影片
港鐵炮台山站 A 出口, 步行約2分鐘
繼續閱讀
電話號碼
35802909
營業時間
今日營業
12:00 - 15:00
18:00 - 22:30
星期一至日
12:00 - 15:00
18:00 - 22:30
以上資料只供參考, 請與餐廳確認詳情
【東區】【麺楽】有晚我得得閒等朋友，就去炮台山睇吓有冇東區美食可以寫吓。出地鐵就 search 到呢間，係喎，成日經過但好似一次都未食過，就趁今晚呢個機會食吓啦。入去發現裝修格局都充滿日式風情，好似身處日本咁。睇個勢我估老闆應該係日本人，先做到個氣氛。我簡簡單單叫個北海道拉麵，揀咗 $120 嘅「札幌味噌牛油拉麵」，加多 $17 要埋「半熟雞蛋」，要佢另上又 okay。碗麵就唔錯，不過對拉麵要求高啲就未必睇佢上眼嗰隻。唔飲冰水，我畀 $25 飲「烏龍茶」，有少少期待係熱飲，原來佢係枝裝嘅津路囉。之後叫咗 $68 嘅「炙燒明太子」，作為明太子控，呢碟呢個價錢我收貨嘅。跟住見門口啲蟹仔游得咁慘，叫碟 $98 嘅「炸蚇蟹」等佢哋快啲完結生命。有五隻嘅，軟殼蟹嚟，炸得都幾好，點檸檬汁或者鹽都可以。連加一 $360.8 落樓，食一次當體驗吓咁囉。。。（地址：炮台山英皇道163號中南大廈地下D號舖）#1amfoodie #hkig #foodie #hk #hongkong #hongkongfoodie #hkfoodblogger #foodiehk #topcitybiteshk #hkeat #hkfoodstagram #thatfoodiething #instagood #love #hkigfood #hkfoodlove #hkfoodblog #globaleats #foodieman #1am東區 #炮台山 #麺楽 #麵樂 #北海道拉麵 #札幌味噌牛油拉麵 #半熟雞蛋 #炙燒明太子 #炸蚇蟹 #烏龍茶 #1am1798 #1ambackup
繼續閱讀
📍日式炸物定食推薦 🍱🍽️ 吉列炸池魚定食炸魚香脆不油膩，肉質滑嫩，兩件大大件，新鮮脆脆！加上醬，一齊食超邪惡🤤 配菜有新鮮沙律、白飯、味噌湯、小菜，整體份量剛好，好味！🍽️ 炸雞塔塔醬定食外皮炸得超級香脆🔥 每塊雞都juicy又厚身，食完一件想即刻再食一件，每件都好大件！配塔塔醬簡直係絕配，重口味控必試💥 包齊：白飯＋味噌湯＋涼拌小菜📸 店內木桌配傳統日式黑漆托盤，影相打卡都一流！是一間特色小店。
繼續閱讀
食物ok,但樓面果位阿婆似乎有厭女症，對年輕英俊男客非常有禮有笑容但對女客呼呼喝喝態度極之惡劣，如果餐廳只歡迎男客不歡迎女客可以在門口寫明，又一次證明點解港人寧願北上消費也不願意留港貼錢被呢D甘既人呼喝，飲食業界老闆再請埋呢D甘既人執是遲早問題，個廚煮得幾好食都無用、二人lunch差不多四百都可以甘無禮對客，下次寜願俾多少少上五星酒店lunch ，其實間餐廳甘細得果幾張枱個阿婆都可以做到甘悔氣態度甘惡劣，建議呢D人材應該放起後門洗碗洗廁所不要對客
繼續閱讀
完全唔明點解呢間冇乜負評！！！今日食食咗兩個拉麵，味噌湯醬油味拉麵，俾咗兩次機會佢，點解可以難食到咁。首先一定要講嘅係拉麵質地，佢d拉麵真係垃圾級別，麵底類似港式油麵嗰種，或者你當係味千拉麵都比多佢，食食吓仲要有啲位唔係好熟，硬硬地。諗住試吓飲啖湯會唔會好啲，點知更加災難。味噌拉麵個湯底都還可以接受，醬油嗰個真係災難級，第一啖飲落去覺得個味道好熟悉，但係鹹到想洗胃，再飲多幾啖，就發覺好似平時X前一丁嗰啲公仔湯底咁，落單嘅時候仲可以問要唔要麻油，咁而家知點解突然間會有麻油啦！極度懷疑係咪真係X前一丁裏面嗰包麻油直接倒落去。d配菜好似屋企著麵嗰d隔夜菜咁，啲粟米食落煙煙韌韌個程度仲好似係糯米粟，邊有人用糯米整拉麵㗎！最後兩碗麵根本食唔晒，鹹到想洗胃，飲咗超多水都仲好頸渴。最後埋單仲要貴過一蘭！如果係出名食唐揚炸雞，唔好叫麵樂啦，強烈建議改名叫唐揚樂，中晒大伏。
繼續閱讀
之前朋友介紹過，一直以來都好想試，今日終於食到。2人行叫咗兩碗味噌拉麵（掛住食唔記得咗影相）😂湯好味唔口渴👍面質地夠爽。另外點咗炸雞，超好味，而且Juicy，唔係平時又乾又硬嗰啲口感，推介👍
繼續閱讀