565
38
32
開飯介紹
以時尚四川菜式為主打，派對情調裝潢，有別於一般川菜館。店主曾獲四川學藝，煮法地道，菜式分為水煮、香辣及酸辣類，可以自選配料作配搭。
繼續閱讀
營業時間
今日營業
11:00 - 23:30
星期一至日
11:00 - 23:30
公眾假期
11:00 - 23:30
公眾假期前夕
11:00 - 23:30
以上資料只供參考, 請與餐廳確認詳情
有關獎賞計劃
招牌菜
食家推介
相關文章
有研究指，辣椒素可以促使大腦釋放多巴胺，令人產生愉悅、暢快的感覺，可能因為這個原因，有時也會心思思想吃辣。餐廳開業已有一段時間， 我間中也會和朋友專誠來吃辣。一來地點就腳，二來餐廳有別於其他中式菜館。佈置如同店名，很有派對感 ~ 暗黑環境、七彩繽紛的花球裝飾、特色燈光、復古牆紙與畫作，感覺奇幻而每個人對辣的要求各有不同， 所以絕大部分菜式均設有: 中辣、小辣、大辣選擇，配合不同人士口味 【北川涼粉 $58】涼粉本身味道清淡，混入辣紅油、麻油、醬料中一起吃， 定必被辣味蓋過， 然而其爽口嫩滑、煙韌掛汁的特質，咀嚼過程中，令麻、辣、香在口腔中停留更久；撒上香菜、花生碎、芝麻，加入大量肉碎，口感更豐富。炎炎夏日，先來這個冰爽宜人，清涼麻辣的冷盤開開胃十分不錯。【孜然蔥爆蒙古羊肉 $98】很有鑊氣，蔥香和辣香隨熱力四散，羊肉切片，厚薄適中，肉質軟嫩，酥香惹味，我們選了小辣，所以仍能吃得從容【麻辣雞鍋 (半隻雞) $168 + 蓮藕 $28 】之前兩款餸都選少辣，這雞窩當然是挑戰中辣程度。一大鍋雞件、乾蔥、蒜頭、辣椒乾、花椒粒，紅紅橙橙，香氣撲鼻。蓮藕切薄片，入口爽脆， 雞肉嫩滑入味，在熱哄哄的狀態下，更顯麻辣， 舌尖上的灼熱感 ，雖未致令我淚眼盈眶， 但比起小辣，中辣彷彿是辣與麻的重重疊疊 ，反覆出現的灼燒感，對本人來說~ 好辣， 但亦食得很滋味， 刺激感過後， 更覺心情愉快。食完辣，餐廳奉上一碗暖和的紅豆沙， 貼心。
繼續閱讀
早兩日同老公出街食飯, 佢突然話想食辣野, 之後就搵左依間去食晚飯, 我地無訂位, 可能平日所以唔算好多人, 幸好一入去就有位餐廳裝修有啲摩登感覺, 座位都幾舒服同闊落, 落單係寫紙, 估唔到都幾多菜式選擇, 最後我地食左個雞鍋, 一個小菜, 另加白飯同水晶粉麻辣雞鍋 (半隻)本身都係半隻雞既份量, 我地平時本身係食開小辣, 但怕唔夠辣就無得再加辣, 所以我地一於叫中辣, 估唔到未食前聞到好香雞鍋味之餘, 辣味有啲嗆, 食落雞件算幾滑, 唔會太乾身, 每件都沾滿辣汁, 食落好香, 雖然愈食愈辣, 但夠哂惹味, 辣得過癮啊山城回鍋肉小菜都有揀辣度, 我地就叫左小辣, 椰菜炒得好香口, 食落脆口得黎帶甜, 食得出椰菜好新鮮, 回鍋肉即係五花肉, 切得厚薄適中, 先有輕炸過再同椰菜一齊炒, 食落有啲微脆口感, 都係一樣咁惹味, 送飯一流!金牌酸辣水晶粉另外叫左碗酸辣水晶粉, 叫左小辣, 水晶粉食落煙刃容易咬, 唔會咬極唔斷個隻, 個湯酸味較強, 辣度我覺得好似唔多夠辣, 可以叫高一級就更好了!最後仲有紅豆沙糖水送, 比較淡味啲, 但都可以接受呢!
