111
34
3
港鐵尖沙咀/尖東站 B2 出口, 步行約3分鐘 繼續閱讀
電話號碼
23601212
營業時間
今日營業
12:00 - 15:45
18:00 - 22:00
星期一至日
12:00 - 15:45
18:00 - 22:00
*午市最後落單時間: 15:15 晚市最後落單時間: 21:30
付款方式
現金
座位數目
28
其他資料
加一服務費
食評 (174)
等級7 2022-06-11
375 瀏覽
今個週末又是食日式拉麵的日子;身處尖沙嘴,其實有不少選擇。不過,想找一間真正拉麵小店,而並非什麼都有的居酒屋;第二,要之前從未光顧(包括其他地區分店)的日式拉麵店。上網搜尋一下,綜合兩個條件,範圍就縮窄至只剩下幾間拉麵店,最終揀了「麺処一家」。「麺処一家」開業三年多,一直在厚福街中段。與厚福街其他食店一樣,門面狹窄、店舖內裡面積細小,如果不小心的話,很容易錯過。拉麵店採用全玻璃門面設計,客人排隊期間,也可看見店舖內裏情況。門面玻璃貼上了店主兼大廚的簡短網上訪問。一如其他本地拉麵店,老闆十分鍾情食日本拉麵,每次去日本旅行,必定會上日本知名飲食網站 tabelog 搜尋排名高、得分高的拉麵店逐間試食。有一天,找到了一間很喜愛的拉麵小店,甚至下定決心,三顧草廬邀請老闆到香港開分店。雖然那間小店的老闆婉拒了邀請,但仍然願意將煮拉麵技巧、日式叉燒烹調方法及拉麵靈魂熬煮湯底秘方等等傾囊相授。決定了開「麺処一家」後,老闆一方面打理香港紅酒生意;另一方面,每個星期飛到日本學習幾天。回到香港,又因應本地食材及港人口味調整湯底材料及配方;日本麵店的老闆甚至親身來到香港協助調校湯底配方。既有傳統日式拉麵小店的開放式廚房及拉麵吧檯座位,又有新派拉麵店的裝修風格及小餐枱。以本地拉麵店來講,用餐環境也算舒適。更加估唔到嘅,小店雖小,只有20號座位左右,但竟然有四位廚房員工(包括老闆兼拉麵店大師傅)及三位服務員,人手足夠有餘。小小的開放式廚房內有兩大桶正在沸騰熬煮的拉麵湯底。四位師傅:一位專責淥麵,一位負責處理火炙日式叉燒,老闆兼大師傅負責湯底,最後一位負責出餐前的其他最後工序。秉承日本拉麵小店作風,獨孤一味只有一款湯底:濃厚豚骨魚介醬油湯底;甚至沒有拉麵店的常見小食煎餃子。第一次食,必定推介料理長の選択($108),貪其可以一次過品嚐老闆特別炮製的兩款不同口味的日式叉燒。當然還要加多一隻溏心蛋(加 $10),這樣就可以一次嚐儘小店所有出品。店員端上拉麵後,熱辣辣的香氣已經撲鼻而來。賣相同餐牌上的照片接近一模一樣,做到了日本拉麵店一絲不苟的認真及堅持,抵讚!這一份認真,很多本地小店固然未能做到;甚至某些來自日本的過江龍拉麵連鎖店也未必做得到!有別於其他拉麵店的原片乾紫菜,改為加入一大撮紫菜碎,每啖湯、甚至每啖麵條也可沾上紫菜。湯底濃稠適中,表面凝固了一層薄薄膠原脂肪;入口味道濃郁、少少黏口,只稍為偏鹹了一點點。除了豚骨及醬油味道之外,滲入了魚介鮮甜,魚鮮味突出;比起其他拉麵名店的豚骨魚介醬油湯底,絲毫未見輸蝕。幼身麵條的柔韌性處理得夠好,入口滑溜、彈牙煙韌、軟硬適中;差不多沒有鹼水味,完全沒有嗆舌頭。小編最鍾意這種日式拉麵質感。溏心蛋經過醬油浸煮,剛剛全熟的蛋白很入味。鮮橙紅色的溏心蛋黃賣相吸引,蛋黃流心、蛋香濃郁。兩款日式叉燒分別是慢煮豬肩肉及火炙豬腩肉。望見每片豬肩肉纖維結實,又完全沒有半點脂肪軟膏,以為入口粗嚡,原來軟滑腍身、肉質綿實但鬆軟。火炙叉燒採用豬腩肉先捲紥、再浸煮制作而成。切成片後每片叉燒肥瘦相間,放上拉麵碗前再經過火炙處理以引出脂肪香氣。入口同慢煮豬肩肉完全不同,既有軟滑豚脂,又有鬆化豚肉。不容錯過放在火炙叉燒上面的一丁點秘製辣醬,香辣惹味、辣香濃郁,配合同樣重口味的火炙豬腩肉,一絕!拉麵出品確實值得稱讚、很好味,亦很有日本拉麵小店風味,無論湯底及叉燒也做到了自家特色,兩款叉燒同樣好味道。估唔到中途出家、人到中年才學煮拉麵的老闆,竟然做得相當成功。雖然價錢並不便宜,同不少出名過江龍拉麵店不相伯仲,但作為本地小店,絕對值得支持! 繼續閱讀
