麺屋こころ

營業中

休息中

今日去左呢間白色為主嘅日本拉麵店，我係俾佢嘅環境同埋門口嘅甜品餐牌吸引左入去試，佢嘅拉麵湯底，都係奶白色嘅😆🍜雞白湯拉麵【$99】雞嘅湯底，呈奶白色，味道十分濃郁，叉燒都夠淋，如果多多一兩塊叉燒就仲好喇😆🍜豆乳白味噌肉白湯拉麵【$109】湯底奶白色，香濃奶味及豆乳味，但又唔會覺得膩，叉燒夠多🍜鹽味拉麵套餐【$89】👶🏻兒童餐，湯底清清地，適合兒童，有飲品有玩具👍🏻🐔炸雞球3件【$33】炸雞無咩特別，個人覺得有啲貴😅🍦抹茶新地【$75】有幾個層次，最底層係芝士蛋糕，中層焦糖餅，面層有啲cream有麻糬，有雪糕🥤抹茶拿鐵【$30】抹茶味香濃，夠滑

今日去元朗探朋友，我當然問朋友元朗有咩好介紹。佢推介左YOHO mix 日本人氣過江龍拉麵店Kokoro經過門外已經比佢地嘅日本風裝修吸引住，環境乾淨座位闊落非常適合打卡。 佢哋嘅食物質素相當唔錯。今次叫咗柚子鹽味拉麵- 湯底香濃而且帶有淡淡柚子味非常醒胃，麵質煙韌適中，配上嫩滑嘅叉燒加埋溏心滷蛋，朋友也讚不絕口仲話可以食番東京嘅味道👅平時食開日本拉麵總是有熱湯的，第一次試日本撈面令我一試愛上左。 我揀了正宗全料東京撈麵，材料豐富有自家制麵條煙煙韌韌，腩肉，辣肉碎，溏心蛋，紫菜蔥花，竹筍配埋生蛋同醬汁拌埋一齊食口感豐富，啱晒夏天食👍紫薯latte- 飲品外觀已好吸睛，味道也不太甜，紫薯味香濃，prefect match~

路過元朗，見到鋪頭門面個覺得幾吸引，成個白雪雪比人感覺好乾淨，於是乎入去試吓🤩呢道環境好舒適，好適合享受下me time❤️🫶🏻明太子忌廉撈麵呢道撈麵以明太子為主料，搭配濃郁既忌廉醬，口感十分滑順🤤麵條煮得恰到好處，彈牙之餘又唔會過軟，與醬汁結合非常完美👍🏻明太子既鮮味與奶香相輔相成，令整道菜品充滿層次感。此外，仲有蔥花點綴，增添左風味同視覺效果🥰🥰🫶🏻紫薯拿鐵紫薯拿鐵既顏色十分吸引人，呈現出美麗紫色，視覺上十分誘人😍紫薯既香甜與咖啡濃郁完美融合，令人每一啖都可以感受到唔同既風味❤️奶泡質地細膩，增加左飲品豐富感☺️☺️

元朗呢間日本隱世麵店，店內環境白雪雪，感覺好舒適，店舖除咗有拉麵食之外，仲有小食同飲品比你揀。由元朗地鐵站C出去，去YOHO MALL，真係夠哂方便今次試咗 [ 柚子鹽味拉麵 ]，又抵食又大碗，個湯底清淡但夠味，柚子香氣令整碗拉麵有種清新感，飲落去好舒服。麵條滑溜，吸收哂啲湯汁，食落仲有一陣柚子香同一般餃子外形唔同嘅 [ 雞皮餃子 ] 餃子皮係用薄脆香口嘅雞皮包住，咬落餡料鮮嫩多汁，餡料分分量多，食落味道豐富食拉麵配番杯 [ 紫薯拿鐵 ] 色澤好靚，由最底層嘅深紫色到淺層嘅淺紫，好夢幻嘅感覺，飲落去甜而不膩，紫薯香味同咖啡完美融合，好味道麺屋こころ朗樂路1號元點1樓B101-B102號舖

