁多字，純粹想支持下小店咋，唯有重覆）其實香港太多四川菜，粵菜啱我地廣東人脾胃，而且此店菜式健康，好啱運動完補充，希望此店繼續將粵菜發揚光大。而家好多小店買少見少，好想呢類小店可以經營下去，支持我哋嘅健康！

路過見到新開，在游泳池後樓上。午餐堂食份量大到媽都唔認得，超級足料！！！點蝦球伊麵，又有勁多隻蝦勁多麵，蝦也新鮮大隻！！還點佐支竹魚腩河，味道也還都不錯，魚肉很多！應該正常女仔係食唔曬，男仔都好難食曬。隔離檯點的魷魚阿姊說是新鮮魷魚，下次也可以試試～cp 值勁高，街坊食堂，裝修一般但係環境都好乾淨，餐檯之間也有一定距離，坐得比較舒服！勝在實惠。阿姊服務也幾熱情，可以多D幫襯！現在堂食人都不多，可以多多幫襯！

自己住泳池附近，上星期見到大大個紅色燈牌，知道有新餐廳開張，決定星期日同屋企人去試吓！地方好大，D枱放得唔迫，裝修就冇乜，街坊飯堂嘅感覺，自己搵個位坐低，有個姨姨會過嚟放低熱水比你洗碗筷！目測只有嗰位姨姨同一位後生仔做樓面，中午差唔多坐滿人，而佢哋又新開，所以好似有D甩漏！我叫咗鹽雞飯、梅菜扣肉飯、同埋蝦仁炒河！味道幾好！😋雞好入味，蝦好大隻又爽口！整體都算幾大碟，價錢平，$4x 一碟！而我又好好彩地無漏單，係杯熱奶茶，落錯咗凍啡比我🤭 ，上菜時間都算正常嘅！我會再幫襯嘅，比多D機會小店，唔好淨係幫襯大財團！ 希望下一次去到，佢哋做熟手左就唔會再有其他客人投訴D嘢食等得耐啦！🤗

難得見到附近有新茶餐廳就同朋友去試吓。環境係乾乾淨淨。而家天氣涼番，開哂窗都有d風，感覺幾舒服。講到食物，隻雞係亮點！鹽雞好夠味，唔會過咸，＄38碟飯平靚正，CP值高。同廚房師傅傾咗陣計，發現原來佢嘅鹽雞係用新鮮走地雞整，怪唔之有雞味，又唔霉！牛腩飯正正常常，碟飯夠哂大碟又多汁，牛筋腩唔韌, 菜心都幾新鮮。凍檸茶正常，一杯有5片檸檬，茶底可以但唔係特別濃。留意凍飲加$6熱飲加$3。街坊住附近或去開泳池游水，不妨試吓。