13
0
0
港鐵長沙灣站 A2 出口, 步行約6分鐘 繼續閱讀
電話號碼
34869229
附加資料
自家製麻辣雞扒漢堡、小麻堡、手打安格斯牛肉漢堡、芫荽安格斯牛肉漢堡、沙嗲安格斯牛肉漢堡,經典墨西哥菜及美式菜
營業時間
今日營業
12:30 - 22:30
星期一至日
12:30 - 22:30
付款方式
現金
其他資料
Wi-Fi
酒精飲品
自帶酒水
加一服務費
食評 (15)
店鋪:麻堡 (深水埗)地址:深水埗青山道153號地下B號舖麻堡喺位於深水埗嘅一間新開漢堡包外賣店,佢哋主打自家研發嘅麻辣醬,專程搵咗間60年嘅老字號廠去合作推出三款辣嘅程度🌶;佢哋每個月仲會推出限定漢堡😋,就例如依家推出緊嘅煙肉安格斯牛肉生酮漢堡,比你每個月過嚟都有唔同驚喜😈,而沙嗲安格斯牛肉漢堡仲已經加入咗係常駐餐牌入面喇😏麻辣芫荽雞扒漢堡 $78要試一定喺試餐廳嘅招牌麻辣雞扒漢堡,我要咗小辣,麻辣嘅程度唔會蓋咗漢堡同雞扒香;芫荽喺用咗生芫荽同人手打磨嘅芫荽醬,比你有加倍享受🤤,值得一提喺佢地嘅漢堡包充滿芝麻🥯,仲要用預熱咗嘅風爐烘箱即叫即烘,食落超香脆鬆軟,包同雞扒嘅大小都係平時出面食開嘅漢堡包1.5倍大小!極度懷疑佢哋係唔係做緊蝕本生意🤨,包你一食就會愛上👍海苔岩鹽雞翼 $28/3隻海苔粉嚟自台灣,全港獨家使用呢隻海苔粉,係出面絕對食唔到咁香濃🥇,雞翼用咗兩種唔同溫度嘅油去炸,先後蘸上薄粉同厚粉,所以食到兩層厚薄不一嘅脆皮。小店仲不惜成本加咗vodka去炸,高濃度精酒揮發過後令雞皮嘅香脆感更突出,果然每一個步驟都落足心機💕小店仲有4款特飲提供,我就揀咗蝶豆花青檸特飲,營養成分極高😽,顏色仲好靚可以影吓相📸 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-04
214 瀏覽
Mabo Burger 麻堡小麻堡 $58Caramelized Spicy Beef Burger 黎到緊係要試佢signature burger. 佢個burger 真係勁足料大個, 包烘得外層微脆, 而佢地每朝手打製作嘅 Angus beef patty 真係唔講得笑, 係勁厚身, mixed 左適合比例嘅肥牛同瘦肉所以咬落係夠肉汁而且啖啖牛肉香味. 佢會按照request 辣度落唔同份量麻辣醬, 據說好多客反映都辣到腸到直埋. 叫左中辣嘅我表示....又好似唔多辣🤣 偏向咸香惹味. 沙嗲安格斯牛肉漢堡 $58Satay Angus Beef Burger配料同小麻堡差唔多, beef patty都係好厚同juicy, 唯一不同就係換左自己調配嘅沙嗲醬. 沙嗲醬味道好濃郁, 甜甜地好有花生香, 同埋真係食到花生粒👍雖然個醬好濃味, 但夾埋個牛肉patty同啲蔬菜, 成個味道好balance, 食完唔會覺得好膩黑松露味薯條 +$10French Friesburger 加$10可配side dishes, 份量同樣好足. 薯條炸得乾身, 食落一啲都唔油, 而且放耐左都keep到脆身😋 薯條本身已撈左黑松露, 另外俾左黑松露沙律醬點, 所以真係啖啖都好香黑松露味❤ 酸椰菜沙律 +$10Sour Cabbage Salad 其實我唔鐘意mayonnaise, 成日覺得太膩. 所以見到白色salad 都麻麻地. 但呢款個salad dressing 又唔同wor, 酸酸地好fresh, 好岩配burger.墨西哥飯 +$10Mexico Rice 呢個絕對係岩比大食d 男士們加配, 因為其實個burger 已經好大個飽肚🤣 個飯都唔錯, 加左d 辣醬炒, 帶微酸辣.  不過我會較心水佢地fries n salad. 紅菜頭乳酸特飲 $24Beetroot Lactic Yogurt Special紅菜頭+乳酸好似係幾健康嘅組合. 味道就以乳酸味為主, 帶有少少紅菜頭嘅清甜味, 飲落幾fresh. 而且白紅漸變嘅顏色好靚~水蜜桃檸檬茶 $22Peach Lemon Tea顏色就無紅菜頭咁fancy, 不過味道有蜜桃香又唔會太甜, 都唔錯.依家學生仲有得免費upgrade 做set 加side dishes 同汽水期間限定仲有個芫茜burger 都好想試呀,bookmark留番下次試 繼續閱讀