呢間白雪雪日本麵屋好搶眼，係元朗yoho mix，環境乾淨舒適。今次我地試左明太子忌廉撈麵同豆乳叉燒拉麵🍜兩樣都超好食呀！呢個撈麵係好得意嘅，因為有多重食法：首先佢係冇湯， 一開始將個面」麵撈勻食，食少少再加入黑胡椒，食到剩返三份一，可以再加啲黑醋落去。三個味道完全不一樣體驗，好有層次！如果食晒個麵唔夠飽嘅仲可以問店員拎一小碟免費嘅飯撈埋啲醬汁食。我自己就覺得好飽啦，因為呢個叫咗大size！另外個豆乳叉燒拉麵，朋友都話超級好食，我試咗個豆乳湯，非常濃郁，有好香嘅牛油同奶味，最緊要係豆乳味都好出，麵條超滑口，同埋叉燒片好多，性價比好高，。最後仲order咗一個大杯嘅抹茶新地，呢個我真係幾推薦，一層層好多嘢食，食到最底係一舊芝士蛋糕嚟，有啲意想不到！抹茶雪糕係用3.7北海道牛奶做，味都好香，好滿意嘅一餐！推薦比大家 🤩🤩🤩

食物可以，但出餐比較耐，侍應服務一般，服務態度沒有笑容，感覺唔親切，尤其我不是 Yoho 住戶的態度感覺睇不起人，不會再去🫤新城市廣場分店比他們服務好很多，態度親切

在元朗地鐵站C出口一出走入Yoho Mix （Yoho mall第三期）就發現到這家裝修超有型格的麵屋有別一般傳統麵屋這家日本品牌更似cafe 給予食客一種年輕新潮有個性特別喜歡這裏除了麵食外還有以日本手作茶為主的飲物副線抹茶控如我又可以享受一杯日式抹茶🍵這個東京品牌據知在日本獲獎無數全球遍佈分店大力推薦他們的經典款東京撈麵系列！微辣肉燥非常好味令人不禁一口接一口吃清光中途可按建議食法加入昆布醋及黑椒層次更佳最值得大讚的必定是店家每日新鮮手製麵條比起其他日本過江龍麵店我認為更勝一籌呢口感好彈牙好掛汁非常襟食另外推薦一下雞白湯拉麵雞湯好有膠質好濃郁拉麵麵條比較幼身同是自家製的好有誠意啊最後最後一定是大推一下抹茶latte全餐相當滿意👍

麵條很特別, 醬汁有點鹹, 豬肉和雞蛋煮得很好冷萃咖啡配上起司味道非常好味香滑傳統的白湯雞麵還可以，沒甚麼特別冰果茶不夠冷，而且沒有冰, 味道不夠好環境和座位明亮、寬敞、舒適食物價格合理，但飲料價格有點高服務不太好，尤其是收銀台的服務員

元朗麵屋最近成為我嘅新寵！今次試咗佢哋嘅招牌「正宗全料東京撈麵」，一上枱就俾個份量嚇親，滿滿嘅配料鋪滿成個碗，睇見都流口水。自家製撈麵底夠彈牙，掛汁能力一流。最正係佢哋嘅豬腩肉，肥瘦適中，入口即化，配上生蛋黃撈勻之後，成個麵嘅口感即刻昇華。辣肉碎唔算好辣，但香氣十足，同埋啲脆脆嘅竹筍好夾。溏心蛋煮得剛剛好，蛋黃流心嘅程度簡直完美！紫菜同蔥花韭菜加埋一齊，帶出清新嘅味道，仲有啲生蒜同魚子提鮮，每一啖都係享受。飲品方面試咗紫薯拿鐵，顏色好靚，紫薯味濃郁得嚟又唔會太甜，飲落好順滑，同撈麵出奇地夾。整體嚟講，呢個全料東京撈麵真係好足料，一碗落肚超級滿足，絕對值得再encore！百零蚊有咁豐富嘅一碗麵，性價比幾高。

最近發現咗元朗形點有間隱世拉麵店「麵屋」，啲拉麵真係好有驚喜！我本身係味噌控，所以一嚟就試咗佢哋嘅豆乳白味噌拉麵，嘩！個湯底超級濃郁，豆乳嘅香滑同白味噌嘅鹹香mix埋一齊，簡直係絕配！仲有啲油揚(炸豆腐皮)，索晒啲湯汁，好好味！另外，佢哋嘅正宗全料東京撈麵都好正，啲配料勁豐富，撈埋啲醬汁，酸酸甜甜好開胃。鍾意食小食嘅朋友仔，一定要試佢哋嘅牛油醬油枝豆，牛油香氣撲鼻，枝豆又夠入味，忍唔住一啖接一啖！佢哋嘅餃子都好有特色，鳥軟骨餃子同雞皮餃子都好脆卜卜，而且餡料好足，食落去好juicy。

