7
3
5
電話號碼
2406 8048
2405 0128
開飯介紹
黃仔味工房位於荃灣, 師傅黃仔 (黃漢庭) 入行8年。 經常有創作的日本菜菜式包括蝦腳上樹, 蟹籽鮮海蝦, 火櫻花 和紫蕃薯蜜糖片等。店入更有特別的刺身和壽司供應。 繼續閱讀
營業時間
星期一至日
11:30 - 23:30
付款方式
Visa Master 現金
座位數目
65
其他資料
酒精飲品
自帶酒水 詳細介紹
泊車 詳細介紹
電話訂座
加一服務費
招牌菜
和牛刺身 活蝦天婦羅 鰺魚刺身
食評 (18)
等級2 2014-08-11
1332 瀏覽
我唔係試過香港所有0既私房菜, 但中日意法0既私房菜都食過好幾間, 呢間算係最有heart!  有heart 在於佢好好利用食材0既每部份做唔同0既菜式, 無浪費!佢地有兩個私房菜menu, 一個每位$350, 另一個係$5xx. 由於都諗住去試下先, 所以揀平啲嗰個menu. 但佢好有性格, 你係唔會知道到時食啲乜, 佢話睇下當日有乜新鮮食材, 所以堅持要知道有乜食先去0既, 就未必啱呢度lu. 個waitress 好口齒伶俐, 知我地第一次去, 就解說下個流程: 先上開胃菜-> 差唔多廿款前菜 -> around 十款刺身 -> 幾道熟食 -> 甜品 (optional).  我聽到廿個前菜都嚇一嚇, 佢即刻話因為我地兩個人, 份量唔會多, 通常一人一舊. 佢先嚟兩個開胃菜 - 煮蜆湯同炸馬交魚魚皮, 刺身啲蜆係細細隻, 但啲肉都算大粒, 個湯好清好鮮! 第一次聽馬交魚, 炸魚皮都ok, 刺身就一般, 比較淡, 但點佢比0既醋係好好味食完開胃菜, 侍應姐姐就執清張枱, 因為要上嗰廿款前菜. 包括芝麻汁凍豆腐, 水母, 雲南菇, 木魚冬瓜, 芥蘭, 蕃薯, 蠔仔等等.... 亞姐姐好流利咁介紹邊款打邊款, 食0既次序, 因為實在太多, 記都記唔切啲名... 但呢幾款菜式, 好fusion, 隻雞腳指係有川椒味, 唔係純日式咁簡單.  以佢個芥蘭為例, 佢將唔同0既部份配唔同0既汁做左四度唔同0既前菜, 感覺新鮮~ 最值一讚係佢個蠔仔, 細細粒但亦有肥美感, 食落去差啲有pop一聲^^食完前菜, 清一清張枱就上我最愛0既刺身啦~ 有最typical 0既三文魚, 馬鮫魚, 池魚, 赤貝, 聖子, 海立魚, 海倉魚, 鯨龍魚(呢魚名都唔確定係咪咁寫, 因為都第一次聽, 但係咁0既音啦 ), 全都都好新鮮好肥美, 池魚方面, 通常响出面食都係切薄片, 未試過一舊舊咁食, 我覺得一舊舊感正啲, 啲味出啲~ 試過點少少豉油食, 但覺得點佢隻醋食好味啲~到熟食啦! 有素蒟蒻豆腐伴火腿, 熟魚干醬壽司, 海鹽凍膏蟹, 剝光豬海蝦, 蕃薯天婦羅, 海鮮湯, 蒟蒻北寄貝裙邊, 鉗魚, 海鮮粥.  重點在於師傅好識用唔同食材去配合成一道菜, 意思係... 例如個熟魚干醬壽司, 只食佢個熟魚干醬其實味道一般, 但如果成舊咁食, 即變得好好味, 整體配合得好好, 個海鮮粥好足料, 感覺上佢餚左好耐咁, 好鮮甜! 因為佢做埋今個月就結業, 唔特別喜愛甜品0既我, 點都要點幾個試下, 再加個開胃花茶~ 個侍應都好窩心, 本身個開胃花茶係凍0既, 但佢用熱水幫我座暖佢~~ 仲要呢個花茶幾補下, 裡面有好多材料, 包括杞子, 紅棗~  連老公都話好飲! 甜品我就點左兩個 - 芝士年糕同榴槤炸彈! 芝士年糕好重芝士味, 好似流心咁, 但年糕就唔係好覺, 個榴槤炸彈就不得了! 我一向愛榴槤, 但唔食榴槤副產品, 呢個炸彈個形似mini 月餅咁大個, 裡面好似成舊榴槤肉咁! 但要外熱內凍, 我連食左兩個! (因為剛做買一送一優惠 ^^) 繼續閱讀
(以上食評乃用戶個人意見 , 並不代表OpenRice之觀點。)
店員用了好nice的態度招呼我們(心想: 咁先識打開門做生意嘛,識同d客打交道同吹水)我叫的是$500 蚊私房菜有多款sashimi,店員會很耐心介紹款款sashimi,值得一讚!私房菜有很肥美的海膽,冷鮑魚,南非生蠔,天婦羅蝦......印象中是這幾樣最好食和較昂貴的食物最後有一個很小很小的飯,是位位另上的,分量真的好像給幼稚園生食的不過,飯真是新鮮即炒的,還可以ps :個人認為是次私房菜500蚊,雖然無諗過會飽肚(事實上也是唔飽,haha)但以500蚊價錢,就唔係太值,無咩食過d貴價食材不過,在食物quality方面談,黃仔是有保證的,不會太差,只是相比起過往荃威店舖,食物質素比以前差了,有點keep唔住水準的感覺! 繼續閱讀
(以上食評乃用戶個人意見 , 並不代表OpenRice之觀點。)
等級1 2012-03-14
902 瀏覽