(以上食評乃用戶個人意見 , 並不代表OpenRice之觀點。)
見到佢有好多好創新既口味既burger,好似有麻辣雞扒漢堡、芫荽安格斯牛肉漢堡、沙爹安格斯牛肉漢堡,而家仲有生酮漢堡添!  1⃣️小麻堡($48)去到既時候店員就好熱心咁推薦我可以試下呢款小麻飽,佢地係用自己製既麻辣醬製成架!夠曬特別😌個包攞到上手既時候都幾重手,入面既肉店員話係佢地每日人手打既,好厚肉好正!🤤個包唔係果種好鬆軟好有牛油香既包,面頭係比較脆身既,咬落比較煙韌啲。  入面既麻辣醬唔算好多好麻辣,覺得如果再多啲醬會再正啲🌶️佢既麻辣醬係麻味比較重既,食到粒粒既椒籽,比較似川式既椒麻味,好特別。入面有啲蕃茄、洋蔥咁,整體食落覺得好足料而且蕃茄唔會太生既感覺,好味啊😋  2⃣️酸椰菜沙律(跟餐+$10)加十蚊可以要酸椰菜沙律、薯條、墨西哥飯或者意粉。好少見有得食酸椰菜沙律,所以我就嗌左呢個試下🥗感覺健康啲😂份量都幾多,椰菜好爽脆好新鮮,仲有啲紅蘿蔔絲。醬汁偏稀身,酸酸地幾開胃,可以balance 翻食burger既罪惡感😗  3⃣️紅菜頭乳酸特飲(跟餐+$10)跟餐既話可以加十蚊轉個汽水做佢既特飲。紅菜頭軟算飲品感覺健康高纖😂而且好靚😍店員話全部都係自家制既👍紅菜頭既味道唔會太重令人好難接受,乳酸飲品同紅菜頭呢個組合幾唔錯,酸酸甜甜,幾好味。  繼續閱讀
(以上食評乃用戶個人意見 , 並不代表OpenRice之觀點。)
最近行緊低醣飲食,所以係網上搵到哩間有提供生酮包既漢堡店,但由於生酮包係限量所以琴晚就fb msg問下會唔會有,店員好快就回覆,我係冇留名留定之下今日去到,店員話我知好多人問但都堅持點都要留一個比我,聽到個一刻好滾動丫🥺下次我會打電話黎留架啦🥰生酮包要加$30,聽落好似好貴,但知道材料都唔平,所以冇問題的,反正合自己宜家想行既飲食模式.店員細心解釋因為生酮包唔會點膨脹所以比較細,個雞扒重大過佢🤣真係好正口感幾好,唔會實的的,食完重好有飽足咁忝另外重點想講個白桃冷泡烏龍茶好香好好飲,飲完會掛住酸椰菜沙律唔會太酸好味另一個係正常版麻辣雞堡同樣好味一定會再幫襯,下次試牛先😍**初時唔知係外賣店,好彩附近有商場可以拎去食🤭 繼續閱讀
(以上食評乃用戶個人意見 , 並不代表OpenRice之觀點。)
建議:如果鍾意芫荽,幾值得試下芫荽系列💚最近碌芫荽黨FB 發現都多人提起麻堡既芫荽漢堡,有🐮安格斯牛揀 or 🐔麻辣雞揀。所以假期特登黎試下 舖頭係正韓式多士 Try My Bread隔離,驚漢堡唔夠食咩🤣仲可以整多份多士麻堡既Burger 加HK$10 可以轉套餐,包括:薯條/Coleslaw/ 墨西哥飯 + 罐裝汽水。另外再加多HK$10 可以轉乳酸特飲😋 今次試左:▫️芫荽安格斯牛堡 (HK$78)▪️和風醬燒雞排漢堡 (HK$78)🍔漢堡:舖頭係外賣店,所以無堂食既位置。落完單大概10分鐘就有得拎,坊間有啲舖頭一講爆荽既定價就會超貴。試完麻堡依個芫荽牛堡,味道真係唔錯。包面有好多芝麻,個Size 比平時既都大啲,質感比較實在 (食完超飽👍) 🐮牛漢堡扒 同 🐔雞扒 唔係特別juicy,不過絕對唔會乾同嚡,質素都可以接受。牛堡入面仲有芫荽青醬,唔會話太酸/奇怪味 💚 🍟薯條:拎完外賣紙袋,入面既薯條超香,可惜無得即刻堂食😋 如果唔係應該會更脆。老闆話薯條配左微辣粉,不過食落就無咩好突出既味。 如果想揀其他粉,只可以單點薯條。其他粉包括:麻辣風味,紫菜岩鹽味,黑松露味。紫菜好似幾吸引👍🥤蘋果特飲:有4款選擇(紅菜頭乳酸/蘋果乳酸/蝶豆花乳酸/水蜜桃檸檬茶) 最後揀左蘋果乳酸🍎一大樽都幾解渴,唔會太甜,好濃既乳酸味(好有Calpis カルピス既味道 👍有唔知有無人鍾意飲 🙆🏼‍♂️🙆🏻)。如果想重用個膠樽,要小心個樽蓋位有個窿。 繼續閱讀
(以上食評乃用戶個人意見 , 並不代表OpenRice之觀點。)