麺屋武蔵 (MOKO新世紀廣場) (已結業)

自從上年調左去中環返工就好少返moko, 琴日返去開會就返黎食我既家常便飯-麵屋拉麵！👍入到去眼見人事變左，唔再係果班無笑容自視過高既服務員，換左一班好親切友善既員工，整個感覺都變好左，感覺好舒服！留意到煮麵既大廚都換左人，彈牙左，湯底更香濃！唯獨餃子係咪換左，無左咁多肉汁，蒜香尤魚仍然好好味！真係要俾個讚！👍👍👍希望你地keep住！疫情嚴峻仲可以改變到以前既弊病！新依批員工加油！親切既服務絕對值得好評！

無意中行過見到咁岩做緊第二碗半價優惠「蕃茄豚骨」-燒豚拖羅 $85湯底係好濃好香既蕃茄味👍🏻👍🏻豚肉都好淋，好入味～充滿住好豐富既蕃茄味此外，麵都好入味～最讚既地方係成個湯底都唔會話好油「赤武骨」-叉燒 $78友人試左辣既個款話唔算好辣，但都唔差叉燒同樣都係好林好入味「黑武骨」-豚角 $79之後再share 叫多一碗試一試黑芝麻湯，唔知係咪已經食飽左小小呢個相對上感覺比較遜色比較多油，同埋唔算太濃味但麻油味係好香濃的～

經過這家日本飯店/拉麵店/居酒屋很多次，在外看裡面裝潢也不錯，不知是不是疫情之下，在門外看到有外賣餐，另主餐也有八折，價錢平均也不貴，終於今天光顧一試外賣。等了十五至二十分鐘左右，也如店員所說，算準時了，拿上手後看了看袋裡，嘩！「好靚呀」大聲地在商場說出來了，沒想到這包裝就如日本車站買到的便當一樣，十分有日本味，好吸引！鰻魚便當便當裡面包括了 約半條鰻魚，菌菇類，炸雞，酸汁火腿沙律，酸汁牛肉粒青瓜！鰻魚質感剛剛好，不會過份軟身，醬汁不會太甜，非常高質！菇類也清甜！炸雞十分香脆，很好吃！沙拉和牛肉粒普普通通，還好！只是飯有點少，不太夠⋯整體非常好吃！這家是新年第一家給我有近乎完美的一餐！感謝！絕對會再幫襯！難怪有一天下午經過看到一幫日本人也去進裡光顧！

⭐️【香港食到正宗嘅日式拉麵】麵屋武藏⭐️👍叉燒沾汁麵👍武藏煎餃子天氣有少少涼就開始好想食拉麵，而家外賣又快又方便，就決定買呢個麵屋武藏嘅拉麵午餐返屋企慢慢食☺️雖然限聚令，可能大家出街食飯嘅意欲都冇乜，但係仍可食到新鮮熱辣好味又惹味的日本煎餃子🥟，熱熨燙的麻香湯，軟硬適中嘅拉麵加上軟林林的豚肉☺️簡直係入冬之後一個享受😚！而家Foodpanda 外賣獨家優惠，滿$100即減$30，好抵食！

麺屋武蔵既拉麵一向係信心保証, 店內裝備亦好有特色, 一D都唔馬虎! 依度既湯底分為白武骨, 赤武骨, 黑以及番茄豚骨, 作為一間拉麵店, 湯款不一定要多, 落足心機係豚骨湯上面, 亦係質素保証既一環。黑武骨沾汁麵 豚骨湯底質感濃厚, 黑武骨既黑即係加入左墨魚汁同埋黑蒜油,味道香濃可口,  食到滿咀黑蒜油香, 湯入面仲有一粒粒豚肉, 口感同味道都好豐富! 另外要一讚佢既麵條, 彈牙又粗身而且中間有坑 紋, 麵條掛湯力一絕!鹽味炙燒豚肉清湯拉麵   秋季限定,  一定要試! 湯頭以以雞同魚熬成, 味道清甜帶肉香, 炙燒豚肉除左表面有焦香外仲帶豬油香,  配上粗身爽彈既麵條同埋蛋黃濃香既糖心蛋, 推介!比目魚黃金燒  比目魚魚肉細嫩, 沾滿味道濃郁既半溶芝士, 又幾夾~唐揚炸雞外脆內嫩既雞肉冇炸得OVER, 雞肉JUICY, 配沙律醬經典又好味!菠蘿特飲有粒粒菠蘿既特飲, 不錯。