今次專登去試「肉之地獄」—山椒胡麻冷撈麵，一食就知係夏天救星！ 首先，個賣相已經贏晒，滿滿的肉，撈勻之後每條麵都掛住濃郁嘅芝麻香，入口又滑又彈牙！山椒嘅微辣同胡麻嘅甘香完美配合，初頭係芝麻嘅醇厚，跟住山椒嘅辛香慢慢滲出，越食越上癮！🌶️💦 配料都唔馬虎，有紫菜同溫泉蛋，撈埋一齊食，口感層次超豐富！尤其係隻蛋黃撈勻之後，成個醬汁更加creamy，但完全唔會膩，反而更加開胃！🥒🍳至於個野菜盛，有齊多款新鮮蔬菜，爽脆嘅蓮藕、南瓜同蕃薯，配埋個冷麵一齊食，balance得啱啱好！

今日晏咗食lunch, 去到唔洗排隊，但都多人食。第一次食日本過江龍嘅台式撈麵。叫咗個近期喺日本比較多人食嘅芝士撈麵同綠茶梳打。粗麵，彈牙，芝士味道唔係好濃，質地拉到絲，撈埋有少少辣嘅汁同肉碎，幾好食，下次再去想試吓佢招牌果款撈麵😊綠茶梳打正常，微甜。因為今日著白色tee, 有位男店員好好人，話怕我撈麵時會彈到件衫，所以拎咗條圍巾俾我，非常貼心服務，讚👍🏻

最近一次喺元朗覓食😙，我品嚐到了砂鍋濃厚咖哩麵和溶岩芝士撈麵，兩道菜都讓我驚艷不已。砂鍋濃厚咖哩麵的湯頭濃郁，咖哩的香氣撲鼻而來，讓人一口接著一口。麵條彈牙，吸附了濃厚的湯汁，每一口都充滿了滿足感。搭配新鮮的蔬菜和嫩滑的肉類，讓這道菜的口感層次更加豐富，讓人欲罷不能。而溶岩芝士撈麵則是一場味覺的盛宴。溶岩般融化的芝士在麵條上形成一層美妙的覆蓋，讓人垂涎欲滴。每一口都能感受到芝士的濃郁與麵條的Q彈，搭配特製的醬汁，讓這道菜的風味更加出眾。總的來說，這兩道麵食不僅口感絕佳，還展現了廚師的用心與創意, 下次要encore

之前聽朋友講過呢間拉麵店係日本好出名。前排同男朋友係yoho行街見到，決定入去醫下肚，果然係人氣店🤩🤩雞白湯拉麵雞湯熬製成奶白色，味道好濃郁順口🤩🤩。雞肉唔會乾韌、叉燒又軟軟嫰嫰、仲有我好中意既溏心蛋。最後忍唔住飲哂啲湯，滿滿既骨膠原。叉燒豆乳白味噌拉麵呢個配搭估5到咁夾，味道溫和醇厚又帶點甜味。豆乳同白味噌都好香。叉燒份量都幾多，性價比高！總括，兩款麵都好味🤩🤩yummy！下次再黎食先

裝修簡約時尚，以白色為主調，配以木質元素。餐廳採用明亮嘅燈光同開揚嘅座位設計，氣氛輕鬆舒適，適合一家大細或者朋友小聚。餐桌上精緻嘅調味品同埋使用指南，展現咗餐廳對細節嘅重視。📍明太子忌廉撈麵明太子忌廉撈麵賣相十足，金黃嘅蛋黃配搭住啲朱紅色辣絲，再加上鮮綠嘅蔥花同香濃嘅海苔，色彩層次豐富到爆！第一啖落口，啲忌廉醬香滑得嚟又唔會太漏，明太子鹹香惹味，同自家製麵條混埋一齊，簡直係絕配！叉燒片厚身彈牙，入味十足。尤其係個蛋黃半熟狀態，拌埋啲麵，令成碗嘢更加濕潤，食到停唔到口！👅📍鳥軟骨餃子 外皮酥脆到爆，一咬即發出「卡嚓」聲，內餡係細細粒嘅雞軟骨同肉餡，口感鮮明又特別，有脆有嫩。個餡料調味到位，香辣惹味，仲帶有淡淡嘅蒜香。炸得恰到好處，唔會過油膩，反而令人越食越上癮！簡單嘅外表下藏住驚喜嘅口感，每一件都有住香口脆卜嘅魔力，絕對係搭配麵食嘅完美小食！💯餐廳提供嘅調味料組合好細心！😊 辣椒醬香辣過癮，芝麻油清香四溢，仲有特製嘅蒜蓉醬，全部都係提升麵食層次嘅好幫手。🔹🔹🔹🔹🔹🔹🔹🔹🔹🔹#麺屋元朗朗樂路1號元點1樓B101-B102號舖🔸🔸🔸🔸🔸🔸🔸🔸🔸🔸