繼續閱讀
嘅酸菜魚、水煮魚已經吃過幾次，因為太好食，次次都唔想轉新嘢～今次豁出去，試吓呢個推介款式：鮮椒味嘅水煮系列。呢個辣度同酸菜魚、水煮魚嘅辣度相近，order咗BB辣都幾接近。主要特色就係佢嘅鮮椒味，冇其他款式咁重蒜香和鹹味，但係麻香嘅程度非常澎湃，越食越麻辣～麻痹感覺由嘴唇漸上大腦，非常刺激！魚類揀咗江團，啱啱熟的肉質又嫩又滑，冇細骨👍🏻👍🏻配菜都落到足，同時有薯粉和水晶寛粉，仲有芽菜，豐富到不得了，兩個人都食唔完。另外點選咗一款可以走辣嘅小炒：涼瓜排骨。非常美味，堅有鑊氣！比起酒樓嘅小炒更加惹味，忍唔住都叫個白飯！同時發現涼瓜竟然可以解辣😍飲品都幾煩幾大杯，凍檸茶茶味夠，拍得住茶餐廳水準！臨走仲有桂花冰粉作甜品，絕對能夠降溫解膩。餐廳環境充滿party氣氛～裝修型格別緻。仲有派對舞會氣氛嘅燈光效果，有興致飲番幾杯食四川菜都幾過癮😍
繼續閱讀
行經尖沙咀見到“麻辣派對”，老婆鐘意食川菜🌶，想入去食個午飯，我當然無意見😆。店舖裝修有別於一般川菜館，四周佈置了很多色彩繽紛的花及小燈泡💡，配以柔和的藍色🔵燈光，感覺華麗又夢幻，加上背景音樂，更增添情調及氣氛🥰。餐牌📔菜式選擇多，我點了幾款🅱️🅱️辣度的菜式試下🤗。山城回鍋肉 $88回鍋肉份量多，肥瘦相間的五花腩肉🐖，肉質軟腍煮得入味，加上包心菜🥬及辣椒🌶一齊炒，整碟菜味道香濃又惹味😋。農家魚香茄子 $78魚香味偏淡，但肉碎多而且調味出色，令整碟菜帶有肉香之餘又好食😍，茄子🍆十分清甜多汁，掛上肉汁一齊食更正😋。大刀牛肉小麵 $58麵條煮得軟硬度適中🥰，牛肉(牛)🐂有6️⃣片，肉質軟腍有牛味。湯底微辣🌶帶肉香，配料有花生粒🥜、芫茜及蔥花等，每食一啖都有莞茜香味，正😍。 埋單前店員會送上免費糖水，今日是紅豆沙🫘，味道微甜又清熱氣，是這餐完美的句號💯。總括而言，食物有質素，價錢合理，座位闊落環境非常舒適，如行經加連威老道，想歇腳休息一下，不妨到此店食飯。
繼續閱讀
呢間餐廳裝修好靚，一出𨋢門口位掛左好多名人嘅相片，我地相信有咁多名人捧場一定質素日咁上下。餐廳內有啲天花吊住裝飾用的花球，燈光色吊雅致，座位又舒服。而且播住張學友啲經典歌曲，真心想坐耐啲食好野。仲有兩幅人像畫陪我地食飯😆餸菜可以點唔辣， BB辣，啱晒我哋呢啲唔太食得辣嘅朋友，連小朋友都可以食。燒椒小皮蛋（例）68元呢個菜式唔太多係四川菜餐廳叫到，原因佢用鵪鶉蛋整出嚟嘅皮蛋而不是鴨蛋整嘅。小皮蛋部份色澤金黃色，睇到裏面的蛋黃，賣相都好靚。味道比起一般皮蛋刺激性較低食得多都唔那舌頭，口感QQ彈彈好似啫喱，非常容易入口。涼拌魚皮卷（例）78元魚皮捲每件大小合適，唔會一件大一件細。調味撈得唔錯，唔會覺得佢太鹹，酸味比較少，而鮮味比較多。魚皮煮得爽口，以涼拌菜嚟講煙煙韌韌合適開胃。呢個菜應該少味精，食完之後無口渴情況呢點值得讚👍🏻水煮系列酸菜味型剝皮魚（例）248元終於到左主菜系列啦～^_^，唔係講笑，份量真係超級多：單單淨係個花花形狀嘅容器都佔咗差不多三份一張枱，上面有啲花瓣飄住喺個湯上幾賞心悅目。辣椒粒唔太多唔會食個陣邊食邊吐辣椒皮🌶️，真心體會到餐廳既體貼。湯嘅酸菜味好濃，鮮味十足。因為我地叫BB辣所以會少啲辣，湯頭超合適下飯。味精都應該同魚皮一樣唔多所以飲完唔會口渴。我們約略數下魚塊既數目超過20塊以上，以酸菜魚黎講真係實惠，剝皮魚冇乜細骨，啖啖肉好易食。如果怕唔飽，底下好多薯粉同芽菜，包你食到飽飽先走。餐廳仲免費送贈每人一碗類似八寶粥既甜品，糖水啲豆沙煮得好粉唔太甜，無乜渣又好味，估唔到糖水係個意外驚喜我地亦有叫其他東西，包括：白飯 12元，加多寶18元。食物質素總體唔錯，侍應反應速度好快，基本上嗌一次就會有人回應。每次上菜除左簡短介紹菜品之外，都提醒我哋慢慢食，唔使心急，值得比個like👍🏻第日有朋友想食都會介紹去呢間食四川菜，正😄
繼續閱讀
您可能會有興趣的...