前日約同好友到旺角MOKO聚餐，我倆都好耐沒有吃過拉麵啦，所以選擇了麵屋武藏，品嚐一下日本風味的美食！進入餐廳地方非常寬闊，裝修時尚型格，環境舒適，感覺很寫意。餐牌上有秋季限定的鹽味炙燒豚肉清湯拉麵，當然要一試啦！另有3種不同豚骨湯底及蕃茄湯底，分別是極濃厚、秘製辣油和黑蒜油，而肉類款式有叉燒、豚肉、豚角煮。小食方面有好多選擇，款款都好吸引呀！鹽味炙燒豚肉清湯拉麵     $80這個是秋季限定，當然要點啦！拉麵看起來已好吸引了，炙燒過的豚肉，特別香脆可口，湯底濃郁，清甜而不膩，清香撲鼻，拉麵爽滑，非常美味。白武骨豚角煮    $79米白色的豚骨湯底，散發極濃厚的豚骨味，香氣四溢，層次豐富  ;  厚肉大塊的豚肉，一層層，肥瘦肉均勻，醬油好入味，肉質嫩滑，入口不用多嘴嚼已經化開，加上自家製的拉麵，爽滑有彈性，配搭半熟卵、紫菜、京蔥等，吃完美好滿足呢！紐倫堡腸    $58煎得非常香脆的紐倫堡腸，肉質鮮嫩，肉味香濃，口感不乾身，有肉汁，香脆可口，讃！比目魚黃金燒    $48沾滿芝士的比目魚，口感幼滑，魚肉鮮嫩，加上濃濃的芝士香，越吃越美味，很好吃。每杯 + $15 的菠蘿特飲及巨峰葡萄椰

今日同同事係Foodpanda搵野食，見到麵屋武藏買$100有$30平！勁抵啊 我地緊係唔執輸啦！但都因為之前食過呢間餐廳知道好食😆（提提大家：呢個優惠只有Foodpanda有架，大家要盡快去用啊😆😆而且拉麵無得分開裝，所以只有沾麵可以拎走。）小妹我比較中意食重味既野，所以我一定會選擇食黑武骨沾麵既😋😋佢濃郁既黑蒜味，一打開個外賣盒，就已經聞到，搞到我其他同事都好想食埋一份🤭🤭而我另一位同事就選擇左白武骨，我之前食過，都好好食，只係睇個人編好，我中意食黑蒜，咁就緊係食黑武骨啦。如果想食辣既你，可以試下佢既赤武骨。另外，緊係唔小得小食啦，我就最中意食佢既炸雞同煎餃，兩樣都係$38大大份，超值又好食，真係次次來食都必點既😚😚

這餐廳的外賣套餐亦算抵食。餐廳有外送服務，不想自取亦可以用滿$100平$30的foodpanda獨家優惠！雖然堂食有半價似乎更划算，但我覺得外賣套餐價格在$60內亦算很合理！我這天其實想吃沾麵，但考量到湯汁容易打翻，所以最後還是選了四格便當。經歷了沿路的顛簸，我覺得便當仍算很精緻的。我吃的是鯖魚豚角日式四格便當，內容物非常豐富！便當會附送了味增湯。而沙律是額外點的，裡頭有非常多青瓜、蘋果及火腿，沙律醬份量不多，但味道很足夠，好吃又健康！

