影片
以上資料只供參考, 請與餐廳確認詳情
有關獎賞計劃
銅鑼灣希慎廣場的台式料理「麻吉灶咖」向來人氣高企這次晚市到訪更收穫滿滿驚喜招牌經典牛肉全家福有牛腱、牛筋、牛肚滷得軟糯入味湯頭濃郁帶淡淡藥膳香搭配手工麵條超級彈牙做得出色超夯海鮮綜合蓋飯絕對是隱藏寶藏三文魚籽、蝦、蚵仔、帶子仔、鋪滿成碗視覺震撼海鮮鮮甜毫無腥氣半筋半肉麵點了麻辣小辣撞出層次辛香味濃嗜辣朋友點個中大辣肯定味蕾大滿足飲品點了手打鳳梨檸檬茶果肉纖維感十足酸甜比例完美解膩大大杯真超值不得不提穿着黑衫長髮女經理的貼心服務從進門親切帶位、耐心介紹菜單留意客人用餐節奏適當為我們加水全程笑容滿面這種將服務昇華成款待的溫度讓整頓飯加分不止一點點若想感受地道台味與暖心服務麻吉灶咖絕對值得一訪再訪記得向黑衫長髮女經理打聲招呼體驗台式待客之道
繼續閱讀
當晚拎完Labubu就係附近覓食，行下行下就見到之前係尖沙咀bookmarked一直都想試台灣菜。今次食咗個2人餐加2杯野飲，每樣食物味道都唔錯，黎到食咗先記得相機食先😂，食完會想再黎試其他菜式🤣今餐MVP，最有驚喜係墨魚滑玉米燒~玉米仔入面釀咗墨魚滑嘅組合，炸到脆口仲要面頭有鹹蛋黃碎，勁邪惡🤣同老公一致認為係必食，下次要再嗌🤤蛋餅幾款都吸引，今次加咗錢揀自己屋企整唔到嘅軟殼蟹😂😂，口感好豐富，一啖接一啖，亦唔會覺得滯。
繼續閱讀
今次嚟到銅鑼灣希慎，想搵間坐得好啲嘅餐廳，上咗三樓見呢間台灣野有人排隊，拎咗飛等咗一陣，好快就有位。叫咗三杯雞套餐，有驚喜：鍋底有個火熱住😛食到最尾都仲係熱辣辣👍🏻推介
繼續閱讀
黎到5月頭嘅連假，上個月去完旅行銀包未回血咁就留港消費算喇。咁啱經過銅鑼灣附近，去咗希慎廣場行書店買下書，咁行完就去搵野食，去左依間麻吉灶咖食野。主要賣台灣菜，有牛肉麵/蓋飯/台式甜品咁裝修黎講個感覺幾清新，用淺色做主題，同商場做出了一個幾強烈對比，坐底感覺都幾舒服。野食方面今次我就叫咗三小碗(麻吉三小碗)同埋今期推介嘅龍眼苦瓜蜜，首先報告下個三小碗先，哈哈因為我貪心，乜都想試，依個可以試到唔同野食，幾好。講下碗蚵仔麵先，個湯汁幾濃郁，每夾一次麵可以食到麵條畀湯汁包住，一淡蚵仔一淡麵幾夾幾夾，仲有油炸鬼配合攻勢，結果回個神唔覺意就食唒喇………之後再到三小碗入面嘅滷肉飯，咁個肉臊個味好夠，一啖飯一啖肉臊個感覺幾爽快，幾易入口，又唔會太膩，之後再夾一起三小碗最後一個碗嘅墨汁鹽酥雞，黎送飯幾滿足，講起個雞，份量都幾多，雞炸得幾脆，但係又唔會太乾，肉係軟軟地，唔錯，一個唔該就食哂喇，不過都夠飽飽。跟手打開個餐牌睇睇，三小碗入面三樣野都有份量大D嘅散叫份量，下次可以再單獨叫想食野黎慢慢食，同埋有幾多小食選擇，只係我一個人試唔到咁多啦...跟住講講龍眼苦瓜蜜，首先唔好意思先，我又唔記得影相，本來以為會好似呀媽沖嘅苦瓜水咁，又唔係喎，甜甜地幾清新，苦瓜味又唔會太難入口，又有別於台式飲品，幾新鮮，因為太好飲無影到相同期推介飲品仲有芭樂草莓同莓莓三重奏，不過果日就已經賣哂，如果有朋友下次黎試到嘅唔該分享下最後到大家最關心嘅服務喇首先鋪頭入面店員都幾算後生為主，氣氛都有活力，唔會死氣沉沉咁，幫客人落單果陣都幾友善，亦會為客人加下水咁我個人認為都幾好，行完街入黎座底食下飲下，推薦！
繼續閱讀
今次嚟到銅鑼灣嘅「麻吉灶咖」墨魚滑粟米燒🌽！將粟米筍切開，中間釀入墨魚滑，面頭再灑上鹹蛋黃碎，真係好特別🤩！不過上枱嘅時候溫度偏凍❄️，如果熱辣辣就更加正喇！跟住就係經典嘅台灣小食——海陸雙拼麵線🍜！豬大腸處理得乾淨，冇異味👍，蚵仔🦪大大隻，鮮甜肥美！湯底濃郁，充滿台灣風味🇹🇼，令人食指大動！真係好滿足呀！最後就係飲品方面，叫咗杯芋頭鮮奶🧋，芋頭味香濃，有一粒粒芋頭肉，可惜就係偏甜咗少少🤏，而且落單嘅app冇得揀甜度，呢點要扣分😢！如果可以調整甜度就Perfect喇！總括嚟講，「麻吉灶咖」嘅食物質素都唔錯，環境都幾舒適😌，值得一試！
繼續閱讀