之前在搜尋日式私房菜時曾經見過這家店,但見之前食評年代久遠,位置又唔方便,仲以為經已結業,上星期五見報紙介紹,星期六立即去試,發覺非常不錯,破例第一次寫食評,以示支持這家誠意小店,同埋等人知道佢哋仲係開緊業。位置 : 位處工業區,有線大樓側,真係幾唔方便 (但據聞搭的士可以claim返,上限消費額5%)。裝修 : 簡陋但整潔,Ok。洗手間清潔度 : 以工廠大厦黎講算幾好,可以接受。點了個Omakase,貪佢可以試多幾種嘢。前菜 : 精致,有十幾二十款,每人一件, 細份但真係幾好食,唯有小吃多滋味。刺身 : 有D貝殼類雪到硬左,但魚類非常得,真係食到每種魚不同味道,正!蟹膏仔 : D糕好香,下次必定再叫。熟食 : 普通但勝在熱辣辣!三文魚粥 : 幾好,下次可以再叫。以價論貨,真係幾抵食,尤其以三百多元食 Omaksae算是超值 (其實我覺得反而有D似懷石料理,因為大部份都係細細碟)。加上我覺得佢地真係誠意十足,所以寫呢篇食評。P.S. 如果店主或有關人等睇到呢段食評,真係希望你哋改用一D正常及簡單嘅器皿黎上菜,而家用果D真係花巧又無謂,有D都幾肉酸下,簡簡單單算啦! 繼續閱讀
(以上食評乃用戶個人意見 , 並不代表OpenRice之觀點。)
等級3 2010-01-06
672 瀏覽
第一次食私房菜,講得係私房菜,價錢當然平不了多少,4個人食,一個人都$3xx,拍得上一餐buffet 價錢。這間私房菜款式上確實很多,而且看得出師傅每道菜都落哂心思。三百幾蚊包以下食物: 前菜: 有15款+蜆+沙律 驚喜在款式確實很多,,但每人分到的份量差不多只是一人一件,食得矜貴, 但唔算特別。反而蜆味道好特別,用醬油整,不過都係份量問題,每人一隻。 仲有幾特別的是一個面豉湯味的jelly,好得意又幾好味~~源源不絕、但不是太鮮味的魚生: 先有魚刺身、蟶子刺身、劍魚刺身、希靈魚刺身、龍蝦刺身+海膽 刺身唔新鮮,因為本身有個朋友少食刺新,老闆俾左個海鮮湯鍋,我地將d魚生灼熟左,吸左海鮮湯d味仲好食。蟶子好"聲"。熟食有: 每人半隻膏蟹、碳燒蠔、炸鰻魚 、海鮮粥膏蟹同炸鰻魚較讚~炸鰻食法好創新,而且炸粉好薄,岩岩好甜品: 雪糕、炸榴槤(另叫)總括黎講,呢間私房菜熟食較刺身方面更出色,又比較著重賣相。d款式係會俾到驚喜人,但對於我呢d 亦到著重飽肚既人就比例遜色,地方亦都唔方便未必會再去。 繼續閱讀
(以上食評乃用戶個人意見 , 並不代表OpenRice之觀點。)
(非會員) 2009-10-22
490 瀏覽
I work at the Cable TV Tower, which next to the "黃仔味工房", so we decided to try the most expensive lunch in this area.His lunch menu is pretty good. Udon, Suzui, Ramen, Rice and Sashimi.... over 20 choices. Its prices from $50.00-$200.00. Lunch set come with a STANDARD drink and ice-cream.The enviroment is not match with his prices. If I can afford this amount of money for lunch like this, we sure can find a better place anywhere.I ordered Curry Rice with Deep Fried Porkculet. Taste is so so. The porkculet is too dry and cold.Dennis ordered a ramen. It tastes good but the portion is too small. Drinks is too STANDARD. Soda and Hot Coffee only. Even McDonald's serves Ice Coffee.Services are extremely poor. There were only 6-7 tables with in total of 3 waiter and waitress in service. Nobody saw even you yelled or waved hands. Food production time was too long, we waited like 20mins.(Ah.......minus 5mins order time.)Not worth at all. 繼續閱讀
(以上食評乃用戶個人意見 , 並不代表OpenRice之觀點。)