🚦麵処一家(尖沙咀)厚福街是一條美食街😋淨係拉麵都有幾間麵処一家之前已經有所聽聞,今次特登嚟試食佢嘅麵底!到底係何方神聖,可以咁多人推薦!🧑‍🍳料理長の選択🧑‍🍳$108(火炙豬胸肉加慢煮豬肩)8.5/10【魚介湯底出色】先講原味🧡魚介醬油湯底超級濃郁!完全就係平時食蒸魚會食到啲魚骨嘅味道而且醬油鹹甜適中,非常惹味😋係一個非常之濃郁嘅湯底如果鍾意魚湯嘅話會想飲晒佢🤤兩款叉燒入面,豬肩肉比較好食因為嗰邊邊位用咗黑椒燒🐖麵嘅軟硬度適中配料有荀、柴菜、洋蔥、蔥🧅幾樣嘢嘅味道都唔會太搶最後要講一講溏心蛋調味係啱啱好嘅鹹甜,流心超靚🥰👩‍🍳料理長の選択👩‍🍳$108(辣醬+$5)(火炙豬胸肉加慢煮豬肩)8/10【原味更好】就算我自己鍾意食辣我都係會揀翻原味🫠店員有講佢係屬於中辣,我話冇問題最後的確辣到適中(平時譚仔小辣)🌶但因為辣醬冚過咗魚介湯底嘅香令到湯底嘅味道比較失色其他嘢基本上同面原味一樣🧘‍♀️特製加麵底$1510/10【大力推薦】呢個替玉係必叫嘅✅✅✅就咁食都會食得出嘅魚介味唔係淨係有麵除咗精心調味之外仲有少少肉碎同蔥$15抵到爛!😚係我見過最有心機嘅替玉🫶整體8.5/101️⃣好好食😚有機會會回訪🫶CP值正常!價錢符合質素😚2️⃣佢哋嘅Menu選擇得三個拉麵,再一次證明貴精不貴多🤔專注做好一個湯底,所以真係好出色😆3️⃣位置就喺尖沙咀厚福街非常之方便,而且平日夜晚七點入座唔使排隊🫣但可能係因為嗰日落大雨少啲人4️⃣入邊嘅環境好舒服,有足夠嘅空間同位置,唔會太嘈👍5️⃣特別注意淨係收現金⚠️嗰日唔夠cash要特登出返去㩒,真係唔好意思🥹6️⃣服務好好🫶店員好細心,見我等緊男朋友撳錢叫我坐低先🧡有足夠嘅人手,主動斟水🫗🔖鍾意我嘅分享就follow我啦💌 繼續閱讀
(以上食評乃用戶個人意見 , 並不代表OpenRice之觀點。)
等級3 2022-06-21
29 瀏覽
Ramen Ikka offers 3 options on ramen - imoto (sister, slow cook pork shoulder loin), ototo (brother, abura pork belly) and kyodai (siblings, a mix of both choices). You may add $10 if you wish to add an ajitsuke tamago.The ramen was served in a warm bowl, which I really appreciated. The broth was very thick, rich and slightly greasy. So divine that I finished all the broth but left over some noodles.The charsiu was honestly too small. The one in slow cooker was like the cooked ham we put in a sandwich, especially with the pepper rind. The seared pork belly had a balanced fat and meat layers, but too thinly sliced that I couldn't enjoy the texture of it. Would be better if they could combine the two pieces into one. The egg was nicely marinated and very jammy. One thing I didn't like was the air-conditioning. Too cold that cooled off the food so quickly. 繼續閱讀
(以上食評乃用戶個人意見 , 並不代表OpenRice之觀點。)
等級2 2022-06-14
0 瀏覽
見完工,放縱開心d🤟​​呢間麵店有選擇困難都冇問題,因為得3種選擇而已🤣​​真心講不論湯底及肉食都好好味,而且我個人喜歡個湯底唔似其他拉麵店勁死咸,咸度適中。肉類唔孤寒,是屬於厚切👍😋​而隻雞蛋真係做到流心,冇過火。​​再配上杯清啤酒🍺爽​​呢間真心有下次 繼續閱讀
(以上食評乃用戶個人意見 , 並不代表OpenRice之觀點。)