今日去咗食日本嘅拉麵店。麵屋武藏來自日本，喺日本曾經獲得唔少獎項。鹽味炙燒豚肉清湯麵 $80拉麵湯底清新，適合夏天食用。鹽味炙燒豚肉用上既豚肉比較肥美，油脂豐富，但配上清湯湯底又唔會覺得太油膩。黑武骨豚角煮拉麵$79濃厚嘅蒜香豬骨湯加入黑蒜油製成嘅黑武骨湯底，香味十足，湯頭濃郁。相比一般叉燒，我自己更加鍾意食豚角煮。呢度既豚角煮係原條五花腩上檯，五花腩清晰咁展現紋理，食落口感一流。而拉麵方面，呢度既麵身採用左一般粗幼，口感彈牙，掛湯程度都唔錯。唐揚豆池魚$45豆池魚嘅大小啱啱好適合一啖一條，而且炸得非常酥脆香口，可以連埋骨一齊食，餸酒一流，配上醬汁，鮮味十足。蒜香魷魚鬚$45魷魚鬚每一條都非常之大條，厚度十足，食落口感彈牙有咬口，蒜香嘅醬汁有啲似燒汁，非常惹味。巨峰葡萄椰果特飲$15蘋果椰果特飲$15

朋友話黎緊，咁就食住等啦，因為好肚餓呀～有一本大餐牌，除左拉麵，仲有勁多小食揀，仲有呢個火之卷的秋季限定拉麵。店員送上熱茶，如果不喜，可要求冰水的。點了期間限定的鹽味灸燒豚肉清湯麵，聽到限定就特別想叫嘛。拉麵有腩片，溏心蛋半隻，蔥花同荀，賣相不像。湯底話係清湯，店員解釋話係雞同魚淆的湯，清清地鹹鹹地咁不油膩。腩肉片燒得香脆，有很多片呢。麵條吸了湯很好味，彈下彈下咁有咬口啊。仲有很流心的蛋，綿綿的好正。仲點左玉子鰻魚磯邊揚，賣相靚靚。炸得好香啊，熱辣辣正呀，仲有一碗天婦羅汁！紫菜包著玉子同鰻魚，再炸成天婦羅，又香又脆仲甜甜地，味道豐富有口感，好味呀。下層有一件茄子同南瓜，香脆不膩，同樣好好味。食到一半人越來越多了，漸漸開始等位，平日晚上也很有人氣呢。

放假，生活節奏自自然然的放慢！宅，看了一上午小說，下午出外逛逛，順便找地方吃 late lunch。到達旺角Moko已經快３點，用餐高峰已過，麵屋武藏不用排號，直接入座，安排了４人卡座。點了：#赤䐁肉片拉麵，吃日式拉麵，我喜歡辛辣湯底，這個味道好！#白叉燒拉麵，不吃辣的姊姊點這個，叉燒有點肥，湯底和拉麵都不錯！#高菜叉燒炒飯，媽媽吃這個，味道還可以，份量很足！#武藏煎餃子，這個好好味！#芝士年糕，這個也好味！22元 只小小一口。#武藏野菜燒，椰菜沒煮熟，媽媽不喜歡！

來自日本的武藏拉麵到港經典口味在香港人面前呈現黑白紅湯底中點了黑蒜豬骨湯底佐以大量香蔥味道咸鮮恰當的油份令麵條更加順滑溏心蛋糖心效果佳散發著甜醬油的芳香豚角煮炆得入味鬆化肥瘦分配平均有入口即融之感期間限定的清湯卻多了海鮮的鮮甜小食點了炸雞和鰻魚天婦羅日式炸雞份量充足肉質嫩滑彈牙芥末千島醬中和油膩感之餘為炸雞帶來些許清爽風味鰻魚天婦羅的麵衣裡包著雞蛋進一步增強鰻魚的鮮味蔬菜天婦羅甚具特色香脆麵衣大大豐富了口感菠蘿特飲甜度適中不會有人工香料味

逛完超市又到晚飯時間，女友想吃拉麵。女友選了秋季限定名為火之卷的鹽味灸燒豚肉清湯麵。豚肉表層以火灸將豚肉燒至焦香，咬下時其肉汁及及油份慢慢滲出。而鹽味湯底入口濃郁，令每口拉麵都很美味。加上蔥花、溏心蛋及筍條份量更豐富。至於 L 則選了燒豚拖羅，其番茄薯仔濃湯湯底酸酸甜甜，很開胃。再配半熟玉子、豚肉片、蔥花等令拉麵整體更有特色。至於玉子鰻魚磯邊揚，鰻魚入口味美保留其鮮味，而且值得一讚是 天婦羅粉不會太厚而且味道帶甜沒有油膩感南瓜及茄子，蒜香魷魚鬚表面塗上沙律醬，魷魚亦不會難咀嚼，加上蒜香汁非常惹味，沾到檸檬汁令鮮味更加突出。菠蘿特飲及巨峰葡萄椰果特飲，前者偏甜但菠蘿份量都很多而後者則有椰果口感煙韌。小麥茶溫和又夠茶味，而且店員亦會主動斟茶，保持茶溫。

武藏拉麵其實係計個商場都有分店，例如觀塘APM今日經過moko見到又肚餓想食拉麵就試下先！Moko分店面積都幾大～唔會好侷促亦都有卡位，較有私隱性傾偈都算一個好地方～拉麵湯底主要分左3款分別1⃣️黑蒜油2⃣️辣 3⃣️蕃茄仲有沾麵佢唔似一蘭、一幻or豚王等日本著名拉麵店咁可以選擇拉麵硬度及粗幼所以如果要食正宗拉麵就可能會有啲失望啦～🌟蕃茄燒豚拖羅拉麵（$85）平時飲嘅蕃茄薯仔湯底飲得出係冇咩味精～唔會好「結」較為水～健康的味道🤣燒豚肉微焦的味道夾集少少甜味不錯🌟黑蒜油叉燒拉麵（$78）叉燒肥瘦適中～叉燒的肉香加上黑蒜油的香味兩者配合得恰到好處～美中不足係湯底可以再濃厚些🌟玉子鰻魚磯邊燒（$42）天婦羅南瓜同茄子不會炸得之後麵粉及油還食到蔬菜本身的鮮甜一塊紫菜包住玉子包住鰻魚口感非常豐富值得一試！🌟 山葵手羽（$42）雞翼炸得剛剛好～非常可口雞皮帶有wasabi味不太辣除了wasabi味仲有柚子醬點綴好味！🌟菠蘿特飲 & 雜果特飲 （各$15）兩杯都較爲人工化😂😂😂而且有點甜不是我口味🌟🌟價錢完全對得住質素可以casual食個飯同聊天gathering小地方上菜夠快環境亦舒適～

真係估唔到拉麵都可以做到外賣，除左拉麵之外，仲有丼飯同便當可以選擇，價錢都係48~78蚊，仲有汽水非常抵食。今次就係麵屋武藏試左佢既沾麵外賣叉燒沾汁麵 $79(美味指數: 😋😋😋😋)我地嗌左一碗白武骨一碗黑武骨，白武骨就係豬骨魚介湯，中意食濃味既朋友可以揀用黑蒜做成既黑武骨。特制拉麵中間坑紋掛湯力十足，而且麵比較粗身煙韌彈牙，湯底入面仲有豚肉粒。另外叉燒肥瘦適中，溏心蛋有醬油香好好食武藏煎餃子 $38(美味指數: 😋😋😋)雖然外賣餃子但外皮仍然香脆，入面既豬肉餡飽滿，有肉汁武藏炸雞 $38(美味指數: 😋😋😋😋)炸雞炸粉唔會好厚，非常酥脆有肉汁，配埋佢個芥末沙律醬汁非常惹味😋整體食物質素：3.5 / 5💰性價比：3.5 / 5👍推薦指數：